رواية اكرهك واحبك ولا ابيك وابيك ...

الجزء السابع عشر

مر اول يوم علي بإستغراب .. كان طول الوقت برا مايرجع الا بالليل واكون انا قد نمت يعني ما اشوفه ولا يشوفني س اليوم الثاني والثالث ما استغربت لاني تعودت بس انقهرت يعني جابني هنا لويش !! عشان يطلع ويستانس وانا انقبر هنا ؟! ملييييييت مره بس الحمدلله اليوم بنرجع للسعوديه ان شاء الله

ماحسيت الا وهو جالس عندي
غسان : تراني حجزت امس واليوم بنرجع
غنادر بفرحه : صددددددق ؟؟؟ واخيرا
غسان يرفع حاجبه : لهدرجه مستانسه
غنادر : حتى الفرحه مستكثرها علي !!
غسان : الله يجيبك يا طولة البال
غنادر "الصراحه نرفزني بكلمته ذي" : وش تقصد؟
غسان : اللي على راسه بطحه يتحسسها
غنادر بعصبيه : غسااااااان لا ترفع صوتك علي
غسان بعصبيه اربكتني الصراحه : الحين من اللي رفع صوته يامدام انا ولا انتي ؟؟؟؟؟؟؟؟؟؟
ردي وين لسانك بلعتيييييييييييه !!!...
غنادر " الصراحه اول مره اخاف منه هالكثر" : ............
طلع وسكر الباب بقووه
يماااااااااه الله ياخذه خوفني بعصبيته

جلست في الصاله العب بجوالي لحد مايجي وينفرج علي , سمعت صوت الباب يفتح رحت ركض ودخلت الحمام عزكم الله ليش مدري هههههه !! قلت يلا باخذ شور دامني دخلت اخذت شور سريع وطلعت شفته جالس بالصاله واول ماشافني رفع راسه
غسان : حمدلله على السلامه
غنادر "اففف يقهر" : لا تقعد تطنز
غسان : باقي ربع ساعه يامدام عجلي
غنادر بدون نفس : مابقى الا عباتي وغطوتي وخلاص
غسان باستغراب : متى جهزتي شنطتك؟؟؟؟
غنادر "افففف تحقيق" : امس
غسان باستحقار : ماشاء الله مستعجله هه..
دخلت غرفتي البس ولا عطيته وجه قعدت ازين شعري اكيد طولت وراحت الربع ساعه ابيها تروح بسرعه
غسان : يلا وش فيك تأخرتي !؟
غنادر : طيب خلاص
طلع وطلعت وراه
غسان التفت علي وهو يقول : بعدين من الادب ياحلوه الزوجه تشيل اغراض زوجها بالشنطه مو خليها كذا
غنادر : ليه الزوج ماله يد ..؟؟
غسان بعصبيه : بلا استهبااال .. هذا حق من حقوق الزوج .. وفيه حقوق ثانيه بعد
غنادر "مالت عليه عرفت تلميحه ...... ياربي الحين هذا من جده يتكلم ؟؟؟؟؟؟ الله يستر . اذا رجعنا بتصرف اكيد"

ركبنا ليموزين ورحنا للمطار خلصنا الاجراءات واتجهنا للطياره كالعاده بجنب الدريشه وهو بجنبي اففف لزقه كان ودي يروح يجلس بجنب واحد قدامنا واللي بجنبه تجي عندي بس ما اتوقع هم يوافقون لانهم توهم عرسان , وغسان بيعصب , من دون ما احس بنفسي نمت بالطياره
ماحسيت الا وهو يصحيني
غسان : غنادر يلا اصحي لا تسوين مثل ذاك المره .. احممممم [ عن الفشيله هع ^,^ ]
غنادر صحيت وزينت غطوتي : يلا
نزلنا ,, سألت روحي من اللي بيوصلنا ليكون فواز !!

شفته يتجه لسياره وركب ركبت بجنبه شكلها سيارته ههههه تصدقون للحين ما اعرف سيارته
غنادر : سيارتك؟؟
غسان : ايه تركتها هنا قبل لا نسافر عشان لارجعنا نجي فيها ومانثقل على احد
التزمت الصمت .. لحد ماوصلنا بيتهم , نزل ونزلت وراه فتح الباب بمفتاح وانا الصراحه مستحيه اعيش مع ناس ماشفتهم الا مره ! فتح الباب وماحسيت الا وشموخ تركض من الدرج كأنها داريه ؟! وشهد وراها وضمووه بأقوى ماعندهم
شموخ : خالووووو اشتقت لك مرره
شفت واحد عمره يمكن 14 كذا 15 يعني بينهم عادي صغير طلعت غطوتي وحسيت غسان التفت علي يشوفني طلعتها ولا لا .. ماهمني
سلم على خاله
: هلا والله بغسان شخبارك ؟؟
غسان بابتسامه : انا خالك يا اللي ماتستحي
: هذا جزاتي بصغرك !
غسان : لا دام كذا على راسي والله يا فياض
فياض : احم احم .. تسلم والله
والتفت علي وقال : هلا والله بمرت خالي وشخبارك ؟؟
غنادر : بخير ... تسلم
وسلمت شهد عليه وبعدين جو شهد وشموخ سلمو علي جلسنا بالصاله شوي وهو يسولف معهم وانا بس اتسمع فيهم فجأه جت بجنبي شهد ياحليلها
شهد : كيفك مرت خالو !؟
غنادر بابتسامه : تمام الحمدلله انتي كيفك؟
شهد : عال العال
اما شموخ وفياض طول وقتهم يسولفون مع غسان شكلهم يحبونه .. مالت عليه مايستاهل
جت اخته بشرىسلمت على اخوها وسلمت علي بعدين جت امه قام وسلم عليها وحب راسها وحضنها بقوووه احسها يحبها حييل . ووع اكره الرجال لا صار دلوع الماما !! وشكلها هي بعد تحبه شفته فكها واخيرا ..؟!
سلمت عليها وبست راسها : كيفك خالتي؟
ام غسان : بخير جعلك بخير وشلونك انتي يابنتي؟
غنادر باحراج : الحمدلله

انتهى الجزء السابع عشر