رواية يدري إن اسباب ضعفي نظرته يدري إني ما اقاوم ضحكته كامله

عند عهد وفيصل ..


عهد تجهز الشناط وتحط الملابس وفيصل يحب يشوفها معصبه ترتب الملابس واهو يطلعها وترجع ترتب واهو يطلعها

عهد (بعصبيه) : يوووووووووووووووه بس بس كذا ما نخلص وطيارتنا الساعه 9
فيصل (يطالع ساعته ببرود) : عادي عندنا 5 ساعات
عهد : يا برودك أيه مو أنت اللي ترتب
فيصل : عهد سؤال سؤال
عهد (تدخل بلوزه) : وش تبي
فيصل (يرفع لها تنوره قصيره) : ما شفتك لبستيها ليه جديده
عهد(أستحت وسحبت منه التنوره) : مالك دخل
فيصل (انتبه لوجها) : هههههههههههههههههههه لا يا شيخه
عهد : فيصل أطلع برا
فيصل (تربع على السرير وكتف أيديه) : لا وبعدين انتي مبذرة اشتريتي ملابس كثير بس ما شفتهن عليك كل لبسك عادي
عهد : ما اشتريتهم
فيصل : اها هذا اللي اشترته منى وامي (غمز لها) وين الباقي
عهد : فييييييييييييييصل
فيصل : ليه تعصبين ( بأسلوب طفولي ) أخوك انا حرام عليك وبعدين سؤالي برئ كيفي اسأل اختي
عهد : لا لا صدق رايق أنت وانت ما عندك شغل غير تطالعني ممكن تتفضل برا
فيصل : دخلي الملابس واطلع
عهد : لما تطلع ادخلهم
فيصل : لا لما اطلع تطلعين اللي في الكبت (دولاب) المقفول
عهد : وش
فيصل : ترا ترللي (انتبه لها يوم حمر وجها) هههههههههههههههههههه تحسبين ما اشوف
عهد : مالك دخل زين
فيصل : عهد
عهد (تكمل شغلها) : .................
فيصل : عهد
عهد(نفس الحاله) : ................
فيصل : اختي العزيزه أجيبي على اخيك الحبيب
عهد (رفعت راسها) : ياربي يا سبيس تون وش مأثره على عقلك
فيصل : وش أسوي ما عندي احد اكلمه ويكلمني قلت سبيس تون احسن
عهد (رجعت لترتيب): ....................
فيصل : شوفي أذا ما رديتي علي بعاقبك اخوك الكبير وكيفي
عهد : وش
فيصل (يسوي نفسه خايف منها) : يمه تخوف خلاص ما بقول شيء بسكت
عهد : احسن
فيصل : بروح اسوي لي شاي و توست
عهد (بصرخه) : لااااااااااااااااا
فيصل (تخرع) : بسم الله وش فيك
عهد : لا تقرب للمطبخ وانا حذرتك
فيصل (ببراءة) : جوعان
عهد : انا اسوي لك بس لا تروح انت آخر مره دخلت المطبخ فيها صار ساحة حرب وكل اللي تبي بيض اجلس هنا بروح واجي
فيصل : تيب
عهد : يعني تيب طيب
فيصل (هز رأسه نعم) :
عهد(أبتسمت) : تيب تيب

عهد دخلت المطبخ تسوي لفيصل عصير وتوست بيض وتوست لبنه بزعتر واهي مشغوله دخل فيصل عليها وتسند على الباب بظهره

