ونادي من ورى صوتي ..وفدموعي مرار الملح - MMs , SmS

انادي .. من ورى صوتي : ( ابيك الحين )




ابي .. ألمسك فعيوني ومايحرق جفوني ملح




وابي القاك وسط الليل ساعة صبحْ !









أجي ودي عناقك بس خايف لاتصدِّيني

واجي ودي فراقك بس ( ضحكة صوتك ) الفتَّانْ
تضيِّعني ورا حزني تدوّخني ترابيني
وأجي مديون من غلبي وانا اللي فا لأصل ديَّان

مساكْ بربكة الساعة وصوتي لاتمثّل روح




تخلَّق داخل أنفاسك ويكبر لحظة الهامي ...




أحبك إيه انا لحالي قدرت أقولها وابوح




أخاف هناك من صوتي صداه أكبر من اسهامي




تقوليلي ( كثير اشتقت ) ؟ واقول أكثر من المسموحْ




أفتّش في شوارعنا ..عن أجمل بيت قدامي .!

صباحك .. أوله نسمه ..




وأحلى مابقالي منك صدى كلمه




( أحبك )




آ’ه ما أعذبها .. وما أصدقها وما أكذبها




أقول .. انتي تحبيني كثر صوتي ؟




عصافير وشجر وأوراق !




وشاعر ينتظرله فراق !




في موتي ..




يموت الشارع المخفي .!




وقنديل الصبر يطفي ..




تجين ومامعك صوتي




ولا موتي




ولا حتى وهم مشتاق .








أحبك كثر ما هالشارع المزحوم ذكّرني ..

أحبك كثر ماصوتك افعز البرد دثّرني
وانا لحالي رضيت بحزني الأول ..
وخوووفي حزني التالي ..
تحبيني ؟
تحبيني .؟
أمانة بسْ قوليها
تراك أكثر
بعد أكثر ..
وحشتيــــــــني
-

أنا واحساسي اف بعدكْ عصافير وشجر وأوراق




ظِلالْ وشمس لو تغرب يجينا ليلنا الثاني




عيونك موطن الساعة ودقّات الحنين أشواق




نسي في شارع الأيام لايعطيك عنواني




إذا أمسي مثل يومي شجن وأخبار ماتنطاق




أبـ..انسى ذكرياتي يوم واذكر بعض نسياني !

يا مسافة !




جاوزت ظلي وما منها حسافة !




يكفي إن الدرب مع صوتك مدينة !




يكفي اني والشوارع لاتغيّبتي حزينة !




آخذ احساسي ..معاي !




واترك الشارع وراي




واتضيّع !




علّمينيْ




كيف ادلِّ الحين دربي




والشوارع كلها نادت عليك ..!








قلبي معكْ مهما تخافين يحميك

حولك مثل ظلك مكانه مكانكْ
أقطف من غصون الوله شوق وأعطيك
وأظلّل الصحرا بغيمة حنانك
يا نايمة في عين نورس تراعيك
كل النوارس حالمة باحتضانك

مسا بنت المسا أنثى وصوت افلهفته مبحوح




وقلب يحاور أيامي ويشغلني عن أحلامي




مسا قلبك يناديني وانا في شرفته مذبوح




أفكّر فآخرةْ حبّي واناظر حسرة أيامي




مساك انتي مسا ( الحارة ) مسا شبّاكك المفتوح




اذا ناظرته بعيني أخاف تخونك أوهامي ..!

مساء الخير ...




لا .. .. أكبر ..




مساء الخير والنعمة




مساء أخضر ..




مساء أوقاتنا الـ ( طعمة )




ونوم الطير ...




على شيحة تدلَّى غصنها في بيت جيراني ..




مسا ( هاتف معك ) ثاني ..




مسا التخيير...!




بين انك تشوفيني ..و ما اشوفك













على هونكْ ..



خذيني ليل



إن عيا يجيه الصبحْ ..!



خذي من آخر ظلالي ..



خيال الجرحْ ..!



خذي من بحري اللي صار



ما يقوى على أمواجه ..



مرار الملحْ ..!!



