بصمات خيـــال الطيـــر ...

حزات ...أو... أوقات .. أو.. أحيان
معانيها وحدة ... بس كل شخص
ينقي اللي يبي .. أو يختار اللي يبي
نفس المعنى والمفهوم ... لكن
حسب قرب الكلمة عند الكتابة
فمرات تحاول أن تجدها ما تلقاها
وهي في لسانك بس ما تقدر تجيبها
ومن تطنشها ولا تفكر فيها تجيك
تركض وما تحاسب للمطبات
تحصل معكم ... ..
:
حتى في الناس من يوم تقــبل عليه
وتتكلم معه وأن مرتااح له ...
بس ما يعطيك وجه ..ههههههههه
ويمكن يرد عليك ويجبر بخاطرك
أو يتصدق عليك بكلمة ...
ويحسسك أنت شخص عاادي
بمعناها لا تتعب نفسك ....
أنت ما تبي تحرج نفسك
ما تبي تطفل أكثر ...
ما تبي ترخص بنفسك
تشيــل عفشك ... وتصد
وترتاح أنت وتشيل التفكاير
اللي أنت قاعد تبنيها وتتخيلها
فمن صد عنك ... صد عنه
لو كان تغليـــــــه ...
خله يذووق غيرك
عسى الله يهنيـــــه