كـتـلــــة مشــــاعــر

أخي القارئ و أختي القارئة لا تجعلا الياء المهملة تزعجكما

حييت يا راعي المثايل و ماجور
إبدع على زين المثل ما بدا لك

غمرتني من طيب ذوقك و مشكور
ما ننعدم من جود كامل خصالك

وافي ولا مثلك نجازيه بـ قصور
لو قصّر الوقت الردي في وصالك

ما دام لك عندي شرايع و دستور
فالشك زايل لو ورد بإحتمالك

وان كان تبغى شور يا راعي الشور
لا تسبق اشواقك بزايد جدالك

الشوق يبحث يالغضي كل مستور
أسرف بـ عنتر في هوى بنت مالك

والعامريه هشـّـمت مـشــّــة الزور
بإبن الملوّح في زمان التهالك

و حنا عرب ما نورد البيت مكسور
والحب ما خالط حرامه حلالك

كتلة مشاعر ما تبي طب دكتور
رتبتها و أحصيتها كلها لك

قلم بو نوره

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

بيض الله وجهك
طرح واختيار روعه للموضوع
لاحرمك الله رضاه

‏لك كل
تقديري واحترامي


مجنون قصآيد

سلمت يمناك
طرح جميل جدا