لحظات غريبة بين اثنين ...خلقت الحب في قلبين "

الحلقة السابعه ...
ــ ما ابي أشتري ..
مريم ــ تعالي لازم تشترين ..
دانه ــ ما ابي ..
مريم ــ وين رايحه؟؟ تعالي ..
حاولت دانه تبعد قدر ما تقدر ..للحين ما تقبلت فكره زواجها ..وما اشترت الا اشياء بسيطه ..لكن مريم صدمتها لما يابتها عند هالمحل ..
ركبت السيارة ..
دخلت مريم ــ ليش ؟؟
دانه ــ ما ابي ..
مريم ـ تبين اشتري لج انا على ذوقي؟
دانه ــ ما ابي شي ..ما ابي . وياويلج اذا اشتريتي شي ..
مريم ــ انتي هبله؟
دانه ــ راجو ..امشي البيت ..
مريم ــ لا والله انج مو صاحيه ..راجو مر الخياط ..
دانه ــ اي خياط؟
مريم ــ ماتبين فستان عرس بعد؟؟ شرايج؟؟
دانه ــ ما ابي ..
مريم ــ عن الخبال ..ماباقي شي على العرس ..اقل من شهرين ..
انتفضت دانه ...
مريم ــ ماتبين تخيطين فستان عرس؟؟
دانه ــ ما ابي .. هالعرس ما ابيه ..
مريم ــ دانه ..
ما مسكت دانه دموعها ..تحاول تنسى لكن كل شي يذكرها فيه .. اقل من شهرين ويزفونها لضاحي ..من ضاحي هذا؟؟ ما تدري ..
مريم ــ تبين تأجرين فستان؟
دانه ـ ما أبي ..
مريم ـ دانه ..البنت مو كل يوم تعرس ..على الاقل اذا الريل مو نفس مزا ..على الاقل اطلعي في عرسج أحلى عروس ..علشان نفسج ..عرسج مثل ما سمعت بيكون فخم .. المفروض فستانج وشكلج يكون فخم ..انت استانسي بنفسج ..مو كل يوم تعرسين ..
دانه ــ خلاص ابيه آجار ..
مريم ــ آجار؟؟
داته ـ ابي أشتريه من لبنان ..ما يهمني كم يكلف ..كلامج صحيح .بكره انا مسافره لبنان ..
مريم ــ انتي صج انهبلتي من بيسافر معاج لبنان؟؟ ومن قال لج ريلج بيخليج تسافرين؟
دانه ــ وشدخله؟
مريم ــ ما تقدرين تسافرين بدون اذن منه .!!
********
دخلت الغرفة بعد ما لقت الكل في مباراه حاميه في السيجا ..
طالعت تلفونها ...بتكلمه وتطلب منه ؟ ولا تخلي اخوها يكلمه؟؟ لحظه ليش اخوها؟؟ قمر يمكن تحل المشكله كلها ..
اتصلت على قمر ..
ــ هاي ..
دانه ـ هايات ...وينج؟
قمر ــ كنت بزورج ..اتصل ابوي في الشقة واكتشف ان حشد من عيال عمي عندج .. وانتي محد ...عصب علي ..
دانه ــ تشهدي .. لاتحسدينهم ..
ضحكت قمر ــ لا اله الا الله ...شسوي ..مليت من الوحده اللي انا فيها ..
دانه ــ وصلت بدور؟؟
قمر ــ لا ..ما بتيي لي شهر ثمانيه حق عرسج ..
دانه ــ زين بنات خالتج عندهم اخوان؟
قمر ــ اييه ..بس في امريكا واستراليا يدرسون هناك ..
دانه ـ تعالي لي اليوم بفضي الشقة ...بطردهم ..
قمر ــ انشاءالله ..
دانه ـ وابي منج شي ..اتصلي في خالج ..وقولي له ..اني ابي اسافر لبنان ..
قمر ــ يالخاينه ..من وراي؟
دانه ــ بآخذج معاي ..أنتي ونايف ..بس خذي منه الاذن ..
قمر ـ اليوم برد لج خبر ..بس ها ..فضي الشقة وجهزي القعده ..والشيشه ..
دانه ــ ايييييش؟؟؟
قمر ــ أمزح .. جهزي القعده بيب معاي ليلى ..مسكينه متولهه تبي تشوفج.والله مشتاقة لج ..من متى ماشفتج؟؟ من كنتي في المستشفى ..
دانه ــ حياها الله ..تعالي بعد الساعه سبع ..
قمر ــ انشاءالله اصلي العشا وأييج .. باي ..
دانه ــ باي .
طلعت دانه الصاله ..طالعت الساعه ست ..المغرب ..
دانه ــ احم احم ...بيوني ضيوف بعد شوي ..ممكن تفضون الشقة ..وياليت تنظفون الحوسه اللي مسوينها ..
حسن ــ عمتي حنا الحين في خضم مباراه هامه ..تقدرين تقدمين طلب للديوان ..وراجعينا خلال ثلاثة ايام ..
دانه ــ هيه ..الساعه سبع بيوني ضيوف!
سلمان ــ بناااات؟؟ أحلى ضيوف ...
خالد ـ احلى أحلى ..كم وحده؟؟
دانه ـ عن المصاخه عيال اخواني المحترمين ..يلا ..ابي أرتب البيت ..
حسن ــ لا يكون قطاوتج قمور وعبور ؟؟
دانه ــ زين ذكرتوني اعزم عبور...وانتوا شدخلكم ؟ بدخل اكلم تلفون واطلع ...واتمنى انكم تفضون الصاله!
دخلت دانه وكلمت قمر وطلبت منها انها تمر عبير وتيبها ..
ــ أدري انج متشققه الحين ..
قمر ــ متشققه وبس؟؟ آآآآآه على الاقل اراوي ليلوه خالد ..علشان تعذرني .
دانه ــ خلاص لا تطولين عندهم ..يلا باي ..
طلعت دانه للصاله ..ولقتهم كلهم مثل ما هم ماحركوا شعره ..
*******************
عبير ــ صدقني خالد ..أكيد بتكون الشقة فاضيه ..
خالد ــ مو وارد ..
رجعت عبير للتلفون ..
عبير ـ خلاص قمر ..لاتمريني ..
تمرها؟؟ يعني قمر بتيي هنا؟؟
خالد ــ خلاص روحي .. قولي لها تمرج ..
ابتسمت عبير ...وقالت ــ سمعتي؟؟
وبعدين ضحكت وصكت التلفون ..
خالد ــ شقالت لج خلاج تضحكين؟
عبير ــ شي ..
خالد ــ ترى ماتروحين لو ماقلتي...
عبير ــ اوو ..وتبتزني؟؟ مافيها شي اتصل فيها واقول لها لاتمرين ..
خالد ــ تتذاكين؟؟
عبير ــ لاء ...وأنا أقدر؟
راحت عبير لغرفتها تجهز نفسها ..وخالد ظل متحير شقالت قمر خلى عبير تضحك؟؟
*******************
حمد ــ خذي ..يبت لج الحلويات ..سويتي قهوه ؟؟
دانه ــ اييه سويت ..مشكور تسلم لي يالغالي ..
حمد ــ شدعوه عمتي .. طلبت لج عشا ..بيبه راجو الساعه تسع ونص ..
دانه ــ حمود ..يعل عيني ما تبجيك ..تسلم لي ما ادري شلون بطلع من يزاك. والله بس تسهل اموري ...بدور لك أحلى زوجه ..
حمد ــ ياليت . عن اذنج ..مشعل داخل ولا طلع؟؟
دانه ــ طلع مع الكل ..تلاقيهم في الشاليه مال رفيجهم ..يقولون قريب من هنا .
حمد ـ اعرفه ,, تبين شي؟؟
دانه ــ لا .يسلم راسك ما بي شي ..
حمد ــ في أمان الله ..
دانه ــ الله معاك ..
*******************
وصلت سيارة قمر ,,
خالد طل من الدريشه .. نزلت قمر ..وما كانت حاطه غشوه على ويهها ..ونزلت ليلى وظلوا واقفين في الحديقه .. كانت قمر عاجبه خالد وايد ..جمالها في نظره فريد ..بس للاسف ماله ويهه يطلب يدها هالسنه لانه متح لناصر انه ما عنده استعداد للعرس شيكون موقفهم منه لاخطب قمر ؟؟ على الاقل ينطر سته اشهر ..
عبير ــ على الاقل قلط البنات ..مخليهم واقفين بره ..بس تطالع ؟؟
خالد ــ ما طقوا الباب..يعني ما بيدخلون ..وحركتهم هاذي مكشوفه ..هم يبون يسولفون ..يمكن يحشون فيج ..
عبير ــ يحشون فيني؟؟ انت صاير لعقلك شي؟؟ شدراك ..يمكن يحشون فيك.
خالد ــ احسن انج تطلعين لهم ..قبل لا اكنسل روحتج ..
عبير ــ زين سلفني فلوس ..ما هديت دندون شي ..
خالد ــ خذي هذي ثلاثمية ريال ..مافي غيرهم ...
عبير ــ يمشي الحال ..باي ..وبس عن مطالعه خلق الله ..
*********
قمر ــ وافق ..بس بشرط ..ماتطولين عن اسبوعين ..
دانه ــ صحيح؟؟ الحمدالله ..توقعته مايوافق ..
قمر ــ هو صراحه في البدايه ما وافق ..بس بركات بنت اخوج أقنعته..وقلت له اني وابوي بنسافر معاج .تردد بس وافق ..وقلت لبوي وقال ان التذاكر بتكون عليه ..بس ما بيسافر معاج ..بيسافر اي حد من اعمامي الباقيين لان امي على وشك ولاده ..
دانه ــ هالتفاصيل موب الحين ..خلينا نطلع لليلى ..ونستانس ...
***********
ليلى ــ أمانه دانه ..ششعورج بعد ما أصبحت حرم ضاحي؟
الدانه ــ شعوري اني خلاص انتهيت ..دانه بنت حسن اللي تعرفونها خلاص ..انتهت ..
قمر ــ اكيد بتبدأ دانه الزوجه ..البنت وصارت مدام .. شناوية تشترين فستان العرس ؟؟ ششكله موديله؟
دانه ــ ما خططت للحين ..بشوف وأختار اللي يعجبني ..
ليلى ـ معقوله ما كان عندج أحلام لليله العمر؟
دانه ــ هذي الفاضيه المدللله اللي عندها هالاحلام . انا كان وقتي متوزع بين عيال اخواني فما فكرت بهالزواج ابدا ..
قمر ــ صراحه ..أنا أعتبر عمتي القود ماذر ...الام الروحيه لنا ..لانها هي الوحيده اللي وقفت معانا في قمه احتياجاتنا .
دانه ـ لا هالكلام كبير ..انا مثل ما قال ناصر ..كنت اؤدي دوري كعمه .
التفت دانه لعبير ..اللي كانت ساكته وما تعلق ..
دانه ـ عبير ليش ساكته ؟ حتى ما كليت ولاشربتي شي ..
عبير ــ ما في شي ..اسمعكم ..بس .
دانه ــ لا ويهج يقول شي ثاني ..
ليلى ــ صحيح في السياره كنتي تتكلمين ..شاللي خلاج تسكتين؟
عبير ـ اسمع كلامكم بس ...
******************
كان واقف عند الباب ..نزلت قمر مع عبير ..وسلمت عليها ..ورجعت اركبت السياره ..دخلت عبير البيت وهي مكتئبه ..
خالد ــ شلون كانت الزياره؟؟
عبير ــ بس تأكدت من شي واحد ..
خالد ــ وشو هالشي؟؟
عبير ــ انا أكرهك ...
ركضت عبير لغرفتها ودموعها في عيونها .
فكر خالد ..
(كملت..فوق ان امي وأبوي ولا مفتكرين فيني ..أطلع وأدخل ..ولا حد داري عني.. عبير الحين تكرهني وهي الشخص الوحيد اللي كان عادي معاي ؟؟ حتى اخواتي جافات في معاملتي ..أحسن لي اني اطلع من هالبيت .. قبل لا أختنق من السكوت والتوتر ..(
حط ثيابه وأغراضه في شنطه ..صغيره ..ملابس تكفيه اسبوع ..وطلع بره غرفته..كانت امه في الصاله وبيدها كتاب تقرأ فيه ..
خالد ــ يمه .. انا بتم عند صديقي كم ليله ..لا حد يحاتيني ..
ام خالد ــ ..............................
خالد ــ مع السلامه يمه ...
ام خالد ولا رفعت راسها من الكتاب وقلبت الصفحه ...خالد حس بحرج (( اروح بلا احراجات .))..وطلع من البيت ..
عاد أي صديق هذا؟؟ خالد ما يعرف حد من ربعه ساكن لحاله ..ربعه فهد ومناحي متزوجين ..بيتم في فندق ..لين ما يلاقي شقة أجار ..
**********
حمد ـــ دانه..دانه ..تعالي ..
دانه ــ نعم ..
حمد ــ بتسافرين بروحج؟
دانه ــ اسبوعين بس ..للبنان ..
