 |
|
|
|
|
|
#1
10-11-2010
|
||||||||||||||||||||||||||||||||
|
||||||||||||||||||||||||||||||||
سلامى:يتكلم يقولى شحالج؟؟شخبارج؟؟؟....ينطق..
موزه:أيه عيب منقود ...شو تبين بسج بس يوم يطالعج .. سلامى:هههههههه....صدقج والله وايد عليه.. موزه:يحيج على الأقل محيره ..وتعرفين أنه يحبج ويباج...وبتتزوجون..لو مب هالسنة السنة الياية.. سلامى:إن شاء الله حتى أنتى.. موزه: يصير خير.. سلامى:سمعينى....بس لو مرة أباج تسمعينى.. موزه:شو؟ سلامى:الحين سيري تسبحي وغيري شكلج هالكئيب..وبعدين خلينا ننزل..ويلسى سولفى ولا كأنه شىء مستوي....والمكتوب هو إلى بيستوي....ولا تفكرين بشىء.. وكونى طيبعية مع حمد وغيرة..ولا تبرهنين شىء..والله خوانج بجتلونج.. موزه:ههههههه..أدري...أوكية بسير أسبح.. وسارت موزه تسبح...ولا وشوية..نورة تدق الباب...سارت سلامى تفج الباب.. الساعة3:50 الظهر.. سلامى:هلااااااااااااا..أنتن وينكن؟؟؟ نورة:كنا تحت .....أنتن وينكن من الغدا من شفناكن.. سلامى:والله يلسنا في الحديقة...وبعدين سرنا فوق.. وسارن ويلسن في الصاله الفوقية.. نورة:أنا بسير عند أمايا ..بسيرن.. سلامى:ليش وين هن؟؟ نورة:في بيتكم.. سلامى:ليش سارن.. نورة:شدرانى بيلسن في بيتكم..بعدين بسيرن عند أهل بوظبي.. سلامى:أهااااااااااا...بنتريا موزوه ومنسير .. نورة:لا أنا بسبقكن.. سلامى:تريي موزه بتتسبح وبنتسير رباعه.. نورة:مافينى أتأخر أمايا شيخة تبانى أهمز ريولها....عاد طالبتنى أناااااااا.. سلامى:برايج عيل بعدين منلحقج.. مى:شلينى وياج ما بيلس عند هاي الوحشة.. سلامى:شووو؟؟ نورة:لا إله إلا الله ..ما تعرف تيلسن بدون ما تناقرن.. مى:حليلى ما قول شىء.. سلامى:شليها لا الحين أرتكب فيها جريمة.. وسارن عند يدتهن..وسارت سلامى تقول لموزه أنها بتنزل تحت بسير المطبخ..عشان تاكل شىء..ياعت الساعة4:15 العصر.. ونزلت سلامى تحت..وشافتهم...يالسين يشوفون فلم في الدي في دي..وكيف مخربين الصاله ومنزلين المخاد تحت وكلهم يالسين تحت.. سلامى ومخلية إدينها على خصرها: لا والله..إيه شو سويتو ليش جيه خربتو الصاله.؟؟ سعيد ويفرها بالمخدة:يعل الله يقص هالسان...شعنج....؟؟؟ سلامى:شووووووووووووو؟؟ محمد:سلامى ليش داشة بالعرض؟؟؟ سلامى:إيه شعندكم....هالكثر الفلم حلو....وسارت جدام التلفزيون تشوف شو يشوفون..اللللللللللللللللللله ..فلم القراصنة..أنا من زمان كنت أريد أشوفة... سعيد ..يعرف لو يلست سلامى ما بتخليهم يشوفون من كثر ما بتهم تهذرب..وتعلق وكل شوي بتقولهم ترجمو شو يقولون لأنة الفلم مب مترجم...:شلى عمرج ويالله ..برى... سلامى:حراااااااااااام..أريد أشوفة وياكم..... سعيد:حلفى والله..تشوفين حد بنات عندنا؟؟؟؟؟؟؟؟؟؟هااااااااا سلامى مخلية شكلها تقول مسكينة: إنزين عادي كلكم عيال عمى....مب عيال اليران... محمد ..لو يلست بتم تضارب ويا سعيد ولابيشوفون شىء من حشرتهم:سلامىتراج طفرتينا خلينا نشوف الفلم....زولى.. سلامى:بخبر عليكم أمااااااااياااااااا.. سعيد عصب ..:خوفتينااااااااااااا....زولى لا الحين أصنج بالجوتى.. سلامى:أقول ترانى أختكم مب بشكارتكم جيه تكلمونى؟؟ سعيد:والله يا سلامى أن ما زلتى ...لأصفعج.. سلامى:مارييييييييييييييد.. سعيد:هذا الفلم مب لج....لسن 20وفوق..وأنتى حتى العشرين مادشيتيهن..خير وين تبين؟ سلامى:جذااااااااااااااب..18 مب 20 سعيد..بتهم تحن..