ديوان الشاعر / محمد ابن الذيب "المقروءهـ" المكتوبه

والله ان اموت وانا احب لي مريه


ياحسن من عادني طفل مانيب أسمّـي
معظم الأشياء باسماها وقدنـي صيّـه

كل ماقالوا عروبه قمت أشمّـر كمّـي
العروبه سوقهـا طايـح علـى ربيّـه

ان سمعت قومية معمر وذبـح الذمـي
لكن الذمي بخيـر وماتـت القوميّـه

بس أنا من هل قطر ولانيـب مهتمّـي
لي مع بوش الابن علاقـة شخصيّـه

عندنا أكبر قاعده تشرب زحاح السمّي
يعني امريكا خويتنـا ماحـن بشويّـه

أي واحد منكم يحـاول يفـوّر دمّـي
والله ان أعلّـم القـوات الأمريكـيّـه

مشكلة شاعركم انه مايخـص يعمّـي
تختلط الأفكار والشرهه على النفسيّـه

ابردي يالهفـة الجمهـور والا حمّـي
مستعد أضحك الجمهور فـي مرثيّـه

وياهجوسي نمّي الفكره وانـا بنمّـي
دهشة الجمهور من تركيبـة القافيّـه

من ثمان سنين أبغى اكتب قصيده فأمي
بس أخاف الرجال تقـول وش داعيّـه

وانته جنوبك كبار وعظمـك الملتمّـي
مايساعد هيكلك أصـلا علـى الحنيّـه

لين مرّه من حدى المرات لـدّت يمّـي
غترتي في حضني ومدري وين الطاقيّه

قالت محمد وقلت عروق قلبي سمّـي
قالت محمـد وقلـت العـز ياطاريّـه

قالت العجمان لو تطمع بشربت دمّـي
وش تسوي وانت عجمي وامك المريه

قلت لاتموتين والا مت شيلـي همّـي
يافديت رجولـش الثنتيـن يارهابيّـه

دوريلـي ثـار مايمتـد لابنـا عمّـي
ماهيب لحية بني عمّي قالت لي هيّـه

انحري عود الضلوع الكايدات وزمّـي
واسكني قلبي بحد السيف والشبريّـه

وخلّي اذنش ثابته واللي تسولف فأمي
والله ان اذبح من العجمان لك عجميّـه

ويمكن أطلّع ابي من قبـره المنطمّـي
وأذبحه تسعين ذبحه بالدموع الحيّـه

أذبحوني يآل مرّه واستبيحـوا دمّـي
والله ان اموت وانا احـب لـي مريّـه

لاحد يفهم خطا ترى القصيدة في أمـي
قلتها وانـا حزيـن وجـت تلقائيّـه






فرنسا



ياعبدالله ابن غـراب والجـود فـي iiالماجـود
وأنا في فرنسا ويش أخلي وويش أرجي ؟

أنـا رحـت فيهـا عنـد وحـده مـن آل iiسعـود
ورجالـهـا مــن ربـــع عـدنــان iiخاشـقـجـي

عفـيـفـه عـفـيـفـه مالـحـقـهـا ولا iiمـنـقــود
عليهـا السـلام وحـورهـا النـعّـس الغنـجـي

لـهـا بـيـت فــي جــده وسواقـهـا iiمـحـمـود
على موتـرن ماهـوب كدلـك ولا هـو ابجـي

مــع إسطـابـه الخلـفـي سطابـيـن والا iiزود
وهـو فـي النعيريـه يسفـر عـلـى iiالخفـجـي

تقل مهرتن من خيل راكان أو ((صاهـود))
أبـعـنـهـا بـالـســرج والا بـــــلا iiســرجـــي

رقت برج ليفـل واجتمـع مـن عليهـا iiالنـود
ورحــب بـهـا الـبـراق والـمـزن iiوالثـلـجـي

لو إنها تقـول البـرج برجـي بـدون iiشهـود
تهـاوا لهـا البـرج وتـهـاووا هــل البـرجـي

ياحـكـام نـجـد أنــا بـوجـه الملـيـك iiالـعــود
ويالله مــن جـانــي فـــلا غـيــره iiالمـنـجـي

لو إنها من العجمـان ماهـي مـن آل سعـود
وهــي بالـحـلا ذا كــان زلـيــت iiبالـهـرجـي

وياخشمي عليـك اللـوم مـن شمـة iiالبـارود
ماينهاك عن دوس الحما وضعك iiالحرجـي