 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
|
|
#1
03-20-2012
|
||||||||||||||||||||||||||||||||
|
||||||||||||||||||||||||||||||||
البارت الحادي عشر
بيت بو راشد 1:30 الظهر ?ضآق بعيوُني الكون { ليَہْ } !! دخل شوي شوي والغرفه ظلمه فارس : شويييخ...شيخوو يهزها شوي شوي فارس: شوييخ نشيي شويخ:همممم فارس: نشي يلا فارس كان يهز ساره مب شيخه شويخ راقده ع اليمين وساره ع اليسار شويخ فجاه فزت : اطلللللللع برع فارس: عوذ بالله انتي من وين طلعتي وساره متلحفه من فوقها لتحتها شويخ: سارو راقده عندي يااا غبي اطلللع فارس: هااه .. اوه .. اوكي ... سووري ... اسف وطلع على طول شويخ تخوز اللحاف من ساره ساره : يا حيوااااااااااااااانه قلت لج مابرقد عندج شويخ : ههههههههههههههههههههههههه ساره : لا تضحكين ساره : هههههههههه لو شفتي شكلج منكمشه جنج دياي مثلج ههههههههههههه ساره: بس جب انزيين .. عيبتج السالفه شو شويخ :ههههههههه نشي خل ننزل امي بتلعني الحين ساره : يخرررب بيتج شو اقول لها اوويه عن فروس يرمس ولا راشد يقول اني مارقدت فالحجره شت شويخ : لالا وييت بلحق على فروس هذا ساعه لين ما ينزل ونشت تربع برع وحصلته في حجرته شويخ : حوو فارس: هااه شويخ: اذا نزلت تحت وسألوك قول انك دقيت الباب والباب كان مقفوول هااه فروس : اوكييه شويخ : وانا يوم بنزل بعرف ارقع السالفه فارس: اوكي ويايه تروح شويخ: بلاك متنح فارس: ويههي احترق يااخي شويخ :ههههههههه اوه اوكي سوري اسف هههههههههههه فارس يشل المخده ويفرها عليها : ههههه اطلعي برع شويخ : ههههههههه ورااحت نزل فارس ام راشد : هااه وينها فارس: مادري والله دقييت عليها الباب ردت علي وقالت بنزل ام راشد : غريبه مب من عوايدها تقفل على روحها ليكون مريضه شي فارس: لالا ماظن شويخ : هاااه زي الحصاان مافيني شي ام راشد: بسم الله عيل شو ياج قافله الباب شويخ : ماشي بس تسبحت الفليل وكنت اتلبس وقفلت الباب ونسيته مقفول ام راشد: هههههه تعالي انزين تعالي تريقي شويخ : الا ساره وين ام راشد: مادري والله روحي جوفيها في حجرتها شويخ : رشود هني ام راشد: لالا طلع بو راشد: يلا حتى انا بروح الدوام .. ييت اتغدى فالبيت وقلت برجع لهم ام راشد: الله يحفظك وراحت شويخ فوق شويخ تدق الباب ساره : منو شويخ : انااا ساره : حياج ادخلي شويخ : تعالي دبري لج جذبه ههههه ساره : اوكي اوكي يلا ننزل شويخ : يلاا ونزلو ساره : السلام عليكم فارس + ام راشد: وعليكم السلام ساره : السموحه عموه امس كنت مصدعه ومارقدت عدل عسب جي رقدت لهالحزه ام راشد: لا حبييبتي دام انج بخيير عادي ارقدي قد ماتبين هههه شويخ : ماعلييج امي طيبه هههه ام راشد: لاني ادري يا بنتي لو ريلج يخليج تسوين له شي ادري بج ما بتقصرين بس هو مايخليج تدخلين في شي ساره :........... شويخ :الله يهديه ساره : حاولت وياه بس هو ما تقبل الفكره قلت بخليه ع راحته وبصبر عليه يمكن الله يهديه ان شاء الله ام راشد : زيين تسوين يا بنتي .. وامين الله يهدييه فارس ساكت ويشوف الاكل ام راشد: شفيك .. ماتاكل فارس: ماشي والله افكر شو بقول للاستاذ هههه تعايزت انش الصراحه ام راشد: ليش انته مب عطوك اجاازه عقب الحادث فارس: هييه بس اليوم لازم اداوم خلصت اجازتي شويخ: عادي روح لهم قول للحين العلاج ماخلص فارس: لالا بطوفني المحاضرات والدروس برووح احسن ام راشد: ناصر الله يحفظه كل يوم ايبلك محاضراتك فارس: هييه حليله هههه اول مره مايرقد فالكلاسات شويخ :ههههه مسكين ام راشد: ساره ماتاكلين .. للحين تعبانه ؟ ساره : هااه ... لا لا .. شويخ : احم .. شكلها ماتحب اكلنا هههه تبين نسوي لج شي ساره : هههه لالا بالعكس تدرين اني احب اكلكم من قبل حتى يوم ايي بيتكم ايي ع الغدى ام راشد : ههههه انتي بس قولي شو تحبين بنسوي لج ساره : تسلميين والله ماتقصرين فارس: احم احم ترى انا ولدج هااه مابتسألين اذا ابى شي ام راشد : هاه هاه بدت الغييره اشووف فارس: هههه لي الحق صح ولا لا ساره : هههههه الله يخليكم لها ويخليها لكم فارس وشويخ : امييييييييييييين شويخ : حوو من باجر بنداوم ساره : هييه هههه اكيد عن ننطرد بس شويخ : لاا بس غبنا يومين من عندنا ساره: عاد الجامعات ع الزله يطردوون شويخ: هييه والله يلا ماباقي لنا شي بس سنتين ساره:هييه ................. بعد مرور اسبوعيييين من كل هالاحداث بيت بو حمد 6:00 المغرب قلت أنا ياناس قلبي في يديه الغلا خلاه بعيوني ملاّك ام حمد: ومتى العيد بو حمد : ان شاء الله بيكون يوم الاثنين حمده: يعني اجازتنا اسبوع حمد: لييش اسبوع قالو يومين حمده: يااعميييي ههههه قال يومين قال .. جوف اليوم الاربعا وباجر خميس يعني ويكند .. عندنا اليمعه والسبت والاحد محد بيداوم والاثنين عييد والثلاث والاربعاء اجازه والخمييس اجازه فرعيه هههههههه حصيص: ههههه منصور: وخري عنيي يالفرعيه انته ههههههه حمده: هههههه صح كلامي ولا لا حمد: هههه صح صح ام حمد: وانتي ماهمج الا الاجاازاات .. اخر سنه شدي حيييلج يا بنت حمده: ان شاء الله ان شاء الله .............. بيت بو فهد 6:20 المغرب لو يضيع العمر اصبر وارتجيه غيبته ياناس للمبلي هلاك ليلى:اييييييه ماشريت لي نعال فهد يبتسم ابتسامه غبيه : والمطلوووووووووب ليلى: هههه حبايبي انتووو منو بيودييني خالد : عندي شغل ليلى : احم احم برمس شويخ بشوفها اذا بتي خالد : اقولج شي خلاص بوديج ليلى : ههههههههههههههه اوكي اوكي من الحين هاه فهد : شو السالفه ليلى : اسأل اخوك انا بروح اتلبس وراحت بيت بو راشد 3:35 المغرب لك محل بالقلب ما خله من قبلكم حد شرواكم شويخ : هيييه لان سارو ابد مب متزهبه هههه الاخت