عودة الم .....6

في الوقت الحاضر .................طلعت سلمى من المستشفى من فترة ...

رجعت لحياتها الطبيعية ...ولاولادها حواليها .. مع خوفها من المستقبل ..
تخرج مجد .. ويدور وظيفه ... ماجد دخل الجامعة .. ..

الظهر ساعه 2 ونص رجع مجد ..هلكان وباين عليه الارهاق والتعب ...سلام عليكم
ماجد وسلمى: .. عليكم السلام ....سلمى : وينك انت ؟؟ سويت الغدا لي ساعه ..

ماجد : ترى مت جوع وانا انتظر ......... مجد : وش فيكم علي تراني من الصبح وانا افر بهالشوارع ادور لي وظيفه زي الناس .. لي شهر على ذا الحال .. وفوق ذا مالقيت ..تغدو انتو بالعافيه انا بنام ..

العصر .. طلعت سلمى لغرفة مجد دقت الباب شافته نايم .. راحت عنده تصحيه ..: مجد قوم لاتاخر صلاة العصر ..يلا وتعال كل شيء من الصبح وانت كذا

مجد فتح عيونه ..كان منسدح على جهة اليمين ومعطي امه ظهره : طيب باقوم .. ربتت على كتفه وقامت ...

بعد نص ساعه .. دخل ماجد عند مجد .. وشافه نفس الوضعيه ماتحرك نط على السرير وحط دقنه على كتف مجد : ياخي انت باقي نايم .. اخلص علينا ابيك تلعب معي سوني طفشان ..
مجد كان يطالع في الجدار ومارد عليه .. هزه ماجد .. ولد وشفيك ؟؟ تسمعني .؟
مسك وجهه يبي يهزه شافه حااار كانه يغلي ..::: الله ..مجد انت تعبان ؟؟ تحسس وجهه وجبهته ويدينه شافها حاره ..ركض عند امه : اميييييي سلمى : وجعييية ليش تصارخ
ماجد: امي الحقي ماجد شكلة تعبان جسمة حار ومايرد علي ...
طلعت سلمى عنده .. وجهه احمر ومعرق .. تعرف ان ولدها مايشكي لو جاه الموت
سلمى : ماجد جب لي مويه بارده من الثلاجه حطها بصينيه وشف في مشنفه صغيره جبها بسرعه ... نزل ماجد ركض وجاب اللي قالت امه وحطته على مجد ... بعد فتره خف مجد ونام

اليوم الثاني .الصباح ... راح ماجد للجامعة ومجد باقي نايم ..سلمى لبست عبايتها ..اخذت اوراق مجد ... ولفت على كل مكان تعرفه للوظايف .. رجعت الساع 12 الظهر ..سوت الغداء ..

رجعت الصاله تستريح .. نزل مجد لها وهو مصحصح والنشاط باين بوجهه .. : سلام ..
سلمى : هلابك عليكم السلام .. الحمدلله على السلامة كيفك اليوم ؟؟
مجد : الله يسلمك الحمدلله احسن ..وش فيك ؟؟ امي .
سلمى : مافيني شيء بس مانمت زين قمت انظف البيت وسويت الغدا توني ..
مجد باس راس امة وقام يساعدها بالمطبخ ..

رجع ماجد .. شاف اخوه بخير قام يستعبط : ياهلا والله بهالطله .. اشتقنا لعيونك والله
عذبنا فراقك يالغالي .. خاف الله فينا خاف الله .. ضحك مجد .. وحضن ماجد :: ههههههههههههه والله انك اهبل ..امش امش تغد بس ^_^

المساء مجد : امي باطلع مع اخوياي سمرة تبين شيء اذا جيت ؟؟
سلمى : سلامتك انتبه على نفسك ..

ماجد كان بغرفته يلعب سوني .. دق جواله ورد ........
ماجد : الو هلا... المتصل : ماجد هيثم الراشد ؟؟ ماجد : ايه من معي .؟؟

المتصل : معك ابوك هيثم ...
ماجد انصدم وبنفس الوقت محتار : وشهو ؟؟ اقول بلا لعب بزران ترى مو فاضي لاهلك انا لاعاد تدق احسن لك ... المتصل :: اذا مو مصدق اسال امك عن شهاده وفاة ابوك وورقه الطلاق وشف ردت فعلها
قفل الخط .....

ماجد احتار نزل وراح لامه في الصالة ..قعد جنبها ومتردد يسال .. ماجد : امي ابي اسالك عن شيء ... سلمى وهي تطالع بجوالها : اسال .......... ماجد : امي ابي اشوف شهاده الوفاء حقت ابوي عادي ؟؟
سلمى طالعت فيه بسرعه : ل ليش ؟؟ ماجد : يعني انتي تقولين ابوي مات من زمان بس ماعمري شفت ورقه وفاته .. سلمى صرفت الموضوع :: صراحه الورقه مع اهله مو عندي
ماجد : طيب وورقة طلاقك .. سلمى عصبت وقامت :: انت وش تبي تسالني ؟؟ وش صاير ؟؟

ماجد استغرب من ردت فعل امه وشك بالموضوع .. قام وصرخ : يعني زبده الموضوع ابي اعرف اذا ابوي طلقك من جد ولالا ؟؟؟ سلمى : وليش السؤال ؟؟ ماجد : لان صراحه كل ما اسال مجد عنه احسه يصرفني ولا يقول ماعرف شيء عنه شلون و ابوي مات ومجد عمره 14 ؟؟ يعني عاش معه وشافه ..! صح

سلمى كانت تطالع فيه...وماتدري وش تسوي .........

يتبع ..................

احجاز المقعد الأول
بس لين أنتهي من قصه
وبس حاليا اعجاب وتقيم وختم وتنبيهات

ي الله ي الله
شششيء محير و حيرهم في القصه
رائعه انتي ي حب

البارت هذا كل تشوق واكشن
بصراحه كله عجبني
كل شي حلووو
ساره طلعتي كاتبه روايات ونحن ما نعرف
انتظار بارت 7 بكل شوق ولهفه
ساره ربي يسعدك

قصه قصيره رائعة
جميل قلمك
وأصلي ذلك الإبداع
لروحك الفرح

سعدت بــ المشاااركة وياااك

سلمت أناااملك
ع الجهووود الرائعة

نشكرك لتميزك

استمتعت في قراءة
تكمله هذه القصة
وسوف انتقل الى بارت سبعه
شاكر لك روعه طرحك
تحياتي واحترامي

سارة الانيقة ..
مازال الابداع ينهمر وبكل شوق بانتظاره ،
دام نبض قلمك غاليتي ,,
ارق التحايا ..

جزززء انيق ساارتي

اعجابي وتقييمي

ابدعتي وامتعتي