مهما استوى (الحياة حلوة

الجزء الحادي والعشرون......
شمس:فهود فهودتي
فهد:هلا يا عمر فهودتج
شمس:حياتو اليوم موعد الدختر مالي ما بتوديني
فهد:اكيد بوديج حياتو
وفجاة حس بدوار............
شمس بخوف:حبيبي فيك شيء
فهد ببتسامة:لا يا عمري ما فيني ال العافية البسي عشان اوديج الدختر
شمس:ان شاء الله
فهد ابتسم وهو يشوفها تركض عشان تجهز:الله ليحرمني منج يا قلب فهد
مكان اخر........
سحر:ساعة اترياك
.....:والله ما اشتغل عند ابوج
سحر:زيود رمسني عدل تفهم
زايد:روحي لاء
(زايد شاب قمة في الوسامة والجاذبية كان متزوج وحاليا ارمل عنده ولد اسمه حمدان وعمره سبع سنين ,وعمر زايد 27 سنة تعرف على سحر بس مايحبها وهي بس تبي تعرس)
سحر:زايد ليش اترمسني جي انت سامع عني شيء
زايد:ما يهمني
سحر:شو ال ما يهمك
زايد:ما يهمني لو العالم كله رمس عليج
سحر:يعني انت ما تحبني
زايد:الحين انتي ذكية
سحر:الله يلعني يوم ضيعت وقتي معاك وانت ولا شيء
زايد:احترمي نفسج
سحر:طول عمري محترمة نفسي والاحترام ما نفعني في شيء ................... طالعته بنضرة وروحت
في احدى السياير.................
ضبية:هي هي منسير العزبة ,بنسير العزبة
حارب:ضبوي انتي شو مب شايفة خير
ضبية:جب مب شغلك
حارب يقلدها:انا بترفع عن الرد
بوحارب:هههههههههههههههههههههه والله انكم يهال
حارب:هاي ضبوي الخبلة مب انا
ضبية:انت الخبل
حارب:ابوي شفتها
بوحارب بنبرة حادة:بس
حروب وضبوي استحوا على ويهم وسكتوا
في احدى الدوائر الحكومية..................
سيف:ااااااه
حميد:بلاك يا ها الاه
سيف:احس اني جرحتها بكلامي
حميد:جرحت منو
سيف:حميد انت مب فاهم شيء
حميد:مايخالف فهمني
سيف:ما اقدر
حميد:ليش
سيف:الموضوع حساس اشوي
حميد:حرمتك
سيف:في غيرها
حميد:سيف بسالك سؤال بجاوبني بصراحة
سيف:اكيد
حميد:اتحبها
سيف سكت بعدين غمظ عيونه وقال:مادري بس صدق توحشني وهي قريبة وتوحشني وهي بعيدة عني مابي ارد يوم وما اشوفها معاي
حميد:هذا معناته انك اتحبها
سيف بستغراب:احبها
حميد ابتسم:هي اتحبها
سكت سيف وكلام اربيعه صدق اثر عليه ,وخله يفكر هل هو صدق يحبها ولا لاء؟
قامت اتلم اغراضها بترد البيت.............
احمد بستهزاء:شو بتهاجرين
ميثا:مب شغلك
احمد بزعل:ليش اسلوبج جي معاي
ميثا:كيفي تبي تعلمني الاسلوب الزين وانا ما ادري
احمد وهو يقرب:ميثا انتي
بغى يمسك ايدها بس هي خوزته بتقزز
ميثا:اتحمل تمسك ايدي فاهم
احمد نزل راسه بحزن:انا اسف ال مثلي لايعرف اصله ولا فصله مب من حقه يحب
هذا اعتراف صريح احمد يحب ,ويحب منو يحب ميثا ميثا كسر خاطرها مهما كان هي قلبها ابيض
ميثا:احمد انا اسفة والله مب
قاطعها احمد:ماله داعي تبررين ............وهو يشل اغراضه :عن اذنج
ميثا جريئة والله جريئة قربت منه وباسته بنعومة شفايفها الحمرا على خده:اسفة احمد
احمد صدق ذاب اي شيء اتسويه ميثا اتذوبه وتخليه انسان ثاني
احمد:ميثا انا
يوسف:احمد ميثا المدير نهيان يبيكم
احمد في قلبه:اف ها وقته خرب علي
ميثا تنفست برتياح لانها كانت تدري عن شو بيرمس احمد
ميثا:تهقى المدير شو يبى منا
احمد ابتسم:علمي علمج هاي اول مرة بيشوفنا
ميثا:احمد انا خايفة
احمد:تخافين وانا معاج
ميثا:احمد انت شو كنت تبي اتقول
احمد:كنت ابي اقول اني احبج
ميثا صخت من جرئته وتصريحه بحبه لها
يوسف:المدير يبيكم
ميثا واحمد:ياين
في احدى المستشفيات............
الدكتورة:الحمدالله يا ابني ما تخفش البيبي زي الفل
فهد:صدق دكتورة
الدكتورة:الله انا اءلوك ما تخفش
شمس:مشكورة دكتورة انا وايد مستانسة
الدكتورة:دا واجبي يا بنتي والله يجعله ادم سعد عليكم
فهد وشمس:امين
في مكتب نهيان..............
نهيان:ادخلو
ميثا واحمد:السلام عليكم
نهيان:وعليكم السلام ورحمة الله وبركاته
ميثا:يوسف يقول انك تبانا
نهيان وعيونه على احمد:هي سمعت ان انتوا الموضفين اليداد شقايل يعينكم بدون ما يرجعلي
احمد:والله ها تتفاهم فيه مع يوسف مب معانا
نهيان:عطوني اساميكم الحين
ميثا:انا ميثا بن....
احمد:انا مب لازم تعرف اسمي
نهيان كان ساكت وعينه على ميثا معقولة هاي بنت اخته اليازية صدق دنيا صغيرة
نهيان بفرح:انتي ميثا ميثا بنت اليازية ختيه
ميثا:هي انا
نهيان حضنها بالقو وهو يقول: ما شاء الله كبرتي وغديتي حرمة عمتج العنود بتفرح فيج وايد حتى اخوج خليفة
ميثا:اخوي خليفة حي ما مات
نهيان :لا يا قلب خالج ما مات
احمد:عيل انا استاذن
نهيان:لحظة مب بعد ما تقولي منو انت
احمد:اقولك شيء انا اقدم استقالتي ارتحت
ميثا:خالي احمد وايد يشبهك وفيه وشم على جتفه
نهيان:ممكن اترويني الوشم لو سمحت
احمد:تبي تقول انك ابوي ال حرمتني من اني اعرفه الابو ال يربي مب ال ايب
نهيان:انا ما قلت جي
احمد كشف عن ايده ايراوي نهيان الوشم نهيان تاكد ان ها هو نفسه احمد ولده ال ما شافه ولا ربه من سنين احمد كان عادي ما سوى شيء ونهيان خبره كل شيء , واحمد سامحه وسار مع ابوه وميثا ايشوف امه العنود ال فرحت وايد يوم شافته

نهاية الجزء الحادي والعشرون