روايـــــــــــــــــــة القرار الصعــب كامله مميزه روووعــه وحقيقه

خوله تطالع شمه: حد من العرب يطالعنا " و تطالع صوب مايد "
شمه فهمت قصدها: جـــب لا أفلعج بالزرع كــله..
العنود كبر موزه خت شمه: شسالفه شسالفه خبروووونا..
خوله تطالع مهره إلي مالها خلق: ما نقول لحــد صح مهره..
مهره إلي ما لها نفــس: هيه..
الريم إلي بعمر خوله: فهمتكم أصـــلن أنا أعــرف السالفه..
عوشه: وين تعرفيـــــــن السالفة مدخله عصج في شي ما يخــصج إنتي..
الريم: جب جب محد رمسج إنتي..
شمه: بس إنتي وياها " تطالع عوشه " عاشوه قومي سرينا عنهن..
خوله: لا قعدن بنضحك أقصد بنرمس وياكــــن..
شمه و هي واقف و حذالها عوشه: لا بنسيـــر نحن " تطالع مهره " بتسيرين ويانا .. هزت راسها وسارت وياهم بعيد عنهم و جريــب من الشباب تحت النخل و قعدن تحت يرمسن.. و يطالعن سلطان لأنه كل شوي يطالعهن هو ومايد هم بنفسهم استغربو..
مهره غارت: هذا عبيد..
شمه تطالع صوب الشباب: لا هذا سلطــان ما تعرفيــن ريلج شوه؟؟..
عوشه: من حقها الصراحه خوانج ما ينعرفون وايد يتشابهون في عظمه الجسم و في الويهه حتى في الحوايــب المقرووونه ما شي اختلاف في كل شي يتشابهون..
شمه: لا نحن أخوانهم نعرفهم..
مهره: تحريته بعد بس تبين الصراحه وايد يتشابهون.. أميز من بينهم في الصوت..
شمه: أجوفــج غرتي.. مهره اطالعتهن و ضحكت..
::
::
عند الشواب سوالــف و ضحك و مجابلهم الحريم وبينهم موزه وذياب إلي قاعد حذال خليفة ولد عم موزه كل شوي يطالعها و هي طابتنه و قاعدة تلبس حمد ملابسه لأنها كلها طيـن..
أم خالد تفتن عليه: هذا ما ينياب مكان..
موزه: حرام عليج أمايه و بعدين هذا ياهل لازم يلعب بالطيـن..
أم خليفة: ما إلا عندج عدنا نحن بعــد.. العنود العنود تعالي شيلي ولـــدج بشوف لبسيه و صخ الدنيا..
العنود وهي يايه: إنزيــن أمايه إنزيــن.. و شالت العنود و لدها عسب تبدله.. حمد بدل ملابسه و نعيما عليه لبس بنطلون جينز خفيف أزرق و و فانيــله بيضه و عليها رسوم بالون الأحمر وربع لبوه و ذياب شاله و بعده يطالع موزه إلي طابتنه و قعد يعدل له شعره..
ذياب في خاطره" ما تطالعني ما عليــه لــج يا موزه بتشوفيــن إن ما قهـــرتج ما عليــه " موزه انتبهت إنه ذياب يطالعها و حبت تزيده غصه و طبته و قعدت تكمل سوالفها إليــن ين البنات مهره و شمه و عوشه و قعدن وياهن..
ذياب يلاعب حمد: مهره فديـــتج تعـــالــي.. موزه انتبهت على رمسته بس بعدها ما اطالعته ..
مهره: لبيــــــــه..
ذياب لبيتي حايه تعالي قعدي حذالــي.. " مهره قعدت " اشفيــج..
مهره أخته الصغيـره: ما فيني شي ليش؟!؟..
ذياب: ما دري احسبج مالــج خلق..
مهره: هيه ايلس ظهر عليه رمسه..
ذياب قلبها جد: عبيد مسويبــج شي..
مهره: لا ليــش؟؟؟؟!!!!!!!!!!!!!!!!!!!!!!!!!!..
ذياب: تحلفيـــن..
مهره: و الله ما سوا ليه شي بس اليوم صج مضايــجه..
ذياب: آآآهااااا زين زين.. " و اطالع صوب خليفه إلي زقره و قاله إنهم بظهرون خاري فقام ذياب و من مكانه وهو شال حمد و سار هو وخليفه برع " موزه في هذه الفتره قعدت تطالع ذياب ويا مهره حست إنه من بينهم شي و لا حظت ضيج مهره و استغربت عدم وجود عبيد من بيــنهم وهو وين سار؟؟..

سلطان يطالع عوشه يبا يغلس عليها و يدريبها إنها مغروره و شالنها جمالها من يوم و هي صغيره وهي دلوعه و هو كان يضايجها دوم و تسير تصيح و تخبــر عليه.. عوشه تطالعه " شويبا هذا يطالع " و فرت بويهها عنه .. ضحك عليها حس إنه إنحرقت من نظراااااته لها.. عقب الغــدا الكــل دخــل عسب يريح وعقب على المغيربان بروحون بيوتهم.. عوشه سارت صوب اليهال وين يتسبحون بفوزات الماي إلي يروون فيه الزرع.. سلطان قاعد حذالهم تحت المظليات و سادح بعمره على الكرسي وراقد انتبه بوجود حد من رمسه اليهال و عوشه ما انتبهت لـــه فتح عين وحــده " دوكم الغروور ياي "
عوشه وهي تهزب سعود: سعود والله إن رشيت بفلعك والله..
سعود ولد ختها العنود و دوم رافع لها الضغط: ما تلومين ما تلومين بحبل عليج باباتي..
عوشه شالت الفوز عنه: هاته أميييييييييييييه خفت..
سلطان اعتدل في يلسته: إنتي أيـــــــه شو تبين به هاه..
عوشه انتبهت له و في خاطرها " بسم الله روعنا هذا ": ما شي بسه من السبوح..
سلطان يرجع ظهره على ورا: خليــه يسبــح.. " أونه محرج "
عوشه تطالعه " مالك شغــل انت ": يا الله سعود قوم تعال بسك..
سلطان يرفع ريله فوق الثانية: أقولج خلينه ما تسمعين.. عوشه سارت عنه و عطته نظره .. سلطان فتح عينه و اطالع حمدان ولد خته موزه أونه " هذه النظرة ليـــه أنا ما عليــه " شال الفوز من أيد سارة بنت خوه و رشها بالماي على ظهرها و هي صرخت و شافت سلطان يطالعها بالنتصار..
سلطان رافع خشمه: هب ليه النــظره إلي قطيتها أوكيـــــــــــــــــــــــــه.. و عطا سارة الفوز وراح بكل هدوء وهي بتموت من الغيـــــــض " أنا يسويبي جيه هذا و الله يا سلطون بتشووووف يا الخايس " ..

في الصالة قاعدين على رااااحتهم يا كلون فاكهة موزه وذياب يرمسون بكل هداوه..
ذياب: تعالي انا ما أكلمــج " وهو ياكل برتقال "
موزه تطالع و هي تقص له الفاكهة: ليــــش؟..
ذياب: عيل من مساع قاعد اطالعج و لا عطاتني فيس عنلات فيسج..
موزه ضحكت: شدراني انك تطالعني..
ذياب ياخذ له همبا: شدراج!! إلا تبين تتغليــن عليه..
موزه تعدل يلستها زين و تحطي أيدها على بطنها: أتغلا علمنو عاده..
ذياب يقرب منها: شو قصدج يا حلوه.. وضحي وضحي " وياكل همبا " هاج ما تبين..
موزه تاخذ لها حبة عنب: لا ما با ما حبه..
ذياب: في حد في هذه الدنيا ما يحب الهمبا ما عندج مونه..
موزه: أحبــه بس ما ليه خلق فيه..
ذياب يحطي راسه على كتف موزه: هب متعبنج الحمـل..
موزه: بلا متعبني..
ذياب و أيده على بطنها: خاطري تكون بنت و نسميها موزه..
موزه: لا ما بيها موزه أنا موزه..
ذياب يرفع راسه لها: و الله عيل بسميها موزه..
موزه: عاده إن ظهرت بنت الأسم عليه هب لك..
ذياب: ما ليه شغـل..
موزه تحطي أيدها على خده: استريح الأسم عليه..
ذياب يحب أيدها: فديــــــتــج الغاليــه.. " يعدل يلسته " قومي خلنا نريح في الغرفه..
موزه: بشوف العيال أول ويـن..
ذياب: خلهم شموه برع أكيد بتشوفهم " و يقرب ويهه من ويها و بصوت مبحوح " يا الله قومي..
موزه تبتعد عنه: أيــــه بشوفونا..
ذياب: وزين يشوفونا ريال و حرمته بروحهم مالهم شغــل.. " و يقرب "
موزه موزه تضحك: وين قوم قوم.. قامت موزه ويا ذياب و دخلو غرفتهم..

في الجناح الثاني و في غرفه صغيـره عبيد منسدح ع الشبريه و مهره قاعده حذاله وهو اليوم ما عطنها فيس و لا حتى كلمها لأنه ذياب موجود وهو منقهر منه و لا قواااات عين بعد ياي و يقيل وياهم..

مهره: عبيد زين انت ما تغديــت..
عبيد بنبره غضب: أسمعيني أنا قلت لــج ماليــه خلق فاهمه..
مهره: إنزيــــــــــــن.. " تردد و عقبها " ليش انت معصب؟..
عبيد دقات قلبه ادق بالقو: مالج خـــــــص مالـــــــــــج خص إنتي فاهمه..
مهره خافت و حست بالحـر يوم صرخ عليها: زين أنا آسفه.. تبا شي أنا بظهر..
عبيد لا إراديا: زوووووووووووووووولي.. مهره سمعته يقول هذه الكلمه حزت وايد في خاطرها و قعدت تصيح في صاله الجناح جرحها عبيد بكلمه وحده.. وهو الثاني ما ياه رقاد و معصب منها و من خوها ذياب ما يدانيه ما يطيقه ما يحب يسمع أسمه عيل جيف يشوف شيفته.. و قام من مكانه و كانت مهره قاعده في الجناح و هدت شوي و ظهر لها عبيد..
عبيد محرج: زين إنتي هنيه قومي لبسي شيلتج و عباتج يا الله بنروح..
مهره ما حبت ترفض له طلب و خصوصا إنه معصب: إن شاء الله .. و قامت وهي خايفه منه و لبست عباتها وشيلتها وظهرت له وروحو و عقبها لحقوهم أهلهم..
::
::

مرت الأيام و مهره ردت تدرس في الجامعة من بعد ما أقنعت عبيد إلي ما كان موافق و يا الله يا الله وافق.. مهره مسكينه من الظيج حبت ترج الجامعة يمكن بعد تنسى و تسلي عمرها بس حالتها هب مثل أول تضحك و تسولف تغيرت وايد بس محد ملاحظ لأن التغيرات هب خارجيه التغيرات داخليه و إلي لاحظ سلطان كل حركه و كل ضحكه و كل رمسه تقولها مهره كانت غريبه جافه ما فيها أي تعبير يمكن أول كانت ترمس و عقبها تي ضحكتها هذا إلي كان ملاحظ عليه بلول بس احينه كله تفكر و هي قاعدة من بينهم و يوم يمر عبيد جيف تطالعه وهو ما يعطيها ويه..

في غرفه عبيد و مهره البارده من المكيف و الجو إلي بينهم.. عبيد عند المستواليت قاعده و يعدل سفرته متعدل و متكشخ شسالفه لابس كندوره " الختم " بيج و سفرته حمره و مهره ظاربنها حفوز إلا تعرف وين يبا يسير..
مهره داخله الغرفه و فـدينها المدخـدن: يا الله تعال بدخنك..
عبيد وهو يعدل سفرته من جدامه: يا الله و سيري هاتيلي من العود إلي يبته ..
مهره تطالعه بسؤال: أي واحــــــد..
عبيد وهو جدي: بو كيسه حمرا إلي يبته ويا العطور..
مهره تحطي المدخن عـ المستواليت: إن شاء الله.. و سارت يابته له و قعدت على الأرض و حطت العود في المدخن و حطت المدخن تحت كندوره عبيد إلي بعده يعدل سفرته..
مهره ميوده كندوره عبيد و تطالعه: ويـن بتسير جيه متكشخ.. " جنها تنكفه "
عبيد يطالعها وهو يعدل السفره: مالــج شغل كملي شغلج و إنتي ساكته..
مهره حرجت منه بس وضحت إنها عادي: إن شاء الله.. و قعدت ادخنه عبيد قعد يطالعها بانتصار و يبتسم على شكلها الرقيــــــــــــــق و النعومي وهي معصبه و و صله الدخون إلين ظهر من رقبته..
عبيد يبعد: بس بس.. و شالت مهره المدخ و وقفت على ريلها..
عبيد: هاتي المدخن و سيري هاتيلي العــطر..
مهره: أي واحــــد..
عبيد يطالع المستواليت: هذا إلي على التواليت بسرعة.. سارت مهره ويابت له العطر و وقف هو يدخن سفرته و عقبها عطاها المدخن وشال العطر عنها و مزر عمره بالعـطر و مهره بتمون وقلبها يدق تبا تعرف وين هذا بسير جيه كشخته بتموت مرتبشه و متوتره تبا تعيد السؤال بس تخاف يفتن عليها مره ثانيه.. و عبيد ما همه و هو يعرف شو تبا و باين عليها التوتر و هو يبا يموت عليها من الضحك..
عبيد: هاج " و يعطيها العطـر إلي ريحته تصك الراس " و هاتيلي نعالتيه اليديده..
مهره صج حرجت منه وايد يطلب و كاشخ و ريحه العطر توصل للشعبيه الثانيه و لا بعد نعال يديده..
مهر سارت بعصبيه و يابت له النعال السوده: هـــــــــــــاك .. و شالت المدخن و سارت الصالة عسب ادخنها.. عبيد ظهر لسانه و يبتسم من عصبيتها و عقبها ظهر لا باي و لا مع السلامه و هي تمت واقفه تطالعه..