حمد ــ من بيسافر معاج؟؟

*

حمد ــ من بيسافر معاج؟؟
دانه ــ قمر .. وما ادري من اللي بيرافقنا من اخواني نايف اعتذر ان زوجته بشهورها الاخيره ..
حمد ــ أنا أسافر معاج ..
دانه ــ يعني ما بتنحرج من قمر؟
حمد ــ قمر ماراح تسافر ..خل تستحي على ويهها ..
دانه ـ وأنت شحارك؟؟ قمر ابوها مرخصها تسافر مع عمتها ..
حمد ــ انا بروح وياج ..وهي خليها في بيت ابوها ..وخلاص .
دانه ــ حمد ..اذا تعزني خليها ارجوك ..انا محتاجتها معاي ..
حمد ــ بيكون شكلها غلط اذا سافرت معانا ..
دانه ــ حمد ,,أنا مو كل يوم اسافر ..على الأقل لبي لي هالطلب .
حمد ــ بشرط!!
دانه ــ وتتشرط؟؟ قول ششرطك؟
حمد ــ انا ادفع التذاكر ..
دانه ــ لا ..كافي الشقه أجرتها لي ..
حمد ــ خلاص قمر ما تسافر ..
دانه ــ أحسن ..ولا تدفع أنت ..
حمد ــ وانا ما ني مسافر ..
دانه ــ لا حمد ..أنا ما ابي حد من اخواني اتضايق لا شفتهم ..احسهم السبب في تدمير حياتي ..
حمد ــ خلاص ..أنا أدفع ..
دانه ــ خلاص ..تدفع تذكرتك وأنا أدفع تذكرة قمر وتذكرتي ..
حمد ــ الثلاث تذاكر على حسابي ولا ..مافي ..
تنهدت الدانه ..
ــ ليش؟ أنا ما أبي أكلف عليك ..كافي الحفله مالت نجاحي ..وتأجيير الشقه ..ووالهدايا ..كافي ما أبي أثقل عليك .
حمد ــ أبي أفرح فيج..خواتي صغار ومافي زواج لين عشر سنوات على الأقل ..وأنا مأجل الفكره لين سنتين يايين ..وأخواني للحين ماخلصوا الجامعه ..على طاري الجامعه .. ممتى بتقدمين؟
دانه ــ بعد العرس على ما اعتقد ..
حمد ــ لما ترجعين من السفر قدمي على طول ..بس اي تخصص بتدخلين؟
دانه ــ ما ادري شكلي ادارة واقتصاد .
حمد ــ يو الخبول ..
الشباب ــ السلام عليكم ..
حمد +دانه ــ وعليكم السلام .
سلمان ــ شفيكم يالسين متحنطين كأن على رؤوسكم الطير ؟
حسن ــ سلمان ..ليش قاطعت اجتماع الامم المتحده ؟؟
سلمان ــ اووه ..لا ..قررتوا تحرير فلسطين ؟؟ أخيرا ؟؟ قررتوا ان تتحدوا؟؟ الى الامام ..سر ...
حسن ـ هذا ين وقعد .سلوم ...شسالفتك؟
مشعل ـ والله اثنينكم ينيتوا ..ما فهمت ولا كلمه....
سلمان ــ هذي خطط للمستقبل ..
دانه ــ أراجوز؟؟؟
سلمان ــ اراجوز في عينج ..انشاء الله ممثل عظييييم ..
دانه ــ خيبه ..ممثل؟
حسن ــ عمتي بكره عازمج على العشا ..
صالح ــ والباقين مالهم رب؟
حسن ــ كل واحد يدفع عن نفسه ..مالي شغل فيكم ..امس عشيتكم على حسابي ..وعمتي بكره ..
دانه ــ أنا بكره بسافر .
صالح ــ وين؟
دانه ــ لبنان ..أسبوعين تسوق ...
صالح ــ اسبوعين.؟؟ مع مين .
حمد ــ معاي ..وممنوع المرافقين ..
مشعل ــ وليش انشاءالله ..لبنان .. وبروحكم؟ انا معاكم .
سلمان ــ انا بعد ..لبنان؟ وااااو ..أكيد البنات الحين في عز الصيف كله على البحر ..
حسن ــ واو ..وينك يا خالد ..
خالد دخل في نفس اللحظه ..
خالد ــ سمعتكم تطرون اسمي .
حسن ــ العمه تبي تسافر لبنان ..
خالد ــ أوووووووووووووووووو . شالتطور؟؟ انا بسافر أول واحد ...ممكن اشوف هيفا ولا اليسا على البحر ..
دانه ــ عوووووووذه ..وش فيكم ميتين على البحر ..
ضحك صالح ــ من ص عمتي ما تدرين شيقصدون؟
دانه ــ يقصدون؟
مشعل ــ يبون يشوفون البكيني والمايوهات ..
دانه ــ خييييييييييييييييييييييييييييي ييبه ..قوموا ..قوموا ..محد رايح معاي لبنان ..قوموا العن اليوم اللي شفتكم فيه ...
حسن ــ حنا شفناج ..قبل لاتشوفينا ..
حمد ــ عنبوا الذاكره ما بينك وبينها الا كم سنه ..كم كان عمرك سنتين؟
حسن ــ مايهم اذكر ولالا ...بس انا شفتها قبل ..صح ولا لا؟؟
حمد ـ يمكن هي شافتك اول؟؟
حسن ـ لا كانت مسكره عيونها ..
حمد ــ ليش ما تكون انت اللي مسكر عيونك ؟؟
طبعا الكل كان يراقب حمد وحسن في اهتمام ..يبون يشوفون وين بتنتهي هالمحادثه لسخيفه ..
خالد ــ المهم ..يا عباقره ..انا اللي بسافر ..
***************
يتقلب في فراشه وهو ملان..وين يروح هالحزه وهو عنده دوام الصبح؟؟ فتح شنطته وطلع ملفاته ..وكان بينهم ملف اسود ..ملف دانه ..تذكره ..كان بيرده لها ..بس هو ما قرأ منه الا ورقتين بس ..فتح الملف ..ولف عن الصفحات الاولى ..لقى قسم ..مكتوب عليه كلمه سيدي ..
(( سيدي ..كف عن ايذائي .
.فلست سوى جلاد امره القدر باقصاء رأسي ..))
* من صار اللي صار ..وأنا تفكيري كله فيك انت ..صرت شغلي الشاغل ..ما اعرف شسوي ..شلون اتصرف ..انا ما اكن لك اي موده ...يمكن في ..بس الكرامه فوق كل شي... ..ماعدا امي ..امي الوحيده اللي فوق كرامتي ..وهذا يعني ..*
ما كملت دانه الكتابه ..احتار خالد ...من تقصد؟؟ وليش؟؟ شالسالفه؟؟ قلب الصفحه ..
((سيدي ...
حاولت نسيان ماضيك ...وحاولت تذكر حاضرك ..
فكان الماضي اقوى من أن ينسى ..
والحاضر اضعف من ان يبقى ...
فتبا لمستقبلك الذي حاولت اغرائي به ...))
* لا ..لا ..مستحيل بعد اللي شفته اليوم اغير قراري .. شفت انسان اناني ..هالانسان بيحطمني يمه اليوم ولا بكره .. على الاقل ..بيحطم شي فينني .
احتار خالد ..عن مين تتكلم دانه؟؟ من هذا اللي واثقه انه بيحطمها؟؟ معقول في حياتها حد؟؟ قلب الصفحه ..وكانت ممزعه ومقطعه وبعدين لصقتها دانه ببعض .. كانت رساله ..
((اليك ..نهاري ..وليلي .يومي ..وأمسي ..اسبوعي ..وشهري ..لك كل ايام عمري ,,,بعتها لك ..مقابل نظره من عينيك اشعر خلالها باسمى المشاعر تغزو قلبي ..وأجمل الاحاسيس ..تسري في جسدي ))
وتحته كتب
((وصلتني رساله ..مليئه بعذب الكلام ..لكن الصدمه ان من وقعها لم يكن انت ..ولم يقصد ان يرسلها إلي .. فتساءلت ...متى ستخطئ انت وترسل مثيلتها إليَ؟؟ ))
ما فهم خالد .. في الاوراق اللي قبل كتبت انها مب مهتمه ..والحين تكتب انها تمنى؟؟ يمكن هذي خواطر ما تقصد بها احد ..قلب الصفحه ..
((كرهت وحقدت ثم نسيت ....
ثم عدت فعشقت من نسيت ...))
* اكتشفت اني احبه..لا كلمه الحب قويه ..يمكن الفت وجوده ..تعودت وتفكيري اليومي انه جزء من حياتي سواء في الماضي ولا الحاضر ولا المستقبل عودني على تقبله ...بالمنطق ..شخص افكر فيه ساعه في اليوم ..ما أألف وجوده في حياتي؟ ما أحبه؟؟ بس ..ضروري اني ما أتعلق بهالحب ..علشان ماتبان خيبتي قدام احد ..وما يبان انكساري ..اللي في قلبي ملك لي..ولهالأوراق ..وهذا عهد بيني وبينها ...انا احبك ..يا ...... بس ..حبك للحين ما استقر في قلبي .بيظل دايم متشتت ..لين أعرف نهايه هالحال ..
_
عصب خالد وايد ..ليش ما اذكرت اسم؟؟ من هذا اللي في حياتها ؟؟ يمكن الاوراق تكشف له الحقيقه ..بس هو حاليا تعب من القراءه ..وعنده دوام بكره..بيكمل بكره ..دس الملف بين الملفات ..بيقرأه بكره في الاستراحه ..
*********
تكره الطياره ...حمد واقف جنبها ..وقمر محتره واقف وراهم ..
قمر تهمس ــ عمتي عمتي ..
لفت لها الدانه ـ لبيه ؟؟
قمر ـ تعالي ,,
ارجعت دانه خطوتين ورى ..ــ شو؟؟
قمر ــ ابن خوج هذا اللي ما يستحي ..ليش مو عادني موجوده ؟؟
دانه ــ مافهمت ؟؟ شتبين منه ؟؟
قمر ــ يعطيني ويه ..مايخليني كأني الخداامه امشي وراكم ..
دانه ــ حطي غشوه على ويهج ..ما يعاملج جي ... اكيد مستحي منج على كثر الميكياج اللي في ويهج ..الله يهداج ..
قمر ــ حنا رايحين لبنان ..وهالشي عادي ..
دانه ــ عادي ؟؟ تحطين مكياج سهره احمر ..عادي؟؟ لفي ويهج بالشيله ..تراه ساكت لان نايف اخوي واقف ..ولا علمج الاصول عدل ..
حطت قمر الغشوه على ويهها ..
دانه ــ لاركبنا الطياره روحي الحمام ومشيه ..
حمد ــ وين أوراقكم؟؟ وجوازاتكم ؟
طلعت قمر اوراقها ودانه نفس الشي ..لفت قمر وسوت باي لابوها ..
حمد ــ هيه ..انتي ..لمن تأشرين؟؟
قمر ــ وأنت شعليك ..مالك خص .
عصب حمد ..تدخلت دانه
ــ قالت باي لنايف ..عمك شفيك صاير جبريت ..
سكت حمد ..ولف ويهه ..
خلصوا الاجراءات ..وركبوا الطياره ..حمد قدامهم .,..وهم يلا يلحقون على خطواته السريعه ..
اجلسوا ..كان حمد على الطرف ..وبعدين دانه وقمر داخل ..
دانه كانت خايفه موت ...كانت ماتقدر تتنفس ..أول مره تسافر بالطياره ..سافرت مره عمره مع امها بالسياره ..
دانه ــ حمد لا طاحت الطياره ..وأنقذوك ..انت او قمور ..عط خالد مهري ..اوكي ؟؟
قمر ــ خالد ؟؟ ليش خالد؟؟ دكتور وما عليه قصور ..
كانت قمر تتكلم بغيره ..وحمد تحولت نظراته ناريه ..صححت دانه ..
ــ خالد ولد أخوي نايف ..موب ولد خالي ...صج خبله ..
حمد ــ ليش واثقه انهم بينقذوني ؟؟ ليش ما ينقذونج وأنا أموت ..
دانه ــ اسم الله على عمرك ..أنا ولا انت انشاءالله ..بس انا اعرف حظي ردي ...فما بيساعدني ..
حمد ــ شالكلام ..كوني متفائله ...تفائلوا بالخير تجدوه ..شفيج عمتي ..يلا الحين الاقلاع ..تأكدي من الحزام ..
انتفضت دانه .,..وحست بكل ذرات جسمها تتراقص ..مسك حمد يدها ..ومسكت قمر يدها الثانيه ..
قمر ــ عمتي ,...لو هالرحله بصاروخ شصار فيج؟؟ الرحله انشاءالله سهله ..بس بتحسين بدوخه بسيطه من الضغط ..وحتى بعض الاحيان ما بتلاحظين ..
حمد ساكت ما علق ..
دانه ــ يا ساتر ..
اقلعت الطياره وقلب دانه اقلع معاها ..حست بدوخه ..ولوعه ..كانت ترتجف ...المضيفه لاحظت هالخوف عند دانه وارتجافها وشحوب ويهها يابت لها عصير برتقال ..
ــ خذي ..البرتقال منيح ..
