ترى ما يجرح العاقل من الدنيا .. سوى المعقول!!

(صعب أسهل ) بدايات الرجوع لـ سكة المجهول
.............................بعيني والرجوع (اصعب) بداياتي من (اسهلها)



من اول رحلتي فيني .. طعن زهر الشباب ، ذبول
.......................وش آخرها.؟ مدام اقسى طعوني جت ، من اولها!!




(خيالي ، واقعي) شفته يحيّر في فضاه عقول
................................ من المعقول يرسم لي حقايق.. ما تخيلها




ترى ما يجرح العاقل من الدنيا .. سوى المعقول!!
.................................وانا المجروح من دنياي ..لو ما كنت عاقلها




ورى مستقبلي الماضي إلى الحاضر ، وش المحصول
.............................إذا الماضي من ايامي أشوف الظلم بـ اعدلها




هنا.. ضمّتني احزاني ..بعد ما غبت لي كم حول
................................. هنا.. سكّين لـ معانق شرايين الفرح ولها




هنا.. علّقت دمعاتي على اقدام الليال .. حجول!!
................................. هنا .. ما حنّت البسمة علي وقلت ازعلّها




هنا.. والا (هنا).. يكفي ، عجزت اوصف ، عجز آقول
...............................عجزت اجمع ألم بابل .. حزن دجله واموّّلها




عجزت آروّض بـ صدري صدى جرح وجموح خيول
...................................أنا مدري غضب والا بـ قلبي تلعب وتلهى




وقفت ..وما وقفت الا .. ادوّر للحلول ..حلول
................................. ابعثر ما ورى نفسي ..إلين اثقلت كاهلها




تعبت احمل من الذكرى على المتن النحيل ..حمول
.............................وانا نفسي وهي نفسي وربي ..ما تحملها




لأني كل ما أقرب ، اشوف ان الطريق يطول
.........................وهو صعبٍ علي ارجع .. والاصعب كيف اكمّلها؟!!




أخاف ارجع والاقيني على هاك الـ (هنا) مقتول!!
............................. واخاف امشي لآخرها واشوفه .. يشبه اولها

رووعة وفي قمة الابداع
سلمت يدآك..على جميل طرحك ورقيه
يعطيك ربي العافية..بإنتظار جديدك بكل شوق

سلمت يمنــآك
طرح جميل جدا

فيضَ مَنَ الجَمــالْ سكبتهْ
اناملك المَاَسيَةَ هنا
طًرّحٌ مٌخملَي
يعطَيك العآفية ..دمت بخير

طرح رائع
يسعدك ع النقل

رووعة وفي قمة الابداع
سلمت يدآك..على جميل طرحك ورقيه
يعطيك ربي العافية..بإنتظار جديدك بكل شوق

صح لسانك ولسان شاعرها..
ابيات رائعه
سلمتِ

تسلم ايدك ويعطيك الف عافية
بانتظار جديدك
تحياتي

اختيااار رووووعة للموووضوع
وذووووق

يعطيك العااافية وشكرا

يعطيك ألف عافيه ننتظر جديدك......