عشا تفارق..قالها:زولى ...بعدين بخليج تشوفينة ..في المزرعة..شو قلتى..والله إن ما زلتى ما بتشوفينة..حلفت..خلاص... سلامى..تعرفه مادام حلف يعنى صدق بخليها تشوفة:لالالالالالا.....خلاص بسير.. سعيد:أففففففف..أعوذ بالله ..حشة يالهلبنت ..ميذاه... الساعة 4:40 العصر.... وسارت المطبخ ...وبعد شوي نزلت موزه..ومن نزلت كل العيون عندها..كانت حلوة..وهى لابسة الوردي..لابسة جاكيت طويل لين ركبها وبدي وردي أفتح عن الجاكيت وتنورة بيضة جنز وشيلة وردية..وخدودها الحمر ..وهي تبتسم لهم وظهرن غمازاتها..ولا مخلية في ويها شىء وظاهرة جنان.. موزه:سلام عليكم...شو مسوين في صاله.. كلهم :وعليكم السلام...... حمدان:موزه ..تعالى...حمدان وايد يحب موزه..ويعاملها ما تقول أختة تقول بنتة.... سارت عند أخوها....ويلست عداله.. حمدان وخلا إيده ورى رقبتها بصوت واطى: ها موزوه أشوفج فرحانة اليوم.... موزه:لا عادي...يوم إلى بفرحنى؟؟. حمدان:هااااااااا..إنزين ليش ما تغديتى اليوم؟؟؟ موزه:ماريد ما مشتهية......وبعدين شدراك؟؟ حمدان:أمايا خبرتنى....... موزه:كنت ماكلة الظحى ...وبعدين كلت كافى ويا سلامى... حمدان يقرصها على خدها:كم مرة قتلج بسج من الكافى.. موزه:ااااااااااااااي....حليلى ماكلت وايد.. حمدان:اليوم المغرب منسير المزرعة.. موزه:والله...... حمدان:هيه....... موزه:يااااااااااااااااااااي..من زمان ماسرت المزرعة.. حمدان:جهزي أغراضج.. كلهم كانو يطالعون الفلم إلا حمد يالس يطالع موزه وحمدان كيف يتكلمون ويظحكون بصوت واطى عشان ما يخربون على سعيد.. موزه :حمدان أريد أشوف الفلم وياكم..من زمان كان فب خاطري أشوفة.. حمدان:هههههه..توه سعيد يهاد سلامى..عشان قالت تبى تشوفة.. موزه زعلت:حليلى ..عاد أنت أخوي مب سعيد..سعيد ماله خص فينى.. حمدان:إنزين أنا قلت لا..عادي شوفيه.. موزه:يااااااااي..فديت أخوي..حبيبى.. حمدان:ههههه..كل هذا عشان قتلج شوفي؟؟ موزه:لا والله ..أنت أخوي الغالى.. حمدان:لا تتكلمين بصوت عالى بياكلج سعيد.. موزه مخلية إيها على ثمها:نسيت...الوحش .. حمدان:هههههه..حليله مب وحش.. موزه ولفت عيونها على حمد...ويوم شافها لف عيونة أونة يطالع الفلم.. إبتسمت....قامت.. حمدان:وين تبين؟؟؟ موزه:بييب المكسرات.. حمدان:أوكية.. والمكسرات كانن جدام حمد لأنة هو الوحيد إلى ما كان يالس تحت كان يالس فوق الكراسي لأنة ظهرة يعورة من اليلسة تحت وايد..ومن شاف موزه ياية صوبة ..ما يلس يطالعها..ويوم شلت المكسرات يت عيونها بعيونة.....إبتسم لها..وقالها :موزه آسف...ما كان قصدي أضايقج.. موزه حست قلبها يدق بقوة :لا عادي.. حمد :موزه أسمحيلى....... موزه من كثر ما كانت خايف ما رامت تقول شىء..أول مرة تخاف منة جيه...:................. حمد فسر سكوتها أنا بعدها زعلانة منه....جافها بنظرات حزن..ونزل عينة...هيه ما كانت زعلانة منه..بس لسانها مارام يظهر ولا كلمة..من شافتة جيه..بعد هيه سكتت..بعدين سارت عنه .. موزه يلست عند حمدان وطالع وياهم الفلم وتاكل المكسرات ويا حمدان .. موزه:حمدان ليش ما يبتو فلم مترجم ...أنا ما أفهم كل إلى يقولونة؟؟ حمدان:ههههههه...أنا بترجملج.. موزه:لا تظحك....عليه....بس أشوف ما أفهم شو يقولونة...أطرش في الزفة.. حمدان:هههههه..يعنى كل هذا ....ولا فهمتى.. موزه:لا فهمت...بس عاد مش كل شىء..بعنى مش كل كلمة..تعرف الأمريكان يكالون الأحرف.. حمدان:أوكية ...