كانت قمر متغشيه ..ودانه نزلت الغشوه ..بس ويهها مافيه اي مساحيق تجميل ..عكس قمر ..
بعد ربع ساعه .
همست دانه ــ قمر قومي للحمام ومشي هالمصايب من على وجهج ..
قمر ــ ليش عمتي مو حلوه؟؟
دانه ــ بالعكس طالعه جنان ..بس ولد عمج مايحب هالحركات ..قومي ..
قامت قمر ..ومشت قدام دانه ..وبعدين قدام حمد اللي كتم نفسه ..
حمد ــ اوف ...حاطه غرشه العطر كلها؟ هذا بنت اخوج لاحيا ولا مستحى .
دانه ــ بس ..عن العياره ..عطرها عادي ..
حمد ــ شفيج ماسكه مسند الكرسي جي؟؟ دانه لاطحتي ما بينفعج التمسك ..بيطيح الكرسي معاج ..

خالد ــ ولا شي ..يلا نخلص ..


الحلقه التاسعه
نايف ـ مبروك يا خالد ..يالنسيب ..
خالد ــ الله يبارك فيك ..
ابو خالد ــ مبروك يا ولدي ..مبروك يا نايف ..
خالد ــ الله يبارك فيك يا ولدي ..
نايف ــ الله يبارك فيك يا خالي .. يلا ادخل الصاله ..انت صرت من اهل البيت يا خالد ...
دخل البيت وكانت منيره وبطنها جدامها أكثر وحده مستانسه ..
منيره ــ مبروك يا خالد ..والله تستاهل البدور ..تفضل .الحين تيي العروس ..
خالد ــ الله يبارك فيج ..
دخل خالد الصاله ...وانتظر ..ونايف وابوه طايحين سوالف ..
دخلت منيره ...والتفت للباب ..
منيره ـ دخلي يمه ..
دخلت بدور ..وكانت نسخه من قمر .. كانت البدر ..
نايف ــ هذي بنتي بدر البدور ...بدور ..ريلج خالد ..
بدور كانت مستحيه ومنزله راسها ..لكن اللي كان مستانس صج هو خالد ...محد قده اليوم ..
باركوا لبعض واجلسوا ..خالد كان مستانس وايد ..محد قده الليله ..بس بدور كانت ساكته طول الوقت ..بناء على اوامر صارمه من امها ..
***************
قمر ـ امانه عمتي ..انا عاجبني هالفستان بشتريه حق عرسج ..
دانه ــ زين ..عاد حمد مسوي لنا جدول..كان يبي ياخذنا نتعشى بره وبعدين نروح البحر .وكان بيعزمنا على السينما بس رفضت ..
قمر ــ لا ..ليش رفضتي؟
دانه ــ جيه,,ما حبيت فكره السينما ..
قمر ــ زين روحي قوليله ..
دانه ـ بقوله وأمري لله ..اتصلي في ابوج ولا امج واعرفي لي سالفه الخطبه ..
قمر ــ اوه ..ماكلمهم من اربع مدري ثلاث ايام ونسيت هالسالفه ..روحي تفاهمي معاه وانا بكلم ..
راحت دانه غرفه حمد ..
ــ حمد ...شوف اليوم قمر تبي تروح وتشتري فستان عجبها ..
حمد ـ بس انا حجزت في المطعم ..
دانه ـ معلش حمد كلها يومين ونرجع البلاد ..خليها تشتري الفستان ..
حمد ــ زين ..وانتي خلصتي كل شي ؟؟
دانه ــ تقريبا ..بس بحياتي ما انسى لك هالجميل ..
حمد ــ لا تبدين هالكلام ..ما احبه .. انتي عمتي ..وأغلى انسانه عندي .
دانه ــ تسلم لي يا حمد ..زين ابوك ما كلمك عن العرس؟
حمد ــ كلمني ..قال لي ان ضاحي بيسويه في قاعة الدفنه الشيراتون .. وتاريخه 5-8
دانه ـ قريب وايد ..
حمد ـ المهم انج خلصتي ..
دانه ــ ماحجزت المصورة ..ولا المسكه ..تدري ..أنا بشتري المسكه ..النوع الموضه اللي نازل للي فيه المسكه صناعيه ..شفته هنا ..وكان روعه ..وفي مساحه احط فيه ورد طبيعي .. وجي ارتاح من همها ..
حمد ـ صج اني ما فهمت عن ايش تتكلمين ..بس سوي اللي يريحج ..
ابتسمت دانه ــ بسوي نسكافيه ..اسوي لك معاي؟؟
حمد ــ ياليت تسوي لي قهوه عربيه ..ما احب النسكافيه .
دانه ــ من عيوني ..ربع ساعه بس ..
دخلت دانه المطبخ وسوت القهوه وحطت له قطع كيك معاها ,,
وعطتها حمد وشالت كوب النسكافيه مالها ورجعت الغرفه ..المدبره نادين ما تنام في البيت .بس تيي وتنظفه وتجهز الاكل وتروح ..
دخلت الغرفه ــ بشاره حمد رضى ..قومي ..
لكن قمر كانت حاضنه ريولها وميته صياح ..
دانه ــ شفيج؟؟
ماردت قمر ...
دانه ــ قمر ..ليش دموعج؟؟ ليش تصيحين صار شي ..
قمر ــ بدور ملجت ..
الدانه ـ ها ؟؟ وهالخبر يفرح ما يخليج تصيحين ..
لفت قمر ويهها ودسته في المخدته وصرخت الم ..
ــآآآآآآآآآآآآآآآه ..
دانه ــ قمر خرعتيني ليش تصيحين بقهر جي؟؟
قمر ــ بدور خذت خالد ولد خال ابوي ..خذت خالد يا عمتي ..
انصدمت دانه ..وعورها قلبها على قمر ..
دانه ــ من قال لج؟
قمر ــ أمي ...آه يا عمتي ..ما اقدر اتخيل اللي صار ما اقدر .بدور ..خذت خالد ..
دانه ــ لا تصارخين تبين حمد يسمع ؟
لفت قمر عن عمتها ودست ويهها في المخده بقوة وصرخت بعبره ...
دانه ــ قمر ...
ما عرفت الدانه شتسوي لقمر,..دانه نفسها فيها منصدمه ..
دانه ــ خلاص قمر ..قومي ..خلاص عن الصياح .
قمر ــ ما اقدر ..لو خذ حد غريب ما اهتميت ..بس خذ اختي ..عمتي فاهمه العذاب اللي امر فيه ؟؟ الشخص اللي احلم فيه صار ريل اختي ..وش القهر اكثر من جي؟؟ وأختي الوحيده... اللي مالي غيرها ..
انهارت قمر ..ويهها صار احمر من الصياح ..لفت اللحاف على نفسها ..وغطت ويهها ..
دانه ــ قمر ...حبيبتي اهدي ..
شتقول لها الدانه ؟ هي نفسها مقهوره ..
طلعت لحمد ..
حمد ــ قهوه عجيبه ...تتسلم ايدينج ..
دانه ــ الله يسلمك ..
حمد ــ شفيه ويهج جي؟؟
دانه ــ مافي شي ..
حمد ــ انا جاهز ..يلا قبل لانصكر المحلات .
دانه ــ خلاص ..محد بيروح ..
حمد ــ ليش؟؟
دانه ــ قمر تعبانه..
حمد ــ تعبانه؟؟ شفيها توها مثل السبال تنطنط ..
دانه ــ ياها صداع ..
حمد ــ خليني آخذها الطبيب ..
دانه ــ لا ..شغله عاديه ...صداع اكيد تغير عليها الجو ..
حمد ــ لا ..صار لنا اسبوع وشي الحين تغير عليها الجو؟
دانه ـ صدقني شي ما يستاهل ,,
سكت حمد شوي ..دخلت دانه الغرفه ..وكانت قمر مغمى عليها ,,وطايحه على الارض ..
دانه ــ حمد ..حمااد ...
دخل حمد ..ــ شفيج؟
دانه ــ ساعدني ..
حمد ـ شفيها؟؟
داانه ــ بس ساعدني ..
شلوها وحطوها على السرير ..
حمد ــ بيب الدكتور ..ستريها ..
دانه ما امسكت نفسها وصاحت ..
****************************
خالد ــ عبير ..ليش تضحكين؟؟
عبير ــ امي المسكينه ياها اكتئاب من درت باللي صار ..
خالد ــ وشاللي يضحك؟؟
عبير ــ آآآآه ههههههههههههههههه ..صج شر البليه ما يضحك ..
خالد ــ وش بليه ويا ويهج ..هذي بدل مبروك والله يسعدك يا أخوي ؟؟
عبير ــ المصيبه..أنك خطبت وماقلت اسم خطيبتك اللي تبيها ,,شتخسر لا قلت؟؟
خالد ــ أخسر ولد عمتي.. شيكون موقفي لا قلت له ابي بنتك قمر على سنه الله ورسوله؟؟ شيقول شدراني بسم بنته؟؟ وبعدين انا نسيت ان عندها اخت..ومافكرت بهالموضوع ..وأمي لو ما عاندتني وراحت لمنيره كان شوي اتضحت الامور ..
عبير ـ امي حالفه ما تدش بيت منيره من زمان .من تطاولت منيره عليها بالحجي وغلطت ..
خالد ــ منيره كانت ياهل اكيد ..
عبير ــ زين خلود ..وشرايك في بدر ؟؟
خالد ــ اسمها بدووووور ..يا مال ال..
عبير ــ ها ..اشوف بدينا ..من اولها بدوروه سوت لي مشاكل ..
خالد ـ البنت شكلها هاديه ..
ضحكت عبير.,,
خالد ــ انتي من الصبح تكركرين من الضحك ليش ؟؟ وشفيها عروسي ليش مو عاجبتج؟
عبير ــ ولا شي ..بس الموقف يضحك ....
تذكر خالد كلام امه انه قمر يبيها ولد عمها ..ومستغرب ليش محد اعترض ولا حد مانع من زواجه خاصه ان عندها عيال عم كبار ..
عبير ــ حسافه لو انك ماخذ دانه ..كانت على الاقل أرضيت أمي ..
خالد ــ واذا قلت لج ان دانه نفسها طلبت مني اني ما اتزوجها؟
عبير ــ ها؟
خالد ــ دانه نفسها بنت عمتج ..قالت لي في يوم من الايام انا ما أتخيلك زوج لي ..
عبير ــ مستحيل ...
خالد ــ أنا ما أكذب ..واسأليها ..وهالشي هو اللي ريحني ..اظن انها تكرهني ..ما ادري ليش ..
عبير ـ يعني ما تعرف؟
خالد ــ شاللي ما اعرفه؟
عبير ــ تظن انك انت السبب في وفاه امها ..
خالد ــ وأنا شدخلني في الموضوع ..
عبير ــ دام ما صار نصيب بينكم بقول لك السبب ...تذكر يوم طاحت عمتي اول مره ؟؟
خالد ــ وأنا أقدر أنسى؟؟ بس هالشي صار من زمان ..
عبير ـــ اييه ..بس أثاره كانت قويه على عمتي..لما شافتكم طايحين طق في الدانه تعبت ..وطاحت ..الدانه كانت غاليه عليها وايد..المهم كانت الطيحه الاولى وحذرها الدكاتره من اي انفعالات ..الطيحه الثانيه لما ماتت نوير ..بنتها لله يرحمها ..تمت شهر في المستشفى ..وسوو لها عمليتين ..ودانه كانت تنام معاها دايم ...الطيحه الثالثه كانت القاضيه ..وقالت لي الدانه السبب ..
خالد ــ شقالت لج؟
عبير ــ قالت لي ان ابوي خطبها لك ..وهي رفضت ...وتهاوشت معاها عمتي ..وراحت عمتي غرفتها وهي معصبه ..وفي الليل لما دانه راحت تراضيها لقتها ما تتحرك ولا تتنفس ..
سكت خالد ..الحين فهم سبب نظرات دانه له ..
عبير ــ دانه كانت متعذبه نفسيا ..وان السبب في موت امها الله يرحمها ..وكانت ناويه ترضى تتزوجك ..وقالت لي رغم اني اكرهه بس بفكر كل يوم انه زوجي ..وشوي شوي تأقلمت مع الفكره ..بس كانت كلهه تتمنى انها ما تتزوجك ..لانها لو تزوجتك ما بترتاح معاك وبتم تلومك كل العمر ..
ماعلق خالد ..لانه تقريبا استنتج هالاشياء ..من خلال ما قرأ الملف مال دانه ..
عبير ــ اشوف كلامي ماله اي رياكشن عندك؟؟
خالد ــ ها؟؟
عبير ــ من قال ها سمع ...ماشوف اي رده فعل عندك للي صار ..
خالد ــ ليش عيال عم بدور ما مانعوا زواجي بها؟؟ اذكر امي قالت ان عيال عمهم يبونهم؟؟
عبير ــ أنا وين وأنت وين ..
خالد ــ سألتج سؤال من اللباقه تردين عليه ..
عبير ــ اذا هذا مفهومك للباقه فأنا سألتك أول!