خذي من صوتي الدافي



حروف الشاعر ( الوافي )



خذي حتى ( الوفي ) مني



قبل ما أموتْ !













تناديني ..

وأجيلك من ورى
سور المدينة ريفْ
فعيوني دموع الليلْ
لاشتَّتْ ..سحابة صيفْ
أجي مدري ..
أنا أو إنتْ كان الطيفْ ..!
كلشْ صارْ
ماظلَّ افحياة اللي فقدك أسرارْ
شجنْ ما يكفْ
جفِنْ ظلا سنين يرفْ ..!
يجيلكْ من ورى سور المدينةْ ريف
وتمطر في عيون الليلْ
غيمة صيفْ ويرجعْ
يمضغْ افجرحه وهو يسألْ
أنا أو إنت كان الطيف !

مسافات الجراح أكبر من الأيام



وأنا توي يتيم الجرحْ



فعيوني يبين الصبح ..وأطفِّيه



مابي صبحْ



أبيك انتي ..لونك مملكة من جرحْ



أبسكنْ فيه ..



وإذا قالوا من الشاعر ؟



بقول آنا يتيم الجرحْ .!

بانتظاركْ ..



آه .. لو تدرين وش معنى انتظارك !



يمكن يكون الغياب وحزني افبابه قراركْ



يمكن اني مرّة ابـ..ـغفلة ظلمتك ...



وكان هذا اللي يزلزلني مع الساعات ثارِك ..!



آه لو تدرين وش يعني تخلّين الغياب اللي يعذّبني خيارك










لاتغيبي ..!

يوم قلتي لي : ( حبيبي ! )
كنتَ اداري عنك هفواتي واصونك
كنت َ أخاف اني اخون الصدق ..من حزني واخونك ..!
لا تناديني بدونك
أيْـــه حبيبك
لو عجز حظي يجيبك ..!
يكفي إن الدرب توصفها عيونك
صدقيني ..
هي ثلاث حروف يجمعها حنانك
( شِ عْ رْ ) والرابع زمانك
قاف عاشق ..
أو ( ألِفْ ) شاعر مراهق ..!
خلي الرابع عشانك ..

كنت مخطي .. !



دامك تغيبين لازم



كنت مخطي !



يمكن انك يوم



تعطيني وأنا ما كنت معطي



صدقيني ..



صعب اكون انتي .. أوَ اني يوم اشوفك في مكاني



انتي اكبر من زماني



صدقيني



صعب اصور لك شعوري وامتناني !!



غير هذا



انتي اكثر من سواليف الغرام ..!



وانتي أكبر من تفاهات الخصام



انتي احساسي بخطوات الثواني

علميني يا ..



الزيارات الخفيفة



لاتسمّرت افـ ثيابي



كيف من صوتك بنيتي لي سقيفه ..



في غيابي ..!



كيف كل الشيح فالشارع بعد عطرك تمايل مع حفيفه



واعتنابي



ياأنيقة ..



احتباسي داخل أنفاسي حقيقة



آه لو من آخر الشارع رجوعْ



يمكن اللي يرتجف وسْط الضلوعْ



يحتمي في زولك العابر دقيقة ..!










بانتظاركْ .. من سنة

لو سألتي مين أنا
كان جاوبك الغيابْ ..
للعتب ..مليون بابْ
مادخلته
وللعذر صمت وعذاب
ما احتملته
قولي إني والسما نجمة وشاعر
اكتبي لو حرف عني
من مشاعرْ
اكتبيني ..
اجمعيني في حنيني رجّعيني
سيرة الروح الحزينة
وأول أخبار المدينة
واحفظيني
--

100

من متابعيك وسآكون كذلك باذن الله
قد لا أوفيك حقك بالرد
فأتمنى قبوله

يعطيك العافيه

دووم هالتميز ماشاء الله عليك
ربي يحفظك

الف شكر على حضورك وردك

يعطيك الف عافيه عالطرح الرائع

وربي مايحرمنا من طلتك وتواجدك

وننتظر جديدك الراقي والرائع

يعطيك العافيه يالغاليه

منووووووووووووووووووووووووووووووووورين