روايتي السادسة: العمر لحظة

مشكور ع مرورك يا نجم الجدي وجزاك الله خير ع الا نتظار وان شاء الله يعجبكم البارت السادس وانتظروني في البارت السابع واحداثه ...
وسلمتوا على المرور جميعا الله لا هانكم ويرفع من قدركم ويعز شانكم

عيني عليك بارده
استمري

دجى الليل معجب بهذا

سلمت ي خوي وبيض الله ويهك على المرور الطيب

الله الله عليج فنانه
في كتابةو سرد الرواية
وطريقة الوصف
الله يعطيك العافية


حبيت الرواية

دجى الليل معجب بهذا

فديت قلبج الغاليه حبج ربج وملايكته والناس اجمعين ...
شرف لي والله يا الغاليه انها تنال اعجابكم وبيض الله ويهكم على الدعم اللامحدود سلمتوا وغنمتوا
دمتم بحب وامان وفي رعاية الله اجمعين

روح الندى معجب بهذا

عشان اغيرررر لوووون الخط

البارت السابع ...
:
:
‏﴿‏أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ﴾..
:
:
:
‏"هيَ الحياةُ، فعِشْ فيها على أمَلٍ
بأنَّ آمالَنا يومًا ستَنتَصِرُ..♥
:
:
يالسه في غرفة شما بعد الضرب اللي ياها وتحس ان جسمها متخدر ومضمور وهي يالسه تسترجع الكلام اللي صار بينهم ...
ع دخلة ام مبارك وشما والعنود : شو الصرييييخ هذذذا ...
اربعت عند عمتها وهي تقول: لحقققي عليه يا عمتي شموخ تنكر ان لها سبب ويد فالموضوع
رفعت عينها بحده وعصبيه: شو مسووويه بعد يا مسودة الويه ما تبين تهنين ريال بحرمته حسبي الله عليج انا قايله ان انتي ام اربع وأربعين بس محد صدقني ...
تعجبت من كلامهم والفاظهم وهي تقول: انا من ييت عندكم محد اشتكى عليه وطلع عليه رمسه الحين انتى وحرمة ولدج بطلعون عليه كلام وين دليلكم ..
تكتفت بقهر وهي تقول: تبين دليل بييب لج دليل وراحت غرفتها ويابت تلفونها وهي تقول :سمعي باذنيج واشرت للجميع يسكت وهى تقول لحمد ( امسك اعصابك ولا تسوي شي فهمت) .. دقت بصبوع مرتجفه لحامد اللي رد عليها بلهفه وهو يقول: هلا الريم بشررري
انصدمت بسماع صوت ولد اخوها ودق قلبها بقووو وهي تدعي انه ما يكون مسوي شي ركزت ع كلام حامد وهو يقول: بشزي كيف عدت ليله عليج وما كشف انج مب بنت...
ضحكت لهم وهى ترفع حايبها لشموخ وقالت: صرفته قلت له ان فيني العاده وشكله ما فهم ...
تحرك صرب الباب وقال: بس انتي قلتي لي ان اللي صار لج متيجة حوبه وحده..... وسكرت في ويهه حامد وهي مرتبكه وقالت لحمد : سمعت باذنك صوت ولد اخوها وهو يتكلم صح يعني ما بحتاي انى اكمل بانها متفقه وياه يأخذ بحقها من اللي افتعل فيها .. هنيه شموخ ينت وقامت بتضربها بس حمد مسكها وضربها ضرب لين علم جسمها،، قامت وهي ماذرفت ولا دمعه وقفت عند الباب وهى تقول: عل حوبتيه ما تعداك لا انته ولا حرمتك ولا كل من ظلمني وطعني في عرضي وراحت بعد ما تغشت ودخلت غرفة شما وماسكه نفسها ما تبا تضعف وتبكي قدامهم صحت من ذكرياتها الاليمه على يد شما وهي تقول: تعورج يدج
ابتسمت بالم على حامد ولد اخوها ضيع نفسه وضيع بنت الناس وياه ابتسمت: لا شميم والله مافيني شي وانا محد هزني والموضوع كله ما دخل راسي الا يوم سمعت صوت حامد ولد اخوي هو اللي كسر ظهري بس انا ماعرف لين الحين كيف الله جمع بين حامد والريم وهم ما يعرفون بعض ،، ابتسمت وهي تقول الغاليه الليله شوفتج لازم تغدين احلى من القمر نفسه ..
ابتسمت باحراج وهي تقول: ما توقعت الدكتور بيعجب في مريضه عنده
ابتسمت وهي تحط ايدها على ايد شما وقالت بصراحه: والله ياالغاليه ان يحظه فيج ترا انتى مافيج شي تقدرين تساعدين نفسج وتظهرين من اللي انتى فيه ،، وتقدرين تحبيييين وتنحبين ترا انتى في الأول والأخير انسانه ومن حقج تحبين وتنحبين وترا الحب حلو وخصوصا لا صار بين اثنينه يحبون بعض بالحلال ،،ها ركزي شو قلت بالحلال وضربتها ع راسها بخفيف يلا تجهزي ونزلي عند الناس .،، ابتسمت وهي تحضن شموخ بدفاشه اللي تالمت من حضنها القوي بسبب ضرب حمد لها وغمضت عينها من الويع وقالت بهمس: يلا فجي عني خليني اتنفس خنقتيني وضحكت
بادلتها ضحك وهي تقول: احبج والله يا عمري يا شموخ
ابتسمت وهي تقول: يلا قومي
قامت عنها وهي تقول: خاطري تنزلين ويانا
ضحكت وهي تقول: مكسرني اخوج الله لا يبارك في شيطانه ولا كنت بنزل وبشوف الحلو اللي بيقدم للحب كيكة عمره ..
ابتسمت بخجل وقامت عنها وهي تتجه صوب المرايه تتعدل ...