خالد ــ سألتيني عن دانه ..ودانه خلاص تزوجت ..لازم لا انا ولا هي نفكر في الاحتمالات اللي كانت بتصير..علشان ما نتعب أرواحنا ..يلا جاوبي على سؤالي ..
عبير ـ صج اني مافهمت ..بس ..انا اتذكر دانه قالت لي مره ان ناصر لمح انه يبي يزوج اثنين من عياله لاخوات.. واحتمال كبير تكون قمر وبدور . لانه قال هالجمله وزوجته طالعت له بنظره معناها لاتكمل..ياني احقر الرياييل اللي يمشون ورى حريمهم ..
خالد ــ صدقيني بكره بتتزوجين ..وتبين ريلج يسوي اللي تبينه .. بس ردج ما جاوب سؤالي ..
عبير ــ ما ادري بس خلاص انت خذت بدور ..وأنا أشوف انها عاجبتك ..وماهي الا نسخه قمر ومن ناحيه الشخصيه ..صدقني ما يختلفون وايد ..توأم ..
*************
حمد ــ شفيها يا عمتي؟ الدكتور ما قال الا انه عطاها مهدئ..شفيها؟؟
دانه ــ الدكتور يقول ما فيها شي عضوي ,,المسأله نفسيه بس ..
حمد ــ وليش ؟؟ مني يمكن اني خليتها تفقد اعصابها؟
دانه ــ لا ..مو انت السبب ..اختها البدور ملجت ..وهي انهارت ان بدور اختها التوم وملجت وهي بعيد عنها بس ..وانت تعرف التوم مايفترقون وايد ,,

حمد ــ شفيها يا عمتي؟ الدكتور ما قال الا انه عطاها مهدئ..شفيها؟؟
دانه ــ الدكتور يقول ما فيها شي عضوي ,,المسأله نفسيه بس ..
حمد ــ وليش ؟؟ مني يمكن اني خليتها تفقد اعصابها؟
دانه ــ لا ..مو انت السبب ..اختها البدور ملجت ..وهي انهارت ان بدور اختها التوم وملجت وهي بعيد عنها بس ..وانت تعرف التوم مايفترقون وايد ,,
حمد ــ بدور ملجت؟؟ من خذت ؟
دانه ترددت انها تقول ..بس اذا ماقالت بيعرف ..ــ خالد ولد خالي ...
طالعها حمد نظره غريبه ..حست ان الالوان اشردت من ويهها ..نظره متشككه ..
حمد ــ مم..
ولف وطلع من الغرفه .
رجعت دانه لقمر اللي كانت نايمه ,, وطالعتها بحسره .. فاهمه اللي تمر فيه ..((آآآآآآآآآآآآآه يا بدور ..طول عمرج تعورين لي قلبي بقسوتج ....واليوم ذبحتيني ..وذبحتي أختج ...((
طلعت لحمد تيلس معاه لين ما تصحى قمر ..حمد كان سرحان وما انتبه لوجودها ..دانه ـ نحن هنا ..
حمد ــ ليش ما تيليسين مع قمر يمكن تصحى وتبي شي ؟
دانه ــ تصحى ما اعتقد...تشرب شي؟؟
حمد ــ لا ..ما ابي .
دانه ـ زين ..ما تبي تتعشى؟؟
حمد ـ وشو بتسوين العشا؟
دانه ــ في بيض ..في دياي تندوري نجتس ..في بيتزا بارده ..أحطها في الميكروويف ولا أحلى بيتزا هت .
حمد ــ ابي كل اللي قلتي ..يلا شدي حيلج ودخلي المطبخ ..
***********
دانه ــ يلا قمر ..تعبت وطبخت وقليت ..قومي ..
قمر ــ ليش تعبتي عمرج؟؟
دانه ــ اشتهيت ..يلا .
قمر تحاول تمسك دموعها ــ وشو العشا ..
دانه ــ بيض ..ودجاج تندوري مقلي و بيتزا بارده من الظهر حطيتها في الميكروويف ..
ابتسمت قمر ــ وطبختي؟ شاللي طبختيه اذا كل فاست فود ,
دانه ــ حمد متضايق ..وعلى باله انه السبب في تعبج ..قومي ..وبيني له انه ماشي صاير ..
قمر ـ .......... بس صاير اشياء ..ما بقدر أحضر العرس ..واذا يلست مع بدر شقول لها؟؟ هي نفسها بتحس بشي ..
دانه ــ لا ..ما بتحس ..وأنا ما بخليكم مع بعض ..بكون دايم وياكم ..
قمر ــ بترجعين تسكنين عندنا؟
دانه ــ لا .بس بزوركم كل يوم ..قومي اغسلي ويههج واترسيه هالميكياج اللي تحطينه دوم ..يلا وباني فرحانه لا يظن حمد شي ثاني .
قمر ــ وييييييه ...زين ..
**************************
كل شي تغيير ..بعد ما ارجعت دانه وقمر لدوحه .كل شي تغير ..معامله الكل لهم تغيرت ..
حسن ــ ها عمتي ..الحسناء .. كلها اسبوعين وتتزوجين؟؟
دانه ــ ايهه لاتعور قلبي ..هالشهر اللي مر ما ادري شلون مر ..كأنه يركض ..
سلمان ــ زين عمتي ..صدقت الشهاده لج ..بتقدمين؟؟
دانه ــ بسأل ضاحي اول ..
حمد ــ تبين اسأله لج؟
دانه ــ لا ..يات اللحظه اللي لازم احترمه وأستشيره ..بنفسي ..طول هالشهر وأنا نازله واسطات بقمور علشان يسمح لي اروح وأيي ..
حسن ــ أعتقد هالشي ماله دخل فيه ..
دانه ـ هو صار زوجي ..وخلاص ..والزوجه تلعن لاطلعت من دون اذن زوجها ..وهو نفسه قال لقمر انه مايحب اني اروح وايي وايد بدون علمه .
حسن ــ بدى يتحكم فيج ..
دانه ــ شسوي ..
حسن ــ عمتي ..بنسوي لج حفله عزوبيه الاسبوع اللي ياي ..
دانه ــ عشتوا ..هذا اللي ناقص ..
سلمان ــ خلاص ..اتفقنا على هالشي .. ومجهزين كل العده في الشاليه على البحر والديجي ..والبوفيه ..اعزمي صديقاتج واللي تبين ..وآخر الليل بننضم لج ..
دانه ــ انت من صجك؟؟ زين اذا ماصار فيني انهيار عصبي ..البنت ليله عرسها ماتنام من الرعب والخوف ..ومستحيل تلاقيها تبتسم كله دموعها على خدها ..
حسن ــ عمتي ..خلاص الحفله بتكون بينا بس...حنا الشباب وانتي اشيعي بجي ودموع وانهيارات ..
مشعل ــ شوفي عمتي ..أنا من راي حسن ...
دانه ــ قوموا ..تراني صدعت ..هالشهر منكم ..بروح لقمور أيلس معاها ..حمد توصلني؟
حمد ــ كنت طالع للبيت بس مو مشكله اوصلج ..سلمان تروح معاي؟
سلمان ــ اذا أبي أروح أخذ سيارتي ..خذ صالح لبيت عمي ..ابوه يبيه ..
صالح ــ صج الوالد عاوزني بيأوول ان ماشفنيش النهارده حيقطم رقبتي ..
حمد ــ قوم يا حبيبي ..أأوم ..لحسن ماماما حتقلق عليك ..
صالح ــ أنا باباي اللي عاوزني مش ماماتي ..
دانه ــ خلصت فكوني من اللسان العوي ..يلا ورانا طريج ..
********
خالد ــ اول مكالمة بينا ..شخبارج؟
بدور ــ اخباري تمام .
خالد ــ مافهمت القصد اني ما أكلمج طول هالشهر ولا أشوفج...
بدور ــ أمي ربت ..وماكانت تبي الحريم يقولون يابت الولد وزوجت بنتها في الوقت نفسه ..فقالت لي تسافر هالشهر معاي للبحرين عند يدتي ولما نرجع تسمح لنا نتكلم .خافت من العين بالمختصر المفيد ..
خالد ــ شسمه الصغير؟
بدور ـــ فهد ,
خالد ــ عاشت الاسامي وايد حلو ..
بدور ــ أبوي سماه ..كان يبي يسميه حسن ..بس ابن عمي اسمه حسن ..فغير ..
خالد ـ زين..بتسجلين في الجامعه؟
بدور ــ أمي تقول هالشي مقرر بايدك ..ياتسجلنني موازي ..يا تخليني في البيت ..
خالد ــ وأنتي شتحبين؟
بدور ــ أبي أتوظف ..ما ابي دراسه وما أبي أيلس في البيت ..
خالد ــ طموحه ماشاء الله .
كانت أول مرة خالد يكلم البدور ..لانها سافرت شهر مع أمها ..شاف قمر مرتين بعدها وكانت مع الدانه ..شافهم في البيت ناطرين عبير تروح معاهم للسوق ..هو متأكد بنفسه أنها يوم ابتسمت ابتسمت بحزن .. وماطالعته له في عيونه.. ضميره يأنبه الحين في اثنين ...الدانه وبنت اخوها ..
بدور ــ خالد ..خالد ..
خالد ــ نعم ؟؟
بدور ــ ليش ساكت؟
خالد ــ ولاشي ..ما أحب أطول عليج ..مع السلامه .
بدور ــ مع السلامه .
صكر التلفون وهو متضايق .. كأول مكالمة مع زوجة المستقبل ...كانت مكالمة سيئه .يمكن المكالمة الثانية تكون أحسن .
********************
الدانه ــ قمر ..خلاص ..تنفسي ..
قمر ــ صدقيني عمتي .. هاليومين الي يات فيهم ماقدرت أكلمها كلمه وحده ..حتى مبروك ماقلت لها .
الداانه ــ بس ..لين هنا وامصخت السالفه .. لازم تنهين هالشي من راسج ..واذا كان في عزاء ..خالد كان السبب في موت يدتج .
قمر ـ شلون؟
الدانه ــ لا ..السبب مو كله عليه ..جزئيا ...السبب انا ..بس كان بسبته ..له ضلع في هالموضوع .
قمر ــ عمتي أمانه قولي لي اللي صار ..تراني صج تهت ..
**

الدانه ــ ها ..هالحين خفت عوارض الحزن؟
قمر ــ مو وايد ..بس ..أنا نادمه على شي واحد .
الدانه ــ وشو هالشي ؟؟
قمر ــ أن علاقتي ببدور ماكانت قويه لدرجه اني أقول لها اللي في قلبي ,,على الاقل ..لو تدري ما رضت بخالد كزوج..
الدانه ــ أرجوج يا قمر ..لاتحطين في بالج هالافكار وهالندم ..ويلا عطيني رقم خالج ..
قمر ــ شتبين فيه؟
الدانه ــ أبيه ..
قمر ــ زين لحظه ..خذي هذا هو الرقم *******
الدانه ــ رقمه مميز ..
قمر ــ اييه ..عنده ثلاثه غير هالرقم ...كل رقم يقول الزود عندي من حلاتهم .
الدانه ــ تمدحين في خالج؟
قمر ــ خالي ضاحي غير ..أحس أنج بتحبينه بعدين ..صج انه مو وسيم ..بس لاركزتي فيه..ملامحه مملوحه ..صج مو بحلاة خالد ..ولا بحلاة بوي ولاعيال عمي ..بس مو سيء ..اللي مآخذ الحلاه كلها خالي فيصل..يانه قمر..أحلى شاب شفته في حياتي .ياليته ماكان خالي ..بس ..خلاص ..بس خالي ضاحي زين ..صج انه مو حيل معانا أنا وبدور ..بس زين ..من بعيد لبعيد ..
الدانه ــ خلصتي مديح؟
قمر ــ عمتي ..والله انه موب سيء ..انا اللي معور قلبي انج خذيتيه بدون ماتشوفينه ..
الدانه ــ أصلا ملجوني بدون ما أدري ..هناء خذت بطاقتي وراحت معاهم ..وماأدري شاللي صار بالضبط ..انتحلت شخصيتي..توكيل غيابي..ماعندي خبره في هالاشياء ما أعرف شلون صار اللي صار ..بس اللي اعرفه قانونا ..صرت زوجه ضاحي .شرعا..الله يعلم .لاتمدحين لي خالج ..تراني مكتفيه منه ..
قمر ــ ما كنت بقول لج ..بس ..أنا مستغربه انه مثلج ...مايبي كلام في هالموضوع .
الدانه ــ خليني أتصل فيه ..
قمر ــ بروح أييب لج نسكافيه ..
اتصلت دانه من جوالها على ضاحي وهي تحس أن مع كل رنه قلبها يدق مية مره ..حاولت تبضبط تنفسها بس ما اقدرت ..
ــ الو ..
الدانه ــ ,.........................
حست انها تتراجف وماتقدر تقول كلمه ...
ضاحي ـــ ألــو ..
كان صوته خشن ..وقوي ..ودانه بروحها كانت مرتبكه ..صج مو اول مره تكلمه ..بس أول مره تعرف ان هو اللي على الخط ...مو حد غريب ..ما قدرت . تتكلم ..فصك هو التلفون ..
