10-19-2021
|
#41
|
هلا والله هلااااا
مشكورين على تخفيزكن وتشجيعكم ترقبوا البارتات قريباً ججداً
|
|
|
10-19-2021
|
#42
|
|
|
|
10-20-2021
|
#43
|
سلمتي على رووعة اطروحتك
سلمت الاياااادي وبارك الله في عطاااك
اشكرك وتقديري لك
بانتظااار الجديد والقااادم
دمتي وتحيتي لك كوني بخير
|
|
|
10-20-2021
|
#44
|
البارت الخامس عشر
:
هزت مهره راسها بتوتر وهى تلعب بيدها وقالت: ادري صعب عليك تتقبل كلامي وادري يننت ( جننت) فيك عالفاضي بس ماقدر اصارحك الا اذا كنا رواحنا وبعيد عنهم كلهم صح انك اخو ريلي وولد عمى والمفروض ما أتكلم وياك بها الموضوع وهيّض مشاعرك بس من وصلنا بيت اليازي وانا اشوف الحب في عيوننك لدرجة اني قلت بصارحك واللي فيها فيها انته ولد عمي قبل كل شي ما بتغدر بي الحب اللي في عيونك يشهد الله انى ماشفته في عيون راشد حبك خوفك غيرتك دفء صوتك عتابك كل شيء فيك يحرك المشاعر حتى نظرة الحزن اللي كنت تشوفني فيها قبل يوم عرفت بزواج راشد وكلمت راشد بموضوعه وانه يستعيل ويخلص قبل لا اعرف انا لكن عرفت بس الحمدلله مب متأخر بعده ماستلم القلب كله كنت اتصور انه حب راشد لي بيغنيه عن كل البنات وما بيشوف غيري لكن راشد اثبت لي انه لي بديل في الوقت اللي يحتاجني وما يحصلني بيروح للبديل عكس قلبي تماما ما يحط بديل للحبيب راشد اناني حبه لذاته ولنفسه ولرغباته اكثر من حبه للغير والناس ويشوف نفسه انه غلطان ومايقدر يعترف بغلطته لانه عارف انه نتايجها غير مرضيه ومتاكد اني ما بسامحه لانه غدربي ولأنه مب ماضي ما زال حاضر في حياته تعيش لكن انا من بعدها ماباه هو يستاهل اللي شراتها واللي اختارها تكون ام لعياله اما انا بعدني على بر الأمان وولله الحمد مثل ما يقولون واليازية بتكلمه ان نسكن عندها في الملحق اللي عدال الميالس واذا وافق راشد بعدله وبقعد فيه وبعيش عند اليازي .
مبارك يفكر بكلامها وقال: ما بيخليج راشد يحبج وما بيخليج.
مهره تتنهد: الموضوع بيطلع وبيعلن نفسه بنفسه وساعتها ردة فعل الاهل هي اللي بسوي له ضجة مب انا عشان جى انا ساكته برضايه لين ماعرف وين بيوصل ويايه في جذبه.
مبارك تنهد وهو يطالع سيده وقال: بس هو ما يحبها يحبج
مهره تضحك بطنازههه وقالت: هـه ـهـه ضحكتتي لا تطمن يحبها لان مافي ريال يجبر نفسه على حرمه حتى لو كان هدفه يشبع رغباته وذاته والحين هي في شهر الخامس واسبوعين من حملها ليش سار لها في الفتره اللي انا كنت مقربه فيها من التخرج ومارام يمسك نفسه لين ما ياخذني ضحكت وهى تقول ههههههه سبحان الله مكتوب في ذيج الليله تحمل ثريا عشان يطلع خبث اخوك ونواياه لكن الحمدلله على كل حال.
تنهد مبارك وحرك السيارة وقال: ماعليه الله بيسر الأمور بينكم .
سكتت مهره وتنهدت حستت ان مبارك مب متقبل فكرة انهم يكونون حبيبين صدت صوب دريشه ويلست تفكر وتقول في خاطرها المهم اني صفيت نفسي وخاطري. صدت عليه وابتسمت وهى تقول: تراك مب مجبور على شي ما تباه وانا ادري انه غلط اللي قاعده اسويه بس ما تحملت نظرة عيونك والحب اللي فيهن لف عليها مبارك وقال: هدي يا حرمه انتي شفيج ترا انا ماخذت الموضوع بتفكير سلبي ولا خذته بموضوع جدي انتي طحتى على عوقي بس انا مصدوم ان طول الفتره تقصديني وانا عبالي صدق واحد كان يداوم وياج
زفر بعد ما سحب نفس عميق وقال: مهره احبج صح واموت عليج مافي ادنى شك بذلك بس ماقدر اخون اخويه بعرضه وحلاله انا خايف اني انساق وياج في درب الحرام ترا والله غصباً عني راد نفسي عنج قربج مني تراه مايزيد الا النار حطب واخاف انجرف وياج في هالدرب ،، الموضوع مب سهل مثل ماتتصورين لف عليها وهو يتنهد : الحلال سهل لكن الحرام صعب واصعب شي لو كنت بقربه تراج بالنسبه لي اختبار ..
بلعت ريقها بغصه وما تحملت كلامه لفت عليه قبل لا يحرك سياره قالت: مبارك
لف عليها بهدوء وهو يقول: هلا
مهروه تاملت عيونه وييهه المتعب حست بغصه وقالت بقهر: انته شو من البشر ؟ كيف تؤثر الناس عليگ !؟ حطت يدها على قلبه: ارحم قلبك شوي لا تضغط عليه !
مبارك اللي ارتبك من لمستها قرب بيبعد يدها عنه بس تفاجأ بحضنها العنيف وهي تبكي بصوت عالي ..
غمض عيونه بالم وهو يتعوذ من ابليس اللي قاعد ينط بين عيونه شهقة بين دموعها وعوره قلبه بادلها الحضن وشد عليها وهو يحاول يهديها سمع شهقاتها المتقطعه ورى بعض .
طبطب عليها وبهدوء قال: تعوذي من ابليس مهره انتي الحين في حالة صدمه مب حاسه بلي تسوينه ..
ضربته على كتفه بقهر وهي تقول: اسكككتتت مممكن تسسسكت خلني على راحتي …
بعدها عن حضنه وهو تايهه وحيران بمشاعره المتضاربه ومب عارف شو يسوي ،، بس ااصرار مهره على حضنه وعدم البعد عطاه الحق في انه يواسيها شوي. مسح على شعرها بحب و هو كل شوي يزفر براحه ويتعوذ من ابليسسس اللي قاعد يحليها في عينه زوود ورغبة مهره فيه تثيره ! حس فيها وهي تطوق عنقه زوود وقالت بهمس : مصددعه راسي يعورني !!
ارتبك واختبص كل شي فيه من همسها مب قادر يضبط نفسه غمض عيونه وتعوذ من ابليس قالها ببحه من كثر ما هو ماسك نفسه: مهره تعوذي من ابليس فديتج ! تراج رقصتي على وتر قلبي بقووه .
مهره بضحك رغم حزنها: انا بكبري بليس واقفه اغريگ تتعوذ مني ليش .
ضحك غصباً عنه وضربها بخفه على راسها: تنكتين ويا ويهج !
مهره تبتسم : لا أحاول
ابتسم مبارك وهو يبعدها عن حضنه : يلا فديتج لازم نتحرك ونوصل البيت وانتي لازم تستهدين بالله وتعلقين كل آمالج بالله…
مهره بضيق: ليش تبعدني عنگ مبارك
ابتسم بضيق وقال : ماعليج مني انا اعرف كيف اصرف نفسي عن هواها بس انتي يا مهره انتبهي تزل ريلج في درب الحرام مستعد أكون لج الحبيب والصديق بس لاتروحين في درب الحرام ودورين على غير راشد، تعالي فضفضي عندي مستعد اسمعج ..
هزت راسها بضيق وهي تقول: انا ما اعرض نفسي على الناس بس انته غير حسيتك تستاهلني لانك ماتشوف اثنين فيني تشوفني مهره وبس ماقد جربت تخون ولا جربت تحب حد غيري اخلاصك وفائك لا يقدر بثمن وصعب يكون موجود في هالزمن الوفى يا ولد العم..
مبارك ابتسم بهدوء : الوفى كله عند راشد صدقيني بس هو طاح في الغلط غصباً عنه بعد ،، ومايبا يخسرج .
طنشت مهره كلامه والتزمت الصمت
رد عليها وهو يحرك السياره متجهين للبيت: بنرد الحين البيت وبياذن العشا وبصلي وبتعشا وبدخل الغرفة وبقعد مع نفسي وبحط النقاط على الحروف وبرد عليج اكيد بس لازم اقعد مع نفسي ماريد اتسرع لانه هذا حب وانا مابا اخسرج لو ثانيه بس بعد أبا افكر صح لف على مهره وابتسم وقال لا تشغلين بالج في شي ترا مب انا اللي يأخذ عنج فكره خايسه فهمتي ترانا عيال عم سمعتي ابتسمت براحه وتنهدت وصلوا البيت ونزلها مبارك عند الدروازه وقال: قولي لليازي انج يايه ويا تكسي او حد من دريوليه عشان ما تشك فينا ان كنا رباعه وانا نص ساعه وبي .
مهره تنزل وقالت: ان شاء الله ... راحت داخل ومبارك راح صوب المغسله يغسل سيارته ويسلي نفسه لمده نص ساعه ويفكر بكلام مهره ...
عند مهره في البيت دخلت وشافت اليازي وحمدان وودوم سلمت وقعدت عندهم يزوي ببتسامه: شو النفسيه
مهره تبتسم : الحمدلله
ودوم تبتسم: ها ربها نفسية حامل وتضحك ههههههه
مهره تضحك: ههههههه قتلج تونى عروس انتى مستعيله على شو غصب تبيني من اول شهر احمل .
ودوم تضحك وطالع حمدان: ههههههههههه عشان احس ان فيه حد اخس عني وعن ريلي ....