ناسيه ان شي عندنا عيد ليلى :هههههههه احلفي انتي بس شويخ : والله انتي بس هههههه ليلى : يلا عيل خل انش اتلبس شويخ: اوكييه مي 2 ليلى :باي شويخ : باااااي وصكرت طلعت من حجرتها شافت ساره فالصاله اللي فوق شويخ :هااه ما بتيين ساره : ويين شويخ : توني رمست ليلو تقول بيروحون دبي لانها للحين ماشرت نعال ساره : ههههه بس نعال عيل قولي لها تعالي جوفي البقره ساره حتى لبس للحين ماشرت شويخ : يلاا يا بقره ساره نشي البسي عيل خل نروح ساره : ويدي بيوديينا فارس ياي صوبهم : لااا عمج فارس بيوديج ساره قفطت شويخ : هههههههه تسلملي يا عم فارس: بقره ساره للحين قاعده ساره تشوفه : هاااه شويخ : هههههه قالج بقره او ماي قد فارس ضربها ع راسها : يا بقره استهبل انا ما اقصد ساره : هههه لقطي ويهج قال ما يقصد فارس: لا شرايج اقصد ساره : اووف حدد موقفك ياخي فارس يشوف شويخ ويشوف ساره فارس: الثنتيين بقر هههههه شويخ شلت الكلنكس وفرته عليه فارس يربع صوب حجرته : حووو ههههه ترى ماوديكم هااه شويخ : لالا خلاص تعال ببوس راسك فارس: لا مشكوره خلي بوستج حقج شويخ : ماااااالت علييك ساره: ههههه يلا يلا انا بروح البس دخل راشد : علىىى ويين ان شاء الله ساره : اا .. تعال فالحجره بكلمك راشد: ليش قولي شعندج انا رايح اصلا ساره : ا.. بروح ويا شويخ بتشرى للعيد راشد: مب لازم .. تمي اليوم فالبيت امسات طالعه ويا اهلج ليش ما شريتي لج ساره : لان .. بيزاتي ماكانت تكفي راشد: واهلج ليش موجودين ساره : راااااشد راشد يشوفها معصب : خييير ابووي جنه رمستي هب عايبتنج سمع فارس صوت راشد وطلع من الحجره راشد ياي صوبها معصب وكان بيضربها بس فارس زخ ايده فارس: استهدى بالله ياخوي راشد:دخييلك فروووس خووز من يداامي فارس: ويين اخوز من يدامك وانته تبى تضرب بنت الناس راشد : بنت الناس اللي ترمس عنها تراها حرمتي فارس: قصدك على اساس انها حرمتك راشد : فروووس بتخوز ولا شووو فارس: ما بخووز شو بتسوي يعني شويخ : راشد خلاااص انته ماكنت بتطلع رووح اطلع فكنا ياخي ساره تصيح بهدوووء راشد: اوكي برووح بس ياويلج لو عرفت انج ظهرتي من دون شووري تفهميين وراح فارس على طول لف صوب ساره وقرب صوبها شويخ يت صوب ساره و وقفت يدام فارس وتطالعه جنها تقول له ( بلاااك نسيت عمرك ) شويخ : سارو ؟ ساره على طول حضنت شويخ شويخ : سارو خلاص .. خبري اهلج بالسالفه و و تطلقي ساره : تتحسبين اهلي بيخلوني اطلق فارس: ولييش مايخلونج ساره : ابوي بيقول .. يدام الناس بيكون اسمج مطلقه شويخ : سارو بس انتي عايشه ويا رشود ولا جنج حرمته حتى رمسه ما ترمسون بعض ساره : خلاص انتو روحو ماعليكم مني فارس: بتروحين ويانا ساره : لا فارس هو قالي لا وهو ريلي لازم اسمع رمسته مب احتراما له بس الحرمه اللي تطلع دون شور ريلها الله يلعنها شويخ : خلاص بنروح مره ثانيه مب شرط اليوم ساره : شوييخ ماشي وقت رووحي خلاص وراحت حجرتها فارس رص على ايييده بالقو من القهر شويخ : الله يصبرها فارس: امين وراح حجرته ............. بيت بو جاسم 7:00 وغضيت انظرات العين دونك مخافة تكشف النظرة عداتك خوله : شوو سمعت انكم بتظهرون شويخ : لاا والله غيرنا راينا خوله : اوونه عيل نحن رايحين فالدرب شويخ : هييه بتحصلون ليلو هنااك خوله : حسااافه والله ماييتو شويخ : شو نسوي بعد يلا ان شاء الله مره ثانيه خوله : ان شاء الله شويخ : سلمي سلمي خوله : يبلغ شويخ : يلا فداعة الله خوله : مع السلامه وصكرت ..................... بيت بو حمد 9:30 الفليل ام حمد: بتصل في ساره بسأل عنها شوي فطوم : هييه والله من زمان فخاطري اسألها بس انشغلت ويا دوام ريلي واليهال ام حمد : الحين بتصل واتصلت ام حمد:هلاا بنتي شحاالج ساره : الحمدلله بخيير ام حمد: بلاه صوتج فيج شي ؟ ساره :لااا بس شكلي زجمت ام حمد : وحلييلج عااد جريب العييد ساره : شو نسوي بعد ام حمد: عيل ماطلعتو قلتي بتطلعون ساره : هييه كنا ناويين بس غيرنا رايينا ام حمد : ايواا وشخبار ريلج واهله ساره : الحمدلله كلهم بخير ساره : امي بخليج الحين راشد وصل ام حمد : خلاص ماعليه سلمي ساره : الله يسلمج راشد : منو تكلمين ساره :............. راشد: قلت لج منو تكلمين ساره :نعم انت .. يهمك بعد منو اكلم ولا ما اكلم ... انا لو اخوونك مع عشره بعد محد بيلومني تدري وطلعت على طوول من الحجره تخاف لا يسوي بها شي وراحت حجرة شويخ وقفلت الباب شويخ : بسم الله بلاج فارس كان ويا شويخ ساره : هااه لا ماشي رااشد يدق الباب بالقو: افتحييي اقوولج افتحيي جانج حرمه شويخ : شو ياه هالمينون ساره : انفجرت في ويهه ماتحملت ياخي فارس: هههه زيين تسوين فييه خل يتخبل اكثر ساره : لاا حراام حسيت بتأنيب الضمير شويخ : اي ضمير دخيلج ساره : والله يكسر خاطري تدرون انه كل ليلة يصييح وعقب يرقد فارس: شوو ساره : والله اخووكم واايد مرييض .. فالبدايه ما تجرأت اقرب صوبه وهو يصيح اخاف كنت بس عقب رمسته قلت له تعالج وجي .. هو ما يسمعني الا يوم اتي هالحاله ... ويقعد ينادي بأسم سالم ... واظن انه يتعالج بعد لاني اكلم الدكتور وهو يقولي ايي المواعيد احيانا واحيانا لا فارس: واللللللللللللله ؟ شويخ : الله يبشررررررج بالخير طلعت شوييخ من الحجره وحضنته راشد مستغرب شويخ : احبببك رشوووووووووود راشد : خووزي عني يالخبله دزها وراح الحجره ساره تبتسم : هالاشياء تأثر فييه حاولو تستعملونها وياه فارس: عطيني رقم الدكتور انا برمسه ساره : ان شاء الله وعطته الرقم ساره : اممم بروح اليوم بيت اهلي وبقول لهم اني بطلق فارس : شوووووووو ساره استغربت من ردت فعله شويخ : ااا... شوووو ؟ ساره : بلاكم تدرون اني انا ماوافقت على اخووكم الا لاني كنت فاقده الامل من الدنيا شويخ : يعني بترووحين من البييت ساره : بعد ربج شويخ : لااااااااا سارو تمي فارس: بيفضى البيت لو رحتي .. ب .. بنشتااق لج ساره تبتسم : هييه والله ماتخييل خبالي بدونكم ههههه شويخ : حبييبتي ساروووووووووووو ساره : بلاكم بعدني ماتطلقت انزين هههههههه فارس : ههههه قريبا ان شاء الله شويخ تضرب فارس على ايده : اييه جنه ابووي يناديك تحت فارس: هااه .. اا يمكن سمع حشرة رشود وعلى طوول رااح ساره : ياخي يغمضني اخوج شويخ : لييش ساره : مادري كل ماشوفه اتذكر السالفه اللي قلتيها عن البنت اللي يباها شويخ : هيييه ساره : شو صار ع السالفه شويخ: قلت لج خلاص عرست وراحت فحال سبيلها ساره:اووويه يعني خلاص ماشي امل ابد ابد شويخ :ابد ابد ساره: وتدري هي ان يحبها ولا شويخ : لا ماتدري .. وتدرين ان يوم ملجتكم يوم سوى حادث ترى كان بسبتها ساره : اووونه ليش شويخ :ااا .. اظن لان كان يوم عرسها وجي ساره : اوووويه .. يلا الله يعوضه شويخ : امييين ساره: يلا خل اروح اتزهب منصور بيخطف علي شويخ : اوكييه .............. بيت بو حمد 10:00 الفليل ام حمد : وماقالت ليش تخطف عليها هالحزه منصور: لا والله مادري يلا بروح ايبها وبيي ام حمد : الله يحفظكم وان شاء الله خيير منصور : ان شاء الله ________ بيت بو راشد 10:5 ساره : انا رايحه منصور يترياني تحت اوكي راشد : .......... ساره تروح صوبه لقته يصيح ساره :راشد ؟ راشد: سااااالم ساره :رااااشد وتهزه شوي شوي راشد يصرخ : خلاااص روحي روحي الله لا يررررردج ساره : ... خلاص اسفه راشد يتنفس بسرعه بسرعه وميود راسه : خلااص ساره روحي بيت اهلج ساره : بس بعد ماروم اودرك فهالحاله راشد: ساره انتي حاولتي وياي بس انا ما بتعالج انا مابرتاح الا لما الحق سالم ساره : بعييد الشر لا تقول جي راشد : شو معنى كلامج تبيني تحبيني طبعاا لا يعني انتي تامه وياي لاني اكسر الخاطر صح ساره : اا... مب قصدي جي بس راشد : خلاص ساره افهمي انا انسان مريض ومب مال زواج وعوار راس وانتي بعدج صغيره والعمر يدامج ساره : ............ راشد : خلاص رووحي ساره : مع السلامه وماشلت اغراضها ولا شي لانها بالاول لازم ترمس اهلها وراحت ..... ساره :يلا عمتي شي بخاطرج ام راشد : لا حبيبتي سلامتج .. وسلمي على هلج ساره : يبلغ فارس: منو ياي وراج ساره : منصوور فارس: عيل بيي اسلم عليه شويخ يت صوبها : حوووو لا اطولين تعالي بسرعه ساره : هههه افا عليج شويخ : يلا حبيبتي سلمي على هلج ساره : يوصل يلا مع السلامه ام راشد وشويخ : مع السلامه طلعت فارس: هههه تعرف الحريم عاد لين يسلمووون ساعه وماتظهر السوالف الا يووم بيسلمون وبيطلعون منصور: صدقك والله فارس: هههه شرفت مرت اخوي ساره : هههه يلا عيل فارس تامرني بشي فارس: لا سلامتج سلمي على هلج ساره : يبلغ .. مع السلامه فارس: في حفظ الله .......... بيت بو فهد 10:30 خفوقي هام في لجة فتونك وطبعت المتيم في حلاتك ليلى : اووونه شويخ : واللله .. سارو تغمضني وفروس كاسر خاطري ليلى : يلاا الله يعينهم ويعوضهم خيير شويخ : اميين يارب ليلى : يعني هي نوت تطلق شويخ : مادري بس اكيد بتطلق لين متى بتعلق حياتها ويا رشود ليلى : هييه والله ............................. بيت بو حمد 11:00 الفليل ام حمد: ولييييش ما رمستي من قبل ساره : ارمس شو اقول يا امي .. تريت عليه فتره قلت يمكن يتعدل بو حمد: بس بعد مايصيير تطلقيين ساره : شووو بو حمد : تدرين ان اخس شي عندي الطلاق .. امووووت واحيا ولا تطلق وحده من بناتي منصور : بس ابوويه ساره تقولك ... بو حمد : مابي اسمع اي شي .. يوم بموت تطلقي ونش ورااح ساره منصدمه فطووم : اماايه رمسييه ام حمد : هذاا ابووكم وتعرفوونه لا قال شي يعني خلاص الكل يسكت بس بعد بكلمه ان شاء الله وبشووف ساره راحت صوب امها وحضنتها وتمت تصييح .... بيت بو راشد 12:00 اذا تنطق باسمي قلت عونك اريح القلب نغمات اكلماتك فارس: ماترد عليج شويخ : لاا اتصلت فيها مرتين ماردت ورن فونها شويخ : هذي اتصلت شويخ : وييينك يا حلوو ساره : هوون شويخ : بلاه صووتج شصاير ساره قالت لها شويخ : شووووووو ابوج رفض سالفة الطلاااق فارس: هاااه !!! ساره بعد مره استغربت من ردة فعل فارس شويخ : انزيين .. كلمتوه وفهمتوه السالفه عدل ساره : اقولج حمد منصور الكل رمسه حتى امي قالت ما بسكت وبحااول بس هو حاط فباله ان المطلقاات خلاص مالهم نصيب فالدنياا ومادري شوو ومن خرافات قبل شويخ : ماعلييه توها السالفه يديده عليه بعدين بيفهم .. وماحييد ابوج من هالنوع اللي يوقف ضد بناته ومصلحتهم ساره : اوووف الله يهدييه بس شويخ : وشو بتسوين الحين ساره : اقل شي بتم ويا رشود سنه كامله على هالحاله لين ابوي يغير رايه شويخ :سننننه ويا رشود شو تبين تموتين انتي ساره : شو اسوي بعد .. اسمحيلي شويخ بخليج وبروح ارتاح ميته من التعب شويخ : يلا ماعلييه هونيها وتهوون ونوم العوافي حبيبتي ساره : الله يعافييج .. مع السلامه شويخ : مع السلامه وصكرت فارس: يااااااااربي .. كل ماقلت هاانت .. يرجع لي الامل واقتنع انها يمكن تصير من نصييبي بلحظه ينجلب كل شي شويخ : ماعلييه ما بطول السالفه فارس: شوييييييييخ سنه كامله اشوفها يداامي ويا رشود مينوونه انتي شو شويخ : ........ فارس: انا بسافر شويخ : شوووووو نهاية البارت الحادي عشر 
|
|
03-20-2012
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
البارت الثاني عشر
