الزمان مالــهـ امــــان.,:.,:

خالد:السلام عليكم،،
امه حصه اميره:هلاوعليكم السلام،،
خالد:اجل وين هدى وعزام،،
امه:هدى فوق،
حصه:وعزام مابعد طلع من المدرسه،،
خالد:شخبارك اميره وشخبار البيبي،،
اميره:طيبه والجنين يسلم عليك،،
خالد:الله يسلمه اذا كان بنت ولا ولد وش بتسمينه،،
حصه:اكيد ولد ولابنت اجل بيجي قرد،،
اميره تدحجها:اعوذ بالله من شرس،،إصلآ اذا كان ولداكيد اكيد ناصر على ابوي واذا بنت نوره ع الغاليه امي،،
خالد:ومالك ماله راي،،
اميره:هو وش دخله انا اللي احمل وانا اللي اربي والجنين يأكل من خيرنا ماكد عليه هو،،
خالد:انا ابروح ارتاح تبون شي،،
الكل:سلامتك،،

،،سهام دزت مسج(رساله) لناديه،،
سهام:وش رايك نروح للسوق اليوم،،،
ناديه ردت عليها:وراه ماتروحين لحالك اومع احد من اهلك،،
سهام:اهلي مايحبون السوق وش قلتي ايه ولا لا،،
ناديه:خلاص ابروح بس متى،،
سهام:اليوم بعد صلاة المغرب،،
ناديه:زين علشان اخوي واختي بيروحون لبيت العالي المغرب وموب جايين إلابعد العشا خلاص بس مريني،،




الــــــجــزء السـ٦ــادس

_زي ماقرينا خالد راح لغرفته سمعته هدى جلست تصيح_

خالد:وش فيك تصيحين،،
هدى:مافيه شي،
خالد:بتقولين ولا شلون،،
هدى:اميري لله انا ماابيك تزعل،اليوم امك واخواتك جلسن يتطنزن علي يقولون انتي ماتجيبين عيال،،
خالد:عزام ولدنا،
هدى:لاقصدهم اخولاعزام لان عزام كبير الحين،،
خالد:امي واخواتي يسوون كذا،،
هدى:ياليتني سكت انا داريه انك منتب مصدقني ياليتني ماتكلملت بس انت صريتا علي،،
_سكت يعني وش يقول_
هدى:انا لو فيه احد يأخذ حقي منهم ويسكتهم كأن ماتكلمو لاعلي ولاعليك،،
خالد:وش قايلين عني،،
هدى:كل شي يقولون إنك جالس تأكل من فلوسهم يعني حرامي،،
خالد:من اللي قايله بالظبط،،
هدى بعد تفكير:حصه،،،
خالد نقز:حصه تقوله،،
هدى:خالد وين رايح تعال،،
_اميره وحصه وامهم جالسين يسولفون_
_خالد نزل مسرع ومعصب_
امه:وش فيك وانا امك هماك ابترتاح،،
خالد معصب:حصه وش هل كلام اللي قلتيه،،
حصه:اي كلام انا ماقلت شي،،
خالد:كأني ماادري حرام عليكم انا جاي ابي ارتاح تسوون كذا،،
ام خالد:وش السالفه،،
خالد:بس اسكتي مويه طاهره مطهره،،
حصه:خالد وش فيك هذي امنا عمرنا مارفعنا صوتنا عليها وابوي حي بتجي تنفخ عليها وابوي ميت،،
_ام خالد جلست تصيح اول مره يرد عليها ولدها كذا_
خالد:والله مابغى الابزارين يعلمونا الصح والخطا،،
اميره:خالد خلاص اسكت وكف الشر،،
خالد:انتم وش قايلين عني عندهدى،،
اميره:ايه السالفه فيها هدى،،
حصه:والله رح اسألها هي وش قايله لسانها يبيله قص وتربيه من جديد،،
_خالد مسك حصه مع كتفها:والله انتي اللي لسانك يبيله قص،،
حصه:خير وخر فكني يمه شوفيه،،
خالد:مااحد يخوفني تسمعين،،
امه:خالد فكها ماتسمع الكلام،،
حصه:لوإنك رجال مانفخت ع امك علشان وحده ماتسوى،،_في هل حال خالد فقداعصابه وطاح جلد في حصه:
انتي يبي من يربيك من جديد وانا ابربيك،،
حصه تصارخ وتصيح:يمه اميره فكوني اي اي ساعدوني،،