مهره منقهره منه: جلـــــــــب الخايس الخام ما عليــه لـــك.. وظهرت وسارت غرفه شمه و دخلت عليها و شافتها منسدحه على الشبريه و مشغله التلفزيون تطالع سبيس تون و ترمس بالتلفون ..
شمه: ههههههههههههههاي.. تخسي والله هب أنا هذي مهو الخايسه عنلاتها.. شووووووووه و إنتي زين زين .. تعالي بتخبرج ما عرفتي عواش في المستشفى .. هيه البارحه ندوه خبرتني .. و الله.. مادري بس ندوه تقول دوده زايـــده.. هههههههها هيه والله عنلاتها تحب تاكـــله.. هيه ...ويــن؟؟.. و رشج بالماي متى متى ؟؟.. في المزرعة؟؟!!!!!.. وين كنت عنج.. و دخلت هنيه مهره و سارت على طول صوبها و قعدت على الشبريه حذال شمه إلي منسدحه وشالت الرمود و تفرفر القنوات..
شمه تطالعها: لحظه لحظه " و تطالع مهره " الســلام عليــكم و لا بعد ريحتها دخووون عجيييييييييب..
مهره تطالعها بدون نفس: و عليـــكم السلام و رحمه الله وبركاته..
شمه تعتدل في يلستها: اشفيــــــــج زامه بخشمج..
مهره تتنهد: آآآآآآآآآآآآآه ما فيني شي..
شمه: أيووووه تنهيده صبري عيــل " و ترمس عوشه " هااااااااااااااه شووووه؟؟.. هيه هذه مهروه " تطالع مهره " تسلم عليج عوشه ..
مهره: الله يسلمها فديييت رووووحها شحالها..
شمه تكلم عوشه: أونه شحالــج .. " و تطالع مهره " بخير أونه .. زين عوشه هيه مسكيييينه عنج مهره .. بويه نحن بنات الكليه و هذه في الجامعه نحن مالنا خص فيــها ..
عوشه: مسكينه مهره والله شحال ريلها ..
شمه: و الله إنه ما يشكي باس..
عوشه: لحظه شموه لحظه " و تكلم مايد " هاه شو تبا ..
مايد إلي هو الثاني كاشخ و يعدل عقاله و لابس كندوره بيج و سفره حمرا شرات عبيد " الظاهر مطقمين ": منوه تكلمين إنتي تعالي دخنيني..
عوشه: سير حق العنود..
مايد: موجوده شوه؟..
عوشه: هيه سير..
مايد: سكري بسرعه و يالله تعالي بسرعااااه و أبويه و خليفة و محمد بعد في الصالة موصي عليج..
عوشه: إنزيــن" و تكلم شمه " أقول شميم بخليج احينه بسير أدخهم حمود احينه بيقعد لي عنبو بيخطب و جيه الله يعين حرمته.. حياج..
شمه: و الله إلي عندكم عدنا.. سيري سيري.. أقــول سلمي عليــهم..
عوشه: الله يسلمج .. و سكرت عنها .. و مهره بعدها تطالع التلفزين وهي هاديه هب من اطباعها ..
شمه: شي فيــج إنتي اليوم..
مهره تطالعها: همممم؟؟.. لالا ما فيني شي..
شمه: اشفيــج؟؟ و الله تقوليــن ليه..
مهره: شمه عبيد وين ساير؟؟..
شمه: هههههههههههاي أول مره أعرف حرمه تسال وين ريلها ساير .. بويه إنتي حرمته احيد هب أنا..
مهره بضيج: مهروه الله يخليـــج تعرفين وين ساير خبريني..
شمه:أنا إلي أعرفه إنه بسير ويا بويه وخالد و سلطان عــرس..
مهره مستغربه: عــرس عرس منووه؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!! !!!!!!!!!!!..
شمه: هدي هدي.. واحــد من أهـل بويه و هم سايـرين عاد..
مهره ارتاحت و بان على وييها: هيييييييييه جيه السالفه..
شمه: ليش تسالين؟؟؟؟؟؟؟؟؟؟!..
مهره: ما شي بس شفت عبيد متعدل آخر عدال .. و تبين الصراااحه وااااااايد خفــــت لأنه ذاج اليوم ذياب خويه كان متعدل يوم يبا يملج على هند حرمته الثانية..
شمه ابتسمت لها: لا عاد عبيد صحيح إنه بسرعة يعصب بس ما يسوي سوايا خوج ذياب " و مهره تطالعها " بس اتييج الرمسه إنتي ما تعرفين عبيد خويه..
مهره برد سريع: ما على كيفج..
شمه: و الله تعرفين إنه عبيد خويه يوم يكشخ يكشخ من الخاطر تقدرين تقوليـــن خقاااااااااااااااق هو بروووحه بموووت من الخقه كــل شي يديد ما يحب يلبس شي جديم خصوصا يوم بسير عزيمه عرس من جذي و لازم ريحه العـــــــطر تفووووح و لا ما يسمى عبيد.. " خقاااااااااق ريييييلـــج "
مهره حست به جذيه من الفترة إلي عاشتها ويااااه: هيه حسيت جيه بس عاده لا تقولين عنه خقاق ما يهون عليه بعد عمري والله فدييييييييييت روحه.. " وردت ع الموضوع " صدق صدق بيروحون عـرس..
شمه وهي تقوم تبند المكيف: هذه هي عاااااااااد بتصدع برااااسنا هيه قلنا هيه سار العرس عنلات العدو..
مهره مرتااااااااااااااحه راحتها ما تنوصف تحس هذه الراااحه إلي هي كانت تباها من زمان..
مهره تضحك: زين خلينا نروووح حجرتيه بشوف خليفة شو يبا متصلبي..
شمه تغني: اتصلبي تسلم عيووونك " و باجي الأغنية قعدت تلحنها لأنها هب حافظتنها ".. و سارن غرفتها و رمست خليفة خوها إلي كان يباها تقوله عن وكيل تلفونها لأن راشد بيشتريله تلفون يديد وهو متشقق.. و عقب يوم رمسنه ظهرن و حدرن الصاله شافن خوله و أم خالد قاعدات و شكل خوله مستضيج من شي و تمت قاعده عند أمها وهي مويمه..
شمه: على قوله سلطان.. سلام الله على حسنك وزينك.. شحاااالج الواااالده عسااااج بخير و عافيه..
أم خالد تطالع خوله و عقبها اطالعتها: الحمد الله بخير و عافيه..
شمه: هم مساااع.. " و تقعد صوب ختها خوله " ظكي شويه عنبوه..
مهره: شحالج عموه..
أم خالد: هلا بمهره راعيه الحمره.. " مهره تضحك "
شمه: شو بعد هذه راعيه الحمره.. أسميج يا العيوز تخرفين..
أم خالد: أبوي الحمد الله أنا هب عيوز .. و بعدين حرمه خوج لابسه أحمــر " و تطالع مهره و تضحك "
شمه: عيل انتي شوه شباب؟؟ و الله الوالده مصدقه عمرها..
أم خالد: بس يا الله بس..
شمه تطالع خوله: أمايه عيل خولوه بلاها..
خوله اطالعتها: مافيني شي..
أم خالد تطالع خوله و عقب اطالعت شمه: بس سكتي عن ختج..
شمه: شي يعورها شو؟..
أم خالد: شموه زولي عن ويهي عنلات بوج..
شمه: حرام عليــج ادعين على بويه شو سوابج هو؟؟.
أم خالد: شمه خوزي عن ويهي تراني هب فايجتلج.. وشوي دخلت عليهم موزه وهي شايله شنطه ملابس عيالها و جدامها حمد و وراها حمدان ياكل آيس كريم من الباسكن روبزن..
موزه: السلام عليـكم ورحمه الله بركاته..
الكل : و عليكم السلام ورحمه الله و بركاته..
شمه: يات هي وعيالها..
موزه وهي تيلس بثقل: يا الله .. " و تطالع شمه " جـب..
شمه تطالع حمد: حمممممممممممممد حبيبي تعال خالووووووووووووووه فدييييتك .. وسارت له وهو واقف يضحك على حركه شمه و شالته و قعدت تحببه مسكين يضحك..
موزه تطالعها: خبـــــله..
أم خالد: خبله و مخبلتبي وياها..
موزه تطالع شمه وخلوه: شحالكن بنات مهروووه شحال عبيد..
مهره تبتسم لها: الحمد الله ما يشكي باس..
موزه: علامها خوله زامه بخشمها عيل..
أم خالد: ما فيها شي.. " خوله اطالعتها " شمه أميه سيري هاتي لختج قلاص ماي سيري فديتج..
شمه وهي تشل حمد: إن شاء الله .. حموود بتسير ويايه هاه بتسير ويايه " و هو يهز راسه بهي و هي تلعب بشعره إلي نازل على عينه ورفعت له قصته و سارت المطبخ تيب حق موزه ختها ماي "
موزه بهمس: بلاها خوله..
خوله: ما فيني شي لازم تعرفين يعني.. و الله..
أم خالد: بس عيب هذه ختج العوده.. " خوله اطالعت التلفزيون " ما فيها شي ياينها خطيب و ما تباه ..
موزه تبتسم: بااااااااااااااس هذه كل السالفه ما يباله تمدين بوزج جيه .. وقامت لها و قعدت حذالها..
موزه: خوله ليش ما تبينه..
خوله تطالع مهره و تبتسم: ما دري مادري..
موزه: سامعه عنه شي؟..
خولهه: الله يستر عليه..
موزه: شفتيه؟..
خوله: ما أعرف أسمه بعـد..
موزه تطالع أمها: أمايه هم من قوم منوووه؟؟..
أم خالد: ولد بنت خالتيه..
موزه: قوم روّيه هيييييييييييه " و تطالع خوله " شو تبين بعد روّيه خته..
خوله ابتسمت لموزه ما تقدر تعصب عليها: زين أعرف بس أنا ما باه..
أم خالد: خل عنج فكري فكري هب بس من قالولكم قلتو ما نباه.. و الله إن شفتيه لا اطحين من طولج بجماله يعني أفدا أرض وطاها ريال ما يعيبه شي و بحطيج فعينه..
موزه: زين إنتي ليش ترفضين استخيري ربـج و عقب شوفي شو ربج يريد عقب والله بتندمين ..
خوله: إنزيــــــــــن " وهي مضايجه " وشوي ياتهم شمه قطعت عليهم الرمسه..
شمه تناول موزه الماي: هااااااج .. يا الله حمود قوم انسير نلعب " و تطالع حمدان " مالت على هذاك و إلي يقول ما عندهم تلفزيون منسدح جدام التلفزيون.. و حمدان رافع ريله ويطالع التلفزيون هب مهتم و قوطي الآيس كريم حذاله.. سارت شمه حذال الدري و قعدت تلعب ويا حمد و سارت صوبها مهره..
مهره تقعد حذال شمه و بهمس: تعرفين مهروه بخبرج بسالفه بس عاده لا تقولين إلين تستوي صجيه..
شمه تلاعب حمد و بصوت خفيف: شو قولـــي..
مهره: أول شي قولي إنج ما بتقولي لحد .. عقب بقولي عني فتانه..
شمه: من زمان إنتي فتانة قولي قولي ما بخبر حد والله..
مهره: مالت.. زين تعالي خولوه انخطبت..
شمه تطالعها و جنها هب مصدقه: قووولي والله..
مهره: و الله و هي ما تبا تعرس..
شمه بهمس: ليييييييييش؟؟!!..
مهره: مادري والله شكلها ما تباه..
شمه: ما قالو اسمه..
مهره: لا ما قالو بس خو أونه اروّيه مادري جيه قالو..
شمه تطالع خوله: خو روّيه الله و الله هذه الانسانه فنانه و حظها وهناها والله خولوه بتسير بيتهم..
مهره: تعرفين الريال..
شمه: لاء و لا شفت شيفته بعد.. مالت عليها خولوه ياينها معرس و تقول لاء..
………..
مسكـيـــنه مهره جيــه بتم حالها و يا عبيد و إلا بتصير تطورات..؟؟
و هــند ما زالـــت تحب ولـــد عمها أحمد إلي هو ربيع عبيد..؟؟
و سلطــــان شو بسوي بحياته؟؟ بحــب عوووشه؟؟
و موزه و ذياب الأمور هاديه معقوله يصير شي في الأجزاء اليايه؟؟..