دخلت قمر ــ كلمتيه؟
دانه ــ لا .
قمر ــ ليش؟
دانه ــ كان خارج التغطيه ..
قمر ــ مستحيل ..خالي مايطلع لمكان بعيد في هالوقت ..أصلا بتلاقينه في شغله ..
دانه ــ ماقلتي لي شيشتغل؟
قمر ــ له مكتب في وزاره الخارجيه .. شغله بالضبط ..مثل العلاقات العامه الخارجيه ..تصدقين ولامره سألته ..بس ما أكثر ما يسافر . مع السفراء والوزرا ..اللي اعرفه انهم ما يستغنون عنه ..
دانه ــ اسألج سؤال صغير ..تمدحين لي سلطان بروناي ,
قمر ــ اقولج ..
رن تلفون دانه .. طالعت الرقم كان رقم ضاحي ...
دانه ــ ....
قمر ـ أذكر أنج قلتي انه كان خارج التغطيه ..
دانه ــ ها ؟ ...صراحه ماكانت عندي الجرأة أكلمه ..
قمر ــ هاتي أنا أرد ..
دانه ــ لاتردين ..ما ....
قمر ــ ما بتملين من هالخوف ؟؟ ردي عليه .كلميه ..
دانه تتت بكلمه ..بس مو اليوم ..
قمر ــ بروح أييب فهادي وأيي .. واتخذي قرار ..تكلمينه ولا ا ..العرس عقب اسبوعين ..وأنت تقريبا ماتعرفين عنه شي ..يساعدج لو كلمتيه ..
دانه ـــ شوفي قمر ... كل ما اتذكر اللي صار في المستشفى أنحرج ..
قمر ــ هو مالاحظ اللي صار ..قالوا له انج كنت تعبانه من الامتحانات..وبعدين هو ماشاف ويهج كان منزل راسه ..
دانه ــ أتذكر اني ماشفت عيونه ... خليني من سلطان بروناي ..ماقلتي لي ..وين فهد؟
قمر ــ بروح أييبه ..امي نايمه وهو صحى ..ماشاءالله يا عمتي صغيير ..ويشبه ابوي وايد .
دانه ــ هاتيه ..
صحيح ان دانه كانت ماتطيق لامنيره ولاهناء ..بس تموت على عيال اخوانها ..وبناتهم ..تحسهم قطعه منها رغم انها من عمرهم تقريبا ..رن التلفون مرة ثانية..طالعت دانه الرقم ..ما اقدرت ترد عليه ..بس بتكون في موقف محرج ..اذا عرف انها ماردت .
تركت التلفون في الغرفة وراحت غرفة بدور ..
بدور كانت يالسه تقلب في قنوات الريسيفر .
الدانه ــ عطينا ويهه قولي أيلس مع عمتي ولا صرتي مدام خالد ماتحاجينا ..
بدور قام وسلمت على عمتها ..
بدور ــ هلا دانه ..ماتصدقين توني هاللحظه صكرت من عند خالد ,,وكنت افكر فما سمعت اي صوت ..
الدانه ــ ها ..وشلونه هالخالد ..شخباره؟
بدور ــ ما أدري ..أحسه ...مدري ..بس اول مكالمة بينا كانت فاشله ..ما عطاني فرصه اسأله بحجة مايطول علي في الكلام .
الدانه ــ أول مكالمة لاحقه على الباقي ..
بدور ــ شوفي ..
ضحكت دانه لما شافت ورقة الاسئلة اللي مسويتها بدور لخالد ..
بدور ــ أمي قالت لي اسئله نص هالاسئله ..واذا سألني عن اسئله هي متوقعتها كتبت لي الاجابه ,,
ماتت دانه من الضحك ..كانت الاسئله خمس وثلاثين سؤال ..تقريبا نصها عن العرس ونصها عن البيت وجزء بسيط عن شغله وراتبه ..
دانه ــ زين انه صك في ويهج التلفون ..ولا ماخلص المسكين من طلباتج .وأسئلتج ..
بدور ــ أنا ما ابي شي ..هذي امي تبي تعرف هالاشياء ..عمتي شفيها قمر علي؟؟ من رجعت من السفر تكلمني بالقطاره .
الدانه ارتبكت ــ ها؟؟ قمر ..ما أدري ..بس عادي ما ..أشوفها متغيره .
بدور ــ ما أدري أكلمها ..ماتقول شي ..اليوم اول مكالمة بيني وبين خالد ..كنت أتمنى أقول لحد اللي صار ..بس قمر ما تشجعني اني اتكلم ..
الدانه ــ قمر اعذريها تراها لها مزاج ..بس انا موجوده ..قولي شصار؟
بدور ــ عمتي اشك انه ماكان يبيني ...
اسكتت دانه وهي شاكه ــ شالكلام لو مايبيج ماخذاج ..
بدور ــ ما ادري عمتي رفيجاتي كانوا يكلموني عن اول اتصال..والكلام اللي سمعته منهم غير اللي صار بيني وبينه .. حسيت في برود ..
الدانه ــ لاتصير أفكارج بهالسوداوية ..شبروده وانتوا اسم الله عليكم توكم ملجين ..وهو اختارج بنفسه ..ويا خطبج بنفسه بس تلاقينه مرتبك ..وبعدين اذكر مره رجع من الدوام لما كنت ادرس عندهم ..وكان تعبان بالمره ..اكيد مافضى يكلمج براحه وبال مرتاح .
بدور ــ عاد تدرين شفت ابن خالتي نوره ..علي ..
داانه ــ أذكره لما كان هنا قبل لايسافر ..كان كبير..
بدور ــ اييه يا وبارك لي..وكان كله يحاول ييلس معاي ..ماحبيت هالشي وظليت لاصقه في امي ..وكله اشيل فهادي ..خفت وايد..خفت وتمنيت اعرف ليش يدتي كله هناك في البحرين ..ماتتي وتظل هنا عيالها هنا وبناتها .. زين ان خوالي يوا هنا بعد ماخلصوا الثانوية وكملوا هنا ...اللي اعرفه اني مابرجع لهناك لو بموت ..
دانه ــ ما اعتقد نيته كان سيئه ..
بدور ــ ما ادري بس هو يخوف ..نظراته تخوف ..
دانه ــ قومي زين طرشت قمر تيب فهد من تحت ..يلا تعالي ايلسي معانا ..
بدور ـــ لا عمتي ..بروح أتسبح وبعدين أنام ..خذوا راحتكم ..
دانه ــ كيفج ..
*********************
هالشهر خالد اندمج في الشغل أكثر وأكثر ..وتقريبا اسلوبه تحسن مع الاطباء الثانين لانهم خذوا عليه ...بس الكل ما يعجبه تسلطه ,,
فارس ــ صدقني بيعجبك الفيلم .
خالد ــ لا ..ماعندي وقت بعد الدوام يدوب احط راسي وأنام بعدين أكلم المدام ..وأشوف شناوية حق العرس .
فارس ــ ماشاءالله كتبت شعر .
خالد ــ ماكتبت شعر كل اللي صار اني لصقت الكلام في بعض ..بس .
فارس ــ زين الطبيب خالد اترك واروح البريك خلص ..
خالد ــ انت متأكد الفيلم حلو؟
فارس ــ يمدحووونه لي .
خالد ــ خلاص ..الليله نتواعد .
فارس ــ انشاءالله ..
خالد لقى في فارس الرفيق المثالي ..والزميل المتعاون ..خذ قلاس الجاي ورجع لمكتبه ..واستقبل المرضى ,,
******************
ايلست على سريرها والافكار تآخذها وتجيبها ..تكلمه الحين؟؟ الساعه عشر في الليل ..ماعندها سالفه لو كلمته هالحزة ..المصيبه العرس بعد اسبوعين ..تذكرت مريم اللي دست بين اغراضها كيس ..استغربت منه دانه ..ولما فتحته اكتشفت انه كله قمصان نوم..عصبت وايد على مريم اللي ابتسمت وماعلقت ..تقريبا هي خلصت جهاز في نظرها لكن مريم كله تصارخ عليها انها ماخلصت شي معقول ..الذهب مريم سافرت الامارات واشترته على مزاجها ..الدراريع والشيل واغراض البيت يابتها مريم كلها من الامارات ..العطور تكفلت فيها قمر ..واشترت احلى العطور ودهون العود ..وساعدتها منيرة في هالشي .,,الاكسسوارات والمفارش والديباجات يابتها لها هناء كلها من الكويت ..الميكياج يابته لها بدور ..والبدلات الكشخه والاحذية ..تقريبا هي ماسوت شي الا اختيار فستان العرس وفساتين بسيطه ثانية . ..طالعت اغراضها وملابسها وذهب امها اللي رفضت تبيعه وخلته مع ذهبها ..طالعت ملابسها الوايد .. بتاخذها معاها بس مع الملابس اليديده مالها مكان ..عطورها مالت المدرسه وعباياتها وشيلها ..اللي تعرفه انه بعد زواجها .. انقطع عنها راتب ابوها التقاعدي ..اللي كانت تعيش منه بشكل يخليها ما تحتاج للناس . ..صج بس من سنتين وشي فقدت امها بس تحس انها ماتت من زماااااااااان ...يمكن لان اخر سنينها كانت تتنقل من مستشفى لثاني ..وكانت كله تعبانه ..بس هي محتاجتها وايد ..وايد ..وكرهت الدنيا لانها تحس ان ماعندها مكان تعيش فيه وتحس انه لها ..
طالعت التلفون ..اذا ماعندها الجرأة تتكلم ..عندها لاجرأة تكتب مسج ..
وكتبت ..
(السلام .انا دانه.اذا ماعندك مانع ياليت تسمح لي اجهز اوراقي لدخول الجامعه (
حست ان المسج جاف بالمرة ..وخالي من اي ذوق ..بس ماعندها حل ثاني .,, ارسال .
ثواني ووصل تقرير بالاستلام ...دقيقتين ووصل مسج .
(ليش ماكلمتيني يوم دقيتي علي؟(
ارتبكت الدانه..على الاقل رد السلام .
(كنت مرتبكه .وماكان عندي الجراه (
وصل تقرير الاستلام ..وبعدين مسج اني
(أي تخصص تبين؟(
دانه ـ(اداره واقتصاد (
ضاحي( ( ماعندي مانع ((
دانه (( شكرا ((
مارد ضاحي بعد هالمسج ...حطت التلفون على جنب ..وحطت راسها تعبانه الصبح لازم تروح السوق ..شي واحد قررته انها تكره السوق ..
**********************
مر أمه المسكينه ..اللي اعتزلت في غرفتها من يوم ملجته ..من شهر ..
خالد ــ يمه ..
أم خالد ــ هلا ولدي .ادخل ..وينك ما أشوفك ..
خالد ــ في دوامي يمه ..
أم خالد ــ ها ..ربت منيرة ؟؟
خالد ــ يابت ولد ..
ام خالد ــ ما بغت ..مسكين نايف ..كبر على ولده ..
خالد ــ انشاءالله يعيش ويربيه .
ام خالد ــ كلمت حرمتك؟
خالد ــ اييه ..
ام خالد ــ متى تبي العرس؟؟
خالد ــ ما سألتها وهي ما قالت
.ام خالد ــ البنت انشاء الله زينه ..بس خلها بعيد عن منيرة ..
خالد ــ أشوف ..
ام خالد ــ كلمت ابوك ؟
خالد ــ عن ايش ؟
ام خالد ــ عرس عبير ..بعد ثلاث شهور ..وأبوك يبيه بعد سنه ..
خالد ــ بس انتوا اتفقتوا مع الريال بعد ست شهور شغير هالكلام؟
ام خالد ـــ ابوك يبي عرسك قبل عرسها ..عبير الوحيده من خواتك اللي موب مشغوله بريل وعيال ..وانا كبرت ..وأبوك يبيها تشيل العرس ..
خالد ــ بس يمه ..الريال متفق مع ابوي ..
ام خالد ــ العنود بتولد ..وصالحه ماتقدر تهد ولدها ..توه صغير ..وبشاير متغربله في شغلها وزوجها مثقل عليها بطلباته هو والعيال,,,
خالد ــ انا ما ابي أفشل أبوي جدام ريل عبير ...الريال وهله حاجزين ..
ام خالد ــ دبر نفسك عاد ..عرس عبير شهر احدعش ..تقدر تعرس قبل هالتاريخ؟؟ تفاهم مع ابوك وقول لنا شرايك ..
ارتبك خالد..مافي غير هالحل ...طلع لبوه وتناقش معاه ..
***************

للمرة الالف قرت المسجات اللي طرشها ضاحي ..صج موب بخطه..بس انها منه تخليها تقرأها عشر مرات ..وهي ما تقدر تفهم شي منها ..
مسكت ورقة ..وكتبت ..
(( قلق ...
كل ذره في جسمي تنبض بهالشعور ..كل نفس من انفاسي مغلف بهيبه .
أتساءل ...هل هو انسان يظلم ويجور ..ام انسان أحلى مافي قلبه.. طيبه ...
