لاتظن أني ماأحبــك

معاذ : اسف حبيبي غلطت ممكن اناني بس هذا عيبك تعطي الناس كل شي وانت لا ما تاخذ أي شي عشان كذا ودي نبقى طول عمرنا مع بعض ما نتفرق
خليل يحضن معاذ : تدري لو اني هنا الحال كان استجنيت ما ادري من دون وش كنت بسوي
معاذ: اجل احنا ربايع مهما صار بيننا مو ترمس شي ثاني يله ازقر
خليل : لا احنا اخوان مو ربع وهذي اختي مو تغار مني ان قلت لها يله نمشي
معاذ : لا ماراح اغار.............. بس اشوي
خليل وروز مشوا عن معاذ بمسافة
معاذ : لا مو من اولها خلاص بغار عفية روز لا تصدقيني اغار عليك انا
تجمع كل من فيصل وعبدالوهاب والوليد وابراهيم وعبدالرحمن ويعقوب الي مارضى ينزل للأحساء بسبب الأختبارات
عبدالرحمن : وش اخبارك وليد وينك يا معود كل هذا حب مع الحبيبة
وليد يسوي روحه في دنيا الحب: اه لا تذكرني ترا اطلع الحين مو قادر على الفراق
عبدالرحمن : يعقوب وخره عني تراني ما اقدر اصبر زيادة
فيصل : وش فيك عبدالرحمن
عبدالرحمن : تكلم عاشقها
يعقوب : ايه هنا اسمع كلام العشق ما يقدر يصبر وشوف لينة حامل الحين
فيصل: هههههههههه حسبي الله عليكم كأنها مو عمتكم هي وحدة من برا بس هين عندها كلامكم كله
عبدالرحمن : لا عفية الا لينة ترا ما نرضى عليها
وليد بخاطره : اه أي مكان اروح له اتذكروني بهالشي وين اروح الحين قولوا لي؟؟؟
ابراهيم : وليد وش اخبار الشغل
وليد : ابشرك عمي كل شي بخير بس ودنا الشباب يجون عندنا نبي موظفين
يعقوب : تدري عاد فكرة ليه ما اطبق عندكم
عبدالرحمن : جد والله طبق بشركتنا اقلها المعدل بتضمنه وبنعطيك تقييم جيد
فيصل : قصدكم الجامعة
يعقوب : خلاص عمي الصيف انا عندكم بكون وما بقى شي
وليد : زين اقلها بيروح اشوي من الثقل مني
ابراهيم : يعطيك العافية بو خالد
وليد بخاطره : لالالالالالالالالالالالا خلاص كافي وش تبون مني احسن لي اطلع
قام وليد من دون أي مقدمات وطلع
عبدالرحمن : وش فيه
يعقوب : علمي علمك
ابراهيم : قولي فيصل وش اخبار الأسهم
فيصل : تدري عاد ودي اقول لكم مشروع ناجح حطوا شركتكم اكتتاب راح تربحون
يعقوب : والله فكرة انسويها اكتتاب وشوف الفلوس الي بتجي
عبدالرحمن : خلاص ادرسها لكم واقول لكم النتايج
فيصل : والله صدقتوا امزح معكم
عبدالرحمن : عاد الي الي صادق معك بس ابي اجاريك
عبدالوهاب : خلكم من خرابيط الأسهم وخلوني اقول لكم عن خليل وسوالفه في امريكا
يعقوب : اخيرا بنعرف شي عنه اهم شي سوالف كايدة نبي عشان ان جاء نعرف نمسك عليه شي
عبدالوها ب : أجل خذوا هالسالفة
الجازي : يمه شيماء وين العنود من جيت ما اشوفها
شيماء : .............
الجازي : وش فيك يمه وين العنود
شيماء : فوق جالسة مو راضية تنزل
الجازي : وش فيها
شيماء : ما فيها شي بس تصيح عليك
الجازي : علي انا ليه وش صاير
شيماء : روحي لها وسأليها
الجازي : خوفتيني عليهاوش صاير
شيماء : روحي وبتعرفين كل شي
الجازي : ان شاء الله
راحت الجازي للصالة الي فيها لينة ومها
لينة : وين بتروحين جازي
الجازي : بروح اجيب العنود شكلها زعلانة علي
لينة: أجي وياك
الجازي : لا بروح انا لوحدي وانتي استفيدي من مها في سوالف الحمل
لينة : أي والله ذكرتيني مها احس بألم من وقت لوقت وش هذا
الجازي : الله يعينك مها عليها
الجازي اصعدت فوق وطقت باب الغرفة
العنود : قلت ما ابي اشوف احد قول يلهم اني مو هنا
الجازي : العنود انا الجازي
العنود بخاطرها : اخيرا جيتي والله ما ارد عليك انتي السبب
الجازي: ادخل ولا لا
العنود بخاطرها : ماراح ارد
الجازي : بدخل بسم الله
كانت العنود منسدحة على السرير وحاطه البطانية عليها ومغبية وجهها بالبطانية
الجازي : السلام عليكم
العنود : .................
الجازي : ما تبين تردين بكيفك بس قولي لي وش فيها عروستنا القمر
استعدلت العنود واجلست بقرب الجازي
العنود : أيسأل ومالك في المدينة وانتي مالك قولي لي وش فيك يا قمرن الا قمرنا ذيك اول بس الحين يا
الجازي: انا مو قمر الله يسامحك ادري صرت مو قمر لأني غيري أخذ هالمحلة مني غيري الناس تبيه وهو مو معطيهم وجه
العنود بخاطرها : وش فيها الجازي وش قصدها بكلامها
الجازي : ها وين رحتي
العنود : ها لا وياك وياك
الجازي: العنود ذبحتيه رحميه اشوي الولد تعبان ما بقى الا اشوي وتجيه سكتة قلبية
العنود : عن وش تتكلمين
الجازي : اتكلم عن اخوي يعقوب متعذب بسبب فلانة
العنود : ادري انه متعذب فيها ويبيها امبين هذا من زمان
الجازي : يعني تدرين
العنود : ايه ادري المفروض انتوا دريتوا قبلي مو انا قبلكم
الجازي: لا هذي ما احد يقدر عليها الا نتي انتي الوحيدة الي تقدرين تحسين فيها تدرين جاني الولد تعبان يشكي حاله قلبه ملتاع في حبها جننتيه شوفي له حل يبي القرب اخوي
العنود : وش فيك عن مين تتكلمين
الجازي: شوف هذي الي يقول مو دارية عن شي
العنود : جد والله عن ايش تتكلمين
الجازي : عنك ويعقوب الولد يبيك وش قلتي
العنود : انا
الجازي : ايه انتي