الجـــزء [16]
...........................................
في مكان ثاني في دبي و الشباب في العـرس و مرتبشين و توهم ظاهرين من الخيمة متعشين و سارو صوب الكراسي و الساحه إلي ايولون فيها الشباب عسب يشوفون الـيوله الشواب جدام و الشباب ورا يطالعون ويرمسون و النعاشات جدام الشواب ينعشون..
سهيل ولد عمة سلطان و عبيد: عبيد طالع طالع الشيبه مستانس..
سلطان يطالعه: منو من الشيوبه؟..
سهيل يطالع: بوك في غيره..
عبيد يطالع: احترم نفسك زين.. و بوك عيـــل؟؟
سهيل: و الله طالع مستانسين النعاشات جدامهم ينعشون.. هيييييييييييه عجيييييييييييب عاش بو خالد.. و اطالعهم خالد أونه يقول لهم اسكتو..
سهيل: إنزيييييييييييين بلاه هذا.. أقول عبيد تعال بتخبرك انت البارحه يو اتصل فيك " و سلطان يطالعه و يبتسم و الباجين يطالعونه و يضحكون سهيل اطالعهم " لحظه لحظه بتخبركم إنتو بلاكم تضحكون..
حميد إلي حذال مايد: ما شاء الله احينه هذا عبيد و إلي حذالي منو يكون..
سهيل يوايج على عبيد: سلطان بعد منوووه و الله ما يباله ذكاء أخ حميد..
سلطان: أحترم نفسك دام النفس عليك طيبه..
سهيل: هاه عبيد بلاك محرج..
عبيد يالي يطالعهم و يوايج على سهيييييل: هاااااااااااااه شو تبا يا خي عايبنك اسمي أفا عليك خذه..
سهيل يطالع سلطان: لا يكون سويتوها فيني " و يشل فروخته و يحطيها على جتفه " يا الملعن و أنا اشوف هذا ضروسه ظاربه عرض على ثمه .. " يأشر على مايد "
مايد: شوف أنا ماليه شغل فيييييك..
سهيل: ملاعييييييييين الصييييييييييير .. بس والله ذاك اليوم ما بنساه ليت عندي توأم يفهمني آآآآآآآآه تحيد يوم تمتحن بدال عبيد سلطان..
سلطان: هيه والله و مسكين حاله الأستاذ ما يعرف..
سلطان: يدروبنا غشاشيين و من حظه إن الامتحان شرات امتحانا..
عبيد ماله نفس و يتذكر مهره وهو يطالع اليوله الشبــاب مستانسين بيولتهم و بحركاتهم الحلوه..
مايد بهمس: بلاك بن عمي..
عبيد برد سريع: ما بلايه شي..
مايد: ليش ساكت حد يشوف سهيل و يسكت..
سهيل سمعهم: هيه والله حد يشوف نجـــم سهيـــل و يسكت..
حميد: مصدق عمره..
خالد إلي كان قاعد قدامهم هو و خليفة ولد عمه: ما بس من الرطين بسكم عنبوكم حلوجكم ما تعوركم..
سهيل: بو الشباب بو ساره حالف عليك عيل تيول..
خالد: انت يابو طبر ما بتسكت..
سهيل يصفق: بوطبر يابو طبر.. عااااااااااااشوووو.. قوم قوم يا الله خلووود..
خالد: ماروم بطني ممزور..
خليفة يعدل غترته من تحت و يطالع خالد: قول الشيب هدك..
خالد: و أنا راعي السمحه .. جيه أي شيب بويه عدنيه شباب..
سهيل: خلاص دامك شباب قوم انيول و خل شبتك و شيبتيه ينفعنهن النعاشات.. و قام سهيل و لحقه حميد وسلطان بس خالد ما سار وياهم قعد هو و خليفة يرمسون.
سهيل وهو يتخطى الشواب: ما عليه إن ما خبرت عليكم العياييز ما كون سهيل..

و الشواب من سمعو تعليقه ضحكو عليه لأنهم فهمو شو قصده.. و سار سهيل شال سلاحه و قعد أيول به أما سلطان و حميد قعدو أيولون بالخيزران شو حركات عليــهم هم و الشباب رووووعه حتى عبيد فجج راسه بمطالعتهم و بحركاتهم و عبيد ابتسم وهو يطالعهم ممكن نسى شوي عن سالفته هو و مهره.. و عقب العــرس كل واحد سرح مشواره عبيد سرح ويا سهيل و مايد سرح ويا سلطان و الشواب سرحو يشوفون شغلهم و خالد و خليفة سارو يتحوطون في الـــرقعة.. سلطان و مايد ردو البيت لأنه كان بيعزم مايد بس بيزاته ما عنده و رد حدر البيت و سار على طول عند الخدامه..

سلطان: سووونتا سوووونتا..
البشكاره وهي تربع: نأم سلتان..
سلطان: أنا عطيتج ادريس ما شفتي فيه بوك..
البشكاره ما عرفت: شو باباه؟؟..
سلطان: الدريس وينه؟؟ سارت الخدامه ويابت له الدريس وكان مغسول.. سلطان اطالعه و شاله من أيدها و حطى أيده في مخابي الدريس شاف البوك فيه..
سلطان حرج: عنلاااااااتج زاااد..
البشكاره: أنا ما يعرف سلتان..
سلطان محرج: جب جب عيل عاطنج ادريس و ليش ما تفتشين فيه " و يطالع البطاقات و البيزات والبوك إلي راح " عنلااااتج من عووووفه.. جان زين لو توسنامي ما خذج و لا خذ ريــلج.. و عق الدريس على الأرض و روح الصالة هو معصب..
مايد ياي صوبه: هاه بلااااك محرج..
سلطان في نص الحوي بين باب الصالة و الميالس: الخداااامه عنلاتها غاسله الدريس و وياه البوووك..
مايد يضحك: خخخخخخخ بس الصراااحه غبيه..
سلطان: جب إنت الثاني ما هي عزيمه..
مايد: ليييييش إلا هو كابتشينو و دونات بتذلنا يعني.. سير سير عطى لحد من الرضيعات و خلنه ينشفنه بالاستشوااار..
سلطان يطالع بتحسف: لا حوووووووووول تعال تعال اقرب " وهو شايل البيزات فأيده " و دخل هو و مايد الميالس شافتهم حصة و وياها سارة و سارو صوبهم و حدرت عندهم الميـالس..
حصة: هلا بمايد شحالك..
مايد: الحمد الله ختيه " يطالعو سارة " ساروووووونه حبيبي تعالي خالييييييييه ميود هنيه .. و سارت له سارة قعدها على ريلها و قعد يرمس وياها و استأذن منهم سلطان و تويه لباب الصالة و حدر الصالة..
سلطان وهو يسكر باب الصالة وهو محرج: السلام عليييييييييكم..
الكل: و علييكم السلام..
مهره تطالعه " أمييه بلاه معصب بعد ": ها عبيد ييييت؟؟؟؟!.. سلطان اطالعها باستغراب و شمه ضحكت..
شمه: هلا بعبيييد حبيبي تعال.. " و سلطان يطالع شمه "
أم خالد فهمت شمه: خل عنج إنتي تعال سلطان تعال " مهره استحت ونزلت راسها "
سلطان: شموووه عندج استشوااار

شمه: هيه عنيد..
أم خالد: اشعنه..
موزه ادش عرض: شحااااالك سلطان..
سلطان مضايج: بخيير بخييييير شحالج موزه..
أم خالد: ويديه شو تبابه انت احينه.. " إلا تعرف "
سلطان يراوي أمه: طاعي خدامتكم شو سوت بالبوك ما تفتهم هذه الغبيه.."و سفرته طاحت و رفعها بعصبيه"
أم خالد: شو سوت ؟؟ ..
سلطان: غاسله البوك و يا الدريس..
أم خالد: واااابي .. سووونتا سوووونتا..
موزه: أميه شو تبين فيها خليها خليها ما صار شي..
أم خالد: جيف ما صار شي و هي غاسله بوك خوج ..
سلطان: قومي شموه قووومي بسرعة..
شمه وهي تقوووم: إنزيـــــــــن .. و سارت فوق و حدرت غرفتها هو وياه و قعدت تنشف له المحفظه و البيزات لأن بطاقات الإتمان و الليسن حراريه ما استوابهن شي..
شمه وهي تنشف البوك: هب أوكيه عندك بوك ثاني..
سلطان: هيه ليييش ما زين..
شمه: أخـــترب هات الثاني..
سلطان وهو يرضف غترته: أوكيه إنتي احينه نشفي البيزات و هاتيها ليه تحت في الميالس تأخرت على مايد..
شمه من عرفت إنه مايد موجود ابتسمت: إنزين .. وروح عنها غرفته و ياب له بوك يديد و و نزل الميلس و شاف أمه و خوله و موزه عنده لأن حصة نادتهم هو يبا يسلم عليهم..
مهره وهي تدخل غرفه شمه: شو تسوين؟؟.
شمه: ماشي أنشف بيزات سلطان..
مهره تضربها على جتفها: و إنتي يا سويدت الويه قاعدة تتمصخرين عليه..
شمه: متى ؟؟ " و تضحك "
مهره: متى هاه يوم دخل سلطان و الله قفااااااااااااااطت صغير غدا ويهي جدامه..
شمه: مالت عيلج حد ما يعرف ريله بعد إنتي حركات..
مهره: اشدراني يوم عبيد ظهر كان لابس شرااااته في الكندوره في كل شي .. وهم عاده ما ينعرفون..
شمه: بلا ينعرفون..
مهره: جيف قوليلي؟؟..
شمه: شوفي حوايب عبيد مقرنه بس هب واضحه شرات سلطان ..
مهره: بعد جيه ما يفرق من بينهم..
شمه: إنزين هذا من الويه عاده إنتي دقيقي زين و بتعرفين.. و الفرق الثاني من بينهم الشــعر.. شعر عبيد ناعم بس مجعد شوي و أسسسسود و أي كيرلي شوي و غليض.. أما سلطان شعره حرير لولا الجل جان شفتي شعره على عينه ما ينرفع و إن رفعه ينزل على طول و هب ياي اسود و لا غليض.. و جم مره أمي تهزبه..
مهره : ليييش؟؟.
شمه: لنه كان دوم شعره على عينه تقولين بنيه هب ريال..
مهره: بس تعرفين شعر عبيد أحــلا..
شمه وهي تقوم من مكانها: هيه و يقدر يسوي فيه أي شي .. يا الله قومي خلنا نحدر لسلطان..
مهره: هيه و مايد .. " اطالعتها شمه و دزتها ليش قالت لها هذه الرمس و مشن و حدر الميالس و سلمن البنات و عطن سلطان بيزاته و حطهن في البوك اليديد و مايد يطالع شمه و شمه هب مسويتله أي سالفه و خوله تطالع مهره و تسوي لها حركات بعينها " أونه شوفي مايد و شمه " مهره نزلت عينها وهي تبتسم و عقب طاحت عينها على سلطان و شافت الشبه الكبير بينه وبين عبيد و شافت شعره إلي ظاهر تحت القحفيه صوب الحايب و عرفت إنه كلام شمه صح بس بظل بينه وبين عبيد شبه كبييييييييير كبيييييييييير " ..
..........................................
في البستان عبيد يفتر هو سهيل و يضحكون ..
عبيد: بس يا ريال بس هلكتني من الضحك..
سهيل: هيه هاجذيه إنته أوكيــه .. هب مساع مشتب..
عبيد: خلك زين منيه خلك.. قوم قوم سرينا الكوفي.. و سارو الكوفي و طلبولهم..
سهيل: عبيد انت من اضاربت و يا ذياب و انت حالك هب طبيعي..
عبيد يطالع الكلينكس إلي جدامه و يلعب به بصبوعه: لا تيب طاري ذياب يا سهيل و الله اضايج..
سهيل: إلين متى يعني الواحد ما يعرف متى يومه و عبيد أرجوك تصالح وياه الدنيا وصخه..
عبيد يتنهد: آآآآآآآآآآآآآآآآآآآه سكر سكر الموضوع..
سهيل: بنسكره بس تعال سلطان و عبيد مايو ؟؟ و لا ناصر عنلات العدو " و جان يفتر " فدييييت الغلاشيب إلي مارين.. أبوي ما ريتو غرشوبتيه من بينكم .. " و البنات كانو مارين من صوبه يضاحكن " عمري عن ضحكتج..
عبيد يطاع الريال إلي يايب حقهم طلبيتهم: مشكور خويه " و يفتر صوب سهيل " شو تبابهن انت..
سهيل يأشر بأيده: صبر انت لا حقين عليك " و عبيد يضحك " تعالن قربن القهوه..
و حده من البنات كانت فناااانه حلووو موت و هب محطيه شي على ويهها بس شكلها جذاااب و ردت عليه و بدلع: قهوتك مشروبااااااااااااااه..
سهيل: واااابووييييييييييه عني ما خلا من هالنصخ أنا..
عبيد يفتح عينه: أييييييييييه بتفضحنا..
سهيل: عادي عادي..
عبيد: كما تدين تدان..
سهيل سمع هذه الرمسه اعتدل فيلسته: أنزين كمل " و لا جنه مسوي شي بس كان يبا يغير مود عبيد "
عبيد و رجع ظهره على وراه و قعد يطالع البنت الصغيره إلي كانت ورا سهيل و ترابع جنه يعرفها ..
عبيد يبتسم تذكرها: شواااخي شواااخي..
سهيل متفاجئ: أييييييييييه أي شواخي ريال معرس انت و تقول كما تدين تدان بعد واقع إنك تخبلت..
عبيد ضحك: صبر انت صبر ههههههههههههه " ما رام يكمل " شوااخ تعالي.. وشوي أي ريال و يشيلها ويطالع صوب سهيل و عبيد و أي صوبهم..
عمر: السلام عليكم.. قامو الشباب يوايهون عمـر..
عبيد: هلا عمر شحالك عساك طيب..
عمر و هو شال شيخه: طيب طاب حالك..
عبيد يطالع شيخه: شواخي تعالي انا صديقج أفااااااااااااااااا نسيتيني..
سهيل: هذه هي شواخي عبالي و حده عوده و جنت بتفضحنا.. " عمر و عبيد يضحكون " و من ورا عمر ..
منصور: السلااااااااااااااااااااااام هلا والله عبيييييييد له له مستحيييييييييل مرحب مرحب..
عبيد ابتسم: هلا منصوووور شحالك ربك بخير وينك لا حس و لا خبر..
منصور و يدقه خشم و يا عبيد و سهيل: أنا و لا انت..
عبيد يطالع شيخه إلي كانت لابسه بنطلون أحمر هادي كامل و نفس الشي البدي: شواااخ تعالي نستني البنت ..
عمر: ما شاء الله بعد من وين هذه عرفتها..
عبيد: هاااااااااااااااااااه أكييييييييييييييييد انت عمور إلي تطريك ما شي غيرك..
عمر يطالع شيخه: صح حبيبتي.. " شيخه هاديه هزت راسها و هي تلعب بشعرها و عقب أونها رفعت أيدها على أذن عمر و تخبره سر " عمر ضحك عليييييييها..