اما في اتجاه قاني ومكان ثاني ..
بفرحه قال لامه: يلا يا امي الريال يتريا
نزلت بضيق وهي تقول: وانته ليش مستعيل حد يروح يأخذ مريضه عنده امها شكلها نسررره ووبنتها اكيد طالعه عليها...
ضحك على امه وهو يقول: انا الحين انا بجرج بدال ما تفرحين لي تحبطيني
تنهدت بضيق وقالت: من الاخر يا بويه قلبي قابضني ولا أبا اسير مب مرتاحه للبنت...
تنهد بضيق وقال: لطيفه فولي لج كلمه
ابتسمت بحب لاخوها وقربت من أمها وهي تقول: امي فديتج عوض ماشافها الا من تحت النقاب ماشافها مثل ما نحن شفناها في عرس حمد اخوها خليه اليوم بيشوفها وبيقتنع من نفسه صدقيني بس قومي لا نتحير عالعرب..
انعبجت بتفكير بنتها وقامت وهي تبتسم وقالت لعرض اللي كان يعدل غترته وعقاله عند المنظره: يلااااا نسير
ابتسم وباس راسها: فدييييت الغاليه ما تيبج الا لطيفه انتي ...
وتحركوا لسياره واتجهوا لبيت الخطيبه...
//////// ////////////////. //////////
عوض بكر ابوه عمره 26 سنه ،،
أبو عوض متوفي ،،
ام عوض 60 سنه وتحب عرض وايد لدرجة ما تباه ياهذ أي وحده
لطيفه اخت عوض عمرها 22. سنه متخصص ادب عربي ..
////. ://////// /////. //////. /////////

