رواية حبيبي مغرور و أعشقه لحد الجنون

الجزء الثاني <حبيبي مغرور واعشقه لحد الجنون>
أتمنى عجبكم الجزء الأول
خلونا ندخل الجزء الثاني
مع مغامرات جديدة
لإبطالنا
أرجعت نوره للصالة وكانت نوره2 جالسه تأكل
وتتفرج على t0v
نوره تغني
صدفه ومن بين كل الناس علقني
من يوم شفته وعيني جات في عينه
حسيت شي بعيونه حيل يجذبني
لما ابتسم بانت في وجهي تلوينه
أجلست جنب نوره2 وحطت رأسها على كتفها
نوره اااااه يانوير مادري ليه قلبي فرحان كثير
نوره2قومي وريني وجهك فيه شي جديد
نوره فروس حبيبي وروحي وعمري و
نوره2خلاص وجع ابقي ألزبده السالفة
نوره شاقني مره ثانيه التقت عيني بعينه دون حواجز الله يصبرني ينوره أحبه أحبه
نوره2 تضربها على رأسها بخفيف يمه منك طلعتي مو هينه كشفتي وجهك له
نوره شيفتني خبله أكيد لا بس لما رجع لسيارته دق جواله وصار يتكلم بطريقه مايعه مع وحده
وانأ قربت أذني عند الباب عشان اسمع ورفعت الشيله بس فاجأني بدخلته وانأ مانتبهت كنت منقهره لان كان يكلم وحده وشافني
نوره2بس شوف مقال شي
نوره قال ويا ليته مقال علقني فيه أكثر وأكثر
أنزلت دمعه من عينها
نوره2هالحال ماينسكت عنه بس شغال شوقتيني اعرف
نوره علمتها بالكلام ألي قاله
نوره2 نوير أذا أنتي صادقه طلع ماهو هين يعرف كيف يصف كلام إلي متزوج ثلاث مرات أكيد يعرف
غابت الابتسامة عن وجه نوره يعني لازم تذكريني انه متزوج وتوجعين قلبي
نوره2هذي الحقيقة ولازم تعيشينها المهم بتروحين حفلتهم بكره
نوره مدري بس أمي وخواتي بيرو حون
نوره2بتروحين أنا بروح دام أعزمونا خلينا نشوف زباوة الناس إلهاي
نوره طيب نروح بس شبتلبسين
نوره2عندي فستان احمر والثاني اخضر
نوره أنا بلبس الأصفر لزواج ولد عمي
وخلينا نروح مع بعض
نوره 2اوكيه لا تذكرت عندي موعد في المستشفى العصر مع أبوي
نوره خير فيه شي
نوره2 أنا موعد جلديه وأبوي للعيون بس يمديني أن شاله ارجع واسوي شعري وأحط ماكياج
نوره يمديك ماينخاف عليك شاطره في الماكياج
يوم الثلاثاء في المستشفى
نوره2 رقمي 3يبه أذا خلصت انتظرك في غرفة الانتظار
سعد أبوها أنا بدخل الحين وقام لغرفة الدكتور
نوره2خلصت وكان أبوها ينتظرها في السيارة
وهي ماره لمحت ممرضات وكم موظفه حوله يسلفون معاه ويضحكون الوجه ماهو غريب عليها هذا الدكتور إلي جاها لما كانت منومه هنا ومن حب الفضول حبة تعرف من هذا الدكتور وقفت ممرضه ماره جنبها
نوره2 لو سمحتي ممكن اعرف اسم هذا الدكتور وتأشر على رياض إلي كان مآخذ راحته في السوالف والضحك
الممرضة تقصدين هذا لا هذا مو دكتور هذا أستاذ رياض مدير المستشفى هنا
نوره2 مو مصدقه مدير المستشفى هو نفسه إلي ادعى انه دكتور ودخل عندهم لغرفه عصبت كيف واحد مثله يستخف بعقلها 0دورت مكتبه لحد مالقته 0
رياض جالس على الكرسي يكلم جوال هلا 00خلاص نلتقي ألليله 0نفس مكانا 0خلاص اطلع قبل نهاية الدوام واجيكم 0فمان الله
أدخلت نوره2
رياض خير أختي فيه شي
نوره باندفاع أنت لو تستحي أو متربي كان ماسويت حركتك الوصخه معانا
رياض يبلق عيونه فيها أنتي بتتبليني أي حركه مسويها لك شكلك مضيعه العنوان شوفي من لعب عليك
نوره 2تصرخ لا مضيعت لكن واحد مثلك ناقص رجولة أو متربي
رياض عصب وقف ومشى لعندها لو سمحتي طلعي بره قبل لأنادي الأمن يطردونك
نوره2 خلهم يجوون عشان يعرفون سويت أبقى اعرف شنهواستفدت لما ادعيت انك دكتور ودخلت على مع صديقتي نوره
رياض متى صار الكلام
نوره2 سالفتك صايره يوم الخميس إلى راح بس شكلك متعود تدخل على المرضى
رياض باستهزاء كيفي صاحب المستشفى واسوي إلي أبيه
نوره2طررررااااااااااااااااااااااااااااااااااخ عطته كف واطلعت
رياض مو مستوعب بس لما حط يده على خده
بنت الكلب عطتني كف أنا رياض أنضرب ولا من حيوانه مثل هذي 0طلع يدور عليها والشرار طالع من عيونه يبقى يعرفها واسم نوره في إذنه لحد متذكر
رياض وحده منهم ينوره فهد أو نوره سعد
رجع مكتبه وطلب من الاستقبال يعرف أي وحده راجعت اليوم 0وبعد دقايق وهو جالس على أعصابه تدخل موظفه من الاستقبال
الموظفة تفضل طال عمرك ألي جئت اليوم مراجعه نوره سعد
رياض بنفس عميق والله ماكون رياض التاجر أذا ملعنت أبو جدك وخليتك تندمين على اليوم
إلي 0يحط يده على خده
الساعة 7المغرب نوره2جالسه في غرفتها ولاسوت شي لعمرها
يدق باب غرفتها تدخل نوره ماصدق لما قالت أمك منتي رايحه جيت اتاكد 0تسكر باب الغرفة
نوير ليه ملبستي مبقى شي ونروح
نوره2 مالي خلق أروح متضايقة
نوره بطنز متضايقة أمس متفقين على ألروحه ليه غيرتي رأيك 0صار شي في المستشفى
نوره2خافت تقول وعارفه إن نوره بتعاتبها لأنها ماغطت وجها ذاك اليوم 0خلاص بروح بس بشرط تشوين شعري وماكياجي
نوره غالي واطلب رخيص قومي أسوي وجهك لوحه فنيه .
