![]() |
![]() |
![]() |
![]() |
|
![]() |
![]() |
![]() |
[ابكتب من قصيدي الوزن وغيرهـ من شعر منثور] { .. هنا يطرح كل ما يتعلق بالشعر من قصائد مكتوبة او منقولة مع الاشارة الى اسم كاتب القصيدة .. } |
![]() ![]() |
|
أدوات الموضوع | انواع عرض الموضوع |
![]() |
#161 |
![]() ![]() |
![]()
"وتمرُّ أقدارٌ عليك كئيبةٌ
فيراك ربّ القلب تصبرُ راضِيا ! ولسَوف يُعطي بالرِضا ما تَرتَضِي مِن بعد أن تُمسي وتُصبحُ دَاعيا الجَبرُ بعد الكَسرِ عادةُ ربِّنا لن يترُكَ الرّحمنُ قلبكَ باكِيا" |
![]() !!! أقف على خاصرة الدهشة بثلاث نقاط... ![]() ![]() ![]() ![]() |
![]() |
#164 |
![]() ![]() |
![]()
ياهاجسي هات القوافي المراديف
وهات البيوت النادرات الاصليه وهات الجزاله خل عنك التخاريف من عادتي لاماعرفت الهزيله يامرحبا ترحيبة الناس للضيف عدة رقاب للولي تنحني له وعد الجبال العاليات المشاريف واعداد مالاحت بروق المخليه يا مرحبا بك يا بعيد المشاويف شوق الهنوف اللي تفل الجديله شاعر جزل لاما تبي زود تعريف من لابة الامجاد واهل الفضيله اولاد هاجر هم زبون المضاعيف وفعولهم بالطيب دايم جليله اللي لهم يوم الصعايب مواقيف وحريبهم شاف العناء والفشيله صارت عظامه من خطرهم محاذيف يردون حوض الموت لاحان ويله تشكي علي هم الليالي العواصييف ونفسك من الاحزان صارت عليله ياعايض المنعور لا تشكي الحيف خلك جبل ثقل الزمن ترتكيله لاتشتكي فابكي تراها على طريف ! من واقع خلا دموعي هميله! ياما شكينا في زمنا التصاريف وياما بكينا فالليال الطويله نضحك نبي نلطف الجو تلطيف ! والهم ساكن فالضلوع النحيله ! نجحد عبايرنا دون الملاقيف ونخشى حكي اهل النفوس الذليله! اما الذي من خلقته ما بعد شيف ؟ ولاضاقت الايام ماحد يجيله ؟!! فهذا على ماقيل في وقتنا عيف ودرب الرخامه صار مجرا سبيله امهايطي يصفف الهرج تصفيف ونفسه من الاحقاد دايم غليله ماله مع الشجعان اسم وتصنيف من لحيته تكرم نفوس نبيله يالهاجري هذا الزمن كله مخيف ماعاد ميزنا محيطه ونيله !! ولابد من يوم تزول المشاعيف والهم يرحل والسعاده بديله وهذي تدابيره عليم التصاريف الواحد اللي كلنا نلتجي له وياعايض المنعورلاتشكي الحيف خلك جبل ثقل الزمن ترتكيله |
![]() ![]() ![]() ![]() |
![]() |
#165 |
![]() ![]() |
![]()
هات القلم ياخوي في خاطري بوح
ودي اترجم لي طواري وهوجاس واخذ من الابيات سجه مع الروح في معزل مافيه ما يزعج الراس هذي ثمان سنين والقلب مجروح والفكر شارد والمعاليق يباس ويفوح في صدري هموم كما فوح صفر الدلال اللي لها الناس جلاس امشي على درب المقادير وانوح ويهيض وجداني ليا هب نسناس سبة ظروف تجهد الحال وتروح وتترك مواجعها على القلب حراس تعبت وانا اشيل والوقت مشفوح يطوي سنيني دون رحمه ولا احساس كني غريق شاف موته على لوح !! تلعب به الامواج ما صابه الياس ابني من الاحلام بنيان وصروح احلام ورديه غدت مالها ساس ! واطرد سراب اللال واخيلها دوح! مثل الذي فالدهر للسيل عساس ! وازيف الفرحه سواليف وامزوح وامني الخاطر بلا باس.. لا باس تدري وش اللي يقهر القلب والروح ؟؟ انك تعيش العمر محتاج للناس !! |
![]() |
![]() |
#166 |
![]() ![]() |
![]()
من دنيتي ياكثر درس تعلمت
قسم المواجع صار هذا اختصاصي!! حزني كما الكشكول واقراه في صمت واخط من ذكره بمرسم رصاصي اسهر واذاكر ليل الاحزان مانمت واسرح مع طعوني ولايفوت باصي لبست مريول الشقا ماتنعمت الضيق شنطه والطواري شباصي وعن فسحة الايام وافراحها صمت وابغي اجازه عن همومن عواصي سياحتي غربه وفبحورها عمت ماهي سياحه في ربوع النماصي العام راح وفي طعوني تألمت الناس نجحو ماهناني خلاصي!! |
![]() |
![]() |
#167 |
![]() |
![]()
علميهم ياعيوني كيف يكون الضمير
لآ بكيتي مالقيتي صاحبن يمّك دنا علميهم ﻟوسهرتي وأنحنىالجفن اﻟكسير منهوغيرالله يعين ومنهو غير الله لنا |
![]() |
![]() |
#170 |
![]() ![]() |
![]() أيا حمام الدوح يا ساكن الدوح لاوهنيك كل ماضقت ترقا وأنا عليك أشكي علي غير مصلوح والعين ماجفت لها أيام غرقا تنوح لي وأنوح وتنوح وأنوح لكن بين النوح والنوح فرقا نوحك طرب ماصيدك هموم وجروح وأنوح لك مونس من الجاش حرقا يهيم بي حزني وأنا هالك الروح والهم يطرقني على كل طرقا ماقلت مسموح ولا هو بمسموح لاشك خاواني ولا منه فرقا |
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 14 ( الأعضاء 0 والزوار 14) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
درس تحديد المكان | جنــــون | …»●[برامج ودروس الفوتوشوب وملحقاته وصور للمصممين | 32 | 02-14-2016 03:50 AM |
بقي اسبوعين عن تحديد ... | عـٍشْقيے جُـنـَـَونك | …»●[الروح الرياضيــهـ والتنافس الشريــف ]●«… | 6 | 01-03-2012 02:57 AM |
عشقي لك ليس بجديد | المها | قصـايد ليل للخواطر المنقولة | 13 | 02-09-2010 06:25 PM |
Sms .. شـاركنـا .. | نادر الوجود | …»●[قصايدليل لعالم الجوالات بجميع انواعها]●«… | 7 | 03-04-2009 03:53 PM |
![]() |