مهره تضحك : ههههههههههه انتي الله يهديج بس بقوم ابدل وصلي العشا وبي ..
يزوي راحت وراها ودخلت الغرفه وهى تقول؛ ترا كلمت راشد وقتله انى بعطيكم الملحق اللي عندي وتاثثونه على راحتكم وتعدلونه.
مهره بصدمه: صدققققق وشو قال ؟!
يزوي تضحك وتحنحن: وااااففققق وقال احسن عن الخطوط
مهره تحضنها: وااااااو حلو يعني بتربي ودوم وانا عندها واووووًااووو
يزوي تنهدت بضيقه وقالت: راشد ياي ؟؟
مهره بصدمه طالعتها وقالت يزوي بسرعه : حشرني والله يا مهره سوالي سالفة تلفوني فضى من كثر اتصالاته..
تنهدت مهره وهى تقول: الحين في ذمج بيي شو أقوله ؟
يزوي: لا تقولين له شي انا فهمته قتله مهره عندي انا اباها تونسني ووتلفونها فوق ًوهي تلعب في الحديقه مستانسه البيت محد فيه ابتسم وقال عيل انا بيي صوبكم..
مهره بصدق قالت: وعععععععع من عقبها تبيني اقرب من اخوج لا يخسسسسى مابا قربه.
يزوي بهدوء: سمعي راشد على وصول كلها عشر دقايق وتلقينه طاب عندج عامليه بالزين كانه حبيبج وهو فعلا حبيبج ما اجرم تراها زوجته.
ضحكت مهره وهي تقول: هههههه وانتي شفيج امزح مالت عليج وطالعتها بطرف عينها وهى تقول:يلا يللاااا روحي خلينى اتعدل لريلي .
يزوي تضحك وهى تسير صوب الباب وقالت : ايوا قولي جي من صبح وعطتها بوسه في الهوى .
مهره تضحك وترد لها البوسه: ههههههههه اموواااح يلا خلاص روحي.
تنهدت مهره بعد ماطلعت اليازي وشوي رفعت عيونها على الباب وهي تقول: هلا اليازي
يزوي : مهره فديتج غرفتكم جاهزه اللي عدال غرفه الرياضه
مهره تبتسم: حبيبتى فديت قلبج انا ما قصرتي ....
يزوي تقول للبشكارات يودن شنط وقالت: شكله الحبيب ما بيروح بتعيببه بوظبي
ضحكت مهره وطلعت وهي تقول: قولي للبشكاره تنظف غرفة بطي حسناها حقه حليله مادرى في غيابه منو يحتل الغرفه هيه حبيبتى بتعيبه لازم لانه الحب موجوده حوله..
يزوي تضحك: هههههههه والله محد الحب الا انتى بس ما تصدقين .
مهروه تسير صوب الغرفه المخصصه حقهم قالت: فديييت الحب يوم هو من اخوج وكانت تعنى مبارك اللي توه ياي من برى وقال: السلام عليكم
مهره واليازي: وعليكم السلام
مبارك يكلم مهره قال: انتي وين سايرة شاله شنط كل مره تنقين غرفه ..
ضحكت اليازي وقالت: هههههه خلها يابوك ريلها على وصول تعال نسير تحت وبفهمك سالفه
هز مبارك راسه وسار ورى يزوي اللي ماسكتنه من ايده .
اليازيه تهمس لمبارك: شوف أبا اقولك موضوع بس مب عارفه كيف مستحيه من حمدان وودوم مابا احسسهم انه فيه شي انته خلك طبيعي بس اللي بقوله لك ان مهره تراها عرفت من هذيج الخامه وراشد ياي الحين.
مبارك بصدمه قال: راشد درى انها تعرف ؟
يزوي بهمس : لا حبيبي لا درى ولا غيره بس هي مطنشتنه طول اليوم عاد يوم دق لي وقالي سالفه قتله هي مهره عندي انا قايله لها تي ويا دريول اباها تيلس عندي وقالي ليش ماترد قتله ناسيه تلفونها فوق وهى فالحديقه والحين كلمتها قلت لها خليج عاديه..
مبارك تنهد وقال: زين يحيه يوم بي وتذكر كلام مهره وهى تقوله ودي هالمشاعر والاحاسيس تتحرك صوبك وتعشقك.
يلس عند ودوم وحمدان يسولف وياهم ... وشوي ودخل راشد عليهم وهو فرحان سلم عليهم وقال لليازي : شو تسوين !
يزوي ترتب السفره: بجهز العشا.
راشد ببتسم وقالت. ودوم : شو هالدوام اللي ما كملت شهر من عرسك وخلوك داوم.
راشد يضحك وقال: وشدراني والله ولف على مبارك وقال: دوام
مبارك يبتسم وقال: هيه نعم..
راشد تنهد وقال لليازي: الحب وين ؟!
اليازيه تبغم عليه من المطبخ وقالت: فوق الحين بتي .
راشد قام واقف وقال حمدان : هاه مشتاق للحب.
راشد يضحك وهو واقف وقال لحمدان: ملييييييوون الشووق صوبها وراح فوق .
عند مهره بعد ما تسبحت وحطت كريمات وقفت قدام المرايه وهى تشوف نفسها لابسه روب مال السباحه ولافه شعرها بفوطه قالت بهدوء بحط شي خفيف عشان ما يشكون انى مب بالعه وجوده وتوها حاطه بيبي كريم سمعت دق عالباب مهروه تعرف ان راشد بس قالت باستهبال : منو ؟
راشد بفرحه: اناااا فديت هالصوت.
مهروه: مرحبا والله يا مطول الغيبه
راشد بشوق: ولههههههاان عليج فتحى .
مهروه تنهدت وبضيق قالت: لا اسسسسفه يوم بخلص بفتح لك ترياني تحت...
أستغرب من نبرتها بس قال اكيد انها تعبانه طول اليوم تلعب فالحديقه وقال: اوووك
نزل تحت ويزوي تضحك عليه وهى ترتب العشا وقالت: ها طردوك
راشد يضحك : ههههههه هي والله تتخيلين .
يزوي بهمس: خلها الفليل راضها اكيد زعلانه لانك من ثلاث أيام مداوم وما تتصل بها
راشد يضحك: هيه الغيورة تغار من دوام ههههههه .
يزوي تضحك: ههههههه مصدق جذبتك انته تعرف انك ما كنت في دوام .
ضحك راشد وقال: هههههههههه تبيني أقول صدق عيل..
يزوي تضحك وقالت؛ ههههههههه حبك لها عذاب والله
راشد:: واحلى عذاب والله ...
وشوي وفتحت مهره المسج اللي واصلنها من ثريا وهي تبتسم لانها مطرشه لها صوره مده المكالمه اللي بينها وبين راشد تتحسب ان مهره محروقهً ضحكت مهره وردت عليها الله يدوم الحب بينكم سكرت الفون وخلته فوق عالجرج نزلت وقربت منهم سلمت عليهم وقام راشد وسلم عليها وقعدها قربه وقال: وييينج اليووووم لاحس ولا خبر .
مهره تضحك من قرببه وقالت من دون ما طالعه: والله اللي يجابل الوجيه الحسنه ينسى نفسه وضحكت
راشد يضحك وقال بهمس : متولهه عليج
ضحكت مجامله وقالت: زين قامت وهي مب طايقه قربه سارت المطبخ ويلست عند يزوي وهي تشوفها توزع صحون العشا وقعدت توزع وياها وتطنش كلام يزوي بعدين اليازي سكتت عنها وحطوا العشا على طاوله وزقرتهم اليازي على العشا ويووا كلهم وتعشوا مبارك قام اول واحد من العشا لانه بيروح يرقد دوام وراه الصبح.. اما الباقيين تعشوا براحتهم وهم يسولفون ..
|
|
|
10-20-2021
|
#45
|
البارت السادس عشر
:
حمدان يهمس لودوم: شوفيج حبيبي
ودوم تهمس له: احس خالي راشد وحرمته فيهم شي .
حمدان يبتسم: لا فديتج يتهيالج ما تشوفين الفرحه في عيونه .
ودوم تبتسم له وقالت: يمكن انه يتهيالي بس اللي اشوفه مب تهيء .
حمدانً ابتسم وقال بحب: ماعليج منهم يمكن بينهم زعل بسيط .
ودوم تقوم من مكانها وبهمس لريلها: أتمنى حبيبي وقالت ببتسامه : حمدلله اكرمكم الله
أمها : فديتج صحه وعافيه
ودوم تبتسم مجامله : على قلوبكم .
تغسلت وقعدت شوي قاموا كلهم ويلسوا في صاله يشربون شاي احمر ومهره صبت لراشد وقعدت عداله ابتسم راشد بحب وقال بهمس : والله اني ولهان موووت عليج
ابتسمت بهدوء وهي تقول: انته ما تشبع ولهه
راشد يهز راسه بلا وقال:انتتي غير
مهره ترفع حياته: ليش فيه غيري
ارتبك راشد وقال: محد غيرج
هزت راسها وقالت وهي تكلم اليازي: بسير انا شوي فوق بريح
هزت راسها يزوي وهى تقول في خاطرها والله يا مهره شكلج مول مب بالعه راشد الله يستر منك يا راشد ومن فعلتك السودا اللي بتوديك ورى الشمس.
راحت فوق ومسكت تلفونها وشافت مسج من مبارك قرت المسج بتمعن: مهره ادري اللي بقوله صعب تتقبلينه بس خليج عاديه ويا راشد لا تبينين له انج عرفتى تراه مب في صالحج وصدقيني مهره لو في شي انا بتكلم وياج بصراحه الحين لازم تبعدين عن راشد هالفتره خليه يسوي اللي يباه لا تحسسينه انه في شي وعقب بروحه بيبعد من يتاكد انه انتى تغيرتى عليه بس بخصوص علاقتنا ما قدر اقولج راضي فيها بس اللي اقدر أقوله انى قربج واي شي تحتاجينه تعالي عندي وصدقيني اول واحد يوقف وياج انا .