فيصل : خلصت
عهد (تدهن التوست بلبنه ) : خلصت وش
فيصل : الترتيب وسكرت الشناط بعد كل شيء جاهز
عهد : بعدني ما خلصت ليه سكرت الشناط
فيصل (حط أصبعه ببرائه على خده) : اممممم إذا قصدك اللي في الكبت ترى صاروا في الشناط
عهد (شهقت) : شنو
فيصل (غمز لها وبخبث) : تصدقين يا أختي شيء اللي في الكبت
عهد(بعصبيه رغم حياها) : فييييييييييييييييييييييييييييييييييييييييييييصل
فيصل : ههههههههههههههههههه 1- 0 يا اختي العزيزه
عهد : تعرف تعرف انك
فيصل (بهمس) : ما استحي
عهد(بحيا) : ايه
فيصل(بهمس) : وقليل ادب
عهد : أيه
فيصل (بهمس) : وما عندي ذوق
عهد : أيه
فيصل (بهمس) : وانتي تحبيني
عهد : ايه (شهقت لما استوعبت وش قال ) لا لا
فيصل : هههههههههههههههههههه 2- 0
عهد (تركت السكين وبعصبيه وقفت قدامه) : وش انت وش شايفنا في مباراه
فيصل (بهيام) : مو شايف شيء غير اختي حبيبتي العسل اللي تحبني (قرب ومسك وجها بأيده وباس خدها بقوه ) شكرا على التوست والعصير

عهد انصدمت وأستحت منه نزلت راسها وطلعت من المطبخ متجهه للحمام دخلت وسكرت الباب وتسندت عليه واهي تعض على شفايفها تكتم دموعها وشهقتها رفعت راسها تبي تهزم دموعها بس دموعها هزمتها ونزلت تعلن عن ألمها لما تواجهه مع فيصل وحيرتها من تصرفاته وأفعاله اقوال غير افعال شتت تفكيرها ودخلها دوامه لا تعرف نهايتها

فيصل حس فيها تضايقت بس ما حب يزيدها عليها جلس واخذ التوست اكل قطعه بس نزل التوسته حس بأن نفسه انسدت مسك العصير وشربه يبي يبلع اللقمه نزل راسه واهو يفكر فيها

فيصل (يفكر) : ياربي وش اسوي هي مو متقبله وجودي صار شرخ وجرح في قلبها كل ما تشوفني تتذكر وش قلت عنها بس اعذريني كان غصب عني آآآآآآآخ ابي فرصه وحده بس فرصه يا عهد أوضح لك قلبي لك انتي وبس حتى يوم قلت لك ان ابوي سمعنا مو أنا اللي تكلمت وقلت لك رفضتي بعدك كلمه مو بنت مؤثره عليك يا قلبي

هز راسه ووقف واتجه للحمام سمع شهقاتها وعرف انها تبكي ضرب الباب بشويش

فيصل : حبيبتي
عهد (غمضت عيونها يوم سمعت الكلمه) : ..............
فيصل : عهد طلعي
عهد (تحاول تتمالك نفسها وقفت وفتحت الدش كله) : أحم احم هلا فيصل تبي شيء
فيصل (عقد حواجبه) : وش تسوين
عهد : وش اسوي يعني في الحمام ههههههههه آخذ دش
فيصل (تنهد وعرف انها تكابر) : طيب حمام العافيه إذا خلصتي تعالي
عهد : طيب

جلست على طرف البانيو وحطت ايديها على وجها واهي تعض شفايفها

عهد (في نفسها) : وش اسوي لك يا فيصل وش تبي مني تحطمني وترجع تبي تلم بقايا عهد لا يا فيصل صعب الجرح تلتئم بكلمه ولا ضمه ولا حتى بوسه صعب انسى آآه يا قلبي تدمى كل ما شفته وتتذكر كلمته لك والله احاول والله بس انا مو قادره اسعده ولا اهو قادر يطلقني ويعطيني حريتي لا يا فيصل لازم تتعلم ان صعب تجرح وما تنجرح برفضي لك ولوجودك عارفه اني اجرحك عارفه

فيصل جهز باقي الشناط وسكرها وقرر يلبس ملابسه على ما تخلص عهد ويطلعون من الشقه واهو عارف ان في وقت قبل موعد الطياره فقرر يتمشون ويمرون السوق عشان نفسيه عهد اللي عارف مزاجها الصعب في أنه يتغير قبل يوصلون البلاد صفف الشناط عند باب الشقه ودخل المطبخ يجهز عصير لها وله وبعدها رجع الغرفه شافها قدام المرايه تجفف شعرها

