سلطان الهاجري يعزي حبيب العازمي قبل نزولها في المنتديات

هذه القصيدة لاول مرة تنزل في المنتديات
وهي عبارة عن تعزية من الشاعر سلطان الهاجري لشاعر حبيب العازمي
في وفاة صديق دربه الشاعر فيصل الرياحي
ورد عليه الشاعر العازمي بقصيدة اخرى

اولا : قصيدة الشاعر سلطان الهاجري

نسـبـة الشـــك مـا تلـحـق مداك ومـــداي=يا بــعـيـد النظـر خـلـك بـعـيـد الـنظر
عــظـم الله عـزاك وعـــظــم الله عـزاي=في زميـل القصيد وفـي زمـيل العمـر
ميـر أبعـطـيـك راي وبسـتمع منك راي =بـعـد اخـذنـا مـن الـدنـيا دروس وعبر
كــل قــصـدي بهـالــدنـيا وغــاية مـنـاي=فـــي بـدايـة عـمـر والا نـهـاية عـمـر
اشعر اني كـسبت ارضى جميع ازملاي=وارجـو ان الـمـواصـل بـيـنـنا يستـمر
واحتفظ في غلا اصحـابي وتحفظ غلاي=ولـي وقـار وقـدر ولـهـم وقـار وقــدر
كـم صـديـق رحــل منـا ولا هـو بــجـاي=غـيـبـتـه الـمـنـيـة والـقـضـا والـقـــدر
وأتــمـنـى مــن أصـحـابـي تـلـبـي نـداي=ولك سلامي يا بو فيصل وكـل الشكر

ثانيا : رد حبيب العازمي على القصيدة

ي

يا حـميـد السجـايا لـيـش تبحث خـفاي=وانـتـه اللـي عـن الاحـوال عـندك خبر
واعـلم أني عن الزلات اقصر خطاي=واحـتـفـظ بالـمـودة لـو ادوس الـخـطـر
نــظــرتـي للأمـام ولا اتـلـفـت وراي=وكـم تـجـي زلـة وارمـي بـهـا في بحر
والله انـي حـزيـن ومـن عناي وشقاي=احـضر اغياب اخـويه بعد موته حضر
ايه اخـويه ولـو مـا صدقـوها عـــداي=عشرة العمر أخـير مـن الذهب والدرر
مير يـا بـو مـحـمـد وانت قـمة رجاي=دام شـرواك حـي الي الـفـخـر وافـتخر
نـيـة الـخـيـر ارضي والـمـروة سماي=واقـتـدي بـالنـجـوم الـيـا بـدت والـقـمر
أنت راس المروة وانت اعز اصدقاي=وانت سـلـطاـن بن وسـام بـالمـخـتصر

القصيدة منقوله من على لسان الشاعر حبيب العازمي مباشرة

صح لسانك ولسانهم

تسلم على الطرح الحصري

وربي يرزقكـ ياشيخ

سعيد بمثل هذا الطرح

تسلم يالغالي

واللهم اسكن فيصل الرياحي فسيح جنانكـ

اخوي عود الليل
صح بدنك
واشكرك على المرور
مرورك تاج على راسي

سلم قلبك وتعلا شانك اخوي

اللهم اغر لفيصل الرياحي وجميع المسلمين


تقبل مروري

نظرة الحب

صح لسان شاعرينا الكبار والله يتغمد الشاعر الكبير فيصل الرياحي بواسع رحمته ويسكنه فسيح جناته .......وتسلم على النقل
ودمت بود .......