© أوكسجين ©4

الحب حاجة من الله .... ريّح ظنونك
! لا تظلم الناس ذا ضدّي و ذا دوني
! صعبة من الباب للطاقة .... يحبونك
والاصعب انك تجي و تقول حبّوني !!

ما للزمن .. في حزنك و فرحتك راي !
عش يومك ، وقلبك ب الاقدار راضي
واللي يقول الماضي احلى من الجاي
قل له : مصير الجاي بيكون ماضي !

دايم معي رُغم اختلاف / الاماكن .
سكنتني وأصبحت ملكي وهالحين !
كل شخص عنده قلب واحد ولكن ،
انا الوحيد اللي وسط صدره اثنين !

ما كل من تعرفه .. ترتاح لأطباعه
الناس فالقلب .. من قيمة مواقفها !
تقابل انسان وعيونك على الساعة
وانسان ..... لا قابلك ودّك توقفها !

آحلامنا اللي من مفارقك ( ماتت )
ماتت ... عشان تموت معها الملامه
! آجمل محطات العمر .. معْك فاتت
بين ( السلام ) وبين مع ( السلامه ) !

ماقسى من غيابك : الا شوفتك صدفه
وب عيوني احلامك وب عيونك احلامي
شعوري اللي جبرني فيك ما اعرفه
لوكنت اعرفه عرفت اواجه ( ايامي )

جت تقول : انا ذبحني الإشتياق /
قلبها المسكين بـ أشواقه ثمل ،
قلت : وانتِ عايشة جو الفراق /
صدّقيني راح يقتلك " الأمل "

حبيبتي دامك معي ما أعاني ,
الا سبب تفكير قلبي ( ف بكرا )
ضحكاتنا وأحلامنا - والاماني
خايف يمرّ الوقت وتصير ذكرى !

مدري مَن السجّان والمسجون❕
يمكن أنا المسجون والسجّان ..
في نظرتي كل السجون تهون❕
ألا السجـون اللي بلا جدران ..

تخشى علي من ضيق صدر وكآبه
؟ وقلبي يفزّ من الفرح - يوم يلْمحك !
وشلون اعيش الحزن وحبّك سحابه
, تهطل عليْ أفراح لين ارتوي ضحك