خليتني أرحل من بلاد لبلاد كله عشان انساك واثرك معايه حاولت نسيانك ثواني ولا فاد .. كثر السفر مايبعدك عن مدايه فارس: انا بسافر شويخ : شوووووو فارس: بساافر بتم فتره برع .. بعييد .. وين مادري .. المهم مب هني ونش على طول وراح شويخ مستغربه من رمسة فارس وراحت وراه شويخ : بلااك ودوامك ودراستك فارس: بوقف عن الدراسه والشغل عادي بطلب من ابوي اجازه شويخ : فرووس فارس: شوييخ انتي ماقلتي خل نسافر نغير جو يلا خلينا نغير جو بو راشد يدخل : للحين واعين ما شالله .. وجني سمعت طاري سفر شويخ : لاا ابويه ... فارس: بلااا بساافر بو راشد : حلوو يلا عيل بكلم رشود اخوك بعد وبشوفه يمكن يتعدل وطلع فارس: طع !! شويخ : هههه عيل قلت بتغير النفسيه هااه فارس يشوفها بنص عين : وانا كل شي ضدي عفانالله شويخ : ان الله مع الصابريين وغير جي .. عسى ان تكره شي فهو خير لكم .. يمكن خير لك انك ماتاخذها فارس: صدقج والله .. الحممدلله على كل حاال شويخ : ونش الحين ارقد وبااجر بنرمس عن السفر فارس: اوكييه يلا تصبحين على خير شويخ : وانته من اهله وطلعت .............. الجامعه 10:30 الصبح محتار انا وياك شتتلي افكاري ليتني انا انساك او تنطفي ناري ليلى : هلااااا والله بعروستنا ساره : يا اهليين ليلى تحضنها بالقوو : لللللللج وحشه تصدقيين ساره : ههههه لالا ما اصدق شويخ : يا هلا والله شخباركم ليلى وساره : بخير .. الحمدلله ليلى : اوه ليش مب يايين ويا بعض ساره : امس ييت بيت اهلي عسب جي ليلى : هييه صح خبرتني شويخ شويخ : هااه شو صار وياج ساره : مادري ابووي الصبح ساكت وجي كلنا يالسين ساكتين وانا مانطقت بـ ولا حرف ليلى : انزيين وامج كلمته ؟ ساره : هييه بس ع قولتها صكني بـ نظرة بلعت العافيه عقبها وسكتت هههه شويخ :هههه ماعلييه حبيبتي ان شاء الله كل شي بينحل ساره : ان شااااء الله .. وشو الاخبار فالبيت شويخ : يقووووووولج فروس بيسافر ساره : اوووونه لييش شويخ : جي يغيير جو ساره : هيه .. حلو حلو شويخ : و ابووي قال نحن بنلحقه عقب اسبوع ساره : تعالو اليوم شو ليلى :ا لخميس ساره : انزين اخر يوم نداوم لان الاسبوع الياي عيد واجازه .. هههه وانتي تبين تسافرين يوم بنداوم شويخ : قلت له ابوي نحن اجازتنا هالاسبوع ساره: يعني بتغيبين اسبوعين لا بالله انطردتي ليلى: وييت اي اسبوعين نحن بنأجز اسبوع وعقب بنداوم اسبوع .. وبعدها اجازة نص السنه ساره: اوووه صصح شويخ: هيييييييييه ابوي يقصد هالاجازه ساره: ايواااااااا شويخ: واصلا فروس مايبانا اني وياه هههه اونه ابى فترة نقاهه مابي حد وياي ساره: هييه والله كفايه اللي ياه هالانسان ليلى: بلااج واايد يكسر خاطرج اشووف ساره: قصدج ؟ ليلى: ليكوووووووووون ساره: هههه شو اللي ليكون يخرب مخج اخو ريلي ليلى: حتى لو اخو ريلج .. تراج فالاصل بتطلقين ساره: حلووه هاي يعني لو بتطلق بروح احب اي حد وبرمسه هييه عادي يعني ليلى: وانا قلت لج رمسيه ههههههه يعني عادي شرات يوم تزوجتي وانتي تحبين نهيان يصير الحين تنسين نهيان تحبين غيره شويخ:هههههههه بلاج واايد تطالعين فلم هندي ساره: صدققققققققققتي والله .. روحي روحي كملي افلامج بعييد عني ليلى : وييت بقول لكم شي شويخ : هااه ليلى : اليوم خميس ونحن طوول هالفتره غايبيين .. شمعنه داومنا اليووم اللي هواخر الاسبوع ساره : ههههههههه الغبااء اللي فيينا رن فون شويخ شويخ : هلا فاارس فارس: اظهري برع شويخ : بسم الله لييش فارس: الحين بسافر بسرعهب سلم عليج وبرووح شويخ : شووووو تستهبل فارس: والله شويخ يلا تعالي واذا سارو وياج خل اتي بسلم عليها شويخ : اوكيه باي وصكرت ساره: بلااه؟ شويخ : الحين بيسافر نشي نشي نسلم عليه ساره: شوووووووو ليلى : تقوووووووووولج الحيييييييييين بسااااااااااااافر ساره : انزين .. بهالسرع .. ليش شويخ : ههههه سارو ردود افعالج اليوم غريبه ههه نشي نشي وياي يلا ساره : بلاكم شرات اخوي واحااتييه شويخ : اوكي يلاا نروح ليلى: هههه روحي روحي .. وانا اترياكم هني شويخ : هههه اوكي وظهرو برع لقو فالسياره يترياهم شويخ بطلت الباب بالقو : حووووو فارس: عووذ بالله زيغتييني شويخ : تسسستهبببل الحين بتروح فارس: شو اسوي هالحجز اللي لقيته يلا مع السلامه ساره : هههه والله جي تسلم على اختك فارس: اوه هلاا ساره شحالج ساره : هههه الحمدلله بخير شحالك انته فارس: بخير دامج بخيير ساره : ولييش جي فجأه نويت تسافر فارس: شو نسوي بعد ملينا نغير جو ساره : تريانا بنلحقك انزين شويخ وفارس يطالعونها ساره : بلااكم يعني كلكم بتسافرون ورشود بيروح وطبعا ابوي ماطاع يخليني اطلق شي اكيد بيقولي روحي بيت ريلج فارس: اهاااا يعني بتيين وياهم ساره : هاه شويخ : ااا.. فرووس شو سالفتك جنه ماتبانا انيي فارس: هييه ما اباكم اتون .. هههه اقول حق ابوي روحو مكان ثاني لا اتوون وياي شويخ : عللللللله على جببدك بني وياك يعني وياك ساره: ههههههه خلاص لو تبى انا بكلم عمي وبقوله بنروح مكان ثاني واكيد بيستحي مني فارس: واللللللله تخدمني يعني ساره : هييه افا علييك اخويه انته فارس يطالعها : هييه اخوج شويخ تغير الموضوع : حبيييييبي فروس يا حيوان بشتااق لك مابنشووفك اسبوعيييييييين عفدت علييه تحضنه فارس: هههههه كسرتييني يا بنت شويخ : حد قالك تسافر بدونا فارس: ههههه تراكم وراي وراي ساره : هههه تروح وترجع بالسلامه فارس: الله يسلمج مرت اخوي ساره : الحين يوم بطلق بعدك تقول مرت اخوي فارس: هههه ترى تقولين ابوج ما طاع ساره : ليين متى بيتم على رايهه ترى مرده بيقتنع فارس: يلا الله يعيينج ساره : اميين ويعينك شويخ : بسسسكم .. يلا انجلع الله يحفظك فارس: ماتامرون بشي .. ولا اقول تامرون بششو بعد تراكم يايين وراي شويخ : هههههه ذلييتنا فارس: ههههههه يلا عن اتأخر .. تحملو من رواحكم شويخ : ان شااااااااااء الله فارس: ولا تفكرون فيني وااايد