أنا بترجملج كل شىء..فالج طيب.. ويلس يقولها ..ويظحك عليها..حمد يطالعها كيف يالسة وتظحك ويا أخوها....عنبوه يا موزه..أنا شو سويت عشان ما سامحينى؟؟...أنا ما سويت شىء...بس لازم أكلمها.. وأتفاهم وياها..مستحيل أخليها..لازم أفهم الموضوع منها..إلا بلقا فرصة وبكلمها..ولا بخليها إسير لين ما تفهمنى السالفة..وشو بلاها.. الساعة 4:50 العصر.. مى معصبة:ليش جيه سلامى تعاملنى ؟أنا شو سويت لها؟؟ نورة تبتسم:سلامى جيه...دومها تحب تغابض وتهاد...ما تعودتى عليها؟؟ مى:بس هيه وايد تغايضنى...أنا شو سويتلها؟؟ نورة:حبيبتى سلامى طبعها..وما تقدر تغيرة من كانت صغيرة .. مى مبرطمة:أفففففف.أكرها ...أكرهاااااااااااااااا.. نورة:عيب هاي بنت عمج....وبعدين والله سلامى لو يلستى تغايضينها بزيد شو تبينها؟ مى:أنا ما قول شىء لها ..هيب تغايضنى ..حتى لو ما لقت شىء بظهر شء.. نورة:شوفي ..كلميها عادي مثل ما تكلمين موزه..ولو شفتيها تغايضج لا تردين عليها.. مى:هي ويا موزه غير ليش ؟؟ نورة:هههههه..ما شفتيهن..هالهنتين..مراض يظاربن حتى يتماطن بالكشيش...وتستوي ظرابة صدق..بس بعد تقريبا 3ولا4ساعات يرد لبعض تقولين مب هن إلى توهن يضاربن.. بس هالكلام يوم كانن صغار مب الحين.. مى:أدري.. نورة:إنزين ..وهن جيه مب كانن صغار..بس يوم كبرن يظاربن بس مش مايوصل أكثر عن يوم ويردن..وهن مع بعض من كانن صغار يعى تقولين توأم.. مى:أهاااااااااا..عشان جيه دومها موزه ويا سلامى.. نورة:هيه....... مى:إلا ما لاحظتى موزه من ينا بريطانيا غريبة؟؟ نورة تفكر:لا والله ..عادي ليش؟؟ مى:شوفيها دومها تلقينها سرحانة...ومرات تشوفين شكلها صايحة..ولو لاحظتى كيف نظراتها ويا حمد..غريبة.. نورة:أنتى تتوهمين..البنت ما فيها شىء.. مى:شوفي كيف ما فيها شىء...سمعى يوم الحفلة ما نزلت وقالو أنها راقدة..ولو شفتيها كيف كانت مهتمة من الحفلة وكيف كانت ترتب لها ..يعنى معقولة عندنا حفلة ولا تحضرها وفي بيتهم وهي مسوية كل شىء؟؟ نورة:يا الذكية ..لأن في نفس اليوم عرفنا أن ولد عمى حمد مريض.. مى:هاااااااااااااا..قلتيلها بعضمة لسانج..ولد عمى حمد....يعنى هي وايد مهتمة منة.. نورة:يا مامة أنتى ما زعلتى عشان حمد؟؟؟ مى:زعلت .. نورة:إنزين كيف ما تبينها تزعل؟؟ مى:شوفي يا أختى..أنا هذا حمد بس يوم سافرنا عرفتة يعنى من قبل ما كنت أشوفة غير يمكن 5زلا 10 دقايق ومتى إلا في المناسبات ..وهو ما يكون فاضى عشان يزور حد ولا مسافر..إنزين فزعلت عليه..لأنة ولد عمى وحليلهم ما عندهم غيرة..بس أنا حمد ما أعرفة وايد ..يعنى بس من تقريبا يومين ولا ثلاث ايام عرفة ..بس...بس موزه زعلت وااااااااايد تقول أخوها إلى فيه.. نورة:طالعو هذي..يعنى أنتى عادي عندج؟؟ مى:يا ذكية..أنا ما قلت عادي...بس يعنى أنتى زعلتى وايد مثل لو مثلا لاسمح الله واحد من عيال خالى(هم ويا خوالهم وايد مع بعض أكثر عن عمومتهم)قول الصدق؟؟ نورة:لا... مى:شفتى؟؟؟؟أنا والله العظيم ما كان قصدي شىء..بس أقولج أنا صدق زعلنا عليه وحزنا وحتى والله صحت ..وهو ولد عمنا ..وأحترمة وبالعكس ريال ما تنعق عليه كلمة..والنعم فيه...إنسان محترم وشخصتيه فنانة..وطيب..ورحيم....بس حمد ما عرفناه إلا من كم من يوم يعنى ..عشان جيه..بس موزه لو شفتيها غير..وحتى يوم سرنا الحديقة.. نورة:يعنى شو قصدج من هذا كله؟ مى:مافهمتى شو قصدي؟؟ نورة:لا......