عبيد يطالعه: شو قالت لك..
عمر: أونه كنتو حذال بيتهم..
و من وراهم: سلاااااااااااااااام عليكم ويييييييييييييييين هذيك السواليف روحت من وقت سالف..
عبيد يطالع ورا عمر: هلا والله.. " و يدقه خشم و يطالع سهيل ويدقه خشم"..
أحمد: المهلي ما يغيــب يقولك.. " سهيل يطالعهم "
منصور: و علوووومك الشيخ..
سهيل: بس من هذه الرمسه البايخه قربو ويانا.. و قعدو الشباب..
عبيد متشقق: علوم الخيييير.. " و يطالع شيخه " ما بتين تعالي صديقج أنا..
شيخه: الحراميه ويـــن؟؟؟؟..
عبيد ضحك: محد في البيت..
سهيل يطالع عبيد: علووووووووومك..من وين عندك حراميه..
أحمد: هيه هيه ساله حراميه نحن نسمع..
عبيد شو بقول لهم ابتسم حقهم و سكـــت منصووور فهمه و طوف السالفة..
أحمد: تعرفك أشوفها الشيطانه الشيطانه ما عدنا بنات يهومن ويا الشباب في المولات إلا هذه..
عبيد: شو تبابها انت خلها حبيبتي..
أحمد: تباها خذها حرمه ثانيه أفا عليـــــك..
عبيد: جان إلا تباني أمره فالها طيب بنت.......
أحمد: بنت خووووويه بنت خوووويه..
عبيد يطالعه: بنت خووووووووووووك والله ما دريت عيل جيف ما خبرتني يوم كنا في بريطانيا.. " و يطالع شيخه " طلعتي هيريه هاه..
أحمد: انت تعرفها شوووو؟؟..
عبيد: يسكنون حذال شقتنا..
أحمد يطالع منصور: يا الخام جتلتني يوع و الريال عند العـــــرب..
سهيل: يعني إنتو احينه شو تيون بعض..
عمــر: عيــال عمومه..
منصور إلي قاعد حذال عبيد مشتاق حقه شوق و مشتاق حق مهره مستانس لأنه شافه: و علوومك بعد..
عبيد: تمام عيل شو تسوون هنيه.. عيال الفووووعه.. " و يطالع عمر " هلكونا إلا الفوعه و إلا الهير..
منصور: تروم لهم انت و بعدين و الله العين يسرى و نحن ورااااه..
عبيد: هاه تعال اليوم مباراتهم شو النتيــــجه..
سهيل: خسرانيين بعد شوووه..
منصور: لا بويه فزنا ما تشوفني متشقق وياي أعزمهم..
سهيل: أحم و نحن بعد أحم " و يطالع السقف أونه ما رمس "
منصور ضحك: أمره ما طلبت الشيخ فالك طيب .. " و قام و طلب حقهم و يا وقعد مكانه " و الله البلاد صغيره.. و عقبها يا سلطان و ناصر و مايد و قعدو و يا الشباب رمسه وسوالف..
.............................................
الخميس الساعة 10 الصبح عبيد قاعد في الصالة يقرا الجريد و الفوطه على راسه و بعد ما سبح و لا بس وزارو وفانيله و يجلب بالجريــدة.. و هني نزل سلطان و كان بيظهر من شاف عبيد تذكر مهره..
سلطان إلي كان لابس كندوره بيضه و مرجع شعره بجل خفيف: السـلام عليـكم..
عبيد يطالعه وعقب رد يقرا: و عليــكم السلام " ماله نفس قاعد من الرقاد و ما يحب يكلم حد "
سلطان يقعد حذاله: هاه شحالك..
عبيد و صوته رقاد: الحمد الله بخييييييييييير..
سلطان يعيب عليه: الحمد الله بخييييييير .. سير اسبح سير..
عبيد: مالك شغــل.. عيل وين ظاهر..
سلطان: شويه بعد بنمر الستي بنتريق في ستار بوكس تخاوينا..
عبيد يتنهد ويفر الصفحه: ماليه خـــــلق..
سلطان: على طاري الخلق انت فتح لمهره السالفة..
عبيد يطالعه يتذكر: سالفه شوووو؟؟
سلطان: السالفه إلي عسب ما ذخنها..
عبيد يتذكر: هيييييه لا بعدي بس قريب إن شاء الله..
سلطان حرج: ليش انت مصر يعني..
عبيد يرج ظهره على ورا: هيه مــصر و بخلي ذياب يذوق الويل..
سلطان: عبيد على ما اعتقد السالفه بردت و ماله داعي هذه الافكار السخيفه..
عبيد: بنسبالك بردت لاكن انا لا.. مستحيييييييل إلين ما ارد له الصاع صاعيــن..
سلطان: بس البنت مسكينه حرام عليك و بعدين هذه حرمتك يعني عيب تسوي فيها جيه فكر فيها فكر في الأيام الحلوه من بينكم..
عبيد: خلها تول عنك..
سلطا قام: عبييييد ترا إلي بتسويه غلط و انت عارف و خل عنك سوالف اليهال..
عبيد: لا ما سوالف اليهال.. عيل هو ما استحى يوم سوا بختيه جيه.. ما عيب عليه ما حرام على الأقل لا يفكر بختيه يفكر بعياله ذياب هذه ظــالم.. و كما تدين تدان و برده له هذه كله فخته..
سلطان اطالعه ونزل راسه ما عرف شو يقول ما رام يرفع راسه من إلي شافه ما هنت عليه كان وده يقوم و يعلن خوه بوكس و لا يقول هذه الرمسه عسب مهره إلي واقفه ورا عبيد ما تسمع..

عبيد: اشفيـك .. شفت شفت جيف إنه كلامي صحيح..
مهره وهي منفجعه: الله يسامحك يا عبيد..
عبيد التفت بسرعة لها و حرج منها جيف إنها واقفه تتسمعهم: و لــــــج عين بعد توقفين هنيه..
مهره هب مصدقه: صدق إلي سمعته يا عبيد صدق..
عبيد ما عرف شو يقول تقول سمعته يعني سمعتنا: جـــــــــــــــــب سيري فووووق بسرعاااااااااااااه..
مهره تطالع سلطان: سلطان صدق إلي سمعته قووولي الله يخليــــــــــك..
عبيد سار لها و شدها من جتفها: أنا قلــــــــــــــــت لج سيري فووووووووووووق بسرعااااااااااااااااااااه..
مهره تطالع سلطان و سلطان يطالعها وعقب نزل راسه مارام يطالعها هي تنهان.. مهره من بعد ما شدها عبيد اطالعته بغضب و عينها مليانه دموع وربعت على الدري و حدرت الجناح وهي بتموت من الصياح.. " أنا تسوي فيني جيه يا عبيد ليش شو سويت لك عسب تجازيني بغلطه ما غلطتها ليييييييييييش ؟؟" و قعدت عند باب الجناح تصيح مثل الفقيــره و ينكسر عليها الخاطر..
سلطان وهو محرج: بس عيـــــــــــــبك إلي سوييييته في البنيه انت هدمت حياتها يا عبيد هدمت حياة و حده مالها ذنب بالي يستوي..
عبيد بحقد: آآآآآآآآآآآآآآآآآآآآه متى أي اليوم إلي أجابل فيه ذياب عسب ابرد فوادي..
سلطان: ما بتاخذ شي .. و انت هذه كـــــــــــــله محااااسب عليه.. يمكن في الدنيا ما بتاخذه عند ربك يا عبيد.. و ظهر عنه و ماسك أعصابه و يخاف يسوي شي ركب سيارته و قعد فيها..
عبيد اطالع الدري وركبه وحدر جناحه .. في الصالة كانت مب موجوده و صل عند باب الغرفة..
مهره من بعد ما هدت عمرها لبست شيلتها و عباتها و اتصلت براشد خوها: ألووووووووه..
راشد: هلا مرحبااااااااا الساع..
مهره و الخشم أحمـر: مرحبتيــن.. انت ويـــــــــن؟؟..
راشد: أنا في الدوام عندي زام اليوم ليـش؟؟.
مهره: ما شي بغيتك تيني أبا اروح..
راشد: إنتي وين عثرج؟..
مهره: رشود لا تستهبل أنا أبا اروح بيتنا..
راشد: ما روم قلت لج عندي زام قولي حق خليفة و عبيد وينه..
مهره: خلاص خلاص بقول حق سلطان..
راشد: بـــــــــــلاج..
مهره: ما فيني شي يا الله باي..

و صكرت عنه و دخل عليها عبيد بهيبته و جنه شيطان هب انسان..
عبيد مبتسم بانتصار: بتروحيـــن عيل.. مهره ما اطالعته و الدموع تيمعت في عينها نزلت راسها..
عبيد ينسدح حذالها على الشبريه: قعدي زين وين بتروحين بدون شور ريلج ترا الملايكه تلعن عليه..
" مهره اطالعته بعصبيه " أكيد احينه ودج تقومين تلعنيني كــف على ويهي صح " مهره قامت من مكانها و عبيد مسك أيدها وهي بعصبيه وخوف منه بعدت أيدها بسرعة وهو استغرب ردت فعلها له "
عبيد محرج: زين تبين تروحين توكلي ذيج الدرب .. بس يكون بعلمج مالج رده هنيه ورقة طلاقج بتوصلج .. و على فكره لازم تخبرين ذياب عسب أي بيتنا و اشوف شكله و اضحك عليه فاهمه يا حلوه .. مرخوووصه.. ولف بويهه عند الدريشه و هي ظهرت تمشي بخطوات سريعه ونزلت الصالة شافت سلطان قاعد فيها..
مهره تصيح: سلطان الله يخليك أبا أروح ما أبا اقعد هنيه..
سلطان يطالعها: شو سوااااااااااااااابج..
مهره بتموت من الصياح وهزت راسها بلا: الله يخليك بروووح بيتنا الله يخلييييك..
سلطان يهديها: إن شاء الله إن شاء الله .. هاج خذي سويج السيارة و أنا احينه بييج زين.. و على طول حدر لعبيد الجناح وبطل باب الغرفه بالقوووو..
سلطان: يا حيوااااااااااااااااااان يا جبااااااااااااااااااااااان.. " عبيد اطالعه بعصبيه " انت ريال انت في ريال يسوي بحرمه جيه ..
عبيد بهدوء هب طبيعي: سلطان الله يخلييييك ماليه خلق..
سلطان: ما لييييك خلق .. لك خلق تعفس بنت الناس صح تعبتر هذه منك رجوووله " وهز راسه بأسف "
عبيد يتنهد: الله يخليييييييييييك سلطان اظهر الله يخليييييييك..
سلطان: آخرتها بتندم على إلي تسويه في بنت الناس يا عبيد.. و ظهر عنه و شمه سمعت صوت سلطان و سارت له..
شمه: اشفيكم اشفيكم..
سلطان منقهر: انجبي إنتي .. وروح عنها و اطالعت هي باب جناح عبيد امبطل حست به يخرع وعلى طول سارت غرفتها " ما ليه شغل " ..
في سيارة سلطان سلطان قاعد يهدي مهره إلي قاعدة عينها تدمع بهدو ..
سلطان يطالع الشارع: بس يا مهره الله يخليج..
مهره: أنا ما سويت بخوك شي والله ما سويت له شي ليش هو جيه؟؟ أنا ماليه ذنب بالي سواه ذياب..
سلطان وهو حاس بالذنب: مهره الذنب هب عليج إنتي و لا على عبيد الذنب ذنبي انا ..
مهره تطالعه: ليييييش انت ما سويت شي اصلن عبيد ما يحبني ما يعاملني أوكيه..
سلطان: مهره عبيد مخطط من أول شي و أنا كنت أعـرف كل السالفه بس ما وقفته عند حده و وشوفي لين وين وصلنا بتفترقون..
مهره زاد صياحها: ما أبا يا سلطان ما أبا اطلق شو بقولون هليه شو بتقول عني الناس و من بعد شو من بعد ما تعلقت فيه وصار هووو كل شي في حياتي..
سلطان: موزه أيييييييييه مهره عبيد مستحييييييييييل يطلقج و اطمني من هذه الناحيه أعرفه زين..
مهره: بس عبيد كان.............
سلطان يقاطعها: لا تخافيـــن " وهو واثق من إلي يقوله " طلاق ما بصير كلها جم من يوم و بيرجع كل شي على طبيعته بس شوي فيه تغيرات..
مهره انتبهت لرمسته الغريبه و الموثوق منها: جييييييييف " و تمسح دموع عينها الناعسه العذبه "
سلطان ابتسم: أيووووه جييه امسحيييهن و هذه أول خطوه للخطه

مهره استغربت منه و اطالعته بعينها و برموشه الطويله المليانه دموع: خبرني جيييف و الخطه ليش؟؟..
سلطان: شو في يا بنت الحلال عبيد بداها بخطه و هذه خطته بدت تنجح.. و إنتي بعد لازم تسمعين رمستيه عسب ما يسوي عبيد إلي فراااااسه..
مهره تنهدت و شبكت أيدها الناعمه إلي في وسطها خاتم في بعض: هزرك بينجح إلي براسك....
سلطان يعتدل في يلسته و يطالعها بخقه: حطي عقلك براسك و فيه تلقى خلاصك .. أفــــــــــا عليــــــــــج سلطان ويااااج سلطاااان " و يأشر براسه ع الباب " يا الله حدري بيت هلج " و بتحذير " بس هاه محد يلاحظ إنج زعلانه ولا شي بخليج هنيه ثلاث أيام و عقبها بي باخذج..
مهره: ما برد..
سلطان: لييييييييييش؟؟..
مهره: عزت نفسي فوق كل شي..
سلطان: عزت نفس بتبقالج صدقيني و محد بهينج دامني موجود فـ بيتنا.. و بعدين إنتي ما تبين عبيد؟..
مهره هزت راسها مثل الصغيرونيـــن: بلا..
سلطان يرد لها نفس الحركه: باااااااااس.. عبيد برد لــــــــــــــــج مثـل ما إنتي تبيييييييييينه.. مهره هزت راسها و نزلت عنها وحدرت بيتهم و سلطان ابتسم لها بعذوبه جنها خته الصغيــرة

" و الله يا عبيد إن ما خليتك تتفدا ثراها ما كون سلطان بن حمد و زر بسياااارته وروووح و قعد يتحوط من بين الشعبيات و لا إراديا مره صوب بيت شمسه و كانت زينه العرس على بيتهم وقف السيارة و قعد يطالعه وهو فاج عينه " منو بعـرس ؟ " و دق قلبه بالقووو " الله يا الدنيا هه و الله يوم تشوف مصايب غيرك تهون عليك مصبتك "

وروح عن بيتهم على طول سار بيت عمه وهو محرج و شاف خلود و سعود ولد ختها قاعدين يسبحون في الحوض الهوائي و يلعبون بالماي و سعود كل شوي يلعب بالفوز و يطلع برع الحوض و يحوط في الحوي بالفوز ياته عوشه وهي محرجه..