احم احم ساره : ياا وااثق انته .. هههه يلا الله يحفظك وانا بروح داخل تعبت من الوقفه فارس: ويحفظج تحملي من روحج ساره : .... ان شا.. ان شاء الله وراحت شويخ تهمس له: تصصصصصصصصصدق قمت احس ان في شي فارس: كيف يعني شويخ : ياخي انصدمت يوم درت انك بتسافر فارس: لا تقولييييييين شويخ : وحيااااااااااتك فارس: يااعمييي زوولي خل اروح لها شويخ : هههههههه وين وين خل اتأكد من الموضوع يلا روح انته وترى يوم بتسافر بيبين كل شي فارس: شويخ دخييييييييلج امي اللي يابتج خبريني كل شي اول بأول شويخ : امك اللي يابتني هااه ههههه تراك راايح نقاهه ماتبى حد يتصل بك حتى فارس: شويييييييييخ شويخ : ههههه انزين انزين يلا روح درب السلامه بعد جببدي فارس: الله يسلمج يلا روحي داخل شويخ : يلا مع السلاااااااااامه .. واتصلي اول ماتوصلك بشتاق لك يالسبال فارس: ههههههه يلا بااي ..... ليلى : هااه راح شويخ شوي وبتصيح : هيه ساره : بلااج شويخ : ماتخييل البيت بدون فروس ولا دقيييقه ليلى : ان شاء الله كلها اسبوعين وبتروحون له شويخ : ولاا اتخيييلي العيد بدوونه اوووووف شي فضييع ساره : تبين الصدق هو اللي مسوي الجو فالبيت شويخ : شو ساره : يعني سوالفكم جي دووم تنسووني اني عايشه فهالبيت وتنسووني اني مرت رشود وتنسووني كل شي يضايقني ليلى : انزيين ساره : بس يعني جي احس شويخ تصيييح : اللللللللللللله يرده بالسلامه ساره : هههههه لا تصيحين وتصيحيني وياج ليلى :لالا شكلي انا اللي بصيح وياكم :هههههههه ................ بيت بو راشد 2:00 الظهر لو تفرق بيننا سود الليالي لو يحول الدهر وصروف السنينا لا حشا منساك لو طال المطالي ف الحشا مطبوع رسمك يالضنينا ام راشد تصيح بو راشد: شفييج ترى قلنا لج بنلحقه عقب اسبوعيين ام راشد: وانا كيف بتحمل اسبوعين بدون ولدي ولا كيف بتحمل العيد بدونه راشد: والله اتصلي فيه خل يرد .. متفيجين نحن بعد نسافر له شويخ : دخيييلك ماصدقناا نسافر بوراشد: الا ساره للحين بيت اهلها شويخ : لالا ردينا ويا بعض من الجامعه اكيد فوق الحين بتنزل بو راشد: ايواا ونزلت ساره بو راشد: هلا هلا بـ بنتي ساره : هههه هلا فيك عمي بو راشد: هااه شو المعنويات للسفر ساره : والله متحمسيين وغير جي نغير جوو شوي بو راشد: هييه جفت حتى حرمتك تبى تغير جو راشد : والله مب ملزومه تغير جو عندنا تروح بيت اهلها تغير جو بو راشد: راااشد ... شويخ : ابويه ابويه ماعلييك منه هو اصلا يبى يسافر بس جي يستهبل راشد يطالعها بطرف عينه : ياعميي متفييييجه ورااح ساره :عمي لا تعصب علييه .. هو يقول جي بس ما يقصد الرمسه بو راشد: بس بعد حراام جي يفر عليج الرمسه شرات السم ساره : يلا الله يهديه ان شاء الله بو راشد : اميين شويخ : اووووف ملل ابى فرووس ام راشد تصييح بو راشد: انتيي بعد ماتشوفين امج ماصكرت الحنفييه من سافر اخوج .. لا اتيبين طاريه لين تهدى شويخ : ههههههه امي خلاص دخيلج صكري الحنفيه ام راشد : هيه هيه تطنزو علي .. انتو بس تتخيلون العيد بدون فارس شويخ : لا والله ما اتخييل ............ بيت بو جاسم 4:30 انته عمري يالغلى من كل غالي وانت شوقي يامنا قلبي الحزينا خوله : يالمصخرره ههههه ليش مداومين ليلى: والله مادري بس داومنا ههههه خوله : لانكم بقر لااا ميره : منو هااي خوله : ليلوو ميره : سلميي عليها ليلى : الله يسلمهااااااااا خوله :ههههه والله انكم تضحكون عيل داومتو هاه ليلى: بسج عاد ههههه تطنزين من اول ما اتصلت حشى رصيدي خلص والسبه طنازتج خوله : هههههههههههههه ................. بيت بو حمد 5:00 العصر لا تعذبني من الود اكتويت وما اريد الا اعيش العمر جنبك حمد: هييه اليوم الصبح سافر بو حمد:هييه ما شاء الله حمده: واهله بيلحقونه عقب اسبوعين يا سلاااااااام اريد اسافر ام حمد: قري مكانج وانتبهي لدراستج وايبي نسبه حلوه لج مني اسفرج وما اردج بعد هههههه حمده:ههههههه اوكي بنشوف منصور: لالا انا بعد ناوي اسافر بس مب الحين بعدين حمد: انا وحرمتي بنروح العمره وباخذ امايه ويايه ام حمد: هييييه والله تسوي خير حصيص: واليهال بخليهم عند امي بو حمد: وشكلي انا باخذ اجازه وبلحقكم حمده: طع طع وانا مالي رب .. تراني مسلمممه هاااه وفخااطري اروح العمره حمد: انتي ايبي نسبه ويصير خير حمده : استغفر الله يعني لو رسبت ما بتودوني العمرررررره حمد: هههههه انجحي ويصير خير ........... رومآ 3:00 pm سآفرت عنك وخاطري معك يا سيدي عندك امانه ما طاع يالغالي يودعك يرحل معي ويترك مكانه قاعد على البلاكونه ويطالع لبعيييد فارس: محلىىى المكاااااااان .. بعييد عن الكل .. لا حشره ولا صوت ولا هم ولا ضيق ولا تفكير ولاااا اي شي يتنفس بعمق فتح اللاب وشغل قصيدة طارق المحياس : خليتني أرحل من بلاد لبلاد .. كله عشان انساك واثرك معايه حاولت نسيانك ثواني ولا فاد .. كثر السفر مايبعدك عن مدايه أشوف وجهك بين مليون مرتاد .. والمح عيونك في عيون المرايه مما بنفسي عافت عيوني الرقاد .. والحلم ضاع وفرقتنا وشايه عيشتني في غربتي هم وسهاد .. وضيعتني مابين ياسي ورجايه كثر الغلا في ناظري فاق الأبعاد .. ونزف الجروح بداخل القلب غايه ليتك تشوف الجرح وشلون يزداد .. وليتك تحس بشيء داخل حشايه وليتك معي لأنك دوى القلب وضماد .. ياويل حالي آه ليتك معايه شفني بدونك صرت ع البعد معتاد .. يائس وحيد ومدري وين النهايه بكيت وبكيّت البشر والشقى زاد .. وشلون بعدك ببتدي من البدايه في كل لحظه من العمر هاك ميعاد .. لو فرقتنا ظروفنا يا غلايه تبقى بلادي وما ابي غيرك بلاد .. مهما تناسيتك أحسك معايه فارس: احسسك معااايه .. شل تلفونه واتصل في شويخ شويخ : الو فارس: ....... شويخ: الووو فارس: ياا بعد جبببببببدي شويخ : ههههههههه يا حيوااااااااااان لك وحشه بسك خلاص ارجع ارجع فارس: انزين افتحي لي الباب انا تحت شويخ تعفد صوب الجامه : صصصصصصصصصدق فارس: ههههههههه واحد صفر حبيبتي شويخ : سخييييف ع فكره .. اوكي اوكي اذا ماييتك باجر ماكون انا شويخ فارس: اووكيه هههههه بنشوف شويخ: فرووووس والله جد البيت مب ش يبدونك فارس: احمدي ربج اتصلت ولا كنت حاط فبالي اني حتى الفون ما ازخه شويخ : طع السخييييف.. اوكيه قلنا نقاهه مب جي عااد فارس: اسكتييييييي يقولج ياي ومتحمس ومادري شو وناسي جراجة الكانون شويخ : ههههههههههههاي يا مصخره انا شالتنها اخر مره فارس: واللللله وتعترفين بعد شويخ : ههههههههه شو اسوي يوم انك مصخره حد يسافر قبل لا يجيك على كل شي ساره دخلت : ايييه وينج ياخي ملاانه انا بروحي تحت شويخ: تعالي تعالي ساره: هااه .. تكلمين ليلو شويخ : لاالا فارس: اااااااخ فديت حسهاا يا ناااااس شويخ : حو فارس: اووف ماتسمعني انزين شويخ : شدراك فارس: شت سمعت ؟ شويخ : ههههههااي لاا .. وااحد صفر فارس: سخيييييييييفه واحد واحد قصدج ساره : منو هاه ؟ شويخ : فرووووووووووسي ساره :اوووووووونه وصل شويخ : هييه ساره : سلمي سلمي فارس: اللللللله يسلمج من كل شر ساااااره بنت بو حمد شويخ : هههههههه بلاك مرتبش يا ريال فارس: انتي تعالي هني بتعرفين ليش مرتبش شويخ : هااه ليكون يالس لك في كبارييه وفي اييدك كمن غرشه وعلى يمينك شقره فارس: هههههه لا مب كل هااه بس الشقره موجوده شويخ : هااااااااه ياللوووتي ساره تطالعها شويخ :هههههههههههه بلاج صدقتي فروس مب مال هالسوالف دونت ووري ساره : هييه ع بالي فارس: وحلييلها صدقت هاه هههههه شويخ : هييه مصخره شراتك عسب جي صدقت ههههههه فارس: نعم انتي من الصبح امصخره الكل ههههههههههه شويخ :لانكم مصخرررره فارس: ايييه دخيلج يالمسطله .. لا تخريين الحين شويخ : اخر شو فارس: اييييييييه ياحيوااانه بتسمعج شويخ : ااا.. قصدي شو السالفه ساره: انتي شاربه شي شويخ : ههههههههه لا ماكله شي فارس: شويخ حبيبتي حطي راسج ونامي انتي يوم تسطلين تخرين كل السوالف ياخوفي تقولين حق سارو عني شويخ :لالا تطمن ياخووي .. بنشتااق لك واايد يالزفت ساره :وبنووصل عنده بالسلامه ان شاءالله هههههه شويخ: امييييين فارس: ههههههه يالمخبل يلا خلوني اروح ارتاح وراي حواطه شويخ : انزيين فارس: ويت عطيني ساره شوي شويخ : لييش فارس: جب عطيني شويخ تجدم الفون حق ساره ساره : شو شويخ :هههه شو شوو.. فروس يباج ساره : ها .. اوكي ساره : هلا والله فارس: يا مرحبا بج والله شحالج ساره: طييبه طاب حالك وانت شحالك فارس: والله بخيير بس مب بخير بدونكم ساره: هههه يلا اسبوعين واهلك يكونون عندك ان شاء الله فارس: ليش ما بتين وياهم ؟ ساره : هااه .. لاا كلمت رشود قلت بتم بيت اهلي فارس: تستهبليين لييش ساره : .......... فارس: حووووو ليش مابتيين ساره : فارس... وااااااحد صفر قصيت عليك فارس: ههههههه اوكي اوكي بنت بو حمد حتى انتي علمووج شويخ : ههههههههههههه مصخررررررررناك فارس: هههههههه يلا ماعلييه بس تعالو هني ويصير خير ساره:ههههه يلا تحمل من روحك فارس: ان شاء الله وانتي بعد ساره : اوكي .. يلا مع السلامه فارس: مع السلامه وصكر ............ شويخ : هههههههه حبيتج ساره: افا علييج اعييبج انا شويخ : زووولي دخيلج هههه ساره: ههههههه ساره تطالع شويخ شويخ : بلااج جي تطالعين ساره: ااممم اسألج سؤال ماتفهميني غلط شويخ : هااااه ياحبي لهالسوالف ههههه مابفهمج غلط قولي ساره: ايييه صدق هههههه شويخ : ههههه استهبل قوولي ساره: اممم منو البنت اللي يحبها فارس شويخ :امممم ... سؤال جميل.. بس برد عليج بسؤال.. ليش تسألين ساره: اممم فضوول شويخ : اهاا .. بس فضول ساره :شفييج هييه بس فضول ولا اقولج مابي اعرف خلاص شويخ :ههههه تعالي تعالي ساره : قولي هههه شويخ : تبين الصدق ساره : لاا الجذب ههههه شويخ : وحده ماعرفها .. قالي اسمها بس نسيت ساره : ايوااا شويخ تطالعها ساره: الحمدلله والشكر .. ليش جي تطالعين شويخ : لا سلامتج ساره: ههههه يلا بروح وراحت بيت بو حمد 7:30 pm ابيك الجاي من عمري انا ماابيك شي وراح مدامك اجمل واخر . . مدامك اول احبابي حصيص: الو وو ساره: هلاا والله بمرت اخووي حصيص: ياا هلا فييج حبيبتي ساره: شو اخباارج حصيص: والله بخير دامج بخير انتي شحالج ساره:الحممدلله بخير.. وشحال عيالج والله اشتاق لهم حصيص:ههههه وهم للحين زاخين علينا.. عمو ثاره اثتوت عروثه ساره:هههه حبايب قلبي والله حصيص:ههههه .. قلت اتصل بج اسأل عليج شوي من زمان مب سامعه صوتج ساره:تسلميين لي والله ............. ايام عاديه مرت احداث خفيفه مشاعر يديده تنولد عقول متشتته تتلملم مشاهد جديده مواقف مشووقه اول ايام عيد الاضحى بيت بو حمد 7:00 الصبح عيدك مبارك صاحبي وين ماكنت يزف لك نبض الخفوق التهاني عيدك مبارك كثر مابي تمكنت كثر الغلا اللي بالضلوع المحاني ام حمد: الله يهدييج يا حمده دخييلج .. ساعدني شوي حمده: ياااااربي يرحم زماان سارو يوم كانت فهالبيت محد يسوي شي كله هي ام حمد: هيييه والحين هي راحت يعني دورج يلا اشوف روحي دخني الميلس حمده: ان شاء الله ان شاء الله بس لا تعصبين دخيلج اليوم عييد ام حمد:ههههه روحي روحي حمده: هههه ان شاء الله وراحت حمد: كل عام وانته بخيير ابوويه وحب راسه بو حمد: وانتتته بخيير ياولدي حصيص: كل عام وانته بخير عمي بوحمد: وانتي بخير يا بنتي منصور ياينهم يربع: كلللللل عام وانته بخيييييييييير ابويه الغالي بوحمد:هههههه الله يهديك بس منصور: ويهدي اليميع ههههه يلا ايدك ع جيبك لاتقول كبرت