تنهدت مهره عقب المسج رفعت عينها عالباب اللي تبطل شافته داخل ببتسامه فر تلفوناته على الشبريه ودخل الحمام يتسبح تنهدت بتعب ومب عارفه شو تسوي قربت من الشبريه شلت تلفوناته وشافت مسجات من ثريا وتتحرطم عليه انته ماترد وانته من تشوف مهره تنساني انته أصلا متى تفكر فيني ضحكت مهره بلا شعور وحست باحساس حلو انه متجاهلنها بعدت عن تلفوناته وقالت في خاطرها عيل المكالمه اللي مطرشتنها لي شو توها بتمسك التلفون الثاني عشان تتاكد سمعت الباب يتبطل فرت تلفوناته وقعدت تلعب بتلفونها وهي منسدحه على شبرية طلع من الحمام وهو يبتسم لها قالت ببتسامه : شعندك اليوم تبوسم وايد
راشد يبتسم بحب: ليش يعني ما تبيني ابتسم.
تنهدت بعتاب وقالت في خاطرها لازم من الحلوه اللي كنت عندها غيرت مودك .
راشد يلبس فانيلته ونقز على شبريه وحضنها وهو يقول: احبج يا الغبيه .
شهقت مهره وقالت : يا الغبي عورتني شو هالنقزه حد ينقز جي على شبريه
راشد بتهور يلف ايده على رقبتها ويعضها على خدها بقووو وعلى رقبتها ومهره تالم وقالت: اخخخ يعور راشد حرررام عليييك يا الدب .
راشد يضحك وبعد عنها عقب ما سمع رنة تلفونه ورد من دون ما يشوف الرقم وقال: الوو
ثريا: غريبه زين رديت
راشد انصدم وقال في خاطره غبي جان شفت الرقم اول طالع مهره بربكه وقال: مشغول باي وسكر الخط في ويهها .
مهره تبتسم وقالت : راشد شفيك
راشد يبتسم ويحضنها: ماشي غناتى
مهره تدلع عليه وترمش بعيونها: في حد مضايقنك رشودي
راشد يبتسم:،هي انتي وعضها على خدها ومهروه دفرته يوم حست انه بيبدا بالغرام وقالت بغصه: انزين قولي انته وين كنت تبات طول هالثلاث الأيام.
راشد يضحك وقال: وانتي زعلانه عشان انا داومت
مهره بنص عين: ليش مب من حقي يعني ولا عندك راي ثاني
راشد يطرحها في حضنه وويلف ايديه ورى ظهرها وقال: انزين دامج زعلانه برضيج وغمز لها
مهره تبعد عنه بضيقه وهي تقول: غبييييييي انته وتفكيرك اففففففف من تفكيرك المنحط سخيف ...
راشد استغرب من مهره وشافها قامت عنه ودخلت الحمام اول مره مهره تصيح جدامه تنهد بضيقه وشاف تلفونه يرن حصل فرصه يطلع الغيظ فيها ورد: شفييييج انتتتي وطلع من الحجره وهو يتكلم في صاله
ثريا: تراك ريلي
راشد يتنهد وقال بعصبيه: قسم بالله محد بيهدم بيتي الا انتى شو هالاتصالات اللي اخر الليل تعرفين انى عند حرمتيه ترا ثلاث أيام بلياليها انا عندج ماشوفها دقت لي وغثتني الا انا ادق لها وين وين بعد ادق عشان ما تدقين في ليلتها
ثريا: انته اليوم بطوله مارديت عليه وهي ترد عليها
راشد بقهر: هي ارد عليج ليش مب انتي تبين العددل يوم عندج مادق لها ويوم انا عندها ما دقين لي ليش انتي مصره ان في ليلتها تدقين تبين العدل يطبق عندج وعندها لا .
ثريا: اغار عليك اخافها تاخذك مني
راشد يتنهد بضيقه : لا حول ولاقوة الا بالله العلي العظيم الكلام وياج ضايع سكر في ويهها ولف ببدخل الغرفة شاف اليازي وسار صوبها وهو يقول: تعالي الله يابج .
يزوي تنهد: سمعتك ترمس ثريا قتلك خلنى ارابعها ما تبا
راشد: طبيج منها الحين سمعي شو بقولج
يزوي تنهدت وقالت في خاطرها والله حرام مهره متحمله كل هذا منك وساكته ابتسمت مجامله وقالت: هات ما عندك
راشد يبتسم: تغاااار الحلوه معصبه مني
يزوي بصدمه: منو ثريا
راشد عقد حياته وقال: لا تنزفزيني ينطب طاريها لا مهروه
يزوي طالعته وقالت: تغار على شو
راشد يضحك:تغار عليه تقولي شو سويت في دوامك
يزوي : مالت عليك وانته مخلي مهره وظاهر تكلم ثريا صدق ماعندك سالفة
راشد بصدق وبضيق: بصراحه انا ظاهر اتهرب من مهره
يزوي بصدمه: ليش لا يكون عشان ثريا
راشد بضيق: لا لان بصراحه مادري شفيني بدال ماايي واطيب خاطرها واستسمح منها على طول بديت وياها بالتودد واتقرب منها ضايقت مني وصاحت وقفلت على عمرها الحمام
يزوي: حرام عليك انته ما تحس تفكيرك كله في رغباتك قتلك راضي مهره وطيب خاطرها تراها بعدها عروس توكم ما كملتوا شهر.
راشد بضيق: لا تلوميني ولهان عليها واااايد والله ومالي ويه اشوفها بصراحه عقب اللي صار.
يزوي تتنهد : تراك توك ياي من عند ثريا ماطيبت خاطرك .
راشد: لا مارقد وياها في نفس الغرفه هي في غرفه وانا في غرفه وضرب يبهته وهو يقول: تعالي انا قايل لها انى بايت عندج وانتى تقولين هي من ثلاث أيام عندج معناتها الحرمه كاشفتنى وساكته.
يزوي بضيجه: كاشفتنك على شو
راشد: انى طلعت جذاب مب بايت عندج وهى تعرف انى انام عندج عشان الدوام .والحين هي من ثلاث أيام عندج وماشفتني لا ادخل ولا اظهر اكيد في راسها شي ثاني .
يزوي: مادري حبيبي لا تفكر روح نام وباجر يصير خير ..
تنهد راشد بضيقه ودخل الغرفه وحصلها مثلجة ومظلمه قال اكيد رقدت تنهد بضجر كيف يرقد وهى متضايقه وزعلانه وأول مره تصيح ...
مهره كانت حابسه شهقاتها بقوو وغصبن عنها حبست شهقتها وهى تفكر مااهتم فيني راح يكلمها ولا حس بوجودي تفكيره بس يشبع ذاته ورغباته وطز فيني يسد انى متحمله وجود حرمه ثانيه على راسي ويسد انى كاشفتنه وكاشفه جذبه ...
اما راشد فكان يتقلب على شبريه غبي يعنى انته قايل لها انك عند يزوي وهى من ثلاث أيام هنيه كيف ترقع جذبتك تنهد بضيق وهو يقول في خاطره شكلي بخسرج والله يا مهره قرب منها وحضنها وهو يقول: اسسسسف يا نبض قلب راشد انا استاهل كل اللي اييني منج
والله اسف يا مهره .
مهره حست بقشعريره تسري في جسمها من قربه وسوت نفسها نايمه وطنشته تعبت منه ومن تفكيرهاا فيه وهو ولا هامنه تنهد بضيق وضجر وقال: ادري انج مب راقده بس والله يا مهره اني احبج وامووت عليج ما توقعت ان بي يوم بيوصل بيني وبينج الوضع جيه تنهد يوم مالقى منها جواب لف مهره صوبه وهو يقول: وغلات عيووونج انى وقح وسخيف وماعندي سالفه اني مخلنج بروحج ومداوم بس توبه ماعيدها احب عيونج وماودي انج تبكين على شي مضى اسفف والله
مهره بتعب تسمع كلامه ولازالت مغمضه عيونها حست بوسسسته على خدها وقال: اسسف والله شو اللي يرضيج واسويه لج .
مهره بتعب قالت: تكفى بنام تعبانه اجل الموضوع لين باجر لًوسمحت ممكن...
راشد انصدم وقال بقهر: من متى بينا رسميات لوسمحت وممكن ما تعودت على جيه .
مهره وهى تشهق غصبن عنها قالت: دخيلك خلني انام والله تعبانه ..
راشد اللي انصدم من شهقتها وتم ساكت بعدين قالها: ان شاء الله وانسدح عالشبريه وهو يفكر بمهره ...
بعد مرور يومين راشد ومهره حالتهم مثل ماهي ما تغير عليه الوضع مهره تجنب راشد وتتعمد انها ماتتلاقى وياه وبدت تعدل الملحق اللي عطتها إياه اليازيه وراشد وايد يلوم نفسه وقعد ويا مبارك وتكلم وياه…
اما سعيد فعلاقته ويا الريم وايد قويه وحلوه وحبهم يوم عن يوم يزيد ... نايف وعهود علاقتهم هاديه جدا نايف انشغل الفتره هذي وايد في دوام وحس انه بعد عن عهود بس حدد عرسه يكون عقب شهر ويوم يحصل فرصه يروح عند الحب ويقعد عندها ويعوضها عن االايام اللي كان مقصر فيها ويا عهود وهي مستانسه بحبه واهتمامه فيها ... العنود حست انها وحيده فقامت تشغل نفسها بطلعات عند بيت اخوها يابر وتيلس عند عيال اخوها وترد البيت وتقعد عند أمها وابوها في البيت.. سلامه صايره دحيحه حياتها كل دراسه في دراسه محد يشوفها.. ولطوف حياتها كله مايد ... حمد من البيت لين دوام ومن دوام لين البيت اتصل بمبارك عشان يعرف شو صار على موضوع راشد ومبارك قاله لا جديد فالموضوع ...
