:- يآهي صعبه ضيقة "الشخص الكتوم "-:

:- يآهي صعبه ضيقة "الشخص الكتوم "-:


ماعليك إن طحت ياحظي ملام ..
...وان بغيت ألوم..قلي من ألوم


ضاقت الدنيا و لا عندي كلام ...
.... يا هي صعبه .. ضيقة الشخص الكتوم


من يلوم .. ان صار باحساسه زحام
.... و السهر عيا عن احزانه يقوم



ضايع وسط الهواجس و الظلام
.... في عيونه ياااه .. يا كثر الهموم


رغم انه عااش .. من فوق الغمام
.... بس ما يطمح بما دون النجوم


حط ّ له بين البشر قدر .. ومقام
.... وين ما وجّه .. عزيز و امحشوم


من تنكّر .. صد ّعنّه باحترام
.... و اللي وافي .. شايله فوق الغيوم


ما نثر دمعه .. على صدّه غراام
.... و لا وقف في سوق خلاّنه .. يسوم


لو زعل .. صد ّ و نسى كل الخصاام
.... ما يفااااارق صاحبه .. لو هو جزوم


مؤمن ان الغدر في شرعه حرااام
.... ومنغدر به .. يبتعد عنه .. و يشوم


و انت يا قلبي .. اصحّيك وتنام
.... ودي تصحى بس ابي تصحالي .. دووم


قلت لك لاتطمح براس النعام
.... و لا تطب ّ اليم ّ .. دامك ما تعوم


و لاتضيم الحي ّ .. و حيّك ما يضام
.... و ان خذوا لك حق.. لا تشكي وتلوم


العطا .. يبيّن على وجيه الكراااام
.... لاتظن الطيييييب ينفع بالرخوم



ودي..


لكم
حنو الحلوة


منقول