قصائد الشاعر خميس المقيمي / قصائد صوتية ومكتوبة

مثل هذا المكان

لحفظ القصيدة (أضغط كليك يمين واختار حفظ الهدف بإسم )



مثل هذا المكان إكتظ بك قلبي مطر ، و أطفال
و مرّيتي و خذتي الغيم لأرضٍ تشبه (غيابك)
و مرّيتي و خذتي ما تبقّى من عيوني شال
و أنا ما كان باقي لي عيون ، عيوني ثيابك
بخيل الوقت : ما يمدي هطولك , و القلوب رْمال
كريم الصدر : ديرة من هلا لو تمطر أسبابك
طويل الدرب : لكن ما تمرّي غير طال ، و طال
أسافر مامعي زادٍ سواك و سيرة أصحابك
هنا حرّضت عنّابي على صبحك لثمه و سال
أسافر ، و الغياب بدمّ دمّي يصرخ إش جابك
أسافر وين ما يمّمت أحسّك للعروق (شمال)
أسافر كثرها عيونك بلاد ، و كثر أحبابك
تمرّي يورق النسرين شاعر عافه الترحال
و أمرّك ما تقوليني و أضيع بزحمة ألعابك
و أبدل هالمدى المذبوح سكّر لابغيت أحتال
و أمرّك و أنثر أشيائي حمام بساحل عْتابك
ظفايير شارعك بحّة نخلك و فال نفس الفال
سكن هالإرتحال اللي بنبضي ، و إشتهى ترابك
زحاام و مرّ وجهك بالمكان و عذق جرحي مال
غبي هذا الغياب و علّميني أموت بشعابك
وفيّه ما تخوني غير أنا و ان كثرت ألأحوال
و أنا أوفى عاشقٍ مامرّ جرح إلا تقهوى بك
تعالي ما سواك ، و ما سواك اللي سكن بالبال
تعالي و ما سواي اللي إنطرد من جنّة أهدابك






خميس المقيمي