الشاعر تركي بن عطا الله الميزاني/ قصائد صوتية , كتابية

الخلطة السرية

للتحميل
اضغط كليك يمين واختار (حفظ الهدف بإسم)


ياعذابي منك ياموتي وحرماني
زابنك بلله تخفف عني اللي فيه
من عذابك وش هو اللي باقي ماجاني
في عيوني من عذابك صايرن ماريه
وانت تدري كل ماتحتاجني تلقاني
يشهد الله عنك ماتقدر تشح ايديا
بس تكفا لاتعذبني ولا تنساني
ضمني يانور عيني في حشاك شويه
كل ماشفتك تدخلني بعالم ثاني
عين تنظر لك بشر والثانيه حوريه
فيه شيطان الهوى يامنيتي وصاني
بالغلا والوفا والتقدير و الحنيه
والقصيد لابغيته فيك مايعصاني
يتباشر في وصوف عيونك السحريه
ووياوجودي لواشوفك يابعد خلاني
والله اني لاحذف الغتره على الطاقيه
كيف انا المجنى عليه وكيف انا صرت الجاني
لعنبو حظك ضبطت الخلطه السريه
لين من طيشك ومن حبك نسيت اخواني
صرت اجي واروح لا هذي ولا هاذيه
والهوى هو حاكم شعوري وهو سلطاني
ولاحصل لي منه لا رحمه ولا ماويه
اشهد انه راح فيها تركي الميزاني
والله اعلم وش تكون الخلطة السريه


تركي الميزاني