الساعة 9ونص في مقهى جالسين الشباب
ماجد صارت تسع ونص ولا شرف حضرته
فارس مع انه قال يقدر يطلع قبل لا ينتهي الدوام بس فيه شي أخره
وعلى دخلت رياض السلام عليكم يسلم عليهم ويجلس وينادي حاتم ياحاتم
حاتم يشتغل في المقهى هلا بالشيخ توا اسأل الشباب عنك
رياض أسالت عنك العافية عطني اقو شيشة عندكم
حاتم تامر أمر دقايق
ماجد لحضه حاتم افا عليك يعني من يلقى أحبابه نسى أصحابه
حاتم يضحك معاش من نساكم تفضل
ماجد شرايك فارس تفاح
فارس لا ماابقى مليت من التفاح وصرت مأكل تفاح في البيت
حاتم واصلنا نوع جديد اليوم تجربونه
فارس جيبه نجرب
ماجد وإنا بجرب تبقى رياض
رياض كان في عالم ثاني وكل متذكر الكف فار دمه
فارس شكله راقي برج ألمملكه مراح يسمع خلاص حاتم جيب الطلبات
ماجد يحرك يده في وجه رياض هي نحنو هنا وين سرحان
رياض ينتبه معاكم وين بروح
فارس باين انك معانا مو على فارس أعرفك وجلستك هذي فيها بندوره حمرا
ماجد لا تقول خوينا شبك من جديد على أي قناة هذي المرة
رياض تكفون مالي مزاج لكم الحين
فارس رياض قول لي أعرفك ألمساله فيها بنت وجديدة وتوها صايره
رياض بنرفزه والله لأجيب خشمها في الأرض وأخليها تحب رجولي وأنا ولد أبوي
فارس راحت البنت من كيس أهلها
ماجد يا أبن الحلال أنساها وروق
رياض صدقوني مراح أروق لما أسوي ألي أبقاه فيها .
في ألحفله الطقاقه شاليه المكان والرقص قايم
سحر ها بنات أعجبتكم ألحفله
نوره جنان سحر هذا عيد ميلاد وكل شي صار فيه أجل كيف عروسكم
تضحك سحر أزيد من كذا
مشاعل مشاله تهبل شهد بنت خالك ألا هذي أمها شيالتها
سحر أيه هذي منيرة مرت خالي محمد وألي جالسه جنب أمي مروه مرت خالي عبد المنعم وبنتها جود عندها
مشاعل لا هذي أحلى بكثير جودي نسلكم حلو سحر
سحر بغرور أكيد حبيبتي أحنا منجيب ألا حلوين بنات ورجال ألا نوره شفيها نوره2
كانت نوره2 جالسه على الطاولة وتفكيرها بعيد
نوره مدري عنها طول اليوم وهي كذا
سحر تعالوا معاي أعرفكم على حريم خوالي .
أوووه علينا مع خلود
مشاعل شفيك
سحر ذبحتني مع صديقتها تبقى جدتي وأمي يشفونها عشان يوصفونها لخالي فارس
نوره" تدخل سريع" ليه ناوي يتزوج
سحر لا مطلب ولا يفكر حتى .
في المقهى
رياض تروحون معي البحرين بكره
فارس بكره ألأربعاء بتكون زحمه كثير
رياض يبن الحلال نروح بالطيارة وعلى حسابي شقلتو
ماجد أنا معاندي مانع طالما على حسابك
فارس سكنا وأكلنا وتمشيتنا عليك
رياض يبتسم كل شي على حتى أذا بقيت توسع صدرك بلي خبرك علي
فارس صدق أنك حمار تعرفني ماني راعي سوالف وخرابيط
رياض أقول ماجد خلك معي ولا عليك منه
ماجد لا أنا معرف ولا مشيت في هذا الطريق
خلنا تمشيه بس
في الحفلة
منبره سمعي نوف أذا بدت مسيرة شهد لجدتها عشان تعطيها ألهدية خلك معها خليها تشوفك يمكن يخطبونك
نوف تتعبين نفسك مخطبوني من قبل تبقين ألحين
منيرة أنتي سوي ألي وصيناك عليه أنا وأمي وبس سامعه
سحر بنات طلبت لنا أغنيه نرقص عليها قوموا
نوره2 أنا عذريني
سحر أول وحده بترقص أنتي وقامت غصب عنها وبعدين أرقصوا مصري رقص
حصه شفتيهم يمه ماهم صاحين وتضحك
ليلى خليهم يستانسون
سعاد أقول حصه من هذيلي
حصه ربع سحر في ألجامعه
سعاد يحللهم بروح أتعرف عليهم شكلهم وسيعين صدر
منيره نوف شقا عده تسوين روحي رقصي مثلهم