_قامت اميره بتفك حصه من يدين خالد بس ماقدرت وحاولت امها انها تفكها ومثل ماقدرت_
خالد:انتي لأزم تتأدبين،،
اميره تسحب خالد:فكها حرام عليك البنت ماتت وخر عنها،،
_ام خالد فقدت اعصابها وصفتت خالد مع وجهه صفقه قويه بعدين وخر عن حصه بعدين اسرعت اميره وحضنت حصه وصارت تسمي عليها وتهديها،،
خالد:تصفقيني يايمه،،
امه والدمعه تنزل من عينها:ايه اصفقك وإذا شفتك ماد ايدك على اخواتك والله لتشوف شي عمرك ماشفته،،
خالد:زين انا اوريكم،،
اميره:رح اعلى مافي خيرك اركبه،واللي ماتطوله بيديك طله برجليك،،
_ام خالد لمت حصه وقالت لها لاتخافين ماراح يمد ايدينه وان مدها انا راح اكسرها له،،
اميره:يمه هي ماسوت شي علشان يسوي كذا،،
ام خالد:وانا اقواه ماعاد فيني شدة هواش،،
حصه تتنهت:و و و ا ل والله إذا مدها مره ثانيه لشتكي عليه،،
امها:لاتخافين ماراح يمدها،،


خالد:هه وهذاني خذت حقك منهم،،
هدى:حرام عليك انا ماابيك تخسرهم،،
خالد:اخسر الدنيا كلها بس مااخسرك يالله قومي البسي خل نروح نتغدا في افخم مطعم خل نغير جو،،
_هدى في نفسها والله وطاح الراس بالفاس_


عزال رجع من المدرسه:السلام عليكم
اميره وجدته:وعليكم السلام،،
عزام:وش فيكم
اميره:مافينا شي
عزام:وشلون مافيكم شي ووجيهكم متغيره،عمه حصه وش فيك،،
ام خالد:مافيها شي بس تعبانه،،
حصه:لا لازم يعزف وش فيني،،
اميره:خلاص اسكتي،،
حصه:لازم يعرف ابوه على حقيقته لأزم يدري وش سواء(صاحت)
امها:خلاص ياحصه شي صار وخلص،
حصه:لامابعد خلص،،
عزام:ابوي وش سواء قولولي تكفون،،
حصه:ابوك طاح فيني جلد ع سبب الحن ماندري وشو والمشكله امك مدبرتها،،
عزام:امي وابوي يسوون كذا،،(رقى فوق دخل ع امه وابوه)
عزام وعيونه تدمع:وش سويتو مع جدتي وعماتي،،
هدى:عمى يعميك خوفتنا،،
خالد:وش فيك انت،،
عزام:حرام عليكم هم وش سوو لكم،،
خالد:ياالله بس فارق لأصكك باالنعله،،
_عزام طلع يصيح وراح لغرفته_
هدى:حرام عليك ترفق عليه ولاتنسى انه توه طالع من المستشفى،،
خالد:انتي شايفته وشلون داخل ينفخ كأنه الأبو وانا الولد روحي زيين،


اميره:مامدى ابوي يموت يسوي كذا،،
امها:الله يصبرنا ع اللي جاي،،
حصه:وليه فيه جاي ولا رايح،،
اميره:ترا الحن منحب اصغر عياله ولا الحن صغار يسوي فينا كذا،،
امها:خلاص قفلو ع الموضوع،،


_خالدوهدى نازلين يضحكون رايحين يتغدون في المطعم_

ام خالد:وين رايحين له واناامك،،
هدى:رايحين مشوار،،
خالد:تلحقينا،،
هدى:وين تلحقنا مافيها شده،،
ام خالد:لاروحو زي ماقالت هدى انا مافيه شده،،



_المغرب جت ليلى_
ليلى:تأخرت هدى وهي فوق،،
اميره:جت من المطعم العصر ولاعاد شفناها،،
حصه:جت وياليتها ماجت،،
ليلى:ليه،،
حصه:اختك مشيشه خالد علينا،، تنفخ علينا وعلى امي بعدين تكذب عليه وجاء الأخ المحترم وطاح فيني طق ورفع صوته ع امي،،
ليلى:هدى تسوي كذا،،
اميره:واكثر وياليتكم تأخذونها معكم لبيتكم،،
ليلى:انارايحه لمها،،
،،راحت ليلى لهدى في غرفتها،،



سهام مع ناديه في السوق:شوفي هذا الرجال يلأحقنا من زمان،،
ناديه:والحن وش علينا منه خلينا نشوف هل محل،،
سهام:شوفي يناظر،،
ناديه:بصره خليه يناظر لين يعمى،،اقول خل نضيعه بسرعه،،



