سالفة قلبين

قصيده كتبتها في بداياتي ومصافحه اولى اتمنى تصل لقلوبكم الرائعه



تعالــي نكتــب احكايــة جـــروح وسالفة قلبيــن

وزمـــــان قاسي وظالم علينا يعقــد احجاجــــه


تعالــي نبتسم للوقت وننســـى طعنــة السكيــن

سجين الوقت والاحزان يجي له يوم افراجـــه


صباح البسمه اللي تحتضر في شفة الحلويـن

دخيلك تبتسم شفني طبيب الحزن وعلاجـــــه


تعالي برجي الميزان هوائي ما يحــب اثنيـــن

يحب اللي بنى في القلب قصر وشيد ابراجــه


واذا كان الحزن ساكن بقلبك يقسمه نصفيـن

ابي نصف الحزن منك اشيله منك محتاجــــه


انا ماهمني غيرك ولــو كل البشـــر مقفيـــن

اذا غبتي عن اعيوني كأنــي فاقدن حاجــــــه


واذا كان الزمن يطلب من احزانك بقايا ديـن

اسدد له بقايا الديـــن منتـــي لــه بمحتاجــــه



حسن الصقور(صمت الرحيل)