أكره الساعات اللي بكل بطء تدور ...وأتساءل درب بكره وراه اي خيبه؟؟
هل هو درب الخير والكرم مكلل بزهورولا درب كله تعب وخوف.وريبه((
حطت الورقه في درجها ..وهي مستغربة ..وين ملفها اللي تعودت تحط فيه هالمحاولات الفاشله في صياغه حياته؟
ماخطر لها ان الملف عند خالد ...مع ربكه التجهيز وصدمة العرس ..تخيلت انها ضيعته ..
دانه ــ صباح الخير ,,
سلمان ــ صباح النور والسرور ..
دانه ــ خلاص بقدم اوراقي للجامعه ..
سلمان ــ وافق السلطان ؟؟
دانه ــ اييه ..شتسوي في المطبخ؟
سلمان ــ ريوق ..لاتنسين عندي محاضرات ..والحمدالله قربت اخلص ...
دانه ــ الجامعه صعبه سلوم؟
سلمان ـ ام التسعين تسأل هالسؤال؟؟ عيل ام الستين شيكون سؤالها .
دانه ــ تشهد أعوذ بالله من عيونك .
سلمان ــ هههههههههه ,,, كأن محد غيرج ياب هالنسبة ..تعالي تريقي معاي ..
دانه ــ وين خوانك وعيال عمامك؟
سلمان ــ حمد راح الشغل بدري ..وحسن راح مع صالح ومشعل السنتر ..خالد نايم ..وهذا أنا ..بروح الجامعه الحين .
دانه ــ كم باقي وتتخرج؟
سلمان ــ كورسين ..وأخلص ..طبعا مع الصيفي .
دانه ــ وحسن؟
سلمان ــ لا ..حسن خلص أربع سنوات في الجامعه باقي سبع ..
دانه ــ يدرس طب هو؟؟ شسبع سنوات؟
سلمان ــ هذا هو ..ما أخذ خلال هاأربع سنوات الا ستطعش ساعه ..بس!! والمطلوب للتخرج ميه وعشرين!اذا خلال أربع سنوات خذ 16 ساعه ..و4سنوات اللي يايه 16 ..واللي وراهم 16 ..لا غلطت في الحساب يبي له تسع سنوات ..64 و64..اييه خلال تسع سنوات ..تقريبا ..
دانه ــ 16 ساعه بس ..في 4سنوات؟ في ناس ياخذونها في سنه!!
سلمان ــ حسون كان يصقط في المواد ويشيلها .. وكان ياخذ كل سنه بس تسع ساعات نصها صاقط فيها ..(شايلها ..(
دانه ــ وناصر ساكت؟
سلمان ــ أبوي ما يسأل وايد ...كل اللي يهمه ..حمد وخالد ..انه حمد يترقى خلال فترة بسيطه من شغله ..وخالد يترقى في الوزارة ..ويصير قريب منه ..
دانه ــ زين خلود ليش نايم ليش ما يروح الشغل؟
سلمان ــ شغل خالد حاليا مايبي منه الا توقيع بس ..عند بداية الدوام وعند النهاية .. شغله بسيط ..خلال هالسنه بتصعب عليه ..مع الترقية الجديدة ..حرف الواو وما يسوي ..
دانه ــ دام ناصر واسطته قوية ليش ما ينجح حسن في الجامعه؟
سلمان ــ لان حسن نفسه عاجبته حياه المهسترين ..حياة اللعب والعزوبية والدراسه ..وشلته في الجامعه مثله.. مهستره ..مو مهتم يتخرج متى ..بس شي يشغله عن نظر ابوي ومحاتاة امي ..بحجة انه يدرس لي متى ؟؟ محد بيسأل .
دانه ــ هناء خلقه ما تهتم في حد ..من عرفتها واعذرني لصراحتي مهما كان هي امك ..بس من يوم ماعرفتها ..وهي تهمها الاشياء الظاهرية .وحاليا قالت انكم كبرتوا وبتركز على بناتها الصغار تحولهم نسخه منها ..فما استبعد انها ماتدري عن حسن شي ..الا انه يدرس ..ايش وين وليش ..ماتهتم بالسؤال .بس بتظل امكم ...
سلمان ــ بتطلعين اليوم؟
دانه ــ مع قمر بروح السوق ..بتلاقينا مريم هناك ..والله يعلم شتشتري لي هالمرة .
سلمان ــ بدا العد التنازلي ..
دانه ــ صحيح والله ..بدا..
بعد الريوق رن جوالها ..
قمر ــ أنا تحت ..
دانه ــ الحين أنزل ..
رجعت الغرفة والبست شيليتها وعباتها ..وطلعت ..
***************

حمد ــ دانه ــ شفيج؟
دانه ــ ماشي ..
حمد ــ ايلسي معانا ..
دانه ــ بصلي العشا ..
حمد ــ بس انتي صليتيها قبل لاتطلعين ..
دانه ــ ها ؟؟ هذيك المغرب ..
دخلت ..وتيددت ..قفلت الغرفه وصلت ..وفي كل ركعه دموعها على خدودها تطلب من الله انه يشفى خالد ..
هالليله صاحت بشكل أكبر من صياحها يوم وفاة امها ...
*********************
من الصبح كلمت دانه ليلى ..وقالت لها انها بتزورها ..
دانه ـ هذا كل شي ..ما أبي رايج الحين ..هذي صور خالد ..وهذي شهاداته ..وكل شي عن مرضه قلته لج ..
ليلى ــ بس أنا تقريبا مخطوبه ..
دانه ــ من شخص ما يبيج ...
ليلى ــ بس انا ابيه ..وأحبه ..
دانه ــ ما بتكلم ..ارجوج ..اذا اتخذتي قرارج ..تعرفين تلفوني ..
ليلى ــ هالسبب اللي خلى دموعج أربع اربع؟ مو قله ذوق منه انه يقولج هالخبر قبل عرسج بايام؟؟
دانه ـ العرس ماهمني ..ولا كنت فرحانه له ..وانتي تعرفين السبب ..حاليا كل اللي يهمني خالد...أبي أعرف قرارج بسرعه ..علشان اذا ما وافقتي ..بدور له على بنت حلال . قبل لا اتزوج ..
ليلى ــ وين تلقين عروس بهالسرعه ؟؟
دانه ــ عمليته لازم هالشهر..وهو يأجل فيها ..علشان العرس .. بحط كل جهدي اني الاقيها له في اقل من اسبوع ..
ليلى ــ شكلج زعلانه عليه ؟؟
دانه ــ اييه ..توه باول عمره ..
ليلى ــ بفكر ..والليله أرد لج خبر ..
دانه ــ فكري زين .,,ادري اني اضغط عليج ..بس لاتفكرين لا فيني ولا في خالد ..فكري في نفسج ..وين تبين تكونين؟؟
استأذنت دانه وطلعت ...
************
ــ أبي أسمع منك كلمة أحبج؟
خالد ــ كم تدفعين؟؟
بدور ــ اذا حبك بفلوس .. أشترية بفلوس الدنيا كلها ..
استغرب خالد الكلام الحلو اللي تقوله بدور ..
خالد ــ واذا ما كفت الفلوس كم بتدفعين ؟
بدور ــ يستاهل يكون بهالغلا ..وأكثر ..أدفع روحي وكل الذهب والالماس ..بس لعيونك الغالين ..
خالد ــ هذا بيت نايف حسن؟
بدور ــ ............................. ليش تسأل؟؟
خالد ــ الظاهر اني مغلط ..أنا خالد زوج بدور ؟
بدور ـــ ههههههههههه ...تدري اني صدقت؟
خالد ــ هه ..
كانت ضحكته بارده ..خالد ..يصنف تحت فئة الانانيين ..اللي يحتفظون بمشاعرهم لانفسهم بس ..
بدور ــ وين غبت؟؟
خالد ــ موجود ..بدور ..بقولج شي ..
بدور ــ وش تقول الحين؟ ها ؟؟ بتجدم العرس شهر..
خالد ــ لا ....
تردد خالد ..بس قال لها عن خطته في اكمال دراسته والتخصص في جراحه القلب والشرايين..وغمض عيونه ناطر عصبيتها وغضبها ..
بدور ــــ صج؟؟؟؟ يااااااااااااااااااااااااااااا اااااي ...بنسافر أمريكا ؟؟
خالد ــ اييه ..
بدور ــ ونااااااااااسه ...أحب أمريكا أموت في امريكا أبوي ماكان يرضى اسافر لها ..
وتمت بدور تتكلم وخالد المسكين ويهه منصدم لانه كبر السالفه ..وكان ظنه ان بدور بتعصب وبتكسر الدنيا ..
**************
حمد ــ ليش كله اليوم حاطه راسج في حضن خالد ..
خالد ــ وانت شدخلك؟؟ تغار؟؟
حمد ــ بس مستغرب طلعج مره وحده ورديتي بهالقرب منه ..أنا سافرت معاج ماسويتي جي معاي ..
تنهدت دانه ..ــ كلكم غالين ..أغلى من روحي علي ..تدرون من زمان مالعبنا اتحداني بشعر ..
حمد ــ اييه ..من سنه تقريبا ..من يبدأ ؟؟
مشعل ــ بس دانه ..لاتشعرين ..مانقدر نرد عليج ..
دانه ــ كل واحد يشعر يقول لمن هالشعر ..
حسن ــ ببدأ أنا ..ببدأ بقول لخالد الفيصل ..احم ..
سلمان ــ وش احم ذي انت بتقصد ولا تغني؟؟
حسن ــ تغيب الا عن الخافق حبيبي ...... بعيد ..الا من افكاري قريبي ..
أهوجس بك وأسولف مع طيوفك .. وأروح لك طواريقي وأجيبي ..
ردت الدانه ـــ بدر عبدالمحسن يقول ..
يطري عليه الوله ..وأطري على باله ...يا مرحبا لاضوى خلي على بابي ..
هجيت حدب الضلوع ونوخ جماله ..لاجله بكت دمعتي ولاجله ضحك نابي ..
خالد ــ ويقول الامير بدر
.يازين كأنك حزين ..فحالتي حاله ..يكفيك همك أنا بصبر على مابي ..
لو الشجر له نصيب فبارد ضلاله ..ماحرق القيظ جفني وأنت بأهدابي ...
حسن ــ صح لسانكم ..حلو ..رديتو ..بشي حلو ..والحين من يبدأ ؟؟
سلمان ــ عندي بيتين حافظهم لاسير الشوق ..
حمد ــ سمعنا ..
سلمان ــ احترقت الشوق والشوق احترقني ...من غدا كل عن الثاني غريب
للشقى حظي مشى فيني وسبقني ..آه يا ظلم الهوى وظلم النصيب .
دانه ـ صج اني ما برقى لاسير الشوق ..بس بقول ...
دريت اللي صار بغاليي وذبحني ..ودريت أنه أمسى يدور حبيب..
سجنت حزني و دمعي فضحني ..وتعلقت بوعد في ذمتي صعيب ..
كانت الدانه سرحانه والوحيد اللي فهم كلامها كان خالد ..اللي رد ..
ــ ترى العمر يا مالك الروح محدود ...لياك تنزع باقي الروح مني ..
لخالد الفيصل ..
حمد ــ خالد ..ماهقيتك تعك في الرد جي ..اللي ردته الدانه كان حلو ..بس ردك ما يا في محله ..
ابتسم خالد ..
مشعل ــ دوري ...لنايف الرشيدي ..بقول هالبيت ..
والله ما أخونك ..لو قست سود الايام ..
لو خالفت دنياي واقع حياتي ...
رد حمد ــ
ياصاحبي لاتظاهر لي بحسناتك ...وأنت الخيانه تعشقك وأنت تعشقها ...
لمحمد مسفر العجمي
ضحك حسن وسلمان وابتسموا الباقيين .. ..
حسن ــ فهد عافت ..
(أنا لولاي انت من تكونين؟؟ ...أقولها وأنا نعم فيك مغرور !)
طبعا الشباب ماردوا ..
دانه ــ لمنادي بقول ..
هذا وقلبي معك خليتني ضدك ..من شاف ما يكرهه يعاف ما حبه ..
سلمان ــ واو ..رد غريب .بالعاده تشتمين..
دانه ــ هالمرة سماح .
صالح ــ أنا ما احفظ القصيد مثلكم ..بس حافظ بيت واحد ..عندي كمسج في جوالي ..
ماعاد لي قلب حتى يآخذه غيرك ..أفنيت كل المشاعر يا معذبها ..
سلمان ــ هالبيت اللي قلته كان لمتعب التركي ..برد أنا عليك ببيت لعذايب .. .
فيني مشاعر ..صعبة تصير ذكرى ...غربت عنها بالموادع واشرقت .
خالد ــ دوري ... لضاوي بقول ..
كيف بعتذر من نظر عيني ومحبوبي ..وأنا حبيبه ومجنونه وولهانه؟؟
دانه ــ لاتطلب هواني كل مافيني يعاني ..
وش يفيدك لو تشوف في عيوني المذله ...
(البيت لمحمد الفيصل ) ..
خالد ــ لبدر الرويلي بقول ..
أعرفك زين ماتنسى ..ماهو طبعك النسيان...لو بينت غير اللي في قلبك ..فيك أنا أدرى ..
دانه ــ لمتعب تركي اقول ..