وصغرت وعلى ويهه زواج بتعطيني عيديتي يعني بتعطيني بو حمد: اوول شي احفاااادي الحلوين بعدين بفكر فييك منصور : لاااااااااا .. تفرقه عنصريه الصراحه بوحمد: ههههه هييه احفادي هييل حمد: هههه الله يخلييك لنا يارب بو حمد: اميين ان شاء الله فطوم: كللللل عام وانته بخير ابويه بو حمد: اوه اوه بنتي الحلوه هني ما شاء الله فطوم: هههه هيه قلت حق ريلي اني بعايد وياكم هالعيد و وافق ام حمد:هييه الحمدلله هالعيد الكل هني الا ساره الله يسعدها مب ويانا الكل سكت واطالعون بو حمد بو حمد: امين الله يسعدها ........... بيت بو راشد 8:00 الصبح أقول في نفسي وأنا أعايد الناس متى بشوفك تكمل أفراح عيدي أجامل وربي عليم ٍ بالإحساس وشهو شعوري وأنت عني بعيدي بو راشد: عيل وين البنات عسب يساعدونج ام راشد: ما شاء الله عليهن ما قصروو من الصبح ناشين ويايه والحين توهم راحو فوق يلبسون ويتزهبون بو راشد: هييه زين ما سوو .. شويخ :شريتي لج كل شي ساره: لا طبعا ما طلعت دورت لي كمن شغله من زهبتي اللي يسموونها زهبه ههههه شويخ : هههه بس لا والله بدلتج وااايد حلوه ساره: حتى انتيييييي حلوه بدلتج .. وااي متحمسه شويخ : ههههههه حق شو ساره: مادري جي احس هالعيد بيكون غير شويخ : هييه والله غير بدون فارس بس بعد حلو لانج ويانا ساره: حبييبتي والله .. كل عام وانتي بخير يالدببه شويخ : هههههه وانتي بخير .. بتصل في فروس ساره: عيل انا بروح حجرتي بسوي اي شي في وويههي شويخ : انزين عندي هني كل شي سوي هني ساره: لا عادي بروح شويخ: بلاااج .. بكلم فروس شو يعني عندنا اسرار تتحسبين هههه ساره: لا تاخذين راحتج يعني شويخ : هههههه اقول جب جب ... الوووووو فروس: هممم شويخ: اوويه رااااقد الحبيب فروس: ياحيوانه قلت لج فرق ساعتين بيننا وبينكم .. والحين الساعه 6 الصببح شويخ : هههههههه مشكلتك نش اليوم عيد فارس: شوييييييييييخ العيد عندكم انا مب وياكم هههههههه شويخ: فرووس والله مشتاقتلك وبدت تصيح فارس: شوييخ .. شيخو بلاج .. كلها كمن يوم واتووني شويخ : اي كمن يوم اسبوع ونص يدامنا فارس: ماعلييه بتعدي بسرعه صدقيني شويخ: سخييف لازم تسافر فالعيد والله انك سخيف فارس: هههه انا بعد مشتاقلكم والله بس شو نسوي بعد شويخ : ماكان له داعي تسافر والله فارس: هييه صح ابد ماله داعي ! شويخ : يلا .. كل عام وانته بخير يالزفت فارس: هههه وانتي بخيير يا احلىىىىىىى اخت وازفت اخت لانج ماتخلين حد يرقد شويخ : ههههههههه سخيف فارس: وينها ساره شويخ : هووون فارس: عطيني اياها شويخ :شوو عيبتك السالفه يلا منااك فارس : هههه اقول عطيني اياها يلا شويخ: اييه يالساكته تعالي ساره:شتبيين شويخ: فروس يبى يبارك لج ساره تشل الفون : هلا والله فارس فخاطره:فدييييييت حسج .. فديت امن يابتج .. اووف شقد مشتاق لشوفتج .. ساره: الووو ... فارس: اا. اهليين ساره: هااه ويين رحت فارس: هههه ويااج ويااج .. كل عام وانتي بخير بنت بو حمد ساره: وانتتتت بخير وصحه وعافييه .. وعساك من العايدين فارس: الله يعودها علينا وعلييج ساره :كاان ودنا والله تعييد ويانا بس راسك يابس ما صبرت كمن يوم وعقب رحت فارس: شو نسوي بعد ظرووف ساره: هههه شهالظروف اللي تخليك تسافر بين يوم وليله وتهد اهلك ... وامك حليلها تصيح صبح وليل فارس: الله يهديها امي دموعها عند الباب ساره: هههه شو تسوي بعد ولدها فارس: يلا انتي لو رمستج اكثر بتخليني اهون وارجع على اول طياره ساره: هههه اوكي عيل ما بصكر فارس: ههههه لالاماتصدقين هااه ساره: ههههه عسب خاطر عمتي حليلها فارس: بس عمتج ؟ ساره : شو؟ فارس : سلامتج .. ا.. سلمي عليهم يلا مع السلامه وصكر ساره متنحه شويخ : ايييييييه بلاج... سارووو ساره: هااااه شويخ : شفيج ساره: اخوج خرف شويخ : ليش شووووووووو قال ؟ ساره: مادري خربط ع راسي وصكر شويخ : شو خربط انزين ساره:مااعرف نسيت ونشت راحت شويخ تتصل فيه مايرد وتتصل تتصصل فارس: هاااااااااااه شتبين شويخ : شو قلت لها فارس: واللللللللله بالغلط شويخ شويخ : شو قلت لها فارس: ماشي قالت عسب عمتي قلت بس عسب عمتج شويخ : طع فرووووووس يا حيوان مرت اخوك فارس: واللللللله والله نسيت عمري ما كان قصدي انزين شويخ : االحمدلله ماقلت شي ثاني فارس : اوووف مره ثانيه لوحنيت على راسج لا تخليني اكلمها اوكيه وصكر شويخ تشوف الفون : اوكي فروس اوكي ... ... حجرة ساره ساره بخاطرها : انا شوو يااااااني ... لييش جي يستوي بي .... كل مااسمع بطاريه التفت صوبهم .. وكل ما سمعت صووته قلبي يدق .. لالا .. عووذ بالله منك يا ابلييس .. اعوذ بالله منك يا ابلييس .. اوووف ليش جي يستوي بي ... انا متزوجه وهالشي غلط وحرااام .... بس بعد اللي يصير فييني مب حراام .. اعيش ويا ريال ما يابني ولا ابااه .. هالشي بحد ذااته اكبر حرااام .......... شويخ تدق الباب ساره تهز راسها وتطرد كل هالافكار من بالها ساره: منوو شويخ : انا ساره : تعاالي شوييخ: هااه خلصتي ساره : لاا الحين بسوي ويههي شويخ : ساره فيج شي ساره : لاااا شويخ : متأكده ساره : لا شويخ : هههه شفيج كله لا لا ساره: هههه مادري شو ياني ياخي شويخ : كملي ساره : شو اكمل شويخ : يعني قولي شو ياج ساره : اقولج مادري شويخ : هههه تدرين بس فكري شوي ساره: فارس شويخ : ايوااااا ساره : مادري لالا ماشي شويخ : ههههههه انزين عادي بلاج ساره: شو اللي عادي فالموضوع اخو ريلي شوييخ شويخ: وبتطلقين عما قريب ساره : بس بعد مايصير شويخ : وانا قلت لج روحي خذي فروس على رشود هههه ساره: اييه لا اتيبين اسمه شويخ : ليش ساره: مادري اخاف شويخ :ههههههههه واي احبببهم انا البريئيين ساره: جب اطلعي برع خل البس شويخ : ههههههههه