شو قصدج؟؟ مى:موزه تحب حمد........... نورة:أييييييه ..عيب عليج شو تحب وما تحب ..خلى أمايا تسمج والله لتقص لسانج..عنلاتج زاد.. مى:أووووووووووووهووووووو..أنا والله قتلج وأنتى عاد تبين تصدقين صدقي ولو ماتبين تصدفين كيفج.. نورة:الظاهر هالقصص إلى تقرينهن من النت أثر فيج.. مى:لالالا..شو يخص هذا بهذا؟؟ نورة:بقول لأمايا تقطعة هالنت...ما وراه إلا الدمار..... مى:نورة عن الخبال؟؟...أنا شو قلت؟؟ نورة:عيل شو هالأفكار إلى تفكرينها؟؟؟ مى:أقول اختى أنتى ماحد يروم يكلمج بسير عنج أبرك لي.....بعدين بصدقين.. نورة:أقول يالله خلينا نروح عند أمايا شيخة لا تهاد علينا وايد بطينا عليها... مى:يالله ...بس والله الجو حلو... نورة:إنزين ماعلية منقول لأمايا شيخة إتى الحديقة...بس ما بطيع ماتروم تفارج كوارها.. مى:ما علية منسحبة وياها خاري... نورة:منشوف جان بطيع.. ودخلن الصاله..لأنهن كانن في الحديقة يسولفن...بس مى ثانى وحدة لاحظ والله يعين منو بعد بلاحظ..كل الناس بلاحظن ومعقوله حمد مايلاحظ؟؟؟....لين متى ولا هو ما يريد يفكر بالفكرة ؟؟..... الساعة5:5 العصر وبعدين يت سلامى الصاله..وفي إيديها عصير..والثانية ..صحن فيه فطاير.. سلامى من شافت موزه يالسة وتشوف الفلم وياهم:لالالالا والله..شمعناااااااااااااا موزه ..وأناااااااااااااااا لالالالالالالالالالالالالالا..هااااااااااااااا سعيد:الله يغربلج...من وين ظهرتى..حشة هب صوت؟؟؟ول خيييييييبه ..إهبى حشة كل هذا بتاكلينة؟؟ محمد:إيه شعندج؟؟ سلامى:ليش موزوه تشوف الفلم وأنا لا؟؟؟؟؟؟؟؟؟؟هاااااااا سعيد:أخوها سمحلها ....... سلامى:وانااااااااااااااااااا؟؟ سعيد:أخوج ما سمحلج......... سلامى:لا والله.......... سعيد وخلا مخدة ثانية ورى راسه لأنة كان منسدح وهو يشوف الفلم..:أنا أخوج وما أسمح..وبسأل محمد...محمد هل تسمح للشيخة سلامة تشاهد الفلم معنا؟؟؟ محمد:لالالالالالالالالالا..لا أسمح.. سلامى وبصيح:لييييييييش لالالالالالالالالالالالا؟؟؟ سعيد: شو تبين كلمناج بالفصة ..عشان تفهمين وبعدج ما تفهمين ....كيفنااااااا....بس ماريدج ... سلامى:مااااااااااريد..أريد اشوف الفلم... حمد يأشر بإيده:تعالى.........تعالى........ سلامى:ياااااااااااااااااااي..بشوف الفلم ودلع بلسانها على سعيد ومحمد....... سعيد لف لورى عند حمد:إيه .....وأنت منو إلى عطاك الضوء الأخضر عشان تسمحلها.. مب أختك أختى أناااااوقلت لا يعنى لالالالالالالالالالا.... حمد:حرام عليك..شو تباهاااااااا..خلها تشوف ...ترا حتى موزه يالسة تشوف ما قالها أخوها لا.. سلامى:صدق والله..حش يأنت مب أخو فرعون.. موزه تبا تفتك من حشرتهم :سلامى يالله إنسير عند أمايا شيخة.. سعيد:شوفي تعلمى من بنت عمج.........عنبوه أنتى متى بتتعلمين؟؟؟؟ سلامى:أنااااااااااااا..شوفينى؟؟ سعيد:من يت ولا سمعنا حسها..يت ويلست عند أخوها ولا تحركت....وأنتى تزاعجين تقولين في عسكرية ...عنبوه إذنى عورتنى من صوتج..إهبي.. سلامى:أناااااااااااااااا.. سعيد:والله أن يلستي تقولين إلا أنا وأنا ..لأصفعج..وخلاص الفلم ما بخليج تشوفينة.. سلامى:لالالالالالالالالالالالا...خلاص بسير عند أمايا شيخة.. حمد:لا إله إلا الله ..يا سعيد..حليلها خلها شو تباها..من تشوفها إلا تهد عليها. سعيد: ما أعرف شو إيينى من أشوفها..تقول بليس يركب على راسي لازم أهد عليها...تعصب بالواحد.. موزه تمط سلامى..