ديوان الشاعرسالم بن جلعان

جـفـن السـهــر


البعـد ينحـت وســط جـوفـي والسـوافـي مذهـلـه
والشوق جمرة ميسمه طاحت على الضلع القصير

يـا سيـدي درب الـغـرام الـلـي بديـنـاه ( ابـ/ ولــه )
خطـيـر .. لـكــن قـــل مـعــاي الله يتمـمـهـا بـخـيـر

يا من غرس لي في ضلوع الشمس بـذرة سنبلـه
وحصـدت زرعـه فـي ضلوعـي جمرتيـن ونفـح كـيـر

شـف حالتـي وانـا ارقـب إنْـك تصيـر راعــي الأولــه
لكـن تعاندنـي ظروفـي .. وأنـت تبـعـد !! مــا يصـيـر

تـذكـر اجـابـه فـــي عـيـونـك تستـبـيـح الاسـئـلـه؟
كـانـت بـدايـه للـجـنـون الـقـاسـي الـحـلـو الـمـريـر

مــا تـذكـر انـهــا كـيــف كـانــت حـايــره متملـمـلـه
واجـمـع خـيـوط أطرافـهـا وتــرف عيـنـي ثــم تطـيـر

والله تـعـبـت الـقــى اجـابــه للـسـنـيـن المـقـبـلـه
والنفـس تـرفـض امــس والحاضرعـبـوس ٍ قمطـريـر

يـا سيـدي طـال الغيـاب .. طالـت سنيـن البهـذلـه
مــا نــام جـفـن ٍ للسـهـر ... وابــرد لياليـنـا هجـيـر

يـــا ســيــدي دام الـلـيـالـي فهـمـتـنـا الـمـسـألـه
فاغرس صباحـك فـي جبيـن الليـل وعيـون الضريـر

والـلـي بينـبـت لا رويـتــه مـــن عـروقــي باكـمـلـه
عـــده حـلالــك بــــس راع الله فـيـنــي والـضـمـيـر

والله عيـونـي خايـفـه .. والقـلـب عـنــك مـــا دلـــه
فيـهـا احـتـمـالات الـــوداع الـلــي تـثـيـره يالمـثـيـر

تـعـال لــي جيـتـك غـريـب (ن).. رد وعيـونـك هـلـه
خذ مسبحة شوقي وعطنـي نظرتيـن وريـش طيـر