ليلى:انتي وش سويتي فشلتينا استحي ع وجهك،،
هدى:اقول انا سويت اللي كنت لأزم اسويه من زمان،،
ليلى:هم وش سوو لك شايلينك ع كفوف الراحه،،
هدى:يعني انتي متعبه روحك وراقيه علشان تدافعين عنهم روحي زين،،،
ليلى:قلت خل افتح عيونك يمكنك ماتدرين عن الدنيا،،
هدى:والله عيوني مفتحه من زمان،،
ليلى:والله ومعك قوة باس،،
هدى:ياخي انقلعي وإذا كنتي تدافعين عنهم فبتقصرين لان توني باديه في الخط الأول،،
ليلى:انا نازله موب الشرهه عليك الشرهه علي انا اللي ضيعت وقتي معك،،




ناديه:اوووه لو إنك ماتناظرينه كأن مالحقنا وماعطانا رقمه،،
سهام:هما انتي منهبله ع صورة الرجال اللي شفتيه في جوالي،،
ناديه:هذي صوره موب حقيقه،،
سهام:وحتى الحقيقه احسن،،
ناديه:انا تأخرت خل نرجع قبل مايجون اهلي من البيت،،



حصه:الا وين ناديه ماجت معك،،
ليلى:هه راسها يوجعها،،
ام خالد:الله يشفيها،،
اميره:راسها يوجعها ولا خليني ساكته احسن،،
ليلى:تشوفون مسلسل السجينه،
اميره:عسى اللي في قناة ال بي سي،،
ليلى:ايه اللي فيه الفنانه سيرين،،
حصه:يلعن ابوه من مسلسل رهيب لاوسيرين ماسكه الدور صح،،
ليلى:صادقه وطالعه اتهبل فيه،،
عزام:هااااااي ماشاءالله خالتو عندنا،،
ليلى:وانا كل يوم عندكم موب شي جديد،،
ام خالد:حياك الله في اي وقت البيت بيتك،،
ليلى:خاف اني مثقله عليكم من مات ابوخالدالله يرحمه يوم عندكم ويوم لا،،
ام خالد:ترا ان قلتي هل كلام مره ثانيه راح ازعل عليك،،
اميره:انتي تدرين ان قليل الناس يجوننا والحن مانقدر نطلع علشان امي في الحداد،،
حصه:ايه والله توسعين صدورنا،،وماقصرتي يوم العزا شايله البيت كله ع راسك اعذرينا،
ليلى:ماسويت شي حق وواجب،
عزام:انا طالع مع وليد تبون شي،
ام خالد:سلامتك،بس انتبه على حالك،،




خالد:هذا شيك بمقدار٢٠٠الف ريال،
سالم:كثير هذا،
خالديضحك:ادري انك ماتستاهل بس مااقدر ارد لأختك هدى طلب،
سالم:الحكايه فيها هدى وانا اقول وش طاري نازل الوحي مره وحده،،
خالد:لا انت اصلآ تستاهل،،
مالك:السلام عليكم،،
خالد:وعليكم السلام،مالك حياك الله اجلس،،
مالك:الله يحييك،، ممكن اكلمك لحالنا،،
سالم:يالله انا استأذن،،
خالد:اذنك معك،،ممكن قل وش عندك،،،
مالك:بدون مقدمات،انا ابي ارجع اختك اميره،،
خالد:مبكر توك تجي وينك قبل ماتسأل عنها ولاشي،،
مالك:انت تدري اني جيت البيت كم مره بس ماكان فيه فايده،،ولاتنسى انها حامل واللي جاي مايصلح يتربى بعيد عن ابوه،،
خالد:المهم انا ماعندي راي الراي الأول والأخير لها،،
مالك:انت كلمها واقنعها وعطها فرصه تفكر وخلها تشرط باللي تبي انا حاظر،وانااستأذن لأن عندي شغل،
خالد:ان شاء الله ماتسمع إلا اللي يسرك،،وأذنك معك،،



_الليل الساعه10_
ناديه:شرفتي ياست الحسن والدلأل،،
ليلى:لو يحصل لي قعدت لين الساعه وحده،،
ناديه:وليه مايحصل لك،،
ليلى:لأني مؤدبه واعرف السنع،،
ناديه:الا قولي انهم مايبونك ولاتصرفينها،،
ليلى:وش شايفه الناس زيك،،
ناديه:ياليت يصيرون الناس زين،،الا ماسئلو عني،،
ليلى:ولاجابو طاريك،،الا مادريتي وش سوت اختك،،
ناديه:ايه اتصلت ودريت ع كل شي ولايصير وجهك فاهم وتدافعين،تراهم مايفكرون فيك،،
ليلى:والله كلن يشوف الناس بعين طبعه،،



_خالد قبل مايقول لااميره عن مالك راح وخذ راي هدى،،وهدى حسبتها صح وقالت خلها ترجع ازين،بعدين نزل خالد ولقاهم جالسين باالصاله_