عوشه: انت أيـــه ما شي شغله إلا انت شو من فوز لفوز هاته بشوف هاته..
سعود الشيطان: ما ما ما بيبه ما مالج..
عوشه وهو تمطه من أيده: يبه بشوووف بسرعة..
سعود يربع وهو يضحك عنها بعيد و يلعب بالفوز..
عوشه سارت و بندت الماي عنه وربعت وراه عسب تاخذه منه..
خوله وهي تظهر من الحوض: أزخه لــج..
عوشه: هيه سيري بسرعة .. و ربعت وراه خلود و يابته لعوشه إلي كفخته تكفيخ وهو مسكين يصيح..
سلطان صج حرج: حوووووووووووووه عنبوه عنبو ياهل هذا هب حيوان..
عوشه اطالعت وراها: نعمممممممممممم شو تبا انت مالك شغل..
سلطان يسير صوبها يشيل عنها سعود: تعال هب جيه يتعاملون ويا اليهال بطيب ايون.. خلود من شافته ربعت عنه استحت المسكينه لابسخ ملا بس داخليه و تسبح..
سلطان وهو يساوي طول سعود: بس خلاص أنا احينه بظربها لك..
سعود وهو لابس شورت و شعره كله ماي و ويهه ماي يصيح: دلبتني يعور " مسكين يمسح بأيده على مكان الظرب و كانت ظرباتها معلمه على جسمه و حممممممممره" ..
سلطان يطالع عوشه: حرااام عليج ..
عوشه بتكبر: و الله هذا دلوع و شيطان يستااااهل " و تطالعه " تستاهــل..
سلطان وهو يشيل سعود و يسير صوب دري البيت: ما عليك منها زيـــــن خلاص لا تصيح خبر باباه.. " و سعود أيده فعينه و يهز رااااســــــــه " عوشه و في أيدها الفوز مضايجه من سلطان و معصبه و اطالعت الفوز إلي كان يصب ماي ابتسمت..
سلطان: سير سعودي حبيبي سير أزقر... " سلطان وهو مغمض عينه " أيييييييييييييييييييييييه اشسويييييتي يا الحماااااااااااااااره..
عوشه و أيدها على خصرها: عسب ما تسوي هذه الحركات تراها هب ليه..

سلطان ماااااااات على شكلها و هي جيه بوقايه البيت لونها وردي و عليها ورود بنفس اللون و لابسه بعد وردي بس أغمج من الشيله البيت .. ابتسم لها سلطان و هي استغربت و مد براسه و قعد يطالعها بنظر.. و هي وقفت امبهته حست شي يتحرك في بطنها من هذه الحركه و على طول شلت بعمرها و روحت وهي معصبه و تتحرطم على حركه سلطان.. و عقبها سلطان قام و فشله يظهر لولد عمه جيه و فظهر و روح بيتهم وهو مستغرب من نفسه جيف ياته هذه الحركه..

شمه كانت نازله من فوق و شافت سلطان خوها قاعد في الصاله و شكله يفكر..
شمه: سلام عليكم..
سلطان وهو مرجع ظهره على الغنفه و اطالعها: هلا و عليكم السلام..
شمه: ههههههها متسبح بثيابك شوووووه..
سلطان يطالع ملابسه: لالالالالا هذه .......و إلا ليش أقولج أصلن..
شمه: مالـــــــــــــت " و قعدت حذاله " ممكن سؤال؟..
سلطان: هيه بس بسرعة لأني هب فايج حق سوالف اليهال..
شمه اطالعته بنقمه: زين زين.. ليش كنت توك تصرخ على عبيد؟ و مهره وين؟..
سلطان " هذه شو بقول لها ": ماشي بس مهره تبا تسير بيت هلها و هو رافض يوديها و بعدين هو مضايج و كنا أصلن نتكلم بموضوع ما يدخله اليهال..
شمه و هي تقوم: مشكووووووووور أدري تقص عليه بس يا الله بطوفها لك.. و سز ظهرت عنه و قعدت تتمشى في حوي البيت و عقبها سرحت بيت خالد خوها و حدرت بيت و شافت سارة قاعده على الأرض و مشغله التلفزيون و تلعب بلعابها..
شمه: معلوم بوج مدلعنج يا البطرانه.. " و سارت صوبها " أيـــــــــــه أمج وينها..
سارة تطالع عمتها: تسبح..
شمه: هيه و ليش مشغله التلفزيون..
سارة: أشوف انا ما تشوفين..
شمه: وين تشوفين.. و إنتي قاعده تلعبين..
سارة قامت و قعدت على الغنفه : هاه بس بس شبعتي عنلاتج..
شمه: أيــــه يا السباله أنا عموه تفهمين ما تقولين ليه عنلاتج..
سارة: كييفنا بيتنا روحي بيتكم..
شمه تقعد حذالها: جب جب يا هله وحــده.. وشوي يدخـل خالد بهيبته لابس نظاره شفافه بني و راضف السفره إلي على جهة اليمين و مخلي إلي على جهة اليسار على صدره و لابس كندوره بني خامـــج و يلعب بفروخته شيوخي هذا الريـــــــــال ..
خالد: الســـلام عليكم ورحمه الله وبركاته.. مرحبا و يا حي من يانا و حظر أنورت به الدار من عقب الظلام.. " ويسير يقعد صوبها " فـ بيتنا اليوم عيــل شسالفه..
شمه من بعد ما ردت السلام: كل يوم أي..
خالد وهو ياخذ سارة و يقعدها عليه: هيه صح تين بس على العصر المغيربان بس الظحى غريبه..
شمه: شفت عاده متوله عليكم مالت..
خالد وهو يقطع بنته من البوس و هي تضحك مخترشه البــــــــنت..
شمه: بس عاده هذه لا ادلعها وايد بزيه..
سارة تطالعها وهي محرجه: أنا " و تطالع بوها " باباه شوف عموه نازعتني..
شمه: خييييييييييبه من مساعة نازعتج و احينه يايه تشتكين..
خالد يفصخ نظارته: انتي اشبينج و بين بنتي وايد تشتكي منج ترها..
شمه: دواها..
سارة تدلع على بوها: باباه تقول لحمدان يظربني..
شمه فتحت عينها: جذاااااااااااااااااااابه و حده " وجان تضحك "
خالد: هاااااااااااااااااه ظهر الحق و زهق الباطل..
شمه: و الله ما قلت له دلووووعه و جذابه بعــــــــــــد.. أمييه ساروه تخوفين..
سارة: أمبلى أمبلى قلتيله يوم ياي بيتنا..
شمه: متى؟؟..
سارة: من زمـــــــــــــان..
شمه: هيييييييييييه من زماااااااااااااااااااااااااااااااااان حتى أنا ما أذكر.. وشوي تظهر حصة و الفوطه على راسها..
حصة: سارة أميــه " و تطالع خالد و تبتسم " السلام عليكم.. شحالج شمه..
خالد: و أنا ما ليه شحالك..
حصة و هي مستحيه: انت الحال كله.. " شمه سمعتها انصدمت أول مره تسمعها تقول جيه ابتسمت "
خالد اطالع شمه: شموه ظهري خليني أنا و حرمتيه شوي و ودي وياج هذه الحلوه..
شمه: من هنه ما بتحرك..
حصة: بسير وبييكم..و سار الغرفه عسب تسحي شعرها إلي كان مبلول ..
خالد: أبويه وينه؟..
شمه: ساير المزرعه هو و الوالده و عموه..
خالد: و زيد و عبيد وينهم؟؟..
شمه: سلطان شفته قاعد في الصالة و عبيد أعتقد في غرفته..
خالد: هممممم .. زين قولي حق عبيد تراه بيته باجيله الديكور متى يبا يتحرك حظهرة جنابه عسب يحطيه.. و سلطان قوليله نفس الكلام ..
شمه: زين انت ما تقول حمامات سلطان باجيه..
خالد: لا خلـــصن من سبوعين احينه.. لا تنسين قوليلهم..
شمه: إن شاء الله..


انتهى الجزء السادس عشر شو راح يصير بالجزء الجاي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الجــــــــزء[17[
............................................
عبيد قاعد صوب البلكونه و يفكر بالي صار صح و لا غلط يحس إنه ظلمها يوم خذها و يحس إنه موزه خته انظلمت بعد و تشتت أفكاره قلبه ينبض بشي بس هو هب عارفنه ينبض و يزقر بشي بس هو ما يبا هذه الشي.. تذكر ملامحها الحزينه تذكر الدموع من العيون الناعسه العذبه تذكر الويه الناعم و على الخد الدمعه رجع راسه على وراااه و بكل قوه من صدره تنهد تنهد بحرااره أول مره يحس بجيه احساس يحس بلوم و بلوعه بشوق بحب بكره بحقد بعطف بحنان بظيم ما يدري بشو يحس تشتت من عقب ما ظهرت من دروازتهم مع سلطان..

و سلطان الثاني قاعد على الكرسي الهزاز إلي فغرفته يفكر بثلاث أشياء هب عارف جيف يركز على واحد منهم يبا يركز على شي واحد بس هب رايم ما يدري هل هو احساس التوأم و إلا المشاغل.. و تنهد هو الثاني يوم تذكر حب حياته يضيع منه وهو يشوف موته بشوفه حب حياته يسير لشخص ثاني بس ليش يحس بالفرح في نفس الوقت كل ما يات على باله شمسه تي على باله عوشه راعيه الويه القاسي و طبع الحاد معقوله معقوله إني ممكن يتغير شعوري أو إني أتعودت على بعد شمسه لي.. بس آآآآآآآآآآه .. و انجلب تفكيره لشي الثالث بعييييييد عن إلي يفكر فيه تفكيره صار لعبيد خوه حس بالندم هو سبب هذه المشكله بين خوه و حرمته و قعد يفكر كيف يرجع علاقتهم على بعض.. يا الله تساعدني و ترقق قلب عبيد يارب..

يا عديم الشوق بعدي فيك ما أثـر
لو أغيب العمر كله العمر أو أكثـر
دنيتي قربك هواك كان عنواني
خذتني مني معاك و قلت إنساني
كيف أنسى و انت ساكن و سط و جداني

مر يوم على هذه السالفه و كان يوم صعب بنسبه لعبيد و مهره افترقو عن بعض.. عبيد ما عاد يشوف ضحكه مهره في الجناح و لا لها حس يحس إنه الجناح موحش و مظلم من دونها يفكر كل ما مهره تيه ببرائتها و شاله الدخون ادخن الجناح و إلا أدخنه و هو مسكين يجلب عيونه على الغرفه طاحت عينه على العلبه إلي يوم تدخل تسبح تشيلها و ياها خاطره يعرف شو فيها بس احينه ما يبا يشوف شو فيها لأنه صارت مالها معنا من دونها.. و مهره مسكينه في حاله أخس عن حاله عبيد تفكر تحطي في طريقها احتمالات صعب تنفيذها و إنه عبيد احينه مستانس و يضحك و سوا إلي براسه وهي بروحها..قعدت تصيح في ذيـج الليـلة ما غفت لها عين..
.........................................
يوم السبت المغرب
في سيارة ذياب الرنج الصحراوي كان يتمشى و وياه حمدان و حمد إلي كان قاعد على حيره و أونه يسوق و ذياب مشغل المسجل و مطول عليه و مرتبش الريال.. توه منزل هند و احينه هو مروح يوديهم البيت..
حمدان يحطي أيده على ثمه و يضحك .. ذياب اطالعه و أشر له براسه " أونه بلاك تضحك " حمدان يضحك..
ذياب وهو يقصر على المسجل: بلاك تضحك..
حمدان: ماشي ماشي..
ذياب يحطي أيده على راس حمدان: ماشي هاه تضحك على بوك يا الهرم..
حمدان اطالع برع: بويه ودنا الدكان يو عان..
ذياب: فااااااالك طيب الغالي.. " و يطالع حمد " بتسير الدكان حبيبي " حمد اطالعه بس ما هتم و قعد أونه يسوق .. ذياب حطى أيده على شعر حمد و قعد يلعب به " حبيبي و الله.. وشوي وقفو صوب الدكان و دق هرن لراعي الدكان و يا راعي الدكان..
ذياب يطالع حمدان: هاه حبيبي شوتبا..
حمدان يطالع راعي الدكان: عندك جالكسي أبو عسل..
راعي الدكان: هيه فيه..
حمدان: لا لا يب أبو دنقو..
ذياب يطالع حمدان: بو دنقو!!؟؟ " و اطالع راعي الدكان " فيه ..
راعي الدكان: هيه فيه..
ذياب يطالع حمدان: شو بعد ..
حمدان: عصير ربيع همبا..
ذياب يضحك و اطالع راعي الدكان: ييب أربعه جالكسي و أربعه عصير ربيع أثنين برتقال و أثنين همبا..
و سار راعي الدكان أييب لهم طلبهم..
ذياب: أسميك طلاب تعرف ليهم بعد هاه.. حمد فطن عمره و قعد محتشر على بوه أونه يبا.. وذياب قعد يطالع الرقعه إلي صوب الدكان تذكر أيامهم يوم إنهم أيون من اللعب المغرب على طول أيون هذا الدكان ويقعدون و إلي يشغل مسجل سيارته و الشباب قاعدين على دجه الدكان و يرمسون و كانت أيام حلوه بنسباله كله يكون ويا عبيد كم هو مشتاق لعبيد و لسوالف وياه..... و قطع عليه تفكير راعي الدكان ..
ذياب: هاه جم.. وقال له راعي الدكان و خذ حلاوتهم و روحو
حمدان ياكل الجالكسي: باباه منوه هذه الحرمه توها نزلت سيارتنا ..
ذياب: ليش حبيبي؟؟..
حمدان: ما حلوه ليش ما تركب سيارتهم تركب سيارتنا..
ذياب: عيب بابا هذه خالوه..
حمدان: خالو!؟! .. و قعد يمشيهم و ذياب يفكر بكلام حمدان حمدان و صغير ما حب هند جيف لا كبر شو بصير استغفر ربه و روحو بيتهم و نزلو من السيارة يربعون في الحوي ..
ذياب وهو يشل حمد: بس من اللعب عنبوكم ما تشبعون..
موزه إلي ظاهره من المطبخ: هلا عيل بسرعة وصلتو..
ذياب يبوس حمد: هيه وصلنا عاده بسرعة ينا.. تبين الصدق متولهين عليــج..
موزه تحطي أيدها على خصرها و تاكل برتقال: هيه يا العيار انت..
ذياب يطالعها بنظره: يبين عليه..
موزه نزلت عينها احتراما لهذه النظره إلي تعنيلها الكثير: وايــــد " و تطالع حمد ياكل ككاو " حمد عطني ككاو حبيبي أنا ماماه ما بتعطيني..
ذياب: لا تخافين بو حمدان يايب لـج ككاو " يعيب عليها " هاج خذي..
موزه تاخذ الجيس: مشكور الغالي ما تقصر ..
ذياب: العفو يا أم حمدان ..
موزه تضحك: تسلم.. " وهي أيدها في أيده " تعال يالله نسرح الصالة انسولف..
ذياب استااااااانس: عمري عن إلي أيدها فـ أيدي.. موزه ما هتمت لرمسته و حدرو الصالة قعدو يرمسون..
......................................
ثلاث أيام مرن في حياتي غير <؛<؛<؛<؛<؛ ثلاث أيام عشت الحب و أغليتيك
ثلاث أيام و اتهجى كلام الطير <؛<؛<؛<؛<؛ كلام أعذب من أعذب من تفديته
::
::
::
ثلاث أيام لـكن ما ادري وش اتفسير <؛<؛<؛<؛<؛ بس أدري من ثلاث أيام حبيتك