فـــي أبوظبي... شقة راشد ...
يالسه ثريا طالع تلفزيون وتعد الأيام باقي يومين ويستوي الأسبوع اسبوعي طالعت شقتها فكرت تغير شوي من الديكور وتغير زوليه وبعض الأثاث تنهدت وهي تشوف سحر داقه لها وطنشتها من بعد ماسكرت سحر اتصلت بصالح اييب لها كتالوجات اثاث وديكور بتسوي تغيير ... ربع ساعه وياها صالح وقالت: متى بتخلص لي الديكور
صالح: بياخذ وقت يا مدام انتى عارفه الشغل كيف
تنهدت وقالت له: شوف صالح باقي يومين ورىلي ايي عندي اباك تغير لي شقه تجلبها شي ثاني خليها لي مكان راحه جنه جنه
ابتسم صالح وقال: حاضر يا مدام هنعمل تغيرات في المكيتات والاثاث وتغير الأماكن
ابتسمت له بتعب وقالت: متى ييخلص
صالح: ان شاء الله نجي بكرا صبح بدري ونمشي المسا ونحن مخلصين بامر الله
ثريا تفائلت وقالت: يلا الحمدلله وبخبث قالت : شوف يا صالح الغرفتين هذيل أبا اشيل منهم سرير واجلبهم شي ثاني
صالح : عاوزة تعملي ايه فيهم
ثريا : أي شي بس ما بيهم غرفة نوم
صالح: طيب هعملك الغرفة دي مكتبه وحط لك فيها جلسات بسيطه حق الاستمتاع نخليها غرفه للقراءه والاستطلاع ًوالغرفة تانيه نعملها غرفة رياضه ونركب الاجهزه ايييه رايك
ثريا تبتسم بخبث: ماعليه كلام تمام التمام بس تخلصه قبل اليوم الثالث لان ماعندي وقت زوجي بيي..
صالح : حاضر ياست الكل عيننا ليكِ...
ابتسمت وهى تشكره وراح صالح عنهها... اما في بيت يزوي ..
الملحق مهروه تعدله وهي مستانسه وفرحانه سوت غرفة للاسترخاء والدلع حقها يوم تبا تريح وتبا مساج وتبا تسوي مناكير وبدكير وسوت في نفس الغرفة ارففف للمناكير واغراض البدكير ومناكير وحق الاستشوار وتعديل خذت لها زاويه خلته للميكب وحطت لها ليييت المضيء الأبيض (كشاف) طويل يعطييها اضاءه للميكب واستاند حق الميكب واغراضه وهي مستانسه على حياتها وغرفه خلتها كوفي سووتها نظام كوفيات وسماعات سبيكر موصوله على لاب وحطت فيها طاولات وكراسي وثلاجات ويابت آلالات الكوفي وخلته ركن كوفي وركن على زوايا اللي يبا يقعد ويشوف أفلام لانه مسوي شاشه عرض نفس السينما ويزوي ماتت على الفكره وحبت ترتيب مهره وحمدان لما شاف ترتيب مهره عيبته اكثر شي غرفة السنما مع الكوفي تخبل عليها والغرفه ثالثه كانت غرفة نومهم رئيسية حطت الأثاث اللي تباه وحطت الديكور اللي تباه ومستمعته بترتيبها وراشد الفتره اللي طافت راح العين ايييب باقي اغراضهم يوم يشوف مهره فرحانه يفرح ويستانس بس كان متعمد يبعد عنها عشان يشوف نفسه بيشتاق لثريا ولالا يبا يعرف نفسه وين ومكان مهره وين بالضبط يوم حس ان قلبه واشواقه كله لمهره ايقن ان مهره ما بترضى بوجود ثريا في حياتهم رد بوظبي اليوم وهو في درب اتصل به نايف رد راشد: مرحبا والله بالمعرس مبروك مادبرت
نايف يبتسم: المرحب لاهان الله يبارك لك .. وين انتوا غاطين لاينسمع لكم صوت ولا غيره
راشد يضحك: والله مشغولين
نايف: الله يرحم أيام قبل بيتنا ما تظهر منه ناسي نعولك من كثر ما تينا
ضحك راشد وقال: هههههههههههه والله اذا يتنا عين انا ومهره وافترقنا ترا اول واحد بتهمه انته
نايف يضحك: ههههههههههههههه هي عاد دور لك سبب الحين شماعه انا شماعه بتحط اغلاطك عليها والله ، لا تغلط ولا تدور سبب وامورك بتمشي الا جانك انته دور زله ودور سبب عشان تزعل مهره ترا والله عاد هالامر يرجع لك
راشد تنهد بضيق وقال: دخيلك فال خير نبا ما نبا فال شر كل واحد يغلط يا نايف ولابد انه يصير بين أي زوجين مشاكل محد حياته عسل في عسل .
نايف بجديه قال: افا يا بوسنيده شو ورى هالتنهيده .
راشد بضيق: فيها اللي ما يتحمله حد .
نايف بصدق: شو بينك وبينها مهره مضايقتنك في شي
راشد : لا والله اختك مايظهر منها الشين يا الغالي لكن شو نقول يا نايف غير الله كريم .
نايف بصدق وجديه حاده : شو مسوي راشد تكلم.
راشد بضيقه وهو يتنهد: شو مسوي بعد مسود ويهي ...
نايف بحده تكلم: شوووو انزيييين ارمسسسس
راشد بضيقه: ماريد ارمس خلني براحتيه باجر بيبين كل شي ...
نايف رافع حايبه وبحده قال: شوو مسووووي انزززين ارمس ...
راشد يتنهد: ترا مع الوقت بتعرفون كل شي ليش مستعيلين
نايف بغيظ: برايك بتصل بمهره بشوف شوعندكم...
راشد بتهوررر: لا ياغبيييي مهره ما تعرف شفيك انته بتهدم بيتي ..
نايف بعصصبيه: انزززين شو تكلم قووووول ...
راشد تنهد وبضيقه قال: طلع لي شغل ضروري من ردينا من السفر وييت بوظبي اخلصه وقلت لمهره اني عند اليازيه بايت ومهره ثرها سارت عند اليازي ومالقتني وعاد حاطه في بالها وين كان وين سار يوم هو مب عند يزوي ..
نايف بهدوء: مالت عليك فقعت قلبي عبالي مسوي شي كبير وما ينسكت عنه .
تنهد بضيق وسكت لف على شيشة البترول يعبي بترول ونايف ساكت وياه على الخط وقال :سكوتگ يا راشد مب عايبني فيگ شي ..
راشد ينزل ويدخل واحة ادنوكً بيتشرى أغراض قال: والله ياخوك متضايق ومتنرفز ماعرف لدربي حال مادام المهر زعلانه...
تنهد نايف وقال: الله يهديك قولها حاجز فندق لانه عندي شغل ومارمت ازعج اليازيه
راشد يحاسب الكااشير ويدفع الفلوس وظهر وفي ايده كوفي واكياس ماخذ حلويات وجبسات وغيره وقال: بقعد معاها اليوم باخذ اللي في خاطرها ...
نايف: جيه وين انتوا ؟؟
راشد: هي عند اليازي وانا من يومين راد عنهم العين عشان اعرف افكر بمنطقيه وانا بعيد عنها...
نايف: ايوا شي طيب والله زين عيل طمنا شو يصير وياك ....
راشد يركب سيارته ويدفع فلوس البترول ويحرك من شيشه صوب بيت اليازي قال: اوك الغالي الله يحفظك ... وسكروا الخط
|
|
|
10-20-2021
|
#46
|
البارت السابع عشر
:
ان ٰطالتـ الغيبه وجيناكـ زوار ..؟
احفظ ٰعهود الحب ي كاملـ الزين..!
وصل راشد بيت اليازي ونزل من سياره وراح الحجره اللي فوق ما شاف حد حط الأغراض في ثلاجه وطلع صوب الملحق ..
في الملحق ...
اليازي ومهره وودوم وحمدان موجودين يشوفون اخر لمسات مهره في الترتيب والتنسيق دخل راشد وانبهر بتصميم كانت الصاله كبيره وحاطه جلسة مغربيه بلون ذهبي مع البني والصبغ الجدران ابيض المايل على سكري ومسويه بايوهات ومدخله اضاءات فيها بلون الأبيض والازرق ومسويه ايدار كامل صبغه رخاميه مخططه بذهبي خلفيه لتلفزيون وعلى الجوانب بايوهات مدخله فيهن سماعات سبيكر وفيهن إضاءات مختلفه الألوان سمع صوت ولف على جهة صوت وانصدم بجمال مهره متغيرررررة وايد تم امبهت فيها وحست فيه اليازيه كيف مبهت وقالت لمهره وهي تدزها بكوع : شوفي الحب كيف بيطلع من عيونه
مهره تجاهلته ولا كأنه موجود ولا حتى صدت صوبه وقالت لليازي: اسكتي مب لازم تبينين له ان نحن شفناه سوي عمرج مندمجة بالاثاث .
تنهدت اليازي وهي تقول: قسم بالله ان طلبتي طلاق يا ويلج يا فاتنة قلب اخوي من غير استئذان ضحكت مهره وهي تقول: تراهم كثار مايت عليه هو
اليازيه: هي عشان جي ما تبين تسوين بينج وبينه صلح لاعبين في عقلج الحبايب .
ابتسمت مهره وهي تقول : شرايج بالقطعه هاي احطها على زاوية البيت بتطلع حلوه وهاي بحطها في الممر وبحط منظره على اليدار وكنسوله فيها عطور شرايج
اليازي تنهدت بضيق وقالت بهمس وهي تشوف راشد ياي صوبهن: تكفين مهره خفي عليه .. عشاني تكفين ترا والله بروحه مخبوص..
مهره طالعتها بطرف عينها وقالت: اكرمينا بسكوتج الله يخلي لج عيالج وابًوهم...
