|
|
 |
 |
 |
|
 |
||||||||
 |
 |
| [ابكتب من قصيدي الوزن وغيرهـ من شعر منثور] { .. هنا يطرح كل ما يتعلق بالشعر من قصائد مكتوبة او منقولة مع الاشارة الى اسم كاتب القصيدة .. } |
 |
|
|
أدوات الموضوع | انواع عرض الموضوع |
02-09-2021
|
#1 |
|
ياوجودي
ياوجودي كل ما هبّ نسناس الشمال وجد من حدّه زمانه على اللي ما يبيه ويا وجودي كلما اضحيت ثم مال الظلال لا غفت عيني ولا ذقت شي ٍ مشتهيه وجد من قفّى وهْو في رجا كلمة تعال وإلتفت من عقب ماْ اقفى ..ولا أحد ٍ لدّ فيه..!!! ويا عذابي لا دنا الليل من روس الجبال وانتهى يوم ٍ من العمر ما عاد أرتجيه.. وانتي أبعد من سما الحلم ووصالك محال يا بعد من هلّ دمعي ضحى الفرقا عليه.. يا غناتي لا تحسبين دمعي يوم سال ضعف ولاّ خوف ..ولاّ كذا ولاّ كذيه !! والله إني من رجال ٍ يضدّون الرجال لكن الحظ ّ الردي ..ساق دمعي كل أبيه !! ووالله إني كلما دار حوليك الجدال قمت كنّ الموت يشّر على قبرى بديه !! ووالله ان قد لي وانا اصّد لا جالك مجال صدّة اللي لا تضايق تذكّر قبر أخيه ! ومن سألني قلت مدري..وإذا عاد السؤال قلت له تكفى سؤالك ترى ماهو وجيه !! وش تبيني اقول عن من ترى ذبحي حلال ؟ والخطا منها عليّ..صرت أحبه وأهتويه!! عذرها لو ماْ تْعذّر مثل واضرب مثال.. واحد ٍ ما يعرف الحرّ الاشقر يشتويه !! وان رجعناللتواصيف لله الكمال لاْ انتهى ليل المزايين جاتك تبتديه ! كنّها غفل ٍ مع البدو طاويها الحيال ما يميّز وصفها إلا نبيه ٍ من نبيه.!! وآهني اللي وصلها وذاق من الزلال شربة مع غفلة الناس من فيها لفيه ياْ اول أحلام الطفوله على حد ّ الخيال الرجى باللي حمى البيت من حملة بريه.. حال دونك سيف عنتر وتاسع حول حال باْثر حول ٍ حال دونك وانا ادعى هيه هيه !! هيه ياللي غرّك الحسن واطغاك الجمال والله أني اموت ما شفت لأوصافك شبيه !! لو يسام الحسن والتيه بجنيه وريال ما بقى في سوق غيرك ريال ولا جنيه !! كيف أهدّك للمقادير وانتي راس مال؟؟ راس مال ومال..والمال ماْ يغطي السفيه !! حافظك حفظي لعيني ورمشي لك جلال وانتي تْشحّين بالما..وانا شفّي مويه !! شايف ٍ ظلمك وساكت وطال الليل طال لا نويتي طعن قلبي وانا ما قلت ليه… لو بقى للهيل صبر ٍ على فوح الدلال ما بقى للهيل صبرٍ على شي ٍ يجيه!! وانتي تْسوقين عقلي على حدّ الهبال تحسبين ان من بغى شي ..يقدر يشتريه !!! ولاّ انا يا وجد حالي وجود ٍ ما يقال وجد من ضحّى بغاليه لْرضا والديه… ويا وجودي بأول العمر قبل ألبس عقال وجد من باع آخر العمر ..في رغبة ذويه !! ويا وجودي كل ما هبّ صوتك من شمال وجد من حدّه زمانه على اللي ما يبيه !!! |
|
|
02-10-2021
|
#2 |
|
الله يعطيك العافيه ويكثر من امثالك اخترت الموضوع المناسب بمعلوماته احترامي مجنون |
|
|
|
02-10-2021
|
#3 |
|
الله يعطيك العافيه على الطرح اللي كله ابداااااااع حضوري شكر وتقدير لك ولاهتمامك في مواضيعك اخوك نجم الجدي |
|
|
|
02-10-2021
|
#4 |
|
|
الله يعطيك العافيه على الطرح اللي كله ابداااااااع حضوري شكر وتقدير لك ولاهتمامك في مواضيعك اخوك نجم الجدي |
|
|
|
02-10-2021
|
#5 |
 
|
آعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ كُْلَ مَآتَجَلَبَهْ أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ وُدِيِّ |
|
|
|
02-10-2021
|
#6 |
|
|
الاروع هو حضوركم الباذخ اسعدني تواجدكم ونثر حروفكم العطره مودتي التي لا تفنى |
|
|
|
02-11-2021
|
#7 |
|
سلمت يمناك طرح جميل جدا |
|
|
|
02-11-2021
|
#8 |
|
جمال الاختيار خلفه ذآئقة جميله جدا تعرف ماذا تقدم محتوى الطرح اكثر من راقي من الاعماق اقدم لك شكري واحترامي ليل المواجع محمد الحريري  |
|
|
|
02-11-2021
|
#9 |
|
|
الاروع هو حضوركم الباذخ اسعدني تواجدكم ونثر حروفكم العطره مودتي التي لا تفنى |
|
|
|
02-12-2021
|
#10 |
 
|
بين مواضيعكم نجد المتعة دائما وفقكم الله لقادم اجمــــــــــل ...................................... |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ياوجودي كل ماتطرى | غريب الديار | الشـيلات الصوتية | 22 | 10-01-2020 01:13 PM |
| ياوجودي على الماضي | طهر الغيم | [ابكتب من قصيدي الوزن وغيرهـ من شعر منثور] | 22 | 04-11-2019 11:45 PM |
| شيلة || ياوجودي وجد طفل ذاق همه من سنينه | ضامية الشوق | الشـيلات الصوتية | 24 | 07-29-2018 06:16 PM |
| شيلة..ياوجودي | برّاق | الشـيلات الصوتية | 17 | 09-02-2016 07:15 PM |
| ياوجودي على خلي | ابو هاجر الزهراني | [ابكتب من قصيدي الوزن وغيرهـ من شعر منثور] | 8 | 07-16-2009 08:52 AM |
 |
العرض العادي
