رحيل أصواتنا

مدخل

{ بُكْرَهْ وَ فِيْ نَفْسَ آلمَكَانْ ..
.............................. بَلقَآكْ وَفْـ|نَفْسَ آلزَمَآنْ ..
{ بُكْرَهْ بِيِجْمَعْنَآ آلقِدَرْ }
............................... آبَسْتِعد .. وَآنْتَ آنْتَظرْ ..
[ وَآنْ ضِعْتَ فِيْ زَحْمَةْ زِمَآنِيْ ..
........................................ لآتدَوْرنِيْ آبَدْ ..
.................................................. ............. رُوُوُح سِيييييييييييدَهْ { وَتَلقَآنِيْ }

عمق

إنت مثل الحزن في عمري نصيب .!
صرت أحسّك خووف : وأحتاج لبكاك .!!

لو سألت الدمع في وجه الغريب
عن سبب حزنه وعن لحظة لقاك

مانطق لك غير : لو ناوي تغيب .!
غيب : لكن طالبك خذني معاك .!!

مالقيت لجرح منفاك الطبيب
لاتذوقني : بعد قربك جفاك .!!

غيبتك تذبح : وصوتي عندليب
يارحيل أصواتنا : قاسي شتاك

راحت أيامي معك لحظة مغيب
مرّها عجل النهار ولا نساك .!!

بلّغ الأيام : بعدك لا تجيب
كل طاري ما يسولف عن غلاك .!!

رحت أنا ويّاي أسأل عن حبيب
جيت أدورني : بعد كذبة هواك .!!

كيف أبحكي ضيقة الصدر الرحيب .!
وانت علّمت الحكي يسكت بلاك .!!!

مخرج

نكتم ونشكي من الاحزان في خلوه
واليوم ؟ في صمت ... لا نكتم ولا نشكي

لو ان ؟ دنيا الشقا ياصاحبي حلوه
ماكان ؟ شفت الطفل يولد وهو يبكي !!!

لاأرواحكم النقيه