نرجع لروايتنا ....
:
ستُشرق روحك بعد ذبول ظننته لن يزول ، ستلمع عيناك بعد أن خف بريقها .🌤✨
:
المهم وصلوا بيت بو مبارك ونزلوا الرياييل ساروا الميلس والحريم ساروا الصاله سلموا وقعدوا عند الحريم كانت متضايقه وتجامل ام مبارك وحريم عيالها مب داخله فكرة الخطبه في راسها ابداً مب مستوعبه ان شما ممكن تكون لعوض...
اما فوق كانت متوتره وايد رحمتها شموخ وهي تقوم وتقاوم المها وقالت: بس خلاص لا اصيحين شما ما كان هذا اتفاقنا صح ولالا ،، زفرت بضيق وقالت بضيق: ما بعيبه انا عارفه نفسي مسكتها بقو وهي تقول شفيج انتى مينونه يا شما شحلاتج تعالى انا بمكيج قعدت تممكيجها وتنزينها وتلبسها وتحمست شموخ بعد وتلبست وقررت انها تنزل ويا شما ولبست شي خفيف مغربي بوقطعه وحده خفيف لشموخ لبسته وتمكيجت وغطت كدمات الشيخ حمد ولبست عقدها وساعتها.. اما شما لبست دريس استرج مرصوص ع جسمها وفاله شعرها القصير اللى ع كتوفها وفيرته لها شموخ وهي تقول: اسميه بيتخبل عوض من يشوفج ابتسمت براحه وحضنتها وهي تقول: احبججج
حضنتها وهي تقول: يلا ننزل انا بعد احبج بس خلي الحب لغيري يلا وغمزتلها وطلعن برا وهي تاشر للعنود تسكر ليتات الممر وقربت منها شموخ ومسكت شما ونزلت من دري لان شما ما تعرف تمشي بالكعب وشموخ تحاول تعلمها وخافت انها تطيح فاضطرت انها تمسكها ونزلتها من ع دري وهي تضحك ويا شموخ شغلوا ليتات الصالة وام عوض من شافت شموخ تشققت وفرحة بس من شافت اللى ورى شموخ تكدرت وعرفت ان اللى وراها هي شما سلمت شموخ ع الحريم وقربت شما وسلمت عليهم وتمت واقفه وتوزع ابتسامات شرا الهبله وشموخ طالعها بمعنى فردى ظهرج ولا تبتسمين خليج رزين ...
اما شما بمجرد ما دارت تبا تقعد عند أمها طاحت بالكعب وقفطت سرعت لها شموخ تشلها وتقعدها عدال عمتها والعنود اللي افتشلت من الموقف لان العصير انكب عليها فقامت تبدل بقهر من حركة شما اما شما فقعدت تضحك على الموقف وماقدرت تسكت شي اللي ضايق شموخ وخلاها تقرصها من دون محد يحس فسكتت شما فجاه وطالعت شموخ وشافتها معصبه ..
لطيفه كانت كاتمه ضحكتها بقو فقالت ام عوض لام مبارك: ياختى الولد يقول لازم يشوفها ..
ابتسمت ام مبارك مجامله وهي مفتشله من بنتها وقالت: ايه من حقه ان شاء الله ..
عند عوض في الميلس كان عقله طاير بلي بيخطبها وأخيرا بتصيرين لي وحلالي ابتسم وهو يشوف نظرات الكل حوله انتبه على حمد وهو يقول: من وين تعرف شما يا عوض ..
ابتسم وعدل يلسته وقال: شما!! عفوا وضح قصدك
بروحه متضايق من اللي صار اليوم وماله بال يشرح قال: يعنى من وين تعرف شما عشان تخطبها !!!
رمششش بعيونه بصدمه وقال بحذر: اخطب شما يا خوي الموضوع فيه غلط او لبس انا ياي اخطب ربيعه اختي وما قالوا لي اسمها شما ..
انتفض حمد من مكانه وكانه ماسكتنه كهرب وقال: اسم ربيعه اختك شو؟؟
توتر حاول ما يبين توتره شكل امه يابت العيد ونطقت شما بدال شموخ تنهد بضيق وهو يقول: مادري ما قالوا لي اسمها بس شوي غريب الاسم اللي قالته اختى بس كل اللي اعرفه انه مب اسمها شما ...'انصدم حمد من الموضوع وقال: كيف جيه يا ريال الموضوع بيستوي رسمي تأكد من اختك اسم ربيعتها شو ..
يباها من الله وع طول وقف وطلع وسار اقرب مكان عنده واتصل بالطيفه اللي من ردت قالها بعصبيه: امممممج خطبت لي منووووو