مرن الثلاث أيام و مهره بمتوت تبا تعرف سلطان بشو يفكر و جيف راح ترد لعبيد إلا كانت خايفه من كلمته يوم إنه قال لها بطلقج .. و كانت خايفه إنه هلها يعرفون بس الله ستر غطت على عمرها و ما سالوها بشي لأنها ماتي وايد بيـت هلها..
::
::
يوم الأحــد
سلطان: هيه احينه بمر عليـج..
مهره: سلطان خايفه..
سلطان: خلــج قويه و هذا برد لـج عبيد مثل قبل و أحسن بعد لا تضيعين الفرصه..
مهره: زين ما عليك أمارة سلطان..
سلطان: آمري ادللي قولي قول الله احسن عن قولج..
مهره تبتسم: مشكوور بس أباك اطوف بي أبراج الإمارات..
سلطان: إن شاء الله في أوامر ثانيه.. عنبوها ما تنعطى ويهه..
مهره ابتسمت: لا مشكوووووور وقفتك ويايه أكثـر من خو.. و إذا ما تبا تودني كيفك..
سلطان: بس ما أبا احس بالذنب من صوبج يا مهره صدقيني.. و أنا بوديج كل مكان بس بيب ويايه شمه الطفسه عنلاتها..
مهره: هيه تسوي فيني خيـــر يبها..

سلطان: بيبها عاده هذه شو يفجج براسها من السوق..
مهره: أدريبها شمه..
سلطان: خلاص احينه بخطف صوبج و ظهري بسرعة ما أحب أتريا..
مهره: إن شاء الله .. و سكرت عنه و راحت لبست شيلتها و عباتها و حدرت الصالة ترقب سلطان.. في الصالة كانت أمها قاعده و توه ظاهر بوها من الصالة و أمها قاعده ع برد تطالع التلفزيون و الفواله جداها..
مهره: السلام عليكم..
أم ذياب: و عليكم السلام هلا بنيتي.. " شافتها لابسه شيلتها و عباتها " وين سارحه..
مهره: ماشي اليوم بروح و بيخطف صوبي سلطان..
أم ذياب: ويديه وينيه عيل عبيد عنج..
مهره ارتبكت: هيه اتصلت له و قالي مشغول و اتصلت براشد بعده في الزام فقلت اتصل حق شمه بتي هي و سلطان خوها يودونيه البيت بس مليتكم..
أم ذياب تطالع بنتها إلي كبرت: هيه فديتج مليتينا صرنا ما نعجبج ننعاف.. " و تجلب صبوعها ع الفنيال "
مهره تنزل لأمها و تلوي عليها و و تحبها ع الراس: أفا يا أم مهره ما يطيع زينج فديتج إنتي الخير كله.. بس عاده بروح يقولون كثر الدوس ع الخلان يملونك..
أم ذياب: لا والله إني ما أمل من شوفكم بنتي.. إلا تعالي ما حملتي؟؟..
مهره استغربت: هاه لا ما حملت..
أم ذياب: وا لقعتيه ليش بويه..
مهره: أمايه أنا عدني صغيره و ما با أحمل احينه..
أم ذياب: بعدين الريال يملــج..
مهره: بن عروه يملنيه بنتج أنا بنتج.. " و هي واثقه من رمستها "
أم ذياب: ما سرحتي المستشفى؟.....
مهره تقطع رمسه أمها : أمايه سكري الموضوع و أنا ما فيني شي إن شاء الله.. وشوي يسمعون هرن سيارة سلطان و حبت مهره أمها على راسها و ظهرت بسرعة لهم وركبت السياره و كانت شمه راكبه جدام و أفا يسيرون بدون خوله .. و على طول روحو أبراج الامارات و عقبها الستي و البستان و عقبها ردو على صلاه العشا و حدور الصالة إلي كانت قاعده فيها موزه و عيالها و أم خالد..
الكل: السلام عليكم..
أم خالد و موزه: و عليكم السلام ورحمه الله و بركاته.. و يات مهره حبت عمتها على راسها و وايهت موزه..
أم خالد: شحالج أميه عساج بخير وشحال هلج..
مهره وهي شاله الأجياس: الحمد الله بخير و عافيه يسلمون عليج..
أم خالد: الله يسلمهم..
موزه: هاه أشوف شالين أجياس من وين يايين..
شمه: من وين يعني بني من السوق عنبوه.. " و أم خالد تطالع خوله "
موزه: إنتي بلاج لا أصكج كف على ويهج..
سلطان إلي توه حادر عليهم: السلام عليكم.. " و يخر يحب أمه على راسها " شحالها العيوز..
أم خالد: عيز حيــلك..
سلطان يطالع موزه: شحالج موزه .. خلاص الوالده طاح كرتج احينه إنتي عيوز لا اطلعيلج أعذار..
أم خالد تأشر بأيدها: بويه بوك الشيبه و لا أنا عدنيه..
سلطان يأشر على حمدان و حمد: و هذولا عيال بنتج و إنتي احينه يده يعني عيوز تحسبين عمرج بنت السطعش..
أم خالد: شوف سلطان لا تيلس تصوع بمك قلنالك بعدني نصوف..
موزه تضحك: خلها خلها العيوز المتشببه..
شمه: أيـــه عاده لا تقعدون تعلقون على أمايه .. و سارت لمها و لوت عليها و حبتها على خدها..
أم خالد وهي تلوي على شمه و تضحك: فدييييتج أنا آخر العنقود هذه..

قامت شمه و حدرت غرفتها و سلطان أشر لمهره تسرح جناحها مهره كانت خايفه و تبعت شمه و حدرت جناحها.. في الجناح فوق عبيد قاعد يبدل ملابسه هب طايق العيشه إلي عايشنها ما لها معنها بيسرح يشوف له رقعه بدل لاهو قاعد في الجناح و الأفكار تودي و تيب.. سبح و عقبها ظهر من الحمام بفوطه على خصره شاف الشبريه ما عليها ملابسه ابتسم بحسره و سار صوب الكبت و فتحه شاف كله كنادير اضايج وين الفوانيل و الوزره و قعد يدور و يدور إلين حصلهن في أدراج الكبت الفوانيل في درج و الوزه فـ الدرج إلي تحته.. ابتسم و شاف جيف الترتيب إلي مسويتنه مهره ملابس السبوت مكان و الكنادير مكان و الفوانيل و الوزره مكان حس إنه متحسف على إلي سواه فيها احينه حس بقيمه مهره عنده هب بس حب في الترتيب كان عايش حياته ما قصرت وياه في شي.. ظهر و قعد يبدل ملابسه و ظهر له كندوره " الختم " كحليه و تعصم بسفره بيضه و وقف صوب التسريحه و تعطر و عقبها سار يدور على تلفونه وين حاطنه دور في الغرفه نكلها ما حصل التلفون.. في هذا الوقت دخلت مهره صاله الجناح و حطت الأجياس على الكرسي و قطت الشيله من على راسها و قلبها يدق تشوف الصالة إلي اشتاقت حقها حييييييييل و سمعت حركه في الغرفه دق قلبه و حست به بين أضلوعها " أوييييه يا الله يارب ترحمني و تعدي الليله على خير " وشوي سمعت الباب يتبطل نزلت عينها بسرعة تحت على الأرض و حست بألم في بطنها خوف شوق ما تعرف..

في الصالة شمه قاعد تطالع التلفزيون و شوي نقعت عليهم من الضحك و كانت غنيه زماني لفاطمة زهرة العين و شمه تطالع موزه..
حصة: بلاها هذه الخبله..
موزه: و الله ما عرف.. أييييه شموه بلاج..
شمه تضحك و تأشر لها بأيدها " لحظه ": ههههههههههههههاي والله ههه موزه..
موزه تظحك بعصبيه: بلاااااج قولي ارمسي..
شمه وهي تهدي اللعب: آآآآآآآآآآآآآآآآه .. " و تعتدل بيلستها " شوفي الاغنيه ذكرتني فيج و في ذياب..
موزه تطالع الغنية: شمووووه يا حماااااااااااااااااار.. حصة ضحكت و أحطت أيدها على حلجها..
شمه: هيه والله أعلمه الرمايه كل يومن و حين اشتد ساعدهو رماني..
موزه: خل عنج.. و بعدين أنا هب قصيره جيه و لا ذياب فديت روووحه..
شمه: ينطبق الكلام حبيبتي عليج و على ذيابوووووووووه.. " وشوي " آآآآآآآآآآآآآآآه يا الطفس..
حمد يطالعها وهو معصب: باباه.. " ضربها بالعبه إلي كان يلعب ابها ع راسها "
موزه تطالع حمد و تضحك: ايوه جيـــه أبـــــــــــــاك..
شمه ميوده على راسها: الله ياخذك انت و أمك..
حصة: دواج عيل تضحكين على بوه وهو قاعد..
شمه تطالعه: كيفي " وادلع اللسانها " ذياااابوووووووووه.. حمد حرج وااايــد وقعد يطالعها وهو معصب و شكله كيوووووووووت ..
موزه تسير له و تلوي عليه: فديييييتك حبيبي خلها تولي عنك أبوك أحلا عنها متغايضه..
شمه: مادري على شوووووووه متغايضه..
::
::
فوق في غرفه خوله أم خالد عندها و ترمسها ..
أم خالد: هاه خولوه شو قلتي..
خوله: امايه ليش مستعيله..
أم خالد: يا أميه الحرمه تبا الرد بسرعة..
خوله: جان هم مستعيليين يكنسلو السالفة أحسن.. هذا عرس و لازم اقتنع..
أم خالد: إنزين طولتي على الحرمه الله يهداج جان ما تبينه قولي..
خوله: بفكر بفكر..
ام خالد وهي تقوم: ما مخالفه بروحي.. و سارت صوب الباب وخوله قعدت تفكر كلما شافت اليوم حلو ينكد عليها هذه الحبر.. يا الله متى الله بفكني من هذه الورطه..
أم خالد وهي تطالعها: أنا يوم خطبو موزه ختج هب جيه لعوزتني.. وظهرت عنها و ضحكت خوله..
::
::

ظهر عبيد وهو يغني " آهي ويلي محتمل بعدك ثواني خاف ربك كان ودك ما تجيني عودلي و رجع تراه الوصل حاني وش حياتي دون وصلك يا الضنيني " ظهر من الغرفه و قعد يدور على التلفون وهو يغني مهره سمعت حسه و هو يغني صوته عجييييب بس حزت بخاطرها هو مستانس و يغني و أنا أشرب المر جرعات.. و عبيد هب منتبه لها سار صوب المكتبه " الزمن تلاف و الهم اعساراني و البعد يا سيد الغزلان شيني ضميني محتاجبك عطف و حناني ضمني و شفي جروحن من سنيني" و قعد يدور وهو يغني يطالع .. بعدين التفت لها شافها واقفه و منزله راسها و تلعب بشعرها !!! بشعرها إلي كانت قاصتنه و يوصلها إلي جتفها و مجعدتنه و شكلــه رووووعه رفعت عينها له و شاف ملامحها ملامح شكلها إلي من ثلاث أيام وهو يهوجس به و محد داريبه إلا ربه.. يطالع شكلها " تغيير شكلها الخارجي ليييييش؟؟ يا الله آآآآآآآآآآآآآه ".. مهره رفعت عينها له " يا الله محلاتك يا عبيد فدييييتك مادري بعدي جيه بحليك.. ياااااااااااارب صبرني على بلواك يارب " عبيد حس إنه يطالعها من سنين ما يدري إنه كمل بس نص ثانيه و نص ثانيه شاف فيها كثييير كثييير.. و شوي يقطع عليهم صوت التلفون إلي كان في الغرفه يرن عبيد بعصبيه تحرك و سار صوب التلفون و شاله و ظهر عنها و هي تمت واقفه مكانها..

مهره و الدمعه فعينها: يا الله يعبيد ما تولهت عليه تتمنى افراااقي يا رب يا رب ترحمني برحمتك.. عبيد وهو ظاهر يبا ياخذ نفس بس ما يقدر يحس إن النفس مقطوع عنه و قف صوب الاييدار حذال باب الجناح ياخذ نفس و يتنفس بصوت مسموع..في هذا الوقت ظهر سلطان وشاف عبيد مغمض عينه و مرجع ظهره ع اليدار يتنفس بصوت مسموع و سرح صوبه.
سلطان يوقف جدام عبيد و بصوت خفيف: عبيد بلاك..
عبيد و راسه على الييدار: ماشي ماشي.. " و غمض عينه "
سلطان: شفتها؟؟..
عبيد: آآآآآآآآآآآآآآآآآه هيه شفتها..
سلطان: عبيد مهره ما تتعوض بنسبالك و الله العظيـم و خلك صاينها..
عبيد اطالعه بألم: انت ما تفهم ما تفهم يا سلطان.. و سار عنه و سار على طول سيارته و قف وفكر إنه ما ياب مفتاح السيار و وقف متملل و مستضيج..