سلامى دومها إلا تهاد ويا سعيد..ويمكن عشان هم نفس الشخصية...ورا بعض..وهو يحب يهاد وياها وهي بعد تحب تهاد وياه..يعنى متعودين دوم يتهادون...ويضاربون: سلامى بس عاد يالله إنسير..... سلامى:لو ما خليتنى أشوفة بقول لأمايا وبتشوف.. سعيد: خوفتينى..يالله ..زولى.. محمد يطالع الساعة:أوووووووووووووه..كله منكم الصلاه فاتت... سلطان: غربلات بليس.... محمد: أخرنا سعيد وهاي أم لسانين..... سلامى: شو يخصنى؟؟؟؟؟؟؟.إلى يبا الصلاه ما بفوتها....... سعيد: زولى عن ويهى لا أجتلج....... حمد: يالله بسكم ..تراكم صدعتونا.....وسارو يصلون...... موزه: يالله إنسير عند قوم أمايا ..الصلاه فاتت كله منج....... سلامى تمشى وعيونها على الفلم:دقيقة....... موزه:إيه تراج...طفرتيناااااااااااااا.. سلامى:دقيقة....الحين يالسين يصلون.......بس دقيقة.. موزه:ونحن ما منصلى ..عشان فلمج؟؟؟؟ سلامى لا حياه لمن تنادي... موزه:أنا بسير غرفتية بصلى يوم تخلصين تعالى فوق..... سلامى:هااااااااه..إنزين.......وسارت موزه تصلى....ويلست سلامى تشوف الفلم....بعدين سمعت صوت...قامت تربع فوق...لأنهم يو...... الساعة5:60 العصر... أم سالم:هظلتن..وين كنتن؟؟ مى: أمايا شيخه كنا في الحديقة نسولف... أم سالم: والسوالف وما تيوز في الصاله لازم في الحديقة؟؟.. نورة تعرف الحين يدتها بتهم تهاد ...:أمايا شيخة فديت خشمج وتحبها على خشمها..فديت يا أمايا يلسنا شوية برى الجو حلو....ما بطينا.. أم سالم: وأنتى ..شله ما يتى ما قتلج سيري زقري موزوه وهاي أم لسانين سلامى وتعالن أباج تهمزين ريولى؟؟؟؟؟؟؟ نورة:فديييييييت أمااااااياااااااا شيخة..الحين بهمز ريولج...فالج طيب..كم أمايا شيخة عدنا نحن؟؟ أم سالم:هيه جيه أباج.....وأنتى شعنة واقفة شعندج يلسي... مى :أمايا شو رايج نسير برى في الحديقة نسولف... أم سالم:جنج تبين تجتلينى مسودة ويه....شوفي كم مرضفة وحذالى الكوار وبعدنى بردانة وتبينى أظهر برى؟ مى:لالالالالالا..أمايا شيخة والله مش برد برى الجو حلو..وبعدين منشل الكوار مالج برى...شو قلتى؟؟ نورة:يالله أمايا شيخة ...دخيلج. أم سالم:تراكن طفرتنى..إنزين بسير بس هب باطية شوية وبرد داخل.. مى:إنزين.. نورة:عيل وينها أمايا وأبويا..؟؟؟ أم سالم:سارت أمج عند البشكارة وسوي وياها القهوة...عشان هالبشكارة ما تعرف ترم القهوة زين..وأبوج سار ويا علي ما أدري وين يبون.. مى:إنزين عيل ماحد غيرنا في البيت..يالله نروح برى...وسارو برى...ويدتهم حليلها تنتفض من البرد لأنها ما تقهر البرد وايد...ومع السوالف والقهوة نست البرد...بس مثل ما قالتلهم ما بطت بس يمكن ساعة ولا ساعة إلا ربع وردت داخل... الساعة6:20 المغرب.. نزلت موزه وسلامى.... سعيد يطالعهن:أقول أنا أحلم..ولا هاي أم لسانين موجودة؟؟؟؟ولا ينيتها؟؟ سلامى:أووووووووووووووو..لا ينيتها....... سعيد:ما يحتاي تراج ينيه...بسم الله..روووووووووووووع.. سلامى:أنا روع؟؟....أنت شفت شكلك في المنظرة؟؟؟؟؟ سعيد:خخخخخ...يعلنى بلاج كل الناس يتمنونى.. موزه:سلامى دخيلج.....تراج صلاه الظهر بسبتكم فاتت..الحين بيي المغرب ..بعد تبونا نفوتة؟؟؟؟ سلامى:وليش حطيتوه كله على راسي؟؟ سعيد:لأنج أم لسانين......... موزه سارت عن حمدان.. موزه:حمداااان..تعبت منها..سكتهم..أمايا كم مرة تدق تيلفون.....متى منروح..... حمدان يبتسم: ههههههه..بحاول أشوف شو إسوي... 
