دام الخيانة من ملك وشلون حال المملكة..

قبل أبتدي عندي طلب ..
ركِّز
طلب ماهو " رجاء " !
ما أبي تجاوبني ..
ولا تستغرب إني أسألك

لا تنصدم من عزلتي حالي مثل : أبو العلاء
عندي سبب : ما تستحق إنِّي أجيك و أوصلك

لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك ..
قلت لك !

هذي القصيده مصنِّفه في دفتري قصة " رثاء "
حبٍ يموت وتنولد ...,,
وحبٍ يعيش ويقتلك !

ناديت لك ياما ..
ولا لبِّيت لي , وضاع النداء !
مبحوح صوتي والصدى من كثر ما ناديت علا !

أقرب من ثيابي علي وأبعد من نجوم السماء
ورغم إبتعادك والتعب ..
أرسم طموح وأمهلك ..

ما كنت لي الداء وأنا ما كنت لـ جروحك " دواء " ..
ما عشت في دنياي لي !!
عايش ولكن عشت " لك " !

علمتك القلب الوفي ..,
ما يخذلك فيه " إنتماء " !
وعلمتني كيف العشم في من تحبه .. يخذلك !!

علمتك إن أصل الهوى يرجع لـ كلمة " إحتواء " !
وعلمتني إن الهوى ,
ما عاش يوم بـ داخلك !

علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..
ساحلك !
ما تستحي ,,
ودامك كذا ؟
- إفعل حبيبي ما تشاء !
توِّي عرفت إنِّي كثر ما أعْرِفِك ..
كنت أجهلك !

ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!

ما عاد تفرق غيبتك أو رجعتك .. عندي سواء !
كنت إهتمامي ورغبتي ..,
والحين دوري أهملك !

لا صار قلبي لك وطن ..
أبسألك وين الولاء ..؟
وشلون حال المملكه ؟
- دام الخيانه من ( ملك ) !

إن كنت جاهل ..!
" لعبتك قلبي " وما فيها ذكاء
حتى الطفل إن جبت له [ لعبه ]..
- ولاءه صار لك !

قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى ..
ركِّز علـى " مستقبلك " !
:
للشاعر: أحمد الصانع


مما رااااق لي..

ريحانة..

صح لسانكـ وعلا شانكـ ولسان شاعرها

بصراحهـ روعه واعجبتني كثير

ربي يسعدكـ

صح بدنك..

و تسلملي طلتك الحلوة..

صح لسانكـ ولسان شاعرها

ويعطيك العافيه

يسلمووووو ع مرورك الطيب

الله عليك ياريحانه

من جد رووووعه

يعطيك العافيه

والله روعه
واستمتعت وانا اقرأها

الله يعطيك العافيه على هذي التحفه

الاروع مروركم..

فديتك ريونة

تسلم اخوي سعودي..

روعه كروعتك سيدتي سلمت اناملك على مانقلت لنا من ابداع يارمز الابداع

يسلـم لنـآ قلمك آلمبدعَ ..
انتقـــــــاء قمه في الروووووعه كـ روعة حضورك ..
كمـآ عهدنـآك رآئعة بكل مآفيـكَ ..
دآم لنـآ آبدآعك ..
لاهنتي