لاتتعب اركابك ..شوف الللي يريحك ..ماتاقف الدنيا على فراق عشاق ..
ابتسم خالد ..هاذي دانه اللي ترادد في الشعر ..
خالد ــ للعميريني بقول ..
وآخر كلامي باكتبه لك بعبرات ..أنا أحبك لاتقولين شلون ..
الدانه ـ برد لك بشعري ..
ارحل ...وخذ معك كل الآهات ...ما أتحمل من يغدر و يخون ..
حمد ــ دانه ..خذي هالبيت ..لسالم غضيف ..
من يوم جيتي عالمي صرت في وهم ..انتي خريف العمر ولا شبابه؟؟
دانه ــ برد من شعري احم ..
الله بلاني وامتحني فيك يا عم ...شايب على آخر عمرك تصابى ...
خطوط وجهك اللي انحفرت بهم ...تستحي من شكواك الحب وعذابه ..
اضحكوا الشباب ..
حمد ــ دانه ...أتغزل فيج ..تفشليني ؟؟ زين خذي هذي ..
عيرتني بالشيب وهو وقار ..ياليتها عيرتني بماهو عار ..
خالد ــ حلووووووووووووو رديت عليها بقوة ..
حسن ــ اييه ..
صالح ــ النقاط ..دانه لحد الحين لها أكثر النقاط ..لانها تقريبا ردت على الكل ..والباقي بينهم فروقات بسيطه ..
سلمان ــ بقول .. لخالد عبدالرحمن ..
ياظالمة غضي من الطرف تكفين ..لاتودعين النفس بيض الاكفان ..
الدانه ــ حديث العين أجمل من كلام ذاب وسط الشفاه ...
ترى أجمل حكي نظرة وله في عينك وعيني ..
سلمان ــ برد عليج للراسية ..
تضيع أحلى السواليف بالشفايف ...ونموت بصمت واحنا ما حكينا ,,,
الدانه ــ غلبتني ..
حمد ــ صح لسانكم ..كان أحلى تحدي ..الاخير ..
حسن ــ بالعكس ..يوم ردت عليك شايب وتتصابى كان احلى ..
سلمان ــ بالعكس كل التحديات اليوم حلوة ...
رن تلفون الدانه ..طالعت خالد واركضت داخل ..
حمد ــ مو من عادتها تركض لتلفون ؟؟
**

كان رقم بدور ..تخيب أمل الدانه ..
دانه ــ ألو ..
بدور ــ وينج عمتي ..ماسمعتي شصار اليوم ..كانت عندي صديقتي ساره ..واتصل خالد ..وسارة كانت تتصنت وتعلمني شلون ارد عليه ..
طبعا بدور قالت كل اللي صار معاها لعمتها ..اللي كانت تطالع الساعه وهي قلقه ..كانت الساعه عشر في الليل ..ودانه كانت ناطره رد ليلى ...
****
دخل خالد الغرفة ..
دانه ــ هذي بدور تكلمني عن خطيبها ..
خالد ــ يمكن البنت ما تبي ..لاتضغطين عليها ..
دانه ــ قالت لي بترد خبر الليله ..
ظلت دانه طول الليل تحاتي ..عرسها بعد يومين اذا ما حسبت اليوم ..كل شي قرب ..
الساعه 1 في الليل وصلها مسج ..وكان من ليلى ...
********
(( دانه .بعد تفكير عميق ..أنا موافقة ..))
ارتاحت دانه ..وطرشت المسج نفسه لخالد ..
ترددت ..تكلم خالد ؟؟ ولا تكلم ليلى ؟؟ تكلم ليلى ..واتصلت على جوالها ..
ليلى ــ الحمدالله انج اتصلتي ..كنت ناطره اتصالج ..
دانه ــ مع اني ما أشوف أن في كلام ينقال بعد هالمسج ..
ليلى ــ بس انا ....
دانه ــ أنا قلت لخالد انتي موافقة ..اذا تراجعتي عن قررارج قولي ..قبل لايطيح الفاس بالراس ..
ليلى ــ بالعكس ..قراري هذا .بيوضح كل الامور ..
دانه ــ اي أمور؟
ليلى ــ اذا محمد يبيني ..بيعترض على الخطبة ..لان اهلي ما بيخطبوني لحد قبل لا يرخصوني ..واذا ما يبيني ..خالد انسان محترم وراقي ..ويمكن الله يكتب لي معاه حياة سعيده .. ايفر آفتر ..
دانه ــ زين ما سويتي ...على لاقل أحسن ما تبقين معلقه سنين بأمل ..
ليلى ــ .............بس خايفه ..
دانه ــ ان محمد ما يبيج ؟
ليلى ــ العكس ..اخاف انه يبيني ..لانه بيتزوجني عناد بس ,,
دانه ــ شاللي يخليج تقولين جي؟
ليلى ــ أمس ... قال كلمتين جدام اخوي ...ولاعبر اني موجوده ....بالاحرى ولا حترم وجودي ..كلام خارج نطاق الاخلاق ..انا قمت ..وقطيت عليه كلمتين من باب الغضب ..طالعني بعدم احترام ..رديت عليه بنفس النظرات ..وطلعت كانه مايعني لي شي ..
دانه ــ ما قلتي لي هالكلام لي ..قلتي لي انج تبينه ..
ليلى ــ اليوم فكرت ..شالفايده اعيش عمري أحب شخص ما يكن لي اي شعور ..ابدا حياتي مع شخص ..على الاقل ..شعوري نحوه صفر ..وشعوره نحوي صفر ..ولايكون شعوره نحوي تحت لسالب ..وأنا أعلى من الصفر ..
دانه ــ بديتي تفلسفين ..بس فهمت وجهه نظرج ..
ليلى ــ هه ..دانه .عرسج بعد يومين ...شمخططاتج؟
دانه ــ أأأأأأأأأأأأأأأأأأأووووه ..لما نسيت رجعتي ذكرتيني؟؟ شكلي بحضر حفلة العزوبية على الشاليه ..
ليلى ــ اي حفله؟
دانه ــ عييال اخواني المحترمين ..وخالد من ضمنهم ..بيسوون لي حفله عزوبية قبل عرسي ..ما أدري شخططهم ..بس احس الدنيا ضايقة فيني ..
ليلى ــ للحين ما انتهيتي من هالمشاعر؟
دانه ــ ما نتهيت ..كل شي فيني خايف ...احس قلبي بيوقف ..أفكر شلون بيكون وضعي بعد بكره ..بعد اسبوع ...شلون بتكون حياتي؟
ليلى ــ بتكونين قي شهر العسل ..
دانه ــ ومن قال لج اني برضى اروح شهر عسل ..أنا ما ني متحركه من الدوحه ..
ليلى ــ ليش؟؟؟
دانه ــ وخالد؟؟ نسيتي خالد؟؟ شلون بعد اللي عرفته اتركه لحظه؟؟
ليلى ــ ......................
دانه ــ بقول لهناء تروح تخطبج بكره له .. خير البر عاجله ..
ليلى ــ هناء؟
دانه ــ امه ..لاتخافين ..هي في صوب وهم في صوب ..حتى لو درت انه بيعرس بتيلها جلطة بحجة انه صغير ...تموت ولا نبين للناس انها كبرت ..
ليلى ــ كأنج بديتي تخوفيني منها .....
دانه ـ ماعليج ..أول ما تتزوجون لاصار نصيب ..بيسافر بج شهر عسل ..
صكت دانه من عند ليلى ..واتصلت في خالد رنه ..
طق باب غرفتها ..ودخل ..
دانه ــ هلا ..تفضل ..
خالد ـ لج هالغرفة بروحج ..واحنا الشباب مكدسين في غرفتين وصاله ..
دنه ــ ماشاءالله عليكم بس ست اشخاص ..ثلاثه في كل غرفه ..
خالد ــ كنت بدخل من قبل شوي لما طرشتي المسج ..بس سمعتج تتكلمين ..
دانه ــ كانت ليلى ..
خالد ــ من ليلى ؟؟
دانه ــ البنت اللي بخطبها لك ..طلبت منها بكره الصبح تروح الصالون علشان نتقابل هناك ...وبآخذ امك ..وبكلمها ..
خالد ــ خططتي لكل شي معاها؟
دانه ــ أكيد لاء ..هي ماتدري ان امك بتكون هناك ..
خالد ــ زين ..
دانه ــ وبرجع ونروح الحفله اللي قلتوا عنها ..لان عقب بكره بيكون عندي الحنا ..
خالد ــ حاضر عمتي ..
دانه ــ خلود ..
خالد ــ ايش خلود ؟؟ اصغر عيالج؟
دانه ــ اييه ..خلود ..خالد ..ادري اني ببين نفس الافلام الرومانسية ..بس اوعدني انك تهتم بنفسك؟
خالد ــ بس؟؟ هالمقدمة كلها علشان هالوعد ..
دانه ــ اوعدني ..
خالد ــ اوعدج ..
دانه ــ وانك ما تستسلم ..وتحاول تعيش مع ليلى اذا انكتب بينكم نصيب؟؟
خالد ــ اوعدج ..
دانه ــ ليلى انسانه ..نادر ما بتلقى نفسها ..اذا حبت ...تهدي كل شي بيدها للي تحبه ..أتمنى انك تحاول تخليها تحبك ..وماتغلط في حقها ..
خالد ــ لا تستبقين الامور ...
دانه ــ ما بستبقها ..بس ..انشاءاله اذا صار شي بينكم ..وانشغلت على الاقل هالوصية ما تظل في قلبي ..وأكون قلتها لك ..
**********************
كانت متضايقة وايد ..ومبين عليها منرفزة ..
خالد ــ قولي ..شمضايقج؟؟
عبير ــ شمضايقني؟؟ انت يا خي وبرودك ..عليك برود عجيب ..
خالد ــ اييه ..وبعدين؟
عبير ـ حرام عليك ..أمي في غرفتها متضايقه وايد ..
خالد ــ مم ... والسبب؟
عبير ــ السبب ...القنبلة اللي قطيتها وطلعت ..
خالد ــ قصدج سفري؟؟ بالعكس بدور مستانسه ..
عبير ــ بدور؟؟ ست الحسن هي اللي هامتك؟؟ بس امي لاء هب مستانسه ,,..امي سبع سنوات ما شبعت منك ..ييت كم شهر ..وبترجع كم سنه تكمل؟ حرام عليك ..بتزوج بعد فتره والبيت يخلى عليها..
خالد ــ لا تصارخين .. ابوي موجود وين راح ؟؟ وانتي بتتزوجين هنا في الدوحه ..والعنود مثلج ..قريبة ...
عبير ــ كالعاده ...ما اهتميت ..عرس دانه بعد يومين ..وأنت ولا ابديت أي أسف ولا تعب ولا ضيق ..
خالد ــ البنت تبي تعرس ..أتضايق ليش؟؟
عبير ــ لا ..ولا شي ..ليش تتضايق دكتور خالد ..أهم شي سلامتك وهدوء اعصابك ..
تركته عبير وراحت ..خالد كمل قراءة الكتاب اللي كان في يده ..وما اهتم لكلامها ....
****************

دانه ــ شرايج؟
هناء ــ البنت عسل ..حلوة ..أنا أعرف أهلها ..سامعه عنهم كل خير ..
دانه ــ وخالد يبي يتزوج ...والبنت هاذي فرصه ..
هناء ــ بعد زوا..بفكر في الموضوع ..
دانه ـ لا ..لوو أني منج بالعكس .. اروح بكره وأخطبها ..سمعت منها ان في ناس يبون يخطبونها الاسبوع الياي ..وأنا صراحه ..أخلاقها وجمالها وأدبها مافي مثله ..وأحسها بتطلع الزوجة المثالية لخالد .
هناء ـ يعني أروح بكره؟
دانه ــ اييه ..اخطبيها بكره ..وباقي التفاصيل بعدين ..
هناء ــ بكلم ناصر الليله .. عطيني عنوانهم ..
عطتها دانه العنوان ..والمنطقه اللي ساكنه فيها كانت راقية ..
*************************
ابتسمت دانه لعيال اخوانها ..
ــ دانه ..تعالي ارقصي معانا ..
دانه ــ انا العروس نسيت؟
حسن ــ لا ..مالبستي الفستان جدامنا ؟؟ ليش ؟؟
دانه ــ بعد بكره تشوفونه ..
كان الجو ساحر ..البحر نسيمه دافي ..والشااليه اللي حجزوه وايد حلو ..البوفيه والدي جي اللي مشغل يقول انه في حفله عوده ..بس محد كان الا حمد وحسن وخالد ومشعل وسلمان وصالح بس ...وهي طبعا ..كانت لابسه تنوره جينز وشيرت وردي .. وما حطت أي مكياج لويهها ..لمت شعرها بربطه ..وكانت عادية جدا ..بس ما ارقصت كانت تبتسم لعيال اخوانها اللي يعرضون لها ..(وعيونهمم على البوفيه ) ...
وقف حسن عى الكرسي ..
ـــ اششششششش ..
سكتوا الكل يطالعونه ..
حسن ــ قولوا وراي ..أحلى عرووسه ..