   
|
|
10-11-2010
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
الجزء 21
سارت موزه المطبخ....ويوم كانت بتفج الباب...شافت حمد..يكح....بس هي ما فجتة كله..بس تبى تشوفة ..وتتأكد إلى شافتة في الكنينكس صح ولا لا....كان يفج الدوا وخذ حبة وسار وصب كوب ماي وخذ الدوا وبعدين يلس في كرسي..وخلا الكوب عداله وشرب شوي وبعدين يلس يكح ويلس يدور على كنينكس بسرعة في مخابي جاكيتة.. ولاإنتبه للكوب وطاح ونكسر ونكسر..وبعدين قام وسار عند الكبت وخذ كنينكس ويلس يكح ..وسار وغسل ويه ..وسار ولم الكوب المنكسر وعقة في الزباله...موزه تم قلبها يد بسرعة...حمد شو فيه؟؟..أكيد زاد مريض بسير أقول حق قوم حمدان..بس مارامت تدخل داخل المطبخ...عشان ما تشوفة ..بس يلست تشوفة شو يسوي لو أنها ما تشوف كل شىء لأن فتحة الباب مب وايد كبيرة بس تأكدة أنة بخير وكان بس ياخذ دواه وكل شىء بخير...ردة الصاله.... سلطان:وين الماي؟؟ موزه الحين شو أقوله؟؟:مالقيت ماي خلص... سلطان مستغرب:خلص؟؟ موزه:هيه... وكانو كلهم يشوفون الفلم مندمجين...لأن الأحداث بدن فيه...........وسحبت سلامى عشان بسيرن عند أمهاتن...وكانت سلامى لاصقة ماتريد تروح تبى تكمل الفلم......وردت موزة تربع ووقفت جدام حمدان وصيييييييييييح....حمدان من شافها قام....وكلهم قامو شو ياهااااااااااااا....توها مافيها شىء..ليش شو ياها... حمدان يمسك موزه:موووزه شو فيج....موزه تأشر عند الباب.....وصيح......... الساعة6:25 المغرب.. ربع سعيد ومحمد سارو يشوفون....وموزه ماسكة إيد حمدان وصيح عندة...وسلامى فاجه عيونها وطالع..نقع سعيد يظحك...وياه محمد...سار سلطان يشوف شو مستوي.... حمدان يصارخ: إيييييييه شو مستوي؟؟؟؟؟؟؟ كلهم يظحكون...وظهرو برى..... حمدان: موزه قومى شوي بسير أشوف...شعندهم........ موزه تصيح......:لا..أخاف منهاا......ااااااااا سلامى سارت عند حمد: هههههه..يالله يا ولد عمى ...شياك ترابع وراها....السلامة ما تشوف شر... حمد معصب على موزه :هاي صرخت عليها..وظربتها.. سعيد سار إييب الفوط.....ومحمد وسلطان يظحكون علية... حمدان معصب: ممكن واحد منكم يخبرنى شو السالفة؟؟... حمد ينشف شعرة بالفوطة: أنا بفهمك.....الله يطول بعمرك...ربيعى مخلى قطوة عندي لين ما يرد..أنا سرت أشوفها لقيتها في البيت بروحها جان إييبها.....قلت ماحد في البيت غيرنا.. أختك وسلامى ما بكونن موجودات لأنهن قالن بسيرون عند أمايا شيخة..فيوم كنت عند الباب قلت إلى بيفتح الباب حد منكم جان أجدم القطوه على ويه الباب..أونى بفاجأكم بالقطوة..أخت الشاطرة فجت الباب ولاسوت سالفةيوم شافت القطوة في ويها من الزيغة..عطتها طراق...القطوة شمختنى في إيدي وشردت...رحت أربع أونى بمسكها.. ما أنتبهت للمسبح..دفففففف جان أطيح فيه..وإيدي كفخت الحافة وشوف كيف تشمخت..حشة يهلقطوة كيف نقزت ولا طاحت في المسبح...أفففف لو تشوف الماي ثلج..كح...كح...كح..وظهرت من المسبح....وشفتها عند الورد رحت أربع أونى بييبها جان إنزلق وطحت وعادة منو شافنى عيال عمك....والحين ما أدري وين سارت.. كح..كح..الماي جنى شربتة..حشة هب طيحة طحت....كح.كح.. حمدان تقرب من حمد.... :ههههههههه...عنبوه حمد أنت وين والقطاو وين؟؟؟.. هههههههههههه...شو إلى بلاك فيها؟؟؟ حمد يفصخ الجوتى..خاس كله ماي..: الحمد لله لابس جاكيت ولا هالشوج بشمخنى..لف لحمدان....يا الذكى أقولك ربيعى مخلنها عندي..مب مالتى..أمانة.... حمدان:إنزين وأنت ليش تخليها عندك؟؟؟ليش ما قتله أنك ما تروم ..ولا تعذرت بأي عذر... حمد يفصخ الجاكيت:حليلة قال بسير يزور يدته ويدته ما تحب الحيوانات فقالى خلها عندك لين ما أيي وهو اليوم بيي بس يوم واحد أخليها عندي..الحين كيف بعطيه القطوة ولا أدري وينها؟؟؟أفففففففففففف.. شو هلحاله؟؟ حمدان:هههههههه..