ديـــــوان الامـــير عبدالعزيز بن سعود(السامر)

(ودي بــــشوفك)




ودَّي بشوفك مثـل مـا ودَّكْ بشوفـي
لاشك خوفي عليـك ومنـك حادينـي
مادمت يا صاحبي تدري عن ظروفي
ما أبيك تزعل . . تسَامَح يا نظر عيني
ما غير أصفَّق على فرقاكـم كْفوفـي
ما ودَّي أبعد وحظَّي عنـك قاصينـي
من شاف عيني يقول الطرف مخطوفي
من كثر ما أبكي وامش الدمع بيدينـي
تهشّمَتْ والبلا من جرحـك بجوفـي
جعل الشقا ينقسم مـن بينـك وبينـي
شوفتك من بينهم ما طمّنَـتْ خوفـي
أخاف يـدرون ربعـك وش معنينـي
الصاحب لصاحبه مهما جفـا يوفـي
مـا هـوب حـقٍ تبعدنـي وتدنينـي