ديوان الشاعر/فالح غشام العازمي

قصيدة : المســفار

قبـل موعـد الفرقـى .. وهجـر البلـد والـدار
عـسـى الله يصبـرنـي عـلـى بـعـد خـلانـي
أبــــودع الـغـالـيـن والـشـعــر والـشـعّــار
تــرى كـلـهـا يـومـيـن وأفّـــل جنـحـانـي
أبـسـافــر .. الله لا يـحـيّـيـك يـالـمـسـفـار
قضيـت العمـر وأنـا أنتقـل بيـن الأوطانـي
سنيـنـي تــروح .. ووقـتـي يـكـرّر الأدوار
وعمر الفتى مثـل الزهـر .. والزهـر فانـي
وأنــا مـارحـلـت أدوّر الـفـلـس والـديـنـار
ولا رحـــت أدوّج بـيــن لــنــدن ولـبـنـانـي
أنــا راحــل أكـمّــل بـقـايـاك يـالأصــرار
طمـوحـي كبير..ورغبـتـي بـيـن حـجّـانـي
حشا.. مايطيب الجرح وما ينتهي المشوار
وأنـا اشـوف قدامـي هــدف .. ويتحّـدانـي
علشـان حبـي للمعالـي .. وكـسـب الـكـار
أبـوطــاك يـاهـمّـي .. قــبــل لاتـوطّـانــي
تـمـوت العـواطـف والهواجـيـس والأعــذار
وتبـقـى العزيـمـة بـيـن قلـبـي ووجـدانــي
تعلمـت مـن دنـيـاي وقـالـت لــي الأقــدار
بـأن الضعيـف يعيـش ويمـوت .. خسرانـي