بتلقاها....ما بسير مكان..... سعيد :حمد.....أقول أنا بسير أشتري قطوة بعد جان بتربيها ..ولا جلب.. حمد:جب أنت..عنلاتك.. محمد:ههههههههه...حمد أنا بييب سلوقي نحن ما نحب القطاو وبخليك في العزبه......شو قلت؟؟ حمد يفر سعيد ومحمد بلجوتى..من الضيجة .:عنلاتكم زاد يا الهروم..الحين بدال ما تقولون منسير ندور عليها يالسين تتطنزون؟؟ حمدان:بتلقاها يعنى وين بسير؟؟؟إستهد بالله.. حمد سار عند المدفأه ...:تعرف شو المشكلة؟؟ حمدان:شو؟؟؟ سعيد:قول ...شعندك؟؟؟ حمد ذكر موزه ولف يدور بعيونة بس ما لقاها خلا عمرة عادي عشان ما يلاحظون شو يدور.. جان يكمل:سمعو ..هاي القطو غير عن القطاو إلى تعرفونهن...هههههههه..أنتو ما تعرفون غير قطاو الشوارع...بس ما عليه...سمعو مرة قالى جيمس أن القطوة خربت المطبخ وصرخ عليها وشردت..ولا لقاها ويلس يومين يدور عليها..وبعدين سار وخبر الشرطة وبعد يومين لقاها...على قولته حساسة ما تحب حد يصارخ عليها...وحليلها ياها طراق وصريخ..يعنى ما بتظوي البيت طول.. سعيد يفكر:أقول حمد.....هاي هب قطوة ..لا حشا.. محمد يحك راسة:أقول شباب أول مرة أعرف أن القطاو حساسات.. سلطان: ههههههه..... إنزين خلوه يكمل..صدقة حمد شدراكم بالقطاو وايد عليكم جان تعرفون قطاو الشوارع... حمدان:أقول حمد...... حمد:هاه شو؟؟ حمدان:أنت من الصبح يالس تخورط عن هاي القطوة...بذمتك بسير تدور عليها؟؟ حمد:هيه عيل جذب؟؟...اليوم بيي جيمس يبى قطوتة شو بسوي؟؟ حمدان:عطه فلوس بدالها.....بعد شو؟؟ سعيد :بعد كم فلوسهن هالقطاو؟؟ سلطان:مرة إستمتهن وحدة 20000ولا50000 .بس تراهن أنواع ..على حسب نوعها ..ومواصفاتها... محمد:ول ..هالقطاو مب هينات.. سعيد:ههههههه..أقول أخوي شو رايك نتاجر بالقطاو؟؟؟ محمد:ههههههه..صدق والله أبرك عن الشركات...جان الوحدة ب20000ولا50000. حمدان:هههههه..أتخيل شكلكم..يالسين في المحل...وتستقبلون الزباين..وتبيعون.... حمد :أييييييييييه..شو فيكم اليوم؟؟...ما أقدر أعطيه فلوس لأنها من زمان وياه من كان صغير..ولا بطيع يقبل فلوس....متعلق وايد فيها...تعرفون الإنجليز أنتو.. سعيد:ما عليك هالأنقليز يوم بشوفون الفلوس بينسون كل شىء..أهم شىء عندهم الماني.. حمد عصب:مشكووووووورين وما ريد شىء منكم...أنتو شو يفهمكم؟؟ سعيد:تعال ..وين تبى؟؟ حمد سار صوب الباب...:بعد وين؟؟؟.بدور عليها؟؟ حمدان:إنزين سير بدل ثيابك..بتبرد وبعدين مندورها.. حمد ماسك الباب يبى يطلع:لا وين أبدل لين ما أسبح وأبدل بتظربلها دار..بعدين وين بلقاها....وسار عنهم.. سلطان قام...:انا بسير أدور عليها...وسار ويا حمد.. حمدان:سعيد كيف شكلها هالقطوة؟؟؟شو هشغله؟؟ سعيد:شكلها جيه متينة تقول درام...ولونها سودة وعيونها خضر...تذكر توم وجيري.يوم كنا نشوفة؟؟ حمدان يظحك.:هيييييييه تشبه توم؟؟ سعيد ....يظحك.....:لا...تذكر وحدة كان توم يموت عليها مرة شافها في الزبالة تحوط يمكن لونها أبيض وجيه شعرها طويل.......وهي تبا الصدق حلوة..هههههههه حمدان :ههههههه..سعيد زول عنى لا أفرك بالكنينكس...الحين وين أذكرها؟؟؟..من كم من سنة شايفة..ولا بعد ربيعت توم شدرانى بها؟؟ سعيد:ههههههه..ذاكرتك مب قوية.. محمد ..يفرة بالمخدة......:سعيد إسكت لا أظهر فضايحك.. حمدان ..قام......:إيييييييه بس .....يالله ندور عليها ...الله هداك يا حمد ولا أنت وين والقطاو وين؟؟ سعيد:ههههههه..أحلى شىء أونها حساسة... محمد يفج الباب:يالله ..بس إنسير.... حمدان :بسير أشوف موزه وبييكم.. الساعة7:09 المغرب موزه تصيح وتغسل إيدينها بصابون: والله سلامى يوم شفتها خفت منها كانت جدام ويهى وفاجة ثمها...لو تشوفين ضروسها..اااااااااااااي بسم الله....زياااااااااااااغ. سلامى :ههههههه..عاد موزوه مب تظربينهااااا.. وتباغمين.. موزه:..