الشباب ــ أحلى عرووسه ..
حسن ــ وأجكر عمه ..
دانه ــ انت الجيكر ..
حسن ــ أحلى عمة ..لاتزعلين ..
الشباب ــ أحلى عمه ..
ــ أحلى حسن ..
محد رد ..حسن ــ أحلى عيال أخوان ..
الشباب ــ أحلى عيال اخوان ..
حسن ـ وأحلى زغرووووووووووده كللللللللللللللووووووووووووووو وووووووووووووووووووو وووووووووووووووووووووووووووووو وووووووووووووووووووش ...
محد رد من الشباب اللي ضحكوا عليه ..
طلع سلمان من جيبة عشر ريال وحذفها على حسن ..اللي نط على سلمان يتهاوش معاه ..
وبعد ما فكت بينهم دانه ..كان يضحكون ..
حسن ـــ اتهمني في رجولتي ..اهئ اهئ ,,
وسوا عمره يصيح ..
دانه ــ الليله انتوا ناوين تذبحون حد ..
حمد ــ اييه ..انتي ..
مشعل ــ ناوين نسلمج العروس المقطعه الى مائة قطعه ....حلو العنوان ..
دانه ــ جربوا بس ..جربوا ..
خالد ــ ما بناكل .تراني يوعان ..
دانه ــ حشى ما تذوقون الاكل الحين ...ارقصوا لي اول ..ما رقصتوا لا مرتين او ثلاث ..
كان سلمان سجل هالجمله بالفيديو ..
سلمان ــ ايوا عمتي ..انتي ارقصي ..
دانه ــ هاهاها ..أهلي ماعلموني ارقص ..
سلمان ـ اي اهل الله يخليج ..
دانه ــ أجدادك ..
مشعل ــ هم لحقوا يربونج ..
المشهد اللي صار ان دانه حذفت كعبها وصارت تطرد ورا مشعل ..اللي يركض باقوى ماعنده ...دانه كانت اضعف منه واسرع منه ...سلمان صور هاللقطة في الفيديو ..انفتح شعر دانه وصار يتناثر وراها ..وهي تركض خلف مشعل اللي رغم انه متين شوي بس كان سريع ..
لمده خمس دقايق ظلت تركض وراه ..بعدين استسلمت ..
ــ ..هه ..هه ..هه ..لحــ.. ..الحمار ...سريـ..يع ..
ظلت تلهث بصعوبه ..
مشعل وقف بعيد ...
دانه ـ أراويك .
مشعل وهو يلهث ــ عمتي ..امزح معاج ...
دانه ــ براويك المزح مشعلوه ..
حمد ــ أحبك ليه انا مدري ..وليه اهواك أنا مدري ..
سلمان ــ حمد اليوم رايق ...دخل عرضي ..
دانه ــ ابي ماي ..
سلمان ــ عمتي البحر كاهو جدامج .
دانه ــ لاتصور ..
سلمان ــ اشربي ماي ..صوتج مبحوح .
ولحق بعدسته خطوات عمته ..وصورها وهي تشرب ماي ..
حمد ــ منت رااااااااايق ..تارارا ..فيييييييييييك شي ومتضايق ..منت في طبعك ولاهذا مزاجك ..التفت لي شوي ..محتااااااااااااااااااااااااج لدقايق ..أنا مااصدقت أشوفك ونتواجهه ..
صوره سلمان وهو مستطرب يغني ..وماكان منتبه لسلمان ..صوته كان حلو ..يعطي الكلمة قيمة ..كان مواجهه البحر ويغني ..وسلمان صوره وهو معطيه ظهره ..
دانه ـــ الاخ عاشق ؟؟
حمد ــ ما انولدت اللي تعلقني بحبالها ...
دانه ــ ماتدري ..يمكن انولدت ..
حمد ــ مو أنا اللي يحب ..خالد ..سللووم حسووون ..موب أنا ..
سلمان ــ أنا أحب كل البنات ..
حمد ــ انت تصور؟؟ بند الكيمرا ولا كسرتها على راسك ..
سلمان ــ حسن الحين بيرقص بروح اصوره ...
حسن ــ هو بكيفك ولا بكيفك ارقص ؟؟ من قال لك اني راقوصه؟
دانه ــ يقولون رقاصه ...موب راقوصه؟؟
حسن ــ تشجعي على مشعلوه ..موب علينا ..
دانه ــ لاتوصي حريص ..الحين بلحق وراه ..وأكفخه ..
سلمان ــ ماتقدرين عليه ..مشعل يلعب كرة قدم ..يعني متعلم انه محد يجاريه في الركض .
خالد ــ حرام ..المسكين ظل واقف بعيد ..خلاص اطلقي سراحه ...
ابتسمت دانه لخالد ..وماحبت ترد له طلب ..
ــ خلاص مشعل ..اوعدك اني ما بكفخك ...قرب ..
مشعل ــ اطلاق سراح مشروط ..
حسن ــ ابجكشن ..
سلمان ــ اوفر رولد ...
دانه ــ حمد ..غني لنا ...
سلمان ــ اييه .وحسن ..انت ارقص ..
حسن ــ اوكي ..شبتغني يا مطربنا ؟؟
حمد ــ أنا الحين مآجر الدي جي ..علشان اغنيلكم؟؟ روحوا شغلوه ووارقصوا ..
دانه ــ أمااااانه حمااااااده ..غني ..
حمد ــ صوتي عادي ماهو حلو ..
دانه ــ ما يهم .غني ..
حمد ــ ماما ..زمانها جايه جايه بعد شويهه ..
حسن ــ هذي شلون أرقص عليها ..أرفع ثوبي والف؟
ضحكت دانه ..
حمد ــ تذكرت دانه يوم طاحت ..صحت من النوم ..أبي أمي ...
خالد ــ لاه ..ليش دوين؟
دانه ــ ما ادري ..خبال ..
لف حسن حولها يه وضمها ...
ــ خبال؟؟ أنت آخر وحده تتكلمين عن الخبال ..
حمد ـ ليش يعني؟؟
حسن ــ لاني قشيت كل الخبال اللي في عايلتنا ..اذا تدورون عليه تلاقونه عندي ..
ضحكوا عليه ..وكانوا مستغربين هالحركه منه ..
دانه ــ حسنسن ...
حسن ـ تدليع جديد..واو ..
دانه ــ صدقت ...الخبال كله عندك .
حسن ــ أنا يوعان ..نقوم نآكل؟؟
دانه ــ نقوم ..
مشعل ــ سباق ..
دانه ــ اكيد بتفوز ..مافي لا امتن ولا اسرع منك ..
قطت الكعب ..ووقفوا كلهم صف واحد ..عند العد لاتنازلي تسابقوا ..بس اللي فاز هو صالح ..
سلمان كان يصور بس ..
بعد ساعه كامله من الاكل بس ..انسدحوا الكل على الارض مصابين بالتخمه ..
دانه ــ هذا وأنا مسوية ريجيم .....آآآآآآآآآآآآآه بطني مايانه ..واصل الاكل لين هنا ..
وأشرت على رقبتها ..
حمد ــ أنا مثلج ..
حسن ــ بحياتي ما اكلت مثل اليوم ...

********************
انتهى الحنا ..رجعت الشقة ..
حسن ــ ها ..أشوف يدج؟؟واو ..حلو ..وايد ..
دانه ــ عيونك الحلوة ..عن اذنك ,,
حسن ـ وين رايحه؟؟ الساعه توها سبع ..
دانه ـ ما صليت العشا .. وظهري يعورني ..بمدد وأنام .
حسن ــ أكيد ,,بكره وراج عرس ..
هزت راسها ..ودخلت الغرفة ..بعد الصلاه ..ارتجفت ..خلاص ما باقي شي ..ساعات ..
رن التلفون ..
دانه ــ هلا قمر ..
قمر ــ قلت أتصل اشوف وصلتي ..ولا لا ..
دانه ـ وصل الموكب ....
قمر ـ شلونج؟
دانه ــ خايفه ..
قمر ــ اهدي .أكيد بتخافين ..موب شي جديد ..
دانه ــ ماكلمتيني ولا مرة شلون بيت خالج؟
قمر ــ صج ..ما قلت لج ..اوكي ..انتي بتسكنين في قسم ..في الطابق الثاني ..يدتي ..اللي هي ام ريلج ما عليج منها لانها بتحضر العرس وترجع تسافر لبحرين ..المهم ..خالاتي ..طبعا خوات امي من امها وابوها كلهم متزوجات..لا تشيلين همهم ..
دانه ــ عيل من في البيت؟
قمر ــ خالي ضاحي ,,وخالي فيصل ..وخالي تركي ...وخالي سالم .وخالتي عايشه وخالتي ساره وخالتي هدى ومرت جدي منى ..
دانه ــ ها؟؟
قمر ــ شوفي ..خالي ضاحي وخالي سالم ..هم اخوان امي من امها وابوها ..عيال يدتي ..الباجي عيال منى مرت ابوهم..بس هي طيبه ..لاتخافين من امي ..امي متزاعله معاها وماتدخل البيت ..الا نادرا .اذا تبين تنادي منى ناديها ام فيصل ..خالاتي الباقيات (بنات منى ) صغار ..في الجامعه .
دانه ــ زين ..
قمر ــ كلهم زينين ..وحبوبين ..
دانه ــ زين ..ويدج ؟
قمر ــ نادرا ما بتشوفينه ..كله يسافر ..
دانه ـــ هو طلق يدتج؟
قمر ــ يقولون ..ما ادري ..
دانه ــ خلاص قمر أشوفج بكره ..
قمر ــ اكيد بتشوفيني ..مع السلامة ..ومبروك .
دانه ــ الله يبارك فيج .. باي ..
دخلت الحمام ..وخذت دوش طويل ...
****************************** **

فهد ــ في ايش تفكر ...
خالد ــ ولاشي ..
فهد ــ أكيد في المدام ..
خالد ــ لا والله ..المدام هاليومين مشغولة عني في عرس عمتها ..
فهد ــ عمتها ؟؟
خالد ــ اييه ..تذكرها ..اللي كنت أضربها دايم ..
فهد ــ موب هذي المدام؟
خالد ــ لا ..بنت أخوها المدام ..
فهد ــ ......من بتآخذ؟؟
خالد ــ ضاحي محمد ..
فهد ــ .......................
خالد ــ قول شتفكر فيه؟
فهد ــ المفروض كنت انت تتزوجها .
خالد ــ خلاص انا تزوجت بعد ما تزوجت هي ..
فهد ــ يعني هي تزوج اول؟
خالد ــ اييه ..
كذب خالد ..لو قال لفهد انه رخصها كان طاح من عين فهد ..ليش يطيح من عين فهد؟؟ أصلا هو نفسه حقد على نفسه بسبب اللي صار ..
----------
حست أنها بتنهار ... دخل حسن الغرفة بدون ما يطق الباب ..وتفاجأ بدموعها ..
حسن ــ ليش دمموعج ..يمكن هالزواج بيكون خير لج ..
دانه ــ حسن ..طلعني ..الحين .
حسن ــ الحين ؟؟ الساعه وحده في الليل وبكره عرسج ....انتي صاحيه ..
دانه ــ حسن .. ..أرجوك ؟؟
حسن ــ وين تبي تروحين؟؟
الدانه ــ ولا مكان ..نتمشى في الشوارع ..كافي علي ..
حسن ــ زين ..يلا بدلي ملابسج ...
**
دانه ــ صج يا حسن انك ما خلصت الا 16 ساعه بس ؟؟
حسن ــ لا تكلميني عن الجامعه ..أنا موب مهتم ..
دانه ــ ليش؟
حسن ــ حاليا ..خليني أعيش حياتي ..
دانه ــ ليش ؟ ما فهمت ؟؟ شالاستهتار ..
حسن ــ دانه ..أنتي صغيره على هالسوالف ..لاتصدقين روحج عمتي ؟؟ أنا أكبر منج ..
دانه ــ صج اني أصغر عنك بكم سنه ..بس ..أنا تهمني مصلحتك ..
حسن ــ باجر عرسج ..فكر في شي ثاني احسن لج ..
.دانه ــ هذا انا افكر فيك ..
حسن ــ قصدت شي ثاني غيري ..
ابتسمت دانه ...تم حسن يلف فيها شوارع الدوحه لين الساعه اربع الفير ..ارجعت ..وصلت ..ونامت ...
******************
))تغير الحال ..خلاص ..دانه ..بتدخل عالم ثاني .بيت ثاني ....وخالد ..نفس الشي ..اللحظات اللي كانت بينهما ..ما اخلقت الحب في قلوبهم . تجاه بعضهم ..لكنها العبت بمشاعر وايد ...مشاعر دانه..ومشاعر قمر ..ومشاعر بدور ..والاخير مشاعر خالد نفسه ..اللي تاهت مشاعره فجأة ..وارتبط مصيره ببدور ..اللحظات ما انته ..للحظات ابتدت في هاللحظة ..دايما تفاجأنا وتبدأ من الاشيء ,,,بنكمل ..باسلوب مختلف ..بنضم اللحظات ..وبنكمل القصة ..وبنشوف القدر ايش دوره في حياتنا ,,((