راشد ببتسامه: سلام عليكم
مهره واليازي ابتسمن: وعليك السلام
راشد بحب يطالع مهره وقال بعيون لامعه: فديت الذووق والله انه البيت روعه نفس راعيته..
مهره تبتسم وبجديه: ماعليك زود شكرا... من طيب اصلك يا ولد العم ...
انقهر راشد ولف لليازي اللي قالت: وععععع شو هالرسميه اللي بينكم في اثنين يقابلون بعض بهالرسميه مالت عليكم وراحت عنهم متعمده ...
تنهدت مهره وهي رافعه حياتها لليازي وصدت بتروح بس مسكها راشد وهو يقول: افا والله يا مهره انا وانتي توصل بينا لهذي الدرجه عنبوه وين الحب وين الغلا وين الشيء اللي كان يربط بيني وبينج ..
مهره تطالع ايده اللي ماسكه ايدها ورفعت عيونها له وهي تقول : يوم اعرف الصدق واعرف وين كنت الأسبوع اللي طاف يوم تقول ان عندك دوام وانك بايت عند اليازي وحتى يوم ييتني ييتني ولهان على نفسك وذاتك ما تدرك افعالك ولا تدرك اخطائك يا ولد العم .
راشد بطولة بال: تكفين حبيبي خلينا نقعد نتفاهم عمر التطنيش ما كان حلً.
ابتسمت مهره وهي تقول: وعد تقول الصدق
راشد بحب وهو يقرب منها: وغلات عيونج اللي محد يسواهن اني أقول لج الصدق.
ابتسمت بفرح وبامل انه يصدق بكلامه وقالت بحذر وتنبيه: لكن والله اذا اكتشفت عقب انك تجذب عليه عشان ترضيني ساعتها لا تلومني على اللي بيصير.
هز راسه وهو مقتنع بكلامها وقالها بالحرف الواحد: اذا جذبت عليج لج تبينه وسوي اللي تبينه .
مهره تبتسم: صدقني يا راشد والله ما بتلقى حد يوقف وياك نفسي لا تخسرني بغبائك.
راشد: من عيوني ما يهمج تعالي راويني البيت .
ابتسمت وهي تقول : ترا بعده ماصفى قلبي من صوبك
راشد يضحك: تعالي بس وقرب منها ومسك ايدها وهمس: احبج والله وماحبيت غيرج .
مهره تتنهد وقالت: ودي اصدق
راشد يبتسم: ماعليه لج عين تنظر وروحج بتشوفين
ساروا يشوفون البيت وشافوا حمدان ودوم يالسين في غرفة الكوفي تخبل راشد على الغرفه وعلى شاسه وقال بانبهار: مبددددعه حبيبتى وانا مادري
ابتسمت ودوم وحمدان قال: ورفجة يا راشد تعطينا إياها بالإيجار بس الغرفة هاي وباقي البيت حقكم.
ضحكت مهره وقال راشد: لا والله سوو لك نفسها ولا ماتروم.
حمدان : انا لو اعرف ان حرمتك مبدعه خليتها تصمم بيتي ..
ضحكت ودوم وهي تشوف فرحة خالها وقالت: ياالله عساني اشل عيالك
ابتسم راشد وهو يقول: ان شاء الله يارب وبفرحه قال: قريب ان شاء الله
انصدمت اليازيه منه ورفعت نظرها له ومهروه تقول حد عطاها كف حتى ويهها تغير وقالت ودوم: يعني انتي حامل وهي توجه كلامها لمهره وما تبين تقولين صح .
انصدمت مهره منها وقالت بغصه: حرمته اللي حامل مب انا وراحت عنهم وهي مقهوره من راشد وتصرفاته الهبله ...
ودوم قالت: تستهبل مهره كله تزعل وبس شو حرمته بعد اللي حامل اكيد يعني حرمته مثلا ربيعته وقالت اففف الله يعينك عليها هاي عاشر مره اشوفها تزعل في الأسبوع واليازيه قالت بعصبيه. ودوووم بس خلاص عاد رجاءً لا تتكلمين بشي ماتعرفينه وتجاهلتهم وهي تقول لراشد: يعني انته مستعد تواجهم صح وتقولهم انك معرس صح .
راشد بضيقه وقهر وزعل قال: يالله يا يزوي يعني شو اسوي مردهم بيعرفون يوم بتربي صح
يزوي بقهر: وليش تترياها تربي الحين اعلنها للكل تراك ياهل وامحق ريال شفته في حياتي انته ما تستاهل مهره يكون في علمك ترا مهره مافي منها اثنين .
تنهدً بضيقه وهو يقول: كنت اقصد مهره اني اباها تحمل مب ذيج
ودوم انصدمت بالكلام اللي تسمعه وحمدان استغرب واليازي قالت: يعني الحين ما بتعلن ثريا ما بتقول لمهره انك كنت عند حرمتك .
راشد بعصبيه وقهر قال: لااا مب مستعد اخسرها وراح عنهم
وحمدان بقهر قال: وانتي تتحلطمين على مهره ومسمتنها زعول
ودوم تلومت وسكتت وامها قالت: غبي يتحسب مهره ماتعرف
حمدان بضيقه قال: لاتقولين يا عمتيه ان مهره تدري وساكتة
اليازيه بقهر وغيظ قالت: هيه تدري من أسبوعين وساكته لو وحده غيرها ما بتتحمل الصور والفيديوهات اللي تشوفهن من حرمته السخيقه تصبر وتسكت وما قالت لحد انا شفت الفيديو وانصدمت انها تعرف وساكته ولا انا عارفه من زمان وساكته عشان ما يهدم بيته بس هو غبي...
حمدان بضيقه لف على ودوم وقال: حرام انج ما تستحين جانج مسمعتنها هالكلمتين يا ودوم وانتي ماتدرين بلي فيها.
ودوم بضيقه: لا تلومني والله ماكنت اعرف وماتوقعت ان راشد يسويها...
أمها: لا طمني خالج سواها وخلص الله عاد والحرمه اللي ماخذنها ما تسوى ظفر مهره...
اما عند مهره فكانت طالعه من الحمام وهي متسبحه ولافه الفوطه على جسمها بطلت الكبت خذت لها ملابس ودخلت غرفة الملابس تتلبس عقب طلعت على غرفة النوم وشافته يالس عالكرسي بتوتر طنشته وسارت على تسريحه وخذت العطر وتعطرت ورشة ممسك عليها وحطت مخمرية على شعرها ومخلط مسك ورى اذنها وتفاجات فيه من وراها ابتسمت ببرود وهي تقول: همممم تبا حقگ الشرعي ..
راشد انصدم من اسلوبها وقال: لا والله أبا مهره اللي عرفتها أبا مهره اللي حبيتها ابا مهره اللي عشقت كل شي فيها ... قاطعته وهي تبتسم: بس مهره مب حامل عشان قريب تفرح بضناگ ممنها صح .
راشد توتر وقال: كنت اقصد انه ان شاء الله قريب نفرح مع بعض بخبر حمالج ولا مب ناويه تيبين عيال .
تنهدت مهره وهي طالعه توها بتتكلم انتبهت على تلفونها يرن ابتسمت وهي ترد : مرحبا يا مطول الغيبه مرحبا اهلاً وحيابه..
ثريا تضحك : ههههههههههه غريبه مستانسه وفرحانه اكيد الحب عندج .
مهره تبتسم : هي اكيد عندج خبر انه موجود ولا ما كان شفت اتصالج .
ثريا تبتسم: اموووت واعرف ليش ما تزعلين انه معرس وانه قريبب بيييه ولد مني يشل اسمه.
مهره تضحك : هههه لانه مب من مصلحتج ولا مصلحة حبيبج .
ثريا تبتسم بخبث: ليش اقدر اعرف ...
مهره تنهدت ووببتسامه قالت: بعدين تعرفين وبصدق كملت كلامها: ترا الحقد والحسد والانانيه مب من طبعي بس فكري في اللي تتريينه ينور حياتكم قبل لا ينزل دم لو عرف اني عرفتج انج في حياته صح .
شهقت ثريا وبخوف حطت ايدها على بطنها وقالت: هي والله صدقتي والله ما يرحمني عقب راشد جلب ادريبه تكفين لاتقولين له خلاص باي وسكرت بخوف . مهره تنهدت بضيق وراشد قال بتعقيدت حوايب: منو هاي اللي ترمسينها وتقولين لها حبيبج لويعرف انى اعرف انج في حياته منو هذي .
مهره تتنهد: وحده من ربيعاتي الله يستر عليها تبا تعرف ريلها يرمس بنات ولالا عطتني رقم وحده وقالت لي كلميها على أساس انج حرمة فلان وشوفيها شو يعني لها فلان وهي شو تعني لفلان.
راشد عقد حوايبه وقال: وانتي شدخلج بينهم .
مهره: ربيعتي اعتقد ومن حقي أوقف وياها ولا انته شرايك.
راشد تنهد وبضيقه وهو يفصخ الغتره والعقال قال: رايي مالجج حايه فيهم يصطفل هو وحرمته انتي لا تدخلين بينهم .
مهره طالعته وقعدت عالشبريه وببتسامه قالت: بس ونااااسه العب وياها دور الزوجه المغفله وهي تعتقد انها فازت بالمعركة.
راشد يهز راسه بلا وقال: اسميييج انتي لغز ونفسي افهم شو تقولين .
مهره تبتسم وهي تقول: حلو اني لعبت دور ربيعتي على اني انا زوجته وهاي ربيعته تتصل فيني عشان اعرف ريل ربيعتي ششو يعني لها وهي شو تعني له..
راشد: وانتي شو يخصج باجر تعطي حبيبها رقم وتقوله زوجتك تتصل عليه وعقب يتصل بج ويكتشف انج مب زوجته .