سلطان إلي لحقه: هاك سويج سيارتيه " و يمد له المفتاح "
عبيد: ما عليه خله لـك..
سلطان: عبيد فوق ما بترد أدريبك قوم تعال أباك بسالفه " و فتح السيارة " أركب أركب .. و ركب هو وياه و سارو المسيد وصلو فرض العشا و عقبها ظهرو و سار يتمشون..
سلطان هو إلي يسوق: ليش يا عبيد اظيج بعمرك جذا انت السعاده في وسط أيديك بس انت ما تباها.. تبني تعاستك على سعادة غيرك..
عبيد رافع ريله و يطالع سلطان: ساعدة غيري هي ختيه يا سلطان..
سلطان: و انت تفكر إنه موزه بترضى تسوي بعمرك جيه و الله لو تعرف من البدايه ما بتخليك تاخذ مهره..
عبيد نزل راسه: مادري شو أسوي..
سلطان: عبيد انت ندمان على إلي سويته بـ مهره.. وشوفها ياتك برحابه صدر و تبا ترد إلي مضى..
عبيد: تهزر بتمرر السالفة جيه؟؟ ما اعتقد..
سلطان يطالع الشوي الشارع و يطالعه: انت بعدك ما تعرف مهره ييتها هذه إنها راضيه عليك.. و هي قلبها طيب يمكن تزعل شوي و تشيل بخاطرها بس شوي انت تحرك..
عبيد: آآآآآآآآآآآآآآآآآآآآآآه " و قعد يمرر صبوعه على فروخته " إن شاء الله..
سلطان يبا يغير موده: هاه ما تبا زط ..
عبيد بزور يبتسم: جانك ما زطي..
سلطان: حي ما طلبت بو حمد فا عليـــــــــــــــــــــــــك.. و روح هو وياه عسب يتعشون..
من بعد ما ظهر عبيد عن مهره تمت هي واقفه مكانها حول الخمس دقايق و عقبها تحركت من مكانها و دخلت الغرفه إلي كانت معفوسه فوق تحت.. " آآآآآآآآآآآآآآآه " ابتسمت " حليله عبيد ".. و سارت صوب الحمام و شافت الملابس مال يومين فيها هب مغسوله رجعت الحجره و فصخت عباتها و حطتها في الكبت و ردت الحمام و شالت الملابس و حطتهن في سله الملابس و شالتها لغرفه الملابس و ظهرت و زقرت الخدامه و يات البشكاره..
مهره: شوفي سونتا ودي ملابس باباه أنا احينه بي بغسلهن إنزين و إنتي تعالي غسلي الحمام.. هزت البشكاره راسها و سارت تودي الملابس و عقبها يات و نظفت الحمام و ظهرت.. أما مهره فقعدت تنظف الغرفه و شالت الشراشف عن الشبريه و حطت واحد يديد و كنست الغرفه و صاله الجناح و كانت امبطله باب الجناح..
شمه وهي ماره شافتها: هاه وييين تبين..
مهره تطالعها:آآآآآآآآآآآآآآه تعبت قاعده أنظف الغرفه وصخه..
شمه تبتسم: تبيني أساعدج في شي.. مع إنيه فسود بس بعرض خدماتي لـج..
مهره: مشكوره تسوين ليه خير لو تأمرين ع الخدامه تسوي ضو..
شمه: بااااااااااس سهله.. و سارت شمه بنفسها سوت اليمر و يابته حق مهره إلي كانت منهمك في التنظيف..
شمه: عنبوه عبود وصخ..
مهره: وايــد هب شويه و بعدين ما ارضى عليه يا الله عاده..
شمه: مالــــــــــت.. و ساعدت شمه مهره في التنظيف إلين خلو الغرفه نظيف.. سارت مهره لليمر و حطت فيه دخون و دخنت الغرفه و صاله الجناح..
مهره: شموه تبينه المدخن..
شمه: هيه بسير أسبح عنلاتج وصختيني..
مهره: زين لحظه.. و سارت و ظهرت جلابيتها و دخنتها و عطت شمه المدخن و روحت شمه عن مهره و دخلت مهره تسبح و عقبها ظهرت و هي لابسه جلابيتها السوده و مخططه بخطوط عريضه بعرض الجلابيه لونها فضي.. و حطت علبتها إلي كل ما دخلت الحمام تشيلها وياها.. و قعدت تتكرم بكريم و دخلت عليها شمه..
شمه و هي لابسه جلابيه مخططه بخطوط طول حمرا و سوده و رافعه شعرها بمشبك: ها سبحتي..
مهره: تونيه ظاهره..
شمه: أميه تقول عشا..
مهره: إن شاء الله بي.. شالت مهره شيلتها مال الصلاه و تحجبت فيها و صلت و عقبها نزلت لهم و تعشت و عقب ما تعشت سارت و غسلت ملابس عبيد و ملابسها..
شمه وهي مستغربه: عنبووووج الساعة قدها 11 و نص ما بس من التنظيف..
مهره وهي تسرح صوبها: خلــصت تعبت خوووج صدق وايد و صخ..
شمه روافع كندورتها لنص خصرها: يوم أقووولج..
مهره: المهم إنيه خلصت من التنظيف إنكسر عليه ظهري..
شمه: إلي يشوف نعومه هالويه ما يقول بتنظف.. فدييييييييييتج يا ربي.. مهره ظحكت و عقبها دخلت هي و ياها و حدرن الجناح و قعدن يرمس إلين الساعة وحده ونص و عبيد ما وصل.. المهم إنه مهره ما تريته و رقدت عنه.. على الساعة 3 و صل عبيد ويا سلطان و مشو ويا بعض إلين باب جناحه..
سلطان: يا الله عيل تصبح على خير..
عبيد وهو شوي راده له الروح: و انت من أهل الخير.. " و دخل عنه الغرفه " يا الله أكيد هي احينه تسابرني آآآآآآآآآآه".. و فتح باب الغرفه و شاف الليت امبند و الغرفه بااااااااااااارده و هاديه و شم ريحه الدخون.. ابتسم هذه هي الريحه إلي كان دوم يشمها من يدخل الجناح و الغرفه و سار بكل هدوء الحمام إلي كان نظيف وهو مستعجب و بدل ملابسه و غسل ويهه و قعد يطالع عمره من المنظره.. يا الله فديييت روحها .. ابتسم لنفسه و عقب ظهر و سار سدح عمره على الشبريه بس مايا رقاد و قعد يطالع مهره إلي كانت راااقده شرات الصغير و لا حاسه بالدنيا إلي حولها..
بعد يومين من هذه السالفه عبيد لاحظ تغير أسلوب مهره وياه و كانت وايد بارده معاه كلامها قليل وياه ما تحب تقعد عنده و كل ما تشوفه يمين تسرح يسار و كل ما شافته يسار وهي تسرح يمين استضاج وايد منها وهو كان يحسب إنها اسلوبها ما تغير بس هي تغيرت و من كلامه..
في الصالة صوب التلفزيون و ع الغنفات قاعد سلطان و وياه مهره يرمسون..
سلطان: مهره رخي الخيط شوي..
مهره: ليش سلطان سويت غلط..
سلطان: لا ما سويتي غلط بس إنتي لازم ترمسينه.. و ديري بالج لا تذلينه..
مهره: جيف يعني..
سلطان: يعني من مساع يوم قالج هاتي التلفون إلي كان على الطاوله إنتي سرحتي..
مهره هب طايقه اسمه حتى: و الله جدامه جان سار و يابه..
شمه إلي كانت وراهم و سمعت السالفة: يا هبله لازم تيبينه بالكلمه الطيبه إنتي ما تفهمين عبيد.." سلطان و مهره اطالعونها " بلاكم تراني أعرف بالسالفه رأووس أقلام بس لا تتحروني ما أعرف..
مهره: جيف..
شمه: جيف ما جيف انا أعرف و بس " و قلبتها جد " مهروه يا السباله لا تذلين خويه ما يهون عليه و بعدين عبيد إن عاملتيه بزين يا الله بيحطج فوق راسه لو إنج ثجيله شوي..
مهره: خسي خسي أنا مب متينه..
سلطان: هيه مهره كلام شمه صح لازم ترخي هب زين جيه هب زين.. " و يهز راسه "
مهره تطالعهم: قولكم جييييه..
شمه: لا قولنا جذاااك.. " مهره هزت راسها فكرت بالكلام إلي قالوه و قامت عنهم و سارت فوق "
دخلت مهره قسمها و لقت عبيد متلحف وراقد دخلت هي تسبح و عقبها ظهرت و كانت لابسه كندوره عاديه لونها برتقالي غاااااااااامج و قعدت تسحي شعرها و تعابل العلبه..
عبيد رفع اللحاف شويه عن ويهه و قعد يطالعها من وراه و يطالع العلبه " هذه العلبه ساس البلا " و قعد يطالعها و هي شافته من المنظره بس ما سوت له سالفه و قعدت تسحي شعرها الكستنائي و مسويه فيه فير و ظاهر فـــــــــــــــــــــن عليها الشعر القصير..
عبيد من تحت البطانيه: عنلاتها قاصه شعرها لا شور و لا مشاور تتحرا عمرها قاعده بروحها فـ هـ الدنيا..
مهره يايتنها البسمه بس ما تبا اظهرها تسمعه وهو يتحرطم من تحت البطانيه..
عبيد: عنبوه تعالي تراني مريض يا الله محد يحس.. وجان يكح.. و اطالعته مهره وردت تكمل تعدولها..
عبيد: عنبوه أكح.. "و يكح" كح كح كح كح.. " يقولون شيبه يكح "
مهره ابتسمت وقامت له و رفعت البطانيه من على ويهه: اشفيك مريض..
عبيد أونه فتح عينه شوي شوي: هاه..
مهره و تحطي أيدها على خصرها: مريــض؟؟..
عبيد و صوته يبين إنه مزجم: لا هب مريض.. و جان يشل اللحاف ورده على ويهه..
مهره وهي ترد: كييييفك.. و سارت عند المستواليت و قعدت تكمل سحاي شعرها..
عبيد انقهر من اسلوبها و شال اللحاف من على ويهه بعصبيه وقعد: إنتي بأي حق تقصين شعرج.. هذا إلي منقهر منه و إلي مخليه يعصب أكثــر جيه قصت شعرها..