عيل فارس هاه ساره: شويييييييييخ والله جد .. مابي افكر فالموضوع شويخ بنبره جاده: سارو انتي اليوم او باجر بتطلقين صدقيني وابوج بيوافق ساره : ان شااااء الله شويخ: يلا كملي كشختج ساره: هههه اوكي .................... راحت شويخ حجرتها وعلى طول دقت حق فارس فارس: هااه رمستييها شويخ: هيه فارس: ليكون فهمتني غلط شويخ: اسسسسكت يا ريال واسمعني فارس: بسم الله شو صاار شويخ: افتح اذنك عدل وجووف السماعه زين ما زين فارس: اييييه ارمسي شويخ: ساااره فارس: فديت اسمها شويخ: ههههه اسمع انت بس فارس: اووف قولي شويخ: والله وبنت بو حمد طلعت تحبك وانته ماتدري فارس: هاه !! شويخ: واللللللله توها تقولي عن لخبطة مشاعرها وماتعرف كيف تحس المهم وصلت لنتيجه وكلمتها وهيك وحز في خاطرها لانك اخو ريلها فارس: شويخ قولي واحد صفر شويخ: صفر صفر يا حبييبي وطلعت تحببك فارس: تستهبلين ؟ شويخ: واللللللله فروس والله فارس: انا الحين راد الببلاد شويخ: اييييه اييه مايصير ههههه انته حاجز روحه ورده فارس: مايهمني بحاول وياهم وبيي شويخ: خلاص فروس استهدى بالله ولوو ييت ما بتغير شي تراها مرت اخوك ولا تضغط عليها اكثر فارس: اووف اوووف هالخبر يوونس الحين ولا شوو وصكر ................ بيت بو فهد 9:00 الصبح لاصرت عندي وقتي أعياد وأعراس حتى ولو إني وسط سجنٍ حديدي ام فهد: ما شاء الللله عليج عروس عروس ليلى: ياربي لا تحاوليين ما بعرس ام فهد: ههههه قولي امين واسكتي ليلى: مابقوول رويض: ايييه خوارج حلوو ياحيوانه ليلى: اتري خل يستوي قصير بعطيج هههههه رويض: سخييفه بو فهد: ماشالله شعركم طووول لا تفكرون تقصونه رويض: لاااا ابويه .. جووف اذا ليلو ما بتقص شعرها برايها انا انسانه ابى اقصه ليلى: غبييه لانج فهد يدخل: حوو الشباب يايين فالدرب خالد :اوه صح يلا ياي ليلى :اووويه انا رحت اشوف الفلم الصبح فالميلس عفسته وجلبته فوق تحت خالد: طع ليلى:هههههه روح روح اوقف عند الباب ولا تخلي ربعك يدخلون وانا بنظف وبظهر من الباب اللي ورى خالد: هههههه بسرعه يلا ليلى:اوكييييييه وراحت وتمت تنظف المكان بسرعه بسرعه ودخل احمد .. لان فهد قاله ادخل وفهد ماكان يدري ان في حد فالميلس رفعت ليلى راسها احمد: السمووحه ونزل راسه ليلى متنحه ... وبعد ماحست بالموقف ليلى :اا.. وسكتت وطلعت بكل هدووء ليلى تمشي بسرعه بسرعه صوب حجرتها : لا بالللللللللله رحت وطي ... لالا اليوم انا بنذبح بيسووني خرووف العييييييد .......... الله يستررررررر بس اووف وهالانسان كل مكان يطلع لي .... ............... الميلس خالد: حووووو احمد .. وييين وصلت احمد: ههههه روما عند فروس خالد: هييييه والله اسميه العيد بدونه ولاشي فهد: الله يهدييه مابغى يسافر الا قبل العيد بكمن يوم منصور: ولا جي فجأه قرر ورااح ناصر: هيييييييييه وانا ادرس برووحي حليلي منصور: ههههه وانته كملت ما وقفت ناصر: وحيااااتك عقب يومين ماتحملت الوضع جان اوقف جاسم:ههههههههه زين ما سافرت وراه ناصر: كنت ناوي بس تعرف عاد الدواام كاسر ظهري جاسم:هيييه ههههه ................ بيت بو جاسم 12:00 على كثر اتصالات الخلايق في صباح العيد انا والله ما كنت آتحرّى غير جوّالك ام جاسم: ههههه حبيبتي والله البيت بيتج خوله: لا بعد فشله والله وايد مصختها هالمره وااايد تميت ميره: اقول انجبي وخلي عنج الذرابه وكلي خوله: هههه خليني استوي ذربه بلاج انتي ميره: ههههه اتذربي يدام اخوي خوله : ياااااا رببببب صبرررك ميره :ههههههههه الا وينهم اخواني ام جاسم: راحو بيت بو خالد ملتمين كلهم هناك خلوه: اووه مارحنا وياهم عند ليلوو نستهبل عليها ميره: هههههه حلوه هاي نستهبل عليها رن فون خوله خوله: عيييييييييدج مبارك ... قلت قبلج هاهاي ساره: ههههه ياحيواااااااااانه كل عام وانتي بخير خوله: وانتي بخيير .. هااه عروستنا شو اول عييد وياج ساره: والله ترتبيشن .. العيد ويا شوييخ غيير هههه خوله : ههههه اوه وناسه عيل انا باخذ اخو شويخ بيي بسكن وياكم ساره: ههههه اكملت والله..يلا بخليج عيل بتصل في ليلو وعقب بنزل تحت عيب اتأخر عليهم خوله: اوب اوب حرمه والله هههه يلا يلا سلمي ساره: ههههه يبلغ وانتي بعد خوله: اوكييه يلا مع السلامه ساره: مع السلامه وصكرت اتصلت في ليلى ليلى: يا مرررررررحبا ساره: مرحبتييييييين ليلى: كل عام وانتي بخير ساره: وانتي بخييير وصحه وسلامه .. عساج من العايدين ليلى: الله يعودها علينا وعلييج .. هاااه شو اخبارها العروس اول عيد لج فبيتهم هااه ساره: هههه بلاكم اول عيد و اول عيد .. عادي ترى ليلى: هههه لا غير غير عندج ريل الحين ساره: دخييلج الله والريل ليلى: ههههههههه حلوه.. دخيلج اسكتي شو استوى بي اليوم ساره: هااه شو استوى ليلى: اخو ميرو هذا انا بذبحه اخر شي ساره: اي اخو فيهم ليلى: احمد ساره: هاااه ليييش ليلى قالت لها السالفه ساره: هههههههه عادي عادي اعتبريها النظره الشرعيه ليلى: اي نظره شرعيه اي بطييخ والله ويههي احترق عن ياخذ فكره مب حلوه عني ساره: لاا شووو .. صدفه .. واللقى صصصصصدفه.. عيني تلتقي بعينه ليلى : الحمدلله والشكر اجلبي ويهج خل اروح اجوف امي ههههه ساره: هههههه يستحون هااه .. هههه يلا يلا سلمي على هلج ليلى: هههه يبلغ.. وانتي بعد ساره: يوصل .. فداعة الله ليلى: فداعة الرحمن وصكرت ويايه تظهر ساره من حجرتها سمعت فونها يرن ساره : هلاا اماااايه كل عاااام وانتي بخير ام حمد: وانتي بخير ساره بخوف: بسم الله شو فيه صوتج ؟ ام حمد:.... ساره: شو صاير ام حمد: عمج يابر عطاج عمره ساره:شوووو ……………. نهاية البارت الثاني عشر
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض المتطور