مهره تبتسم: انزين وين المشكله يعني لو اتصل ومالقاني مرته بيعرف انها جذابه وتتبلى على حرمته وما بيصدق عقب ربيعته..
راشد بعصبيه: شو اللي وين المشكله المشكله انج بتسعين تخربين بيت ربيعتج بسببت ربيعة ريلها ..
مهره تبتسم: مب مغفله اخسر ربيعتي عشان ريلها طلع مغازلجي انته بنظرك كرجل شو رايگ بتصرف زوجها...
راشد عقد حوايبه وقال: قولي لي سالفه كلها وبعدين احكم على ريال مب من ربع سالفه بحكم عليه..
مهره تبتسم وبصدق قالت: تمام بس توعدني تقولي رايك بامانه.
راشد ابتسم وقال: امووت على هالابتسامة الجميله... يلا بتسبح وببدل ثيابي وبييج وقولي لي ..
مهره هزت راسها بامتنان وقعدت تلعب بفونها ودخل هو يتسبح عشر دقايق وظهر تلبس وقعد عدالها وقال: يلا قولي لي عن سالفة ربيعتج ..
مهره عطته وضعيه الانجذاب والاهتمام وقالت وعينها في عينه: سلمك الله هاي ربيعتي من مركز الفروسية كانت ويايه تحب ولد يرانهم (احمد تذكرونه حبيب مهره القبلي) وهو كان يحبها ويموت فيها ويعشقون بعض بالقو وصاروا هم الاثنين عاشقين لبعض بمعنى الكلمه وفي فترة من الزمن انجبروا اهل الولد يتحولون ويروحون مسكنهم اليديد وطبعاً مسكنهم اليديد خارج منطقة العشاق هي تمت على ذكراه وتحبه وماتعرف عنه أي شي اقطعت اخبارهم عن بعض وفي يوم من الأيام يابوا مدرب يديد في الفروسية واكتشفت انه حبيبها هو نفسه المدرب اليديد اللي يابوه في المركز كانت تحاول تتحاشاه اما هو كان يحاول يكلمها يقولها عن سبب بعده وسبب اللي خلاه ما يقدر يتواصل وياها يقولها انه لين اليوم عاشق ترابها ما صارت غير مره وحده قدر يكلمها لكن البنت قالت له من كثر ما كنت احبك واصيح فرقاك الا انى اليوم أعلنت نفسي لواحد غيرك ومستحيل اخونه قالها كيف وانا خليت الكل عشانج قالت ابدا اللي اشترانى ما ارخصه واللي باعني ماباه وابيعه لواحبه كثر التراب حاول فيها يهديج يرضيج قالت له ابدا ولا بأذني ماي زعل قالها اجرحيني واقتليني اكثر تراني من عقبج ميت والضرب في الميت حرام وانا من عقبج أصبحت بلا إحساس خلته ولا تاثرت بكلامه وطلعت من النادي وخذت اللي يحبها او خلنا نقول يقول انه يحبها لكن هي ماتدري اذا فعلا يحبها ولالا بس قالت افعاله تثبت انه يحبها بس اكتشفت حركات عليه ان كل مره حد يتصل به اكتشفت انه عنده علاقات مع بنات وهي تبا تعرف هي بالنسبه له منو وشو تعني له ؟! انزين قتلها صارحيه كلميه قالت ابدا بشوف انا الموضوع بنفسي قالت ربيعتي تلاحظ ارقام غريبه وايد تييها ردت على الرقم الغريب ولا تقولها انا حبيبة احمد (هههه) وهو يحبني ومايحبج قامت البنت تتصل فينى تصيح تقولي يا مهره لحقي احمد طلع مغازلجي ويكلم بنات وانا اللي اعرفه احمد مب من هالنوعية من الشباب وهو يحبني قتله انتى اختياره ولا اختيار ابوه وامه قالت لا والله اختياره قتلها احمد البنات في حياته ماضي ولا حاضرات بعدهن في حياته لهن وجود قالت ايوا يابن رقمي وكلمنى وقالن لي نحن حبيباته قتلها عطيني رقمهن وانا بييب لج خبرهن من عطتني الرقم لين اليوم تلفونى ما وقف اشوف فيديوهات لاحمد وياهن صور له وهو عندهن في شقه بس انا قلت لها انهن جذابات وان احمد يحبج وشاريج بماي عيونه وانهن مدزوزات عليج يبن يخربن عليج حياتج ويا احمد وتوته خلصت الحتوته وابتسمت مهره وهي تشوف راشد كيف شتت نظره وعقب قال. : احبج
مهره تبتسم: ماعلقت على القصه شرايك بتصرف احمد وشرايك بتصرف ربيعاته..
راشد تنهد وقال: سمعي حبيبي بقول لج شي يمكن احمد ريل ربيعتج يحبها بس ما دام انه يخونها ويروح ويا بنات وينام وياهن أي حب هذا اللي يخليك تسبدل مكانة الشخص اللي تحبه بغيره واصلا اذا تحب شخص عينك تمتليء عن غيره ما تقدر تناظر غيره...
مهره تبتسم: تخيل في أسبوع عرسها خلى زوجته وراح عندها وكذب على زوجته وقالها عندي طواري...
راشد يبتسم وقال: هذي سياسه حبيبي يستخدمها الريال يوم يبا يروح عند غيرها لانه لو هو صدق يحبها ما خلاها في أسبوع عرسهم او حتى في اول اشهر زواجهم ويروح عنها عند غيرها..
مهره تستهبل عليه وقالت: ليش شو معناته ان روح لها في اول اشهر زواجه وخلى حرمته..
راشد تنهد وبضيق قال: مافي ريال يخلي حرمته بأول شهور زواجهم ويروح عند غيرها الا انها ما ملت عينه ويتحجج لها بالف عذر وعذر عشان يطلع ...
مهره انصدمت وبلعت ريجها وهي تقول: بس هو يحبها ويقولها انا احبج واموت عليج وماحب غيرج..
راشد يضحك: هههه غبيه ربيعتج اكيد انه بيقولها هالكلام عشان ما تشگ فيه وتعطيه الثقه والأمان ...
مهره حسست انه حد صفعها وقالت وهي تحس بحراره في ويهها: انزين ليش عيل خذاها وهواللي اصر عليها مب اهله..
راشد تنهد وقال: يمكن لشيء عايبنه فيها ويباها عشان جي خذاها...
مهره ودها تبكي وقالت ببحه : يعني بي يوم بعد وبكتشف انك انته مثل احمد ريل ربيعتي..
|
|
|
10-20-2021
|
#47
|
البارت الثامن عشر
:
راشد بعصبيه وقهر: يخسسسسي انا أكون نفسه لا حبيبتى انا ماابيعج ببكنوز الدنيا كلها... ولا في حد يأخذ مكانج فهمتي ..
مهره بدموع : ودي اصدق
راشد يهزها بعصبيه من كتوفها وهو يقول: لا صدقــــي ... انا غيررر .. انا لج وانتـي لـي فهمتي...
مهره تحاول تحارب دموعها وقالت بصدق: والله يا راشد انك نفسه وما اختلفت عنه بشيء ..
راشد بعصبيه وقهر قال: انا اخسي أكون نفسه والله لو دورين ورايه ما تلقين شي الحين انا عندج شو فيني اكلم تلفوناتي يرنن رحت وخليتج بروحج .؟!
مهره بصدق: وين كنت الأسبوع اللي طاف ونحن بعدنا ماكملنا الا كم أسبوع مع بعض ..
راشد تنهد بضيق وقال: قتلج عندي دوام .
مهره: أي دوام وكلهم يعرفون انك ماخذ اجازه طويله.
راشد يتنهد بحب وقال: مهره شفيج لا تروحين بذاك راي تراج حبيبتي وغناتي ومابغي غيرج .
مهره تتنهد وهي تحاول انها ما تـدمع وقالت له : مابا غييرج ومابا غيرج وبعدين يعني راشد انا اسال انته جاوب لاترد السوال بسوال درينا ما تبا غيري بس انته وين كنت؟
راشد بضيق تنهد وكمل وهو يقول: يا بنت الحلال شو بلاج ما بنخلص نحن من هالموضوع .
مهره تتنهد: كنت وين !!
راشد: في قلبج والله ...
مهره: ماله داعي الكلام هذا الحـين...
راشد يبتسم: انززين احبج والله ...
مهره تحط عينها في عينه: تحبني انا ولا تحب شي معين فيني ..
راشد يتامل عيونها ويطرحها في حضنه: احبج انتي غناتي ...
مهره تبعد عن حضنه بس ماقدرت راشد متحكم فيها بقو وراص عليها بإحكام وقال: وين تبين نحن ما تواعدنا نتصافى اليوم.
مهره وهي بين ايديه قالت بغصه: انزين ابعد عني شوي .
راشد يحط يبهته على يبهتها: اخسسسسي اليوم اسمع كلامج ان ما تصافينا اليوم شوفي شو بيصير ..
مهره بتعب تحاول انها تبعده عنها وقالت: انته ما تحبنـي..
راشد يشلها بين ايديه وقال وهو يحطها على الشبرية: احبـج والله كيف ماحبج وبعدين انا ظميان..
مهره: جان خليت حرمتگ تشبعگ قبل لا تيني ...
انصدم راشد منها وقال: حرمتيه ؟! بعد عنها وهو يقول بعصبيه: أي حرمه اللي ترمسين عنها ماعندي حرمه غيرج!
مهره ابتعدت عنه وهي تقول: غيري اللي انته تشوفها بنظركـ حلوه وجميله..
راشد: اخسسسى اروح عند غيرج تراج تتوهمين يا مهره وانا أبا حقوقي تعبت منج أسبوعين ولا شفت منج شي ولا حتى بوس ولا حظن ولاشي يشفي الغليل ترا القلب متعطش.
مهره تبتسم وبنذاله قالت: للأسف عندي عذر شرعي يمنعك مني هالفتره..
راشد بقهر: افففففف يعنيي وقتها هي الحين تنزل..