فيصل (يحط العصير على الطاوله) : حمام الهناء
عهد (طلعت الأستشوار ) : يهنيك يارب
فيصل : تعالي نشرب عصير
عهد : بجفف شعري واجي
فيصل (شافها تجلس على الكرسي وتشغله قرب واخذه) : عطيني
عهد : وش تبي تسوي
فيصل (غمز لها) : بساعدك
عهد : ههههههههه تعرف
فيصل : يوم كنا صغار كنا نمسك أنا وسالم سمر المسكينه ونسوي شعرها
عهد : هههههههههههه لا صدق
فيصل (يمسك خصله من شعرها ) : صدق وكانت امي تضربنا وتقول انا اربي في هالشعر وانتوا تقطعون
عهد (تراقبه من المرايه) : وليه تسوون كذا
فيصل : كنا نشوف منى ونجود يسوون وسمر يرفضون عشان امي تقول صغيره وتبكي كسرت خاطرنا قمنا وجبنا استشوارين مو واحد سرقنا نجود ومنى وجلسنا في غرفة سمر وكل واحد ناحيه من شعرها واحنا يعنا نفهم وما ندري وش يصير بس نمشيه علي شعرها عاد سمر ما شاء الله شعرها ما يحتاج ناعم بس نجبر في خاطرها هي دلوعتنا
عهد : وصادتكم خالتي
فيصل : وليتها ما صادتنا شفنا الخيزرانه وقالت ما حذرتكم ولا عاد قربنا من شيء اسمه اسشتوار
عهد : ههههههههههههههههه وألحين مو معك استشوار
فيصل : أيه بس امي مو هنا ههههههههههههه
عهد : طيب عطني أكمل
فيصل : لا لا خليك وانا في اليوم اللي اخدم فيه نور عيوني
عهد (أبتسمت) : تسلم
فيصل (في نفسه) : آآه لو تعرفين أني اسوي كذا عشان اكون قريب منك بس ما تمنعيني عن قربك (كان يحرك يده في شعرها عشان يجففه ) يا حلوك ويا حلو ملمس شعرك أمممممم يا عهد لو تعرفين أني احبك والله أحبك أحبك
عهد (تتأمله في المرايه وبنفسها) : كاشفتك وكاشفه نظرت عيونك يا فيصل بس غير هذي الحدود ما تقدر تتعدى ما اسمح لك بأكثر من كذا ولو يوم سمحت لك لازم يكون عن تأكيد أنك تبي عهد لحبك لها مو تنفيذ لطلب ابوك ورغبة أبوك و ابوي الله يرحمه في انه يشوف أبناء يحملون اسم ابوي خلك يالغالي وخلني كذا إخوان لين الله يجبر المكسور ويبرى الجروح

عهد سكتت واهي تشوف فيصل يكمل تجفيف شعرها وبعد ما خلص لفة شعرها وشربوا العصير وطلعوا يتمشون وبعدها للمطار عشان طيارتهم


--------

في بيت عبدالرحمن ...


طلعت متضايقه واتجهت للمجلس تبي تتفاهم معه كيف يخطب وحده غيرها والكل يعرف أنها له من الصغر صاحباتها معارفها الناس وفجاه يتركها تتذكر صاحبتها لما سألتها ليه خلاك انقهرت ما همها احد بس تبي تشوفه وقفت لما سمعت صوت رجال ثاني معه قررت ترجع وترد لما يروح بس وقفت لما سمعته يقول