زاغت من عصبيته وقالت بتوتر: شفيك
بعصبيه قال: تعالي من ورى المطبخ بسرعه ..
سكرت لطوف ولفت ع شموخ اللي شوي بدت تتأقلم معاها وقالت: فديتج ممكن توديني من صوب المطبخ بطلع ورى اخويه يترياني
ابتسمت لها شموخ ودتها وردت عنها ..
كان واقف بعصبيه وهو يضرب تلفون اللي بيده في ايده ثانيه وقال للطيفه اخته اول ما شافها : امج منو خطبت لي انطططقي ..
تنهدت بضيقه وهي تقول: شما اسمها شما انته قلت مريضه تتعالج عندك..
ضربها بقهر على راسها وقال: انتي مينووووونه ولا مينونه ولا تستعبطين في حد يخطب مريييضه عنده ...
رفعت عيونها بهدوء وهي تقول: انته قلت مريضه عندك
قطع عليها كلامها وقال بعصبيه: مب غبي اخذ وحده تتعالج عندي انتي مينونه وبتيننيني انا وياج،، شوفيكم فكررروا بعقلكم الحين يوم قرررت ارتبط بالانسانه اللي عجبتنى تروحون تيبون لي اختها المريضه شو أقول للناس الحين انا غلط في اختيار اختكم أبا العوده مابا الصغيرة...
زفر بضيقه وتنهد وقال بعصبيه: قولي لامج حبيبة ولدج اسمها شموخ مب شما روحييي ..
انصدم صدمة حياته وهو يسمع معقوله شموخ عندها حبيب حس بشي يعصر فواده وده ينطق ويقول شموخ مب راعية هالسوالف بس للأسف دايما وابدا ،، تذهب رياح بما لا تشتهي السفن.. معقولة زوجة اخوه اللي يشوفها مثال للعفاف والطهاره يطلع عندها حبيب قولي لها حبيبة ولدج شموخ مب شما يعني حبيبها وياي لها وامه خطبة شما له ..
دخل الميلس وسلم وقعد وشافه حادر عليهم وقعد عدال حمد ،، التفت سالم بحرقه وهو يسمع كلام عوض ينعاد في اذنيه ومب قادر يصدق ان حرمة اخوه عندها حبيب فقال بعصبيه: عوض سمحلنا ييتك عالعين والراس لكن مالك نصيب عندنا
الكل تفاجا بسالم كيف ينطق بها الأسلوب قدامهم كلهم نطق ابوه وهو يقول: سالم
اشر له سالم بيده بمعنى لحد يتكلم واردف كلامه: نحن ما عندنا بنات لزواج انا ما عندي غير اخت وحده فقط واسمها شما واما الباقيات حريم خوانى فقط ...
تورط ولا عرف شو يقول معقوله شموخ تصير زوجة حد فيهم وقال بضيقه: ماعليه راضي بشما
قطع عليه الكلام رنة تلفون حمد اللي رد بسرعه: شوووووو ،، في ذمتج .. سكررر تلفون وبعصبيه لف عليه وقال: ربيعة اختك اسمها شموخ وياي تخطبها صح..
زفر بضيقه وسحب هواء عميق وغمض عيونه وهو يزفر النفس وقال بضيقه: همممم صحيح كلامك
حمد بعصبيه يرص على قبضه يده ويكورررهها وقال بغيررره وهو يضررربه على خده: واختك ما قالت لك ان شموخ زوجتي
قرب سالم وابعدهم عن بعض وقال بقهر : اركد يا حمد الله يهديك اركد شبلاك الله يهديك الريال ما يدري يعني لو يدري بييب اهله وبيحط نفسه ونفسهم في موقف محرج ...
نطق أبو مبارك وهو يقول: والله يا بنت سهيل حظ اللي بيييبها مالت عليك من ولد انته محسسنها بانها حرمه لك ولا تسال عنها عشان العرب تعرف انها حرمتك وعلى ذمتك انته متعلق ببنت عمك وتربع وراها اجباري يعني اللي بيشوفها صبيه وبنييييه حلوه نفس شموخ بيرغب فيها وشدد ابوه ع كلمة( بنيه وعلى كلمة يرغب فيها) مما نزل شياطين حمد وراح بسرعه داخل اما الشباب تعذروا من عوض وراح ولكنه بيدارك غلطته وقالهم أبا شما الشيء اللي اثبت لبو حمد انه ريال ونعم فيه وقاله يتك ولو هي ذبيحة ماعشتك..