مهر اطالعته من المنظره " أونه شو ؟ ": كيفي شعري و كيفي..
عبيد: لا هب كيفج " و يحس إنه بعطس بس كمل كلامه " كيفج في بيتك " ويعطس وهو يقول الجلمه "..
مهره لا إراديا افترت له و قعدت تبتسم و تهتز من الضحك ما تبا اظهر ضحكتها بس غصبن عنها ظهرت..
مهره و نزلت خصله على عينها: ههههههههههههههههههههههههههههههاي.. عبيد قعد وهو محرج..
عبيد: أيييييييه انا ما اتمصخر..
مهره: و ليش حارق أعصابك انت هاه جان على شعر شهر و بيطول إن شاء الله..
عبيد: متى؟؟!!؟؟
مهره و هي ترفع خصلتها لورا أذنها: قلنالك بيطول.. و ردت تسحيه و فرقته من النص و قامت ظهرت الصاله و يابت المدخن و قعدت ادخــن الغرفه و عبيد مضايج من ريحته و كل شوي يعطس و يكح مسكين حاله.. لو إنها قاصه شعرها بس هو مرتاحه نفسيته.. مهره دخنت الغرفه و وقفت صوب باب الغرف..
عبيد وهو يناديها: وين بتسيري؟..
مهره وهي تبطل الباب: بوديه عند خوله و بقعد عندها عندك مانع..
عبيد: وديه لها و تعالي أباج بسالفه.. مهره دق قلبها يوم قال لها أباج بسالفه و صوته يوم يقول لها كان روعه ذابت مهره في سحر صوته وهو مزجم.. هزت راسها و سارت عند خوله و قلبها رقيص تبا تعرف شسالفه و على طول حدرت الغرفه و أونها هب مهتمه..
مهره قعدت عبرد من الشبريه: هلا بغيت شي؟؟..
عبيد وهو طايح الصوب الثاني لأنه عطس: آآآآآه الحمد الله..
مهره تطالعه: يرحمك الله..
عبيد يمرر صبعه على خشمه: يهدينا و يهديج الله.. آآآه معذبتني هذه الزجمه ليته فيج و لا فيني..
مهره رفعت حايب: شكلك إلا بتعديني..
عبيد: ما علينا " و كل شوي يرفع صبعه لخشمه و يشونف " سمعيني عدل يا مهره يوم تبين تكتسبين شخص لازم تكونين رحبه وياه " مهره رفعت حايب " أدري قاعده تقولين شو قاعد يقول هذا.. بسالج سؤال واحد إنتي ليش رديتي ليه؟..
مهره استغربت سؤاله: ليش يعني تسال هذا السؤال انت ما تعرف ليش أنا رديت لــك؟..
عبيد: مهره إنتي يايه تذليني و لا شو؟؟ بس أبا أفهم عرفنا إنج يتي و ضحيتي بكرامتج بس ليش رديتي عسب تعامليني هذه المعامل؟ زين إنتي قاعده تعامليني هذه المعامله لين متى طول ما إنتي عايشه ويايه.. عيل أقولج دام هذه معاملتج ليه بطول عيل ردي بيت هلج و كلن يشوف حياته و يديرها بنفسه..
مهره: عيل انت ما فكرت قبل تسوي سواتك هذه؟؟ حياتي إنت إلي خليتني أتعامل معاك هذه المعامله و لا أنا ودي أعيش معاك العمر كله بضحكته و بحزنه..
عبيد من سمعها تقول حياتي ذاب الحبيب: زين مهره أنا غلطت و الله غلطت و أنا أصلن كنت ناسي السالفه و ما فكرت إني أكون جاسي عليج بس في بعض الأحيان أتذكر ذياب خوج الصديق العزيز إلي خون فيني أتنرفز بس والله ما كنت ناوي أسويلج شي إلين ما يا سلطان و فتح ليه السالفه و إنتي سمعتي و صار إلي صار.. " و كانت مهره أدقق على حركاته يوم يرمس أول مره في حياتها تطالعه و هو يرمس جيه و يسوي حركات خبلتها"
مهره مالت براسها له: و احينه شوووو؟؟؟؟؟؟..
عبيد تنهد: آآآآآآآآآآآآآآآآآآآآآآآه " و سند راسه على الشبريه و شعره معفوس " إلي تبينه و إلي تمارين به بيستوي.. " خلاص الريال الحمه و الزجمه هادين حيله هب رايم يرمس "
مهره ابتسمت: زيــن هذا إلي أنا أباه.. أنا بقولك شوف يوم بيبون طاري ذياب أنا ماليه شغل فاهم " و عبيد يطالعها بعيون دامعه هب من شي بس من كثر ما يعطس " و لا تجلب السالفه عليه و الله اتحسس عبيد إنت ما تعرف شكثر أنا حساسه.. " عبيد ابتسم و نزل عينه " بلااااااااااك؟؟!!..
عبيد يطالعها و بعده مبتسم: ماشي بس حلوه هذه أنا حساسه..
مهره ترد له بنفس الابتسامه: و الله حساسه اشفيك..
عبيد: احينه ننسى إلي فات و نبدى صفحه يديده؟؟..
مهره بتموت من الفرح: هيه " وهزت راسها " و سارت له.. مرت الأيام و كانت علاقه عبيد بمهره تتحسن و الكل لاحظ هذا الشي بس ما سو لسالفه أهميه.. إلي مهتمين منه سالفه خوله و خطوبتها و الحرمه بعدها ما قررت..
بالأربعا الساعة 11 و ربع خوله و مهره توهن يايات من الدوامهم و دخــلن الصاله و شافو سلطان و عبيد قاعدين ويا أم خالد في الصالة..
خوله و مهره: السلام عليكم..
الكل: و عليكم السلام..
خوله شافت أمها و على طول سارت فوق عن تقعد تنغز فيها..
عبيد: عنلاتكن يتو..
مهره تحب أم خالد على راسها: هيه ينا.. و انت ما عليك دوام..
عبيد: بلا بس استأذنت ساعة قلت يمكن تبيني بشي..
مهره استحت: ليش أباك في شي؟؟..
عبيد يرفع حاجب و ابتسامه شاقه الويه: يعني قلت..
أم خالد تضحك: يحلييييييييييلكم..
عبيد يطالع أمه: طاع أميه خربت علينا جونا.. " مهره رفعت راسها له أونه شو هالرمسه "
سلطان يطالعهم و شوي شغل لهم من تلفونه " لو تبكي يا عيوني الدمع دم مغرم أنا بك حيل مغرم.. لو الزمن بالحب روحي ما أندم أنا ع الحب ما أندم "
عبيد اطالعه بتكبر:هييييييييه و الله ما أندم عاش هزاع المنهالـــــــــي.. و تجدم لمهره .. " مهره مستحيه شو بلاه هذا تجدم روح بعيد "
عبيد بصوت مبحوح: حياتي بغيتي شي و أنا ساير الدوام..
مهره تطالعه: سلامتك..
عبيد رفع حاجب: باااااااااااس هذا إلي رمتي عليه..
مهره تأشر بعينها على أمه إلي تطالع التلفزيون: شو تبا بعد..
عبيد يهمس لها: حبيبي عمري حياتي..
مهره تحرك شي في حشاها حست إنها بتموت بتموت في حب عبيد بس ما تصبر عنه لو لا الحشيمه و القدر إنه سلطان و أم خالد قاعدين جان لوت عليه من كثر ماهي مشتاقله حيييييييييييييييييييييل..
عبيد ابتسم لها: خلاااااااااااص انا بخليــج احينه و ارقبيني الظهر " و غمز لها " مع السلامه.. و روح عنهم وهي من المستحى ما بتم في الصالة و على طول حدرت جناحها و هي تبتسم من حركات عبيد احينه عبيد ظهر على حقيقته راعي سوالف و عصبي بنفس الوقت بـس حشيم و راعي سمت و معاني.. و من بدلت ملابسها حدرت المطبخ و قعدت تساعد حصة في الغدا و من عقب ما خلصو حدرت لخوله غرفتها و شافتها تعابل الاب..
مهره: هاه شقاعده تسوين..
خوله: ماشي بشغل الاب..
مهره: بروجكت؟..
خوله: لا بس أبا اتسلى شوي إلين ما يحطون الغدا.. و شغلت الاب و قعدن يتصفحن المواقع..
مهره: تعالي إنتي وافقتي على إلي ياج..
خوله تطالعها بدون اهتمام: لا بعدي ما عطيتهم جواب..
مهره: خيييييييييير وليش..
خوله: سيري لاه شو شو زواج و خرابيط..
مهره: أيـــــــــه الزواج ستر لا تقعدين تتمصخرين..
خوله: مادري ما متقبله الفكـره..
مهره: وليــش؟؟..
خوله: مادري بس جيه ما با أروح عن بيتنا..
مهره: كل بنت قبل لا تزوج تقول هالكلام و بعدين عادي.. خولوه أنا إلي سمعته من عبيد إنه ربيعه و ريال و النعم فيه ما قاصره شي..
خوله: مادري والله " هب مهتمه الحبيبه " شفتي نظرات أميه و الله اضحكني..
مهره: خوله قولي جان ما تبينه لا تعلقين الريال و هله إنتي جيه بتفشلين أمج ويا العرب يا هيه يا لا..
خوله:إنزين شو يعني الزواج..
مهره ابتسم: تساليني إنتي يوم بتتزوجين بتعرفين شو يعني الزواج.. و بعدين إنتي استخرتي ربج..
خوله: من زماااااااااااااااااان..
مهره: و شو ظهر لـــج..
خوله: يعني عادي مرتاحه من السالفه عادي عندي وافقت رفضت عادي..
مهره: هيه بس يوم بتستخيرين لا تردين أمر ربــج..
خوله مرتبشه: شو أسوي مهروه نوريني..
مهره: ما شي عطيهم كلمتج و خلج واثقه منها و بعدين بتتعودين على السالفة أنا مريت فيها..
خوله تتنهد: آآآآآآآآآآآآآآآآآه بشوووف..
مهره: توكلي على ربج و لا تخافيــن.. قويه باس إنتي.. و قعدن يرمسن و عقب ظهرت مهره و سارت غرفتها عسب تصلي لها فرض الظهر.. و في هذا الوقت عبيد مارام إنه يرجع الدوام فرد و سار على طول غرفه خوله.
عبيد: مررررررررررررحب..
خوله: مرحبتين..
عبيد: حرمتي وينها؟..
خوله: سارت غرفتها..
عبيد يدخل و يسكر الباب: هيه فديتها..
خوله: لا تقول هذه الرمسه نستحي نحن..
عبيد: عاشووووو خوله تستحي؟؟ كل البنات يستحن إلا إنتي..
خوله: معلوووم أنا هب مهره عسب تمحدنيه..
عبيد: معلووووووووووووم.. فديتها والله خولووووه مهروووه تحبنيه؟..
خلوه: انت تسال عن حرمتك أول مره أعرف..
عبيد: لا والله صج في هذه الفتره الأخير تحبني..
خولوه استحت بس قالت له: و الله يا بو حمد البنت بتموت ما تحبك بتموت فيك.. كل ما قلنا لها شي هيه عبادي بعد..
عبيد ابتسم وهو يرضف غترته: عمري عنها فديييييت روووحها..
خولوه: انت عاده بس من التفدي جنك معرس يديد..
عبيد: هيه عيل شوه إلين ما يعرس سلطان أنا بعدني معرس يديد..
خولوه: و يبت عيال و سلطان بعده ما عرس..
عبيد: بعدني معرس يديد..
خولوه: ما مخالفه بروووحي..
عبيد يقوم: زين أنا ساير و أميه تباج تحت يا الله حدري عندها.. و وروح غرفته و شاف مهره قاعده ع المستواليت و تسحي شعرها إلي استوا ناعم من البعد ما كانت مسويتنه فير و عبيد مات عليه و خصوصا قصتها بانت من بعد خلته ناعم..
مهره تطالع بعيونها الناعمه: ليش ييت ما عندك دوام؟..
عبيد عايش حياته الحبيب: و إلي يشوف هذا الويه يداوم..
مهر: شقصدك.. و طاح عنها المشط .. و كانت بتشله بس عبيد سبقها و وقف جدامها و حطى المشط على شعرها و قعد يسحي لها شعرها و هي منزله راسها و مستحيه..
عبيد: أموووت على شعرج ليش قصيتيه متحسف والله ما يعوركم فوادكم يوم تقصونه..
مهره وهي تاخذ عنه المشط: بلا يعورنا بس شو نسوي كله بس عشانكم..
عبيد بدلع: فديييييييييييييييييتج أنا أحبــــــــــــج مهرووووووووووووووووووه.. وهو يقول هذه الكلمه حس بعمره في عالم ثاني في عالم فيه هو و مهره بس لهم بروحهم دق قلبه حس بقلبه وهو يدق و شال أيد مهره و حطاها على صدره..
عبيد وهو ميود أيد مهره: تسمعينه تحسيبه روفي بحاله الله يخليـــج.." مهره بتموت خلاص أحبـــــــــــــــه يا ناس أحبــــه بيذبحني هذا الــريــال".. و تقرب منها و هي تطالعه و هي الثانيه تحس إن قلبها بيظهر من مكانه من هذا الاحساس إلي أول مره تحس به..
في بيت موزه
الساعة 7 المغرب كانت قاعده و تقرا مجله و شيلتها على جتفها و رافعه شعرها و لابسه مخور كانت يايه من المستشفى.. و حمد و حمدان محتشرين وراها و هي هب مسوتلهم سالفه.. و دخــل عليها خليفة..
خليفة وهو شال كتاب الرياضيات: السلام عليكم و رحمه الله و بركاته..
موزه تطالعه و هي تعدل شيلتها: هلا خليفة..
خليفة يوقف حذالها: عندي امتحان و شيخه هب مستفيجتلي..
موزه: خلاص هاته.. يايب وياك دفتر..
خليفة: هيه نعم.. " و يطالع حمد و حمدان " بس انت ويااااه عنبوه ما يسكتون هالعيال..
موزه: و إلي يقول العيال عيالك..
خليفة: لو طلعو عيالي جيه بقصبم..
موزه بنقمه: أقعد احسن اقعد..
خليفة: إن شاء الله.. و قعدت تشرح له شويبا من الدروس لشرح و خليفة كل شوي تلفونه يرن..
موزه: يعني نحن ما بنفتك اليوم..
خليفة يظهر تلفونه من مخباه: صبري شوي .. ألوه هاه بعدين دق ياخي .. أذاكر عنلاتك أذاكر.. هيه ولد مصريه لا بعد ولد زلمه ولا أقولك زول بعد شرايك.." موزه تسمعه وهو يفاتن ربيعه و تضحك عليه" ..
خليفة: بعيدييين والله بتصل بك هيه باجر عنديه امتحان تباني ارسب جان انت رسيب غيرك لا.. شو .. ارسل بسرعة هيه.... أحلف.. زين عيل بعدين بعدين أنا قاعد عند الأهـل.. أذلــــــــــــــــف.. و سكر عن ربيعه و موزه تهز راسها ..
خليفة: جنه ما عيبتج الرسمه..
موزه: أنا أقول نكمــل احسن..
خليفة: نكمل بس لحظه " ويطالع حمد و حمدان إلي يلعبون " بااااااااااااااااااس قاعدين نذاكر نحن.. " و اسكتو فتره و عقبها ردو احتشرو ".. مامنهم فايده عيالج..
موزه: شو تبابهم انت احينه بتركز و لا جيف..
خليفة: أوكيه خلاص.. و قعدت تذاكر له إلين أذن عليهم العشا و سرح خليفة يمشي للمسيد و سارت موزه فوق تصلي فرض العشا و حمد و ياها لبست شيلتها و وقفت عسب تصلي وقف هو وياها ركعت عيب عليها و سوا شروات حركتها و و سجدت وهو الثاني سجد حليله و وصلو لركعه الثانيه حمد تم واقف دخل عليه حمدان يطالعه .. حمد اطالعه و عقب رجع على ورا أونه لبس شيلت أمه و يا صوبها يصلي..
حمدان: أيــــــــه هذا مال أميه افصخه .. " و حمدان يبا ياخذ عنه الشيله " انت ما حرمه انته ما حرمه.. حمد اضايج من حمدان و دفره على ورا طاح حمدان و حمد قعد يطالعه بعيونه الوسيعه و بكلته ظاهره من الشيله من جدام جنه بنيه و شكله روووووووعه.. حمداان تم من سدح على الأرض و حمد شاف أمه ساجده و ركب لها على ظهرها و رفعت من السجود و عقب ردت تسجد و حمد وايد مثجل هليها و هي حامل و هو مسكين هب حاس بامه يضحك عايبتنه سار له حمدان إلي فطن السالفة و شاله من ظهر أمه ..
حمدان: أيـــه ماماه بطنها عود لا تركب على ظهرها.. و عقب ما خلصت موزه الصلاه سارت له وشافته بعده لابس الشيله وشالت تلفونها وصورته وهو استانس يوم اطالع صورته و حمدان أصر إنه يصور و صورته حذال حمد.. وعقبها أمرت على الخدامه تسويها ضو و يات و دخنت البيت و عقبها يا خليفة..
خليفة يرفع كندورته شوي: و أنا أنا دخنيني.. و دخنته و يا حمد رفع بنطلونه أونه دخنيني..