ضيفوني انستغرام وسناب

بسم الله الرحمن الرحيم
يسعدلي مساكم بكل خير
يمكن أكون شخصية معقدة بهذا الموضوع

ولكن الغريب ان بعضنا يصور حياته الخاصه
في هذي البرامج أين الفائده اننا
نسوي كذا ؟
هذا السؤال لن نجد عليه أجابه نهائيآ

موضوعي هذا بحاول ادخل البنات داخل عقول
الشباب وطريقة تفكيرهم

انستغرام والسناب مستنقع كل واحد فيهم ألعن
من الثاني

بعض الشباب عندما يدخل على صفحة البنت
او يضيف سنابها ايش اللي يبغاه ؟

اذا شاف صفحة البنت صور قران واحاديث وذكرالله
هرب من صفحتها مثل هروب الشيطان
أما لوشاف انها تصور يدها ملابسها
غرفتها هنا يبدا يركن ويتابعها

لأن من الممكن تتطور الامور وتصور هذي البنت
اشياء ثانيه مثل عبايتها جسمها يطلع منها غلطه وهي تصور
انعكاس لصورتها وملامحها
يعني بنكون عايشين معاها امور حياتها
أهو نتفرج ونمليء عيننا
طبعا هذا الشي صاير بشكل عام

لكن نيجي لأغبى الأغبياء اللي تسجل اسمها
الحقيقي فلانه بنت فلان ولا ال فلان
هذي المتربصين فيها يخوفون لعدة اسباب:

اولها انها بنت فلان واخوها فلان وامها معروفه
واي صوره او مقطع لها راح تضر بسمعتهم جميعآ

ثانيآ الضرر عليها من الجنسين الشباب والبنات
الشباب الي يعرفون ابوك واخوك راح يضربون سمعتهم بأقل غلطه تسويها

اما البنات فهم نوعين الحسودين واهل الغيره
ماراح تسلم البنت منهم ومن كلامهم وعلى ابسط
غلطه راح يدمرون سمعتها شفتي فلانه وش منزله وايش مصوره
عاد هذي سهله لهم

البعض سوف يقول نظرتي سوداويه للمجتمع
لكن راح اقول ان البرامج هذي جعلت بناتنا
يتساهلون في عملية التصوير
وأنا اتحدى اي بنت الآن ماعندها صور بجوالها
وهنا مكمن المشكلة
ليش البنت تصور يدها
او اي جزء منها لماذا حللت للغريب يشوف جزء منها
وهي جوهره مصونه ؟!!!

الآن من تريد زيادة متابعين ومشاهدات
تتفسخ اكثر وكل مازادت في التحرر زاد
عدد مشاهدتها ومتابعيها

هذي البرامج دمار لمجتمعنا ولوجينا نشوف فوائدها
لما تعدت 10 في الميه للمجتمع

دائما اقول نحن نخاطب العقول لكي تعي وتفهم
الشي الصحيح والشي الخاطئ