والله تصدقين أول مرة يستويلى جيه...بس تعرفين إتينى حساسية من القطاو.. وبسم الله يوم أذكر شكلها كيف فاجة ثمها...من الزيغة ما عرفت أسوي شىء ... سلامى:هههههه..والله لو تشوفين شكل حمد يوم يربع وراها والله مت من الظحك عليه ولا يوم طاع...هههههه..وحليلة ولا بعد طاع على الورد يوم سلم من الشوج.. ههههههههههه..الله لاهانة.... دخل عيلهم حمدان.. حمدان:هاه موزوه ... موزه:والله حمدان أخاف منهن وإتينى حساسية.. حمدان:هههههههه..أدري...بس شردت القطوة منسير ندورها.. سلامى قمت من الكرسي.....:بسير وياكم.. حمدان:وين تبين ..؟؟نحن ما سايرين نلعب يلسي ويا بنت عمج...بروح برايكم. موزه وصيح...كلة منى..أنا السبب:آآآآآآآسفة ما كان قصدي.. حمدان:ههههه..عادي ...إلا قطوة ما ترزا.. موزه:بس حمد معصب علية ولو ما لقاها بيزعل.. حمدان:ما عليج منه....ما بيزعل..يالله برايكن باااااااي.. سلامى مبرطمة :باااااااااي...حشة هذا أخوج ما خلانى أدور عليها......معوفة.. الساعة 7:10 المغرب. في السيارة........على إلى يسوق..... على لف صوب منصور......:أحس موقعة مب لين هناك.. منصور...إبتسم....:لا حلو....وبعدين ينشاف..لا تخاتي.... على ......إبتسم....:شفتة ما توقعتة جيه بكون كبير.... منصور:ههههههه...هيه والله كبير وتصميمة بعد حلو.... على:إن شاء الله يكون عاد زين.. منصور:إن شاء الله... على:عيل خلاص عزمتو على المزرعة؟؟ منصور:هيه العيال يرودون يسيرون ... على:عيل هبابنا نسير متى منوصل... منصور:إن شاء الله منوصل....تذكر آخر مرة سرنالها؟؟ على:هيه والله..سبحان الله ... منصور:أحلى شىء فيها موقعا...عدالها البحر..وكبيرة...... على:أحلى شىء فيها الخيول....ههههههه ..تذكر يوم طاح سعيد؟ منصور:ههههههه..أذكر..حليلة هذاك اليوم جبسوه.. على:ماء شا ءالله عليه هالولد مايقر.. منصور:هزرك البيت زين ؟؟.... على:هيه ..تراه العمال يشوفونة وبعدين أخلى حمد يسيرله كل تقريبا 8ولا9 أشهر ويشوف المزرعة ..ومرات يبات في البيت..ولو تشوفة غيرة حمد...لو تشوفة وايد حلو.. منصور :زين...تحسبت ماحد يعاودة من زمان.. على:لا وين ماحد يعاودة ...؟.بتشوفة .... منصور :وصلنا.... نزل على ومنصور ....ويوم كانو بدشون البيت شافوهم يالسين برى... الساعة7:10 المغرب... سلامى:أريد أدور عليها بعد... موزه:فقتج وين تبين ؟؟...إلا قطوة يعلنى بلاها من شفتها والمشاكلى منها..... سلامى:أحم أحم..أونى أخاف حمد يزعل مني.. موزه:جب... سلامى:حركااااااااااات هالبنات... موزه:يعنى أنا إلى خليتها تشرد.. سلامى:لا ما عليج ..حمد مب من هذا النوع بس كان معصب لأنة مارام يمسكها وشردت عنه.. وظهرن الصاله عشان يتريونهم..لين ما يلقونها .. الساعة 7:15 المغرب منصور وعلى:سلام عليكم....... الجميع:وعليكم السلام........ أم نورة (حرمت منصور):مرحباااااااااااااااا ملاااااااااااين ولا يسدهم.... منصور يبتسم:مرحب الباجي....... أم حمد:هاه وين هالسيرة كلها؟؟؟؟.... على:إلا هنيه..أشغال وهذا الفرع من 2 سنين وأخيرا بفجونة.... أم حمد:على خير إن شاء الله ... منصور: أشوفكم فارشين برى....مب جنة برد؟؟؟ مى:هو برد بس عاد مب وايد ملينا من داخل.... منصور:عيل وينها أمايا؟؟ نورة:توها كانت عندنا ودخلت ... على:شياها..؟؟ أم حمد:بردت ودخلت... منصور:مى سيري زقريها...قوليلها أبويا وعمى على برى تعالى... مى:إن شاء الله .... وسارة وشموه يالسات يلعب عدالهم....ويالسات يلعب بالتراب... منصور يشل سارة ويحظنها:حبييييييييييييييييييييبي سارونة...ليش ماحبيتى باباه اليوم؟؟ سارة وإيدينها خايسة تراب:باااااااابااااااااااااتى في إيدي تراب بخيسك... منصور ويفرها فوق:عادي حبيبى.... سارة:اااااااااااااااااااا..ماماتى بطيح...
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض المتطور
