رواية احزن على فرقاك مثل الوراعين لامرو الدكان واسرع ابوهم

السلام عليكم كيفكم
تــابــع الـــــــــبــــــــــــارت الـــأول
قامو البنات الظهر لانهم سهرانين ومانامو الا متاخر
دخلو غرفة الطعام
نور حبت راس امها وابوها:صباح النور والسرور والبيت المسكون
نوره حبت راس امها وابوها ووقفت عند نور ومسكتها من بلوزتها وسحبتها:برا برا
نور تحاول تبعد عن نوره:وخري يمال الوجعه اللي توجعس
وطراخ صدمو بجدار او اللي هم يضنونه جدار
نوره رفعت راسها:يمال لضروسك الكسار وليش الابتسامه عورت راسي جعل..
ماكملت كلامها لان فهد مسكها مع كشتها اهي ونور:امس مانسيت حركتكم فيني قلت خل ااجلها لين الصباح
نور بوجع:وربي ماسويت شي انا بس عطيتك بوسه قويه تعبر عن حبي لك <بنذاله واهي تناظر نوره تبي ترد لها
البوقس وحركاتها>بعدين نوره تقولي انا اخوس هذا مااطيقه وش رايس نمردغه قلت شورس وهداية الله
وبعدين ذي الشريره عطتك عضه قويه صح
نوره نطت على نور ومسكته مع شعرها ولزقتها بالجدار:انا اذا احد قال ابي بوسه اعضه بس اذا احد كذب علي
انهيه انتبهي انا اختس على عيني وراسي بس لين هنا وستوب ويلا تزلعي ..ولفت على فهد.. عجبك ولا ماعجبك
بالطقاق اللي يطق راسك بالطوفه زين وبعدين انا توني قايمه محد قالكم تهاوشو معي لاني احتمال اذبحكم
الاب:نوير
كل البنات اللتفتو :سم يبه ..ناظرو بعض..هههههههههههه
الاب يسوي نفسه معصب:ترا اليوم كلكم بتروحون للاستراحه..وجه نظره لـ نور ونوره ..وانتم اول الناس
نور ونوره نزلو روسهم بالارض:ان شاء الله يبه
بعد ماتغدو الكل راح لغرفته يتجهز لانهم بيروحون الاستراحه وبعيده شوي على شان كذا بيمشون بدري على شان
يوصلون المغرب
عند نورا محتاسه ماتدري وش تلبس بيشوفها حبيب القلب
بالاخير طلعت سكيني اسود وبلوزا بيضاء مخصره وفيها رسومات بالاسود كات
جزمه{اكرمكم الله}سندريلا بيضاء اكسسورات بيضاء وسودا وميك اب كامل لزوم الكشخه
وشعرها مستشورته ورافعه من قدام بف بسيط جاي شكلها روعه
وعند الثنائي
بما ان شعرهم صغير فـ ماكلفو على عمرهم شي شعرهم ناعم حطو طوق وخلو الباقي ملفلف
لبسهم نور سكيني فوشي صارخ وبلوزا صفرا تعمي العيون وعليها رسومات بالفوشي والوردي
وحاطه طوق اصفر صارخ ذا اللي يجي سخيف مارا يالله يبان بس مع اللون الاصفر
وجزمه{اكرمكم الله}فوشي وفيها خطين اصفر حطت روج فوشي وكحل وماسكرا ماكلفت على نفسها مرا
نوره لابسه عكس اختها سكيني اصفر وبلوزا فوشي وعليها رسومات بالاصفر طوق فوشي وجزمه{اكرمكم الله}
صفرا وفيها خطين فوشي كانت تتمنى لو انها شرت روج اصفر بس امها رفضت حطت روج فوشي صارخ وكحل
وماسكرا اشكالهم ملفته للنظر روعه
فهد متكشخ لان بيجون ناس يحبهم
المهم لبسو البنات عباياتهم على الكتف والطرحه لافينها على رقبتهم وورا حرف n كريستال نوره ابيض ونور ازرق
ونورا فوشي من ورا طبعاً ركبو السياره فهد راكبين الببنات معاه والاب والام معهم الشغاله واغراض اللي يحتاجونها
راح اعرفكم بالعائلات
الجد:عصبي ولازم مابعد كلمته اعتراض حنون بس يخفي حنيته بالعصبيه عمره59
الجده:مهويه حبوبه ومايعجبها تصرفات زوجها بس وش تسوي55
الابن الاول
ناصر:سبق التعريف عنه
الابن الثاني
سعد:عصبي مره بس متفهم مخلي عياله على كيفهم 40
زوجته سميه:حبوبه مشدده شوي على العيال ومشتغله لهم برج مراقبه 33
اولاده
سماء:مرجوجه حبوبه تنحط ع الجرح يبرى مملوحه خشمها مخربها شوي جاي مايل وشفايفها عاديه بس مرسومه
عيونها وساع مره لونها عسلي غامق شوي شعرها لين اكتافهاا اسود 22
سمر:نحيفه مرا ومو مره بيضاء تميل للسمار خشمها طويل شفايفها عاديه عيونها وساع لونها عسلي فاتح
شعرها لين خصرها لونه غجري 21جامعة الملك سعود طب
سعود:مملوح اسمر مو مره لون عيونه عسلي شفايفه كبيره شوي بس مرسومه سكسوكه ملامحه عاديه
معضل 19 جامعة الملك سعود مدري اي قسم اذا شفته سالته <احلفي قوه
سنا:مملوحه قزما ماتنطق الرا زين مقرونه بيضاء مايله لسمار خشمها واقف شفايفها صغيره عيونها عاديه
مربوشه طيوبه بس دايم تسلك<وانا اقول انتي طالعه على مين <وش دخلني
18 موقفه دراسه اضراب هع امزح خلصت ثانوي ونسبتها تفشل وقعدت بالبيت شعرها بوي
سليمان:اسمر طويل عيونه صيني خشمه عادي شفيفه صغار مره 10 يحب الاستهبال
الابنه الثالثه
ساره:طيوبه ماترفض طلب لعيالها مطلقه 35
الاب:ماله دور حاليا بس راح يطلع له دور بعدين عصبي كريه< انا ماحبيته جالسه اكتب وانا مشمئزه منه<ادوخ يالفصحى
سيف:اسم على مسمى مثل السيف حاد وقوي مو سهل انكساره خشمه سلة سيف عيونه حاده لونها رصاصي
شفايفه صغيره لونها وردي 24
عبدالعزيز:نحيف ابيض طويل خشمه حاد عيونه لوزيه وساع لونها رصاصي شفايفه صغيره لونها فوشي
عربجي مايحب لون شفايفه كثير نصحوه انه يدخن على شان تنقلب لونها <اصدقاء سوء
23 يحب وحده من البنات
فرح:تشبه عبدالعزيز بس اهي قصيره وعيونها حاده ووساع مثل سيف شعرها بوي صديقة نور ونوره بس ماتدري انهم
يقربون لبعض 19 موقفه دراسه معهم
الابن الرابع
فهد:مملوح وفيه روح مرحه مطيح نص بنات الرياض ابتسامته تدوخ مع الغمازه وه بس هع27
راحو الكل للاستراحه
واول مادخلو الثنائي:السلام عليكم
الكل انصدم
:لا هلا ولامسهلا يامسودات الوجه ....