تعبانه يايمه

صباحكم ورد ومساءكم احلا لو رحلتي , وش بقى لي ! وين بلقى أنا أماني ..؟ وين بدفا .. كيف بحيا !.. من هو يعطيني حناني !.. • شوفي قدامي عمر .. شوفي مشواري الطويل كيف بمشي به وآمر دون من هو لي عضيد ؟.. • يا يمه يا { طهر هالكون } انتي بكون وهم بكون يا يمه مين يسواك ِ !.. كلهم والله ما يسوون • يايمه تعالي باغفى .. آبي حنانك بارتويك .. يايمه ياكثرهم حولي .. لا .. لا .. .. { . ما آبيهم ,, آبيك . } .. +++ يمه خايفه . . . . . والله خايفه يمه ضميني باحضانك يمه محتاج لحنانك يمه خايفه من ظلام الليل وحدي والله خايفه اصحي باكر ولا القاك حدي يمه ضميني حيل ابي اشم عطرك واتنفس انفاسك ابي حضنك ابي حبك ابي قلبك الدافي يمه خايفه والله خايفه +++ // آآآه يايمه بغيتك دخيل تراب رجليك يمه احضنيني خففي رعشة خفوقي واحضنيني لملميني.. احتويني .. خذيني امسحي بكفوفك يمه قلب امتلى بهموم عمره وخلى هموم هالدنيا وأهلها كل همه آآه يا يمه احضنيني منهو غيرك يشيل همي ويحتويني روحي تحتاجك يا يمه قلبي يرتجي تكوني يمه وتمحي بسمتك كل همه آآآه يا يمه أبيك وينك تعالي والله أبيك واللي خلق هالكون الفسيح أبيك بس أبيك +++ يمه مريولي توسخ!!؟؟ يمه .. تكفين اسمعيني ... يمه بسألك شي .. جاوبيني .. هو صحيح اللي مات داخل القبر يصير حي ...؟؟؟ يمه ...أسمع أنا صوتك .. كل يوم اسمعه .. واذاحاكيتك هاوشوني ..قالوا انسي .. روحي يالله العبي .... !! يمه تعالي ارجعي ... والله خلاص بسمع كلامك .. ما اخرب العابي .. وان قلتي يالله .. روحي نامي .. أروح حتى ماتزعلي .. يمه تكفين ارجعي .. اليوم حطت لي المديره .. نجمه من فوق جبهتي .. يمه سمعتها تقول.. مسكينه هالبنت صارت يتيمه .. قالت لها ابله منيره .. مسكينه توها صغيره .. وش كانوا يقصدون ..؟ يمكن عشاني صرت عاقله.. ولا عشاني دايم اسرح يمه مريولي توسخ .. ماكان قصدي اوسخه ... بس تذكرت انك تقولي .. بعد شهرين.. بشتري لك لبس ثاني .. يمه تعالي اشتري ... يمه عرفتي بنتك ..؟ صديقتي اللي معي .. زاعلتني .. تقول ماصرت انا اضحّكها راحت تدورغيري عشان تلقى احد يونسها يمه يالله خلاص لاتمزحي يالله قومي تعالي معي للبيت ارجعي يمه يمممه نسيت شي .. بقولك ترى بيتنا صار فاضي .. ماحد يجينا .. وكل اللي فيه انا واخواني .. ليه وين اقاربنا ..؟؟ وين خالتي .. اللي كانت تجينا ... يمممه قوومي يالله تعالي .. تكفين يالله تعالي .. ماودي ارجع لحالي والله خايفه .. ترى امس جيتك .. مارديتي .. حسبتك نايمه .. أو اقولك ..خلاص خلاص .. انا بجيك بكرى .. اذا راحوا من هنا الناس .. تكفين يمه بكرى اصحي .. تكفين يمه بكرى ارجعي .. تكفين يمه بكرى ارجعي .. تكفين يمه بكرى ارجعي .. تكفين يمه بكرى ارجعي .. / يايمه يااجمل امل وأغلى بشر في دنيتي ياللي بوجودك تكتمل أسمى معاني فرحتي : الكون يحلا من حلاك والـنفس يـرويـهـا رضــاك يايمه أنا كلي فداك من لي في هالدنيا سواك : يفز قلبي لنظرتك ودايم أحساسي معاك الله عليها لمستك سبحان من اوجد غلاك : سلمت نفسي لحكمتك قلبي وهم روحـي فـداك شفتي الزمن ياقسوته ارجـوك خـلـيـنـي مـعـاك +++ طالت الغيبة يا يمّه - حبّك بقلبي أضمّه إنتي الحب الحقيقي - وإنتي النور لطريقي وإنتي ما غيرك أحد - يمّه يا وجه السعد يمه وراحت عقب فرقـاك روحـي والفرح يمه عقـب فرقـاك قفـى يمه أشوفك فـي ثنايـا جروحـي والجرح ينزف نبضه الحر نـزفَ يمه ولو طالت حزونـي ونوحـي أغرف ألم من لحظة تقسى يمه ارجعي منهو بيراعي قليبي ؟ ومن بيسأل عن حالتي وحال الدنيا معي آه يمه ارجوكِ ارجعي .. من بيمسح دمعتي .. من بيراعي دنيتي .. منهو اغلى منك يمه .. منهو بيرأف بعدك بحالتي +++