عبدالعزيز : أيه ما نسيت عذاري
عبدالرحمن : معقوله
عبدالعزيز : اول بنت احبها حب حقيقي بدأ في نت وبعدها مكالمات وانتهى فجأه
عبدالرحمن : بس الله رزقك في بنت خالك
عبدالعزيز : ما قدرت تأخذ قلبي مثل عذاري
عبدالرحمن (حب يغير السالفه لما انتبه لنظرت عبدالعزيز الحزينه حط يده على قلبه) : بس آآآآآآآآآآآآآآآآه سمر أخذت قلبي وروحي وتفكري وكل شيء أنا ملك لها وبس وبس
عبدالعزيز : ههههههههههههههه وش فيك هبلت فيك الريميه
عبدالرحمن : فرحااااااااااااااااااااااااان
عبدالعزيز : شكلك محد اعرس قبلك
عبدالرحمن (يصب لعبدالعزيز قهوه) : هذي الريميه هذي الغاليه وقلبي
عبدالعزيز (أبتسم بألم) : هذي من اهل الغاليه (انتبه لنظرت عبدالرحمن له ) صدقني عارف ان ما يجوز افكر فيها واهي على ذمة رجال وانا بتفكيري اخون زوجتي بس ما حبيت مثلها ولا بحب
عبدالرحمن : صدقني عارف احساسك وتمنيت لو أنك أخذت عذاري وانا سمر مثل ما كنا نحلم ونتخيل
عبدالعزيز : تصدق أني للحين محتفظ في هديتها للحين في صندوق محفوظه اخاف يصيبها شيء
عبدالرحمن : الميدالية
عبدالعزيز : صح بس يا ترى للحين محتفظة في الساعه اللي اهديتها لي
عبدالرحمن : ما اظن انها بترميها الساعه كانت غاليه كثير
عبدالعزيز : يجوز ترميها لانها تزوجت وتخاف من زوجها يكتشف علاقتها فيني
عبدالرحمن : علاقه سابقه بس انت حفرت عليها شيء صح
عبدالعزيز : كتبت فيها ذكرى لقاءنا الاول من حبيبك عبدالعزيز وكتبت التاريخ وحرفي وحرفها m+a
عبدالرحمن : كنت رومنسي
عبدالعزيز : هي كلها عذوبه بس ما ابي غير الله يسعدها وين ما تكون وياليتها محتفظه فيها للحين تبقى ذكرى بينا
عبدالرحمن : ما ينعرف يالله قوم وقت صلاة المغرب نطلع للمسجد
عبدالعزيز : نطلع لله

لما حست بيطلعون ركضت للمطبخ الخلفي قبل ينتبهون لها وشافتهم يطلعون من الفيلا بسياراتهم

مشاعل (أبتسمت بخبث) : وانا أتمنى يالعاشق تكون محتفظه فيها بعد آآآآه يا عذاري عرفت كيف احطمك وآخذ بثاري منك على اللي سويتيه فيني في عرس أختك والله والله طلاقك على يدي عقبال ما اطلق اختك من حبيبي ويرجع لي انا لكن يا بنات سالم انا لكن

رجعت البيت وجلست جنب امها اللي تسولف مع مرة خالها ابو سيف عن الملكه بعد بكره

أم مشاعل : الله يهنيهم
ام سيف : امين والفال لمشاعل
أم مشاعل : بحياتك إلا صحيح بتخلون الزواج في العطله مو بعيد
أم سيف : لا باقي على الدراسه كذا 3 شهور تنتهي وتعرفين العرس يبي له تجهيز
أم مشاعل : والله خير وبركه واهم وين بيسكنون مثل سيف بيطلعون
ام سيف (تمد لها الفنجان) : لا أبوهم بيسوي القسم الثاني لهم شقتين كل شقه فيها 3 غرف وصاله ومطبخ تحضير وحمامين وانتو بكرامه
ام مشاعل : ما شاء الله و حفلة الملكه في قصر
أم سيف : والله قلنا لهم بس قالوا بما انها عائليه في بيت اخوها فهد أبو إبراهيم بيسوونه والبيت ما شاء الله كبير
أم مشاعل : اللي صار فيه عرس بنتهم اللي اخذت الدكتور
ام سيف : أيه
أم مشاعل : عز الله ما شاء الله كبير
ام سيف : أنا بروح لهم مبكر ما ابي يقولون تأخروا
ام مشاعل : متى ما رحتي مريني بروح معك
ام سيف : على خير (ألتفت لمشاعل) فيك شيء
مشاعل : هاه لا يا خاله
ام سيف : ما رحتي للبنات فوق
مشاعل : لا بجلس عندكم
أم سيف : تبين اصب لك قهوه
مشاعل : لا مشكوره (في نفسها) اففففففففف ما تسكت هالعجوز وتخليني افكر كيف اوصل لرقم رجلها وكيف ابدأ خطتي اطلع للحديقه أحسن من هذرة العجايز

طلعت للحديقه واهي تخطط وتفكر كيف توصل الكلام اللي سمعت لرجل عذاري واهي ناويه الشر لها