اما داخل البيت يعد ما واحوا شما وشموخ فوق وبدلوا لبسهم ولبسوا بجاما تفاجأن بدخلت حمد عليهن بدون ما يدق الباب وقال وهو يهجم على شموخ ويضربها ربيعتج ما تدري انج معرسه عشان تيب اخوها يخطبج ..
دفرته شموخ عنها وهي تقول: انتتته ما تتعب من ضرب عسى ايديك الكسسسر ان شاء الله بليا وسرررر ( جبر) ،، غربلك الله ترا الناس مب رخاص يبيعون نفسهم للي يسوى وما يسوى العرب يايين لختك ليش تكدرون فرحتها حسبي الله عليكم لا ذمه ولا ضمير عندكم بتخربون فرحتها وهي توها ببداية فرحتها وطالعت حمد بحده ورفعة حايب وطلع عنها وهو مصدوم من نظراتها ومن كلامها هاي شو تقول وليش طالعني بهاي النظره واتجهه لقسمه وهويسرع خطواته للباب القسم...
اما هي فتضايقت من ردة فعلهم وقالت لشما: ماعليج فيهم لا تخلين حد يهزج انتي حرمه والكل يتمناج بس انتي تعرفين حمد اليوم حاط عليه حطه فعشان جيه يبون يخربون فرحتج دخل أبو مبارك وسالم للغرفه ،، انصدم بوجودها في غرفة اخته وكيف تواسيها بالكلام انتبهت على تحنحيين سالم وشردت غرفه الملابس وقعد هو وابوه عند شما وكلموها وقالوا لها باجر بيرد عوض عشان شوفه لانه صار سوء فهم بينهم سكتت وهي طالعهم بضيق وكانها تقول انا غير مرغوب فيني قالها ابوها وهو يمسح ع راسها: شما يا بنتي الريال ونعم ونحن بنسال عنه وانا متاكد انه كان مغلط او اخته كانت مغلطه ..
شافتهم بنظره تساول وقالت: كيف اخته شو يخص اخته فالموضوع..
دارت ويهها نحو الباب اللي انفج وظهرت منه شموخ وهي متلبسه لبس محتشم ومتغطيه ومستحيه من سالم قام عمها وحضنها وحبته ع راسه وهي تقول: عمي البنيه ما كانت تعرف اني حرمة ولدكم الغلط مني انا ما بينت لها من الأول اني معرسه ..
كان يطلعها وفي راسه الف سوال يدور،، حلوه وبيضا ولها عنق الطويل وتفتن أي واحد يشوفها لدرجة انه ما قدر ينسى شكلها يوم دخل بالغلط ولا قدر يرفع عينه عنها،، وحمد الاهبل وينه عن هذا كله مغتر له بوحده لا عود رويان ولا لسان جميل،، تنهد وصحى على صوت ابوه وهو يقول: شوووو صحيح هالكلام يا شموخ
انتهى البارت السابع

اول اطيافي ,روح الندى معجبون بهذا

رائع رائع رائع
رواية حلوة ومميزة
الله يعطيك العافية

دجى الليل معجب بهذا

فديت قلبج يا رووووح سلمتتي ع المروور والحماس الطيب اللي شروووا مرورج الطيب سلمتى وغنمتي ختيه ربي لا هانج
ودمتي بخير ونعمه وعز من الله

روح الندى معجب بهذا

فداج الكون كله
وفديت الرمس الاماراتي
متى باقي الرواية متحمسة اعرف

دجى الليل معجب بهذا