الشاعر سالم البدوي / قصائده الكتابية والصوتية

عصر الأنترنت
(للتحميل)

بـعد رحـلة شـقا مرة وعانقها الزمان المر
بـعد حلك الليالي السود وصيف اجتاحنا حره

بـعد ذاك الـزمان اللي عصر همه علينا ومر
ضـحك سـن الـفقير وقـام كـسر قنديله وفره

لـقا صـبح جـديد وشـمس وفارق هالشتا والحر
تـناسى حـصوتين ونـار ودخـان الـدفا وجمره

بـعد ضيم السنين البور قلنا له عسى ما شر
ويـنك يـا زمـان أول تـعال وزورنـا مـره

صـرنا نـكتفي بـخطوه ونـتحكم فـقط بـالزر
بـعدما عـاش أهـالينا حـكاوي كـلها عـبره

يـبات الـصايم بـجوعه إيلا ضرع الغنم ما در
يـصارع بـالفقر سـقمه وكـاتم بـالصدر سره

تـدريبه ظـهور الـنوق زمـان والسفر يضطر
تجمح به رياح الدهر وهو ما شي على الفطره

ودارت عـجلت الأيـام وكـانت هـالمدينه بـر
خـيـمه وعـريـش وبـيـر وشـاتـين تـحـت سـمره

وفـاحت ريـحة الـتعمير وكل شبر بالبراري خضر
سـترنا نـصفنا الـعاري بـثوب المجد والشهره

وداعـاً يـا زمـان الـقرش والفضه وسقف خر
وداعـاً يـا جـدار الطين وصحرا ما حوت ثمره

وداعـا للمحوا والحرز وزيران اللبس والضر
تـركـنا وصـفـة الـعراف وفـلانٍ بـه مـضره

مـحينا مـعضلات الـجهل وقـلنا كـل شـخص حـر
سـحابة غـيثنا تمطر إذا هو الغيث من قطره

سـلام الله عـلى التعليم إذا جاوز حروف الجر
دخـلنا أوسـع ابـوابه نـريد العرف والخبره

نـفضنا بـثالث ألـفيه بقايا غبارنا والحر
هــلا بـالـحاسب الآلــي هـلا بـه خـيره وشـره

هـلا يـا عـصر الإنـترنت بدونك حالنا ما سر
هــلا بـالـهاتف الـنـقال ولـلـه الـزمن دره




سالم البدوي