مهره ترفع حايبها وقالت: شو اللي وقتها تنزل ترا كل شهر تنزل في ميعادها المحدد ليش انته متضايق..
راشد بتهور: لان ما فيني صبر خلاص وانا واصل حدي بموووت من كثر ما ارد نفسي عنج .
مهره تتنهد: تريا لين ما تخلص ولك اللي يرضيك بس مب قبل ما تقول لي وين كنت مب نحن اتفقنى نتصافى ..
تنهد بضيق وقال: كنت حاجز فندق كان عندي شغل ضروري اخلصه ..
مهره تتنهد وتقول في خاطرها مصر انه مايصدق وياي فالكلام تنهدت وهي تقول: يخص الدوام ولا يخصگ انته ..
تنهد بتعب وقال: ياليل ماطولك ما بنخلص نحن ورانا شغل ترا ...
مهره بضيقه بعدت عنه وهي تقول: يوم بتقولـي الصدق بعطيگ اللي تباه..
راشد تنهد بضجر وقال: اسميج يا مهره شكاكه وغياره وتخافين يشلوني منج انا محد اييب راسي يا حبيبي انا ما يملي عيني الا انتي ..
مهره بدت تنعس وانسدحت عالفراش وهي تقول: تصبح على خير...
انسدح راشد بقربها وحضنها وهويتنشق عطرها: مهره وين تصبح على خير وانا ظميان ولهان والله.
مهره تبتسم بنذاله: قلت لك من تخلص فالك طيب ..
تنهد بضجر وتذكر ان باجر بيبدا أسبوع ثريا وقال في خاطره مالي الا ثريا اتصبر بها لين تخلص الحلوه ومهره تنهدت بضيق وهي عارفه تفكيره وين وقالت بدلع: بكرى نطلع انا وانته صوب مركز الخيول اللي هنيه...
راشد بقهر منها قال: انا باجر بروح عندي شغل
تافففت مهره وتضايقت عرفت انه بيسيير عندها يدور راحته وقالت بضجر: دومك مشغول مايبت شي يديد ....
ضحك وهو يحضنها وقال: بروح عند غيرج
قلبها دق من نطق هالكلمه وقالت ببحه: لـي بديل في قلبگ ثرني وانا اللي اتحسب اني غير عنهم كلهم محد يوصل لمكانتي في قلبك..
ابتسم بحب وهو يحضنها وقال: فعلاً محد يوصل مكانتج في قلبي بس شو اسوي ماروم اصبّر نفسي اكثر أبا ارتاح..
مهره لفت عليه وشافت ملامح ويهه ودققت في عيونه وشافت لمعة الحب في عيونه وقالت وهي تضربه على كتفه : ربي يحفظگ دام لي بديل في قلبگ ولفت عنه الصوب الثاني وانسدحت ...
همسس بحب لها : قلبي ملك لج مب لغيرج ومالج بديل في قلبي بس انا أقول لج الصراحه انى ادور راحتى ومب لازم يكون حب بيني وبينها ومب لازم يربطني شي فيها الحين كل اللي يغازلون يحبون اللي يكلمونهن..
مهره تلمح له: لا مب شرط يحبونهن بس مدام ان لـي بديل في قلبك وساير صوبها انتبه تغلط غلطه بسببة تهورگ وعقب يصير يربط بينكم شيء وتندم طول العمر وتلحفت وهي تحاول تستوعب كلامها اللي قالته..
انصدم راشد منها وقال يجيس نبض قلبها: انزين نفرض صار بيني وبينها شي وحملت مثلاً وعرفتي شو يصير فيج ..
مهره لفت عليه وهي تضحك وبجرأه خبلت براشد حطت ايدها على قلبه وقالت وهي ترمش بعينها: دام هذا ملك لي انا بروحي طز فيها وفيگ بس والله يا راشد ان كان لها مكان في قلبگ اخسي اقعد عندگ وقربت منه وبغياض باسته على خده ببطء وهي تحس أنفاسه تتسارع وقالت بغيظ: يلا تصبح على خير ..
تخبل راشد من بوستها وقال وهو يلفها عليه بقو: تصبح على خير هاه والله الخير ما بتشوفينه مني الحين وبدى يبوسها بقوو وشغف وهي تقاومه ما تبا تكشف نفسها قدامه وقالت بضيقه: راشد تراك تعورني ابعد عني ...
وراشد مسوي لها اكبر طاف ويكمل بوساته وحضنه وحست بأنه ببكشفها وبتنفضح عنده وهي تحاول انها تقاوم قربه بس يخربيت التسلط ولا في عقله الريال غيب لدرجة انه ماحس بعمره وهي ميته وذاييه فيه وتحاول انها تبعده قبل لا تنكشف لكن حب راشد لمهره وشوقه لها فاق كل شي وحطم كل الحواجز اللي بينهم تملكه لمهره مخلي راشد انسان ثاني اما مهره حاولت انها تقاومه وتقاومه لين اخر نفس وبقوه بعدته وهي تقول: انته مينون صح قلت لك انا محرمه عليك
راشد يبتسم وهو يشوف رقبتها اللي كله مص قال بحب : انتي اللي حدتيني على شي هذا وقرب منها وبهمس قالها: ليش تجذبين عليه ؟ وقرب منها زود وهو يلامس شفايفها وقال: انتي مافيج الدوره انتي رافضه قربي مص شفايفها ويعظهن بقوووو وهو يقوول لكن عناداً فيج باخذ حقي منج كامل مكمل ياحبي الأولى والأخير ..
مهره تبعده عنها وهي تقول: والله ماعطيك حقك والله لو تلعني الملايكه لعان..
راشد بغيظ وهو يدفرها: مب على كيفج حقي الشرعي وباخذه فهمتي ولالا ...
مهره متنرفزه منه وقالت وهي تقوم من الشبريه : والله ان تبطي تأخذ حقك مني وسارت غرفه الملابس وقفلت الباب بدلت لبسها على السريع ولبست لها جلابيه طويله وطلعت ولقته يالس على الشبريه ويضحك وياشر لها على المفتاح اللي في ايده ضايقت منه مهره وهي تقول: لا تعاند راشد الله يخليگ لعينن تغليگ ..
راشد بحده وهو يقرب منها وقال: يلا ماعندي وقت بيطلع علينا الفير وانا بخلص شغلي ..
مهره تبعد عنه وترد ورى وهي تشوفه يتقدم لها وقالت : والله ان تبطي تلمس مني شي فهمت وعلقت في زاوية اليدار وقرب منها وهو يحاوطها بيديه وميل راسه عليها وهو يقول: ليشششش انزييين ...
مهره اللي ماتت من قربه وانفاسه الحاره قالت وهي تحاول ما تضعف قدامه: لانگ جذاب ...
راشد يبوس رقبتها وقال: عشقت المص من عرفتج وماحس بالذه الا وياج فهمتي الباقيات عابرات سبيل الا انتي غير ...
مهره تبعده عنها وقالت بضيقه: انته جذاب مب صادق ويايه كيف تباني اسلمگ نفسي وانته بياع حجي..
راشد بهيام قال:ابيع الحجي كله لج الا انتي يا غناتي ما ابيعج واشتريج بماي عيوني ...
مهره تغمض عيونها وهي تقول: ابعد راشد عني تكفى الله يخليك لغاليك ابعد لانى وايد مضايقه من قربگ ...
بعد عنها راشد وهو يقول : دقيقتين وثالثه والله لطر الثياب اللي عليج ان ما بدلتي لبسج..
مهره تدفره بقهر وشوي بتصيح وهي تقول: مب انته تقول انك بتروح لغيري خل غيري يريحك...
راشد بانجذاب: مهره تكفين والله لو تبين ايلس وياج الصبح ونرمس عن كل شي تبينه بس الحين خليني اروى نفسي والله ظميان ودي ارتوي ...بعدت مهره عنه بالقو بعد ما دفرته وطاح على الأرض ضحكت وهي تقول: تستاهل ههههههه ما تسمع الكلام سحببت المفتاح من ايده وربعت على الباب تبا تفتحه وراشد كان متالم من طيحه وقام بالغصب وكان بيلحقها بس قرر يروح شبريه وينام لانه تعب منها اما مهره فطلعت وقفلت عليه الباب من برى وهى تضحك تنهدت بضيقه ولفت على الدري بتنزل نزلت من دري وشافت مبارك توه داخل ربعت صوبه وهي تقول ببتسامه: نور البيت..
مبارك بضيقه ابتسم: بوجودج من وين نازله هالوقت ...
مهره تبتسم وتمسك يده: من الغرفه حبست اخوك قفلت عليه الباب من برى
مبارك انصدم ورص على ايدها وقال: ليش ؟؟
مهره تبتسم: خله يولي اونه ظميان ...
مبارك سحبها لين غرفته ودخلوا وسكر الباب وراهم وقال لمهره: انتي تبيني ولا تبين راشد ولا تبينا نحن الاثتين..
مهره تنهدت: والله يا مبارك المصيبه مب رايمه احدد انا أبا اشوه بس اللي اعرفه انى رديييته اليوم عن حقه الشرعي غصبن عنه بس كنت ذايبه بين ايديه..
ابتسم مبارك وقال: انزين وانتي تبين علاقتنا تنبني على شو
مهره تبتسم: على الحب طبعا ابغي احبك ابغي أعيش الحب وياك
مبارك تنهد: كيف اعيشج الحب وانتي حلال اخويه......
مهره قربت منه وحطت عينها في عينه وهي تقول: عادي نفس أي اثنين يبدون علاقتهم مسكت ايده وهى تقول حرام تعذب قلبك اكثر من جي ..
مبارك بتهور: ترا شيطان بين عيوني والله اتهور..
مهره ابتسمت وهي تقول: احضنك
مبارك اللي صدق ما صدق كلمتها وقرب منها وقال: انتي هبله ولا مينونه ريلج فوق يا الغبيه ..
