ديوان فارس مهدي الغنائي

((شفت القمر ))


شفت القمر في عين والشمس في عين
الزين كله مجتمع في عيونه
الزين في كله ماعاد زين
كل الخليج من الحلا يعشقونه
ملح تباها في عيون المزين
اللي على شفه وحواله يبونه
مايختلف في زين محبوبي اثنين
مال العمر معنى وقيمه بدونه
حبه بقلبي سيد كل المحبين
من مده كل البشر يعرفونه
انا واهو في نعمة الحب وافين
محلا جنوني فيه ماحلا جنونه
ما ألوم ناس يحسدو غرة العين
الزين كله فيه تكفي عيونه

( مع السلامه )


اسكت ويظهر في عيوني لها بوح
واقابل النظره بقسوه وليني
كني جسد انسان واقف بلا روح
ماتت احساسي سوى احساس عيني
شفني جسد من هزتك صرت مذبوح
دخيل رب البيت لاتقتلني
يكفي ويكفي ماحصل لي من جروح
انا بشر مخلوق من صلب طيني
ضمي فؤاد بات بالحزن مطورح
واروي ضامي ياضامي وحنيني
قبل الفراق قبل وقبل لايصرخ النوح
قبل مغيب الشمس خوذي يدني
يابنت صدق ولا به قولة امزوح
مع السلامه والرجاء سامحني

(يبرى جروحي هم)

يبرى جروحي هم ماني بقاويه انا اشهد ان الموت راحه لحالي

ضاع الامل مني ولاني بلاقيه فات الاوان اليوم حزني صفالي


ابحث عن ايام السعاده ولافيه ذاب الحنان اليوم واصبح زوالي

ابكيك حظا ماصفا يوم صافيه ابكيك وقتا ماله اول وتالي


توني دريت ان البخت حظي مجافيه توني دريت ان الفرح مقفي وجاني

ليتني صغيرا جاهلا ربي معافيه مايعرف الهوجاس والقلب خالي

ماهو طرب يوم اعزف العود يابنت

ولاهو غلى مغناي لو شلت عرضه

هذا وانا من جرح غيري تكونت

وشلون ابطلب من عزى الغير قرضه

جيتك اسلي مسمعي لين مالنت

كلي وبعضي واكثر الحزن فرضه

غنيت جرحي والوفى مات واعلنت

وطير السعاده ماعرف وجهة ارضه

ولولا الوفاء اللي في عيونك تزينت

مالي ومال الفن طوله وعرضه

بك تفتخر كل القصايد وهيجنت

والشعر لجلك زان نظمه وقرضه

هذا وفاي وبالغلا ماتهاونت

ولاجل الغلا شلت اعذب الشعر عرضه

دمعي من فراقك على الخد سايل

والهم من فرقاك ياعشقتي هم

ياكثر مبكي في فرآقك واطايل

جرح الخفوق اللي من العام ملتم

عودي ترى جرح الموالف نايل

رعشة خفوق ٍ ذاقه السم علقم

ياكثر ماودي بشوفك واسايل

عن جيتك عن روحتك واجهن غم

وارسمك ياروعة جنوني واخايل

واشوفك بعيني سراب ٍ غدى زم

عيني وروحي سيدات الأوايل

لوتطلبن ياسيدي قلت لك تم

فارس مهدي

ماينثني عزمي لو الوقت بي مال

نفسي على مر الليالي صبوره

صحيح راسي شاب ياخال ياخال

واقول تفرج ضيقتي ومعسوره

امسيت طفل واخلي الف رجال

تجهش اركاب القايله والوعوره

واصبحت رجال البس شماغ وعقال

وفي داخل مليون صوره وصوره

حلمي تبعثر وانقتل بوسط الجال

ومع كل هذا غصت بحر الخطوره

سطرت من شعري جزيلات الامثال

وبالصدر جرات ٍ تون معذوره

هذا وانا من لوعة الحب رحال

اجمع شتات الحب واقطف زهوره

جيتك طفل ياملتهي بعشق الاطفال

طفل ٍ على درب المراجل عبوره

ماهمني من يكثر القيل والقال

ولاهمني منهو يفاخر بزوره

وياناشدي لا عاد تنشد عن الحال

الحال ماتخفى عليك مخبوره

فارس مهدي

لوني بغيت انساك وشلون ابنساك

وانا وقلبي في غرامك مساجين

ماهي حسايف لا غدى العمر وياك

مادام مسكانك من العين للعين

حبيبتي دام اللقاء يدعم خطاك

تنور على وصلك دروب المحبين

وان كان قلبي من ضنا الشوق ناداك

تاكدي بأنك عنود المزايين

وان جيت اسولف بالغلا واتمناك

ازرعبك الدنيا وروود وبساتين

مامر ليلٍ ماسهرته بذكراك

وانتي احسك داخلي تستريحين

تكبر وتكبر في عيوني مزاياك

شي ٍ اشوفه فيك لو ماتقولين

ياعشقتي ياضحكتي كيف ابنساك

وانا وقلبي في غرامك مساجين

فارس مهدي

لافاحت الذكرى بدلة سنيني

يفوح من نار المسافات هيله

تلقين كل اللي مضى يحتويني

متجرداً من فرحتي يابخيله

اليوم شوفي هالحزن معتريني

كم عام كم لحظه وروحي عليله

لك في حياتي شي مامات فيني

ذكرى الطفوله والليال الجميله

يابلسم الجرح القديم اعذريني

دخل العيون الناعسات الكحيله

بحروف من وهج الغرام اكتبيني

وعلى جناح احلى الغرام ارسليله

فارس مهدي

والله لولا الشعر والبــر والطير

أدله بها لا ضيق الوقت بالـي

والرابعه رفقة أرجال مناعـــيــر

كسابة الطوله قروم الرجالي

تبعد عن الهاجس جميع التفاكير

دايم بها بالي من الهم سـالي

ولا ترى دنيا الشقى مابها خيــر

لاهيب لا مكسب ولا راس مالي

هذي طرات العمر ما مقصدي غير

اليا تهيت ياكــــرام الســبالـي

يـــمــــه


يمه لاتبكين أدري مانسيتيـ
وأنا يـمـه أذكره يــمــهـ
طفل لاكنــ أحس بحنانهـ
طـفل لاكنـ أحسـ بوجودهـ
وأدري يايمه ماعاد يرجعـ
وصرنا بالهوى أثنين يتمان يمهـ



يـبـهـ المدينه تغيرتـ
وكل مافيها تغير
حتى أنوار الشوارع
فيها حدايـقــ
وفيها رصـيفـ
مابقى إلا أنت
مانسيناكــ


يـبـهـ كبرت صرت أكتب وأقرهـ
حفظة أسمكـ
حفظة أجمل مشاعر حب خطتها إيدينكـ
يـمـهـ لاتبكين أدري مانسيتيـ
وأنا يـمـهـ مانسيتـ هناكــ
وأدري يايـمـهـ أنه أبويهـ ماتـ
صرنا بالهوى أثنين
يتماني يمه لاعاد يرجعـ