مهره تضحك وهي تقول: قافله عليه من برى ...
مبارك قرب وقال: ودي والله احضنج بس ماريد افتح لنفسي باب اعرف ان نهايته غلط..
مهره بنص عين: غلط في عينك انا ناويه أقول لك اني ببدا علاقه حب وياك قبل لا راشد يسيطر عليه تراه ذوبنيي لين قلت بس وصديته أبا احبك أبا اعشقك أبا جوارحي كلها صوبگ رصت على ايده تبا تفهم ولالا ..
مبارك ابتسم بحب وقال: محد بيضيعني الا انتي ...
مهره: شو اسوي اذا تميت على راشد بيلحس عقلي تراه انا اترياه يعترف بثريا عشان ابعد عنه وانته يا مبارك لي انا فهمت ...
مبارك بحب: تعجبيني والله اني ولهان عليج واحبج لكن مابا ابدا بالغلط ..
مهره تتنهد وقربت منه وقالت وهي طالعه: همممممم تأملني دقايق او ثواني وقولي قلبك وعقلك شو يقولون واللي بيحكم فيه عقلك انا راضيه فيه
مبارك يبتسم: ليش يعنى عقلي مب بقلبي
مهره: لان القلب يتبع هوى نفس وماباه يحدك على شي تندم عليه أبا عقلك شو يقول ...
غض البصر عنها وبقهر قال: مهره تكفين اطلعي ترا مالي ويه اشوف راشد روحي الله يخليج وصد عنها واتجهه لين شبريه وسمع صوت الباب يتسكر حمد ربه انه سيطر ع مشاعره وشد ع مهره بكلامه حتى لو بتزعل ...
طلعت من عنده وهي ندمانه على فعلتها كانت حاسه ان مبارك ما بيتقبل ان يصير بينهم شي طلعت فوق افتحت الباب ودخلت شافته نايم طلعت المفتاح من القفل القدامي حطت في القفل الورانى وقفلت الباب وانسدحت عالكرسي ونامت...
اما عند مبارك فكانت اعصابه مشدوده ومتوتر بس مرتاح من فكرة رفض العلاقه بمهره عشان راشد اخوه دخل الحمام اتسبح وبدل ثيابه وسمع صوت اذان صلاه الفير صلى ونام ...
ساعه ٧ ونص الصبح عند سعيد يكلم الريم وهو يقول : انزين حبيبي مب غلط
الريم: شو مب غلط انته تعرف شو صار بينا
سعيد ابتسم وقال: هيه اذكر ليش فيها شي ...
الريم بمستحى: ما بقى شي للعرس بوس وبست مص ومصيت ودخله تودخلت حبيبي ليش العرس عيل ماله داعي ...
ضحك عليها وهو يذكر امس يوم كان وياها فالندق وضحك وهو يقول:هههههههههههههه ذبحتيني يا حرمه انا عشقى الحرمه اللي تستحي وانتي عاد طحتى في ايدي شو تبيني اسوي ..
الريم : احبك
سعيد يبتسم: طلعي برى قدام الباب انا ...
ابتسمت بحب وهي تقول: وين بنسير اليوم
سعيد:بناخذ اثاث للقسم وبنسوي تصميم الديكور وبنروح البحر
استحت الريم وقالت: وبعدين
سعيد يضحك وقال: وبعدين الفندق بعد شو
ابتسمت وهى تقول: أصلا متوقعه انك بتوديني فندق بس ليش ما تقولي بحط اغراضي
سعيد: لا ما تبين خذي الأساسي بس مابا حد يلاحظ ان نروح فندق ونبات..
الريم شلت الأغراض ونزلت عنده: هيه لو دروا عزاة الله اني انرغت من البيت سعيد وهو يشوفها يايه صوبه : فديت الحب
الريم تبتسم وتسكر الفون قربت من سياره افتحت الباب وهي تقول: صباح الحب..
سعيد قرب منها وباس خدها وبهدوء قال وهو يتاملها: صباح الجمال يا كامل الزين...
الريم تحط شنطة اليد تحت وقالت:شخباره الحلو عقب البارحه
سعيد يضحك: مروووق وعايبنه الجو وبجديه قال: بس الليله غير
الريم حست بخوف وقالت : شو تقصد يعني ؟!
سعيد بحب: الليله يا عمري بتشوفين وبتحكمين ليش نسبق الاحداث
وصلوا المحل ودخلوا شافوا الأثاث اختاروا اللي يعيبهم من الأثاث ولفوا على محلات ثانيه واختاروا اللي يعيبهم لين صلاة الظهر وهم يحوطون عقبها لف عليها وقال: تحطمت ريولي تكسرت تعالي بنروح نصلي في المسيد وبنتغدا وعقب بريح فالفندق وبنكمل العصر.
هزت راسها وهي تقول :اوك حبيبي انا بعد تعبانه والله .. رن تلفونها وكان ابوها ردت بتوتر وهى تقول :مرحبا الغالي ..
ابوها: مرحبتين وين اليوم ما نزلتى وامس ما نزلتي
الريم تمسك يد سعيد وقالت : مب فالببت انا طالعه ويا سعيد
ابوها باستغراب: من امس انتي عند سعيد
الريم توترت وقالت: لا امس طلعنا ورديتا اما اليوم طلعنا الصبح والحين سايرين نتغدا
ابوها: بتباتون ولا بتردون..
الريم: بنرد ان شاء الله بس متأخر
ابوها تنهد وقال: زين فديتج .. الله يحفظج وسكروا الخط
سعيد: زين ما قلتي له بنبات برى ..
الريم بتوتر: سكت انا خايفه لان العنود امس وسكتت
لف سعيد عليها وقال : ايوا كملي امس شو
الريم تنهدت بضيق وقالت: بقولك لا وصلنا الفندق
راح سعيد وهو يتنهد بضيق طلب لهم من ماكدونالدز وتريا الطلبيه لين ما تجهز وساروا الفندق وصلوا الفندق دخل تسبح وبدل ملابسه وقعد في صاله دخلت هي تسبحت وبدلت ملابسها وطلعت عنده قعدت قربه وقعدوا ياكلون ..
سعيد بتنهيده: قولي لي هالعنود شو سوت ..
الريم بتوتر: البارحه يوم ردينا متأخر كانت يالسه في صاله ويا عهود
سعيد باهتمام: انزين كملي ..
الريم بضيقه: حست اني امشي بالغصب وانا صراحه ما كنت ابين لهن شي ويوم دخلت غرفتي وتسبحت وتلبست دخلت عليه وهي وعهود وقالت لي: شوفيج ما رمتي ترقيين الدري لا يكون سودتي ويهج قتلها: ويعني حلالي بس سعيد اكبر من جيه قالت لي هيه باين طالعي رقبتج كيف مخططه من البداية لين نهاية تقنعيني ما صار شي بينكم تنهدت بضيق وكملت جان اقولها طلعي برا وسكرت الباب وقفلته خفت انها توز ابويه عليه وعليك وانا ماباك تنزل من عينهم
سعيد بحب: طاااف وحياتج هي محترقة لاني خليتها وخـذــيتج وبعدين انتي مرتي شرعاً حلال دخولي عليج مب حرام وثاني شي العرس الا تشهير بزواج بس ونحن ما بقى على عرسنا الا القليل ..
تنهدت بحب وهي تقول: ادري بس اليوم خفت ان ابويه يدور علينا وما يحصلنا انا وانته فالبيت ..
سعيد: مابا اسهر عندكم في البيت ما اخذ راحتيه أنا أبا راحتي وراحتي قربج بس بعيد عن بيت هلج..
ابتسمت بحب له وقالت: اعشقك
ابتسم وهو يقول: والله وانا اكثرر...
اما عند مايد ولطيفه .. لطيفه كانت تتكلم وياه وبعبره كاتمتنها قالت : انزين مايد تراك خذيت اللي تباه غصبن عني وعطيتك كل شي انته ليش تغيرت ..
مايد بقهر وعصبيه: مادري مادري من ردني سعيد اخوج واحس بكره صوبج
لطيفه غمضت عيونها بالم وقالت بهمس: بس ما توقعت توصل بك المواصيل انك تنتقم مني وترد الحركه لسعيد ..
مايد بعصبيه: انتي شفيج خلاص طلعتي من خاطري وباجر بتوصلج ورقتج ..
لطوف بخوف وهي تصيح: يالمينون انا شذنبي حرام عليك اللي تسويه فيني دخلت عليه وبطلقني انته مب صاحي يا مايد اذا تبا تبعد عـني ابعد بس طلاق لا تفكر به وانته معصب الحين لانك قاعد دمر حياتنا..
مايد يضحك: ههههههه حياتنا حياتج انتي اللي بتدمر مب انا ، انا ريال وبعرس بس انتي اللي بياخذج عقبي شو بيلقاج ...
لطيفه تنهدت بحزن وهي تقول: خلاص اللي يريحكـ سووه .. وسكرت الخط في ويهه.. توضت وفرشت سيادتها وقعدت تصلي وتصيييح من خاطرها تدعي ربها يسر وتفوض امرها الى الله وتبكي بحرقه ...
اما عند عهود ونايف ... نايف يسولف وياها فالتلفون وقال: انتي احلى واغلى شي في دنيا عندي...
عهود تضحك : هههه يا عمري وانته زود يا قلبي ...
نايف: مابقى شي على عرسنا ...
عهود: هي والله
نايف : بس خلصتي زهابج ولالا...
عهود :هيه خلصت شي الثقيل باقي شي القليل ...
نايف: الحمدلله ...
وشوي تسمع صوت ازعاج وحشره وقالت لنايف: حبيبي بكلمك بعدين اسمع صريخ خواني تحت بسسر اشوف شو مستوي
نايف : اوك فديتج الله يحفظج ...
سكرت عنه وسارت تنزل تحت وشافتهم كلهم قاعدين ومحتشرين ...
|
|
|
| | | | | | |