ديوان أحمد المعمري قصائد/كتابية ,صوتية

مجاراة بن فطيس
للتحميل
أضغط كليك يمين(حفظ أسم الهدف)

ماهو بمـــــن ياتي ولا يدرابه
شطـــــرن حفظه وما عرف كتابه

ابيات سطــــــرها فذيك الليله
بشـــــــــاعر المليون نحن ادرابه

المري ابن فطــيس سجل قوله
والشــــــعر رحب به وفك ابوابه

وانا هــــــنا ابغي اسطر قولي
وامتـــــــــع الجمهور كل احزابه

بالتجـــــربة توني صغير لكن
يبقى الأســــــــد هو زعيم الغابة

وانا اعــــــوذ بهــا من الله انا
مــــاني بقايد هــــــالشعر واسرابه

لكن اذا الهــــاجس تمكن فيني
اصــــير ابو الطيـــــب فعز احقابه

البيـــت وبحور الشعر تعرفني
الرمل والمســـــحوب معه اصحابه

ما هو تــــفاخر بالنفـــس لكني
صفــــــحة بقصايد هالشعر وكتابه

ارتب افكاري معــــــاها فكري
واحيـــــان افكـــــــاري تجي شبابه

تبهر اذون اللي سمـــعني معها
العــــاذل اللي ما حســــــبت حسابه

وما دام في يدي السلاح الشامل
ماهمــــــني الــــمدفع ولا الــــدبابه

المعمري اصلي واصل جدودي
من يــــــــومنا لصيد المعاني ذيابه

نؤمن بأن الشعر وهبــــة من الله
البــــيت زرعة والقــــــوافي ترابه

ونؤمـــن بأن الي وهبـــــنا فرق
وصـــــــبع الوسط ما يشبه السبابه

والميل درب(ن) يستهل بخطوه
والصـــبر مفتــــاح الفرج مع بابه

يعني تشبــــث بازدياد السرعه
واربط حزامك والــــدرب تسعابه

والشاعر اللي مطــلبه جمهوره
تبـــقى جــــــــماهيره معه لا يابه

والشــــاعر اللي غرته اشعاره
لابــــد من طــــــلقة تصيب عقابه

وما كل من عد القصايد شاعر
وما كـــــل من خـــط بقلم يزهابه

ويكفيني اني في عمان مــــولع
ارض كــــساها هالمــــــجد جلبابه

سيما ومسقط والمصنعة روحي
وشنـــاص داري مستــــحيل غيابه

وما دام قابـــوس الفخر حاميها
غصب الفخر يـــركع لجل أصحابه

قايد ابحكي فيه بيــــــت واحد
قايد تعـــب لجل الــــوطن واحبابه

ان كان للعــــليا وســـــام يعطى
فانا اشهد ان قابوس هــــو اولى به

المري يا ابن فطيس خذها مني
احــــيان ابيــــات الشــــــعر كذابه

ما جيت انا اتحداك والله بشعري
وما جيت أرجع للشعر أحقابة

لكن أبنهي هالحكاية واحذ
بيــت عجبـــني حيل وانت اسبابه

ما اقــــول انا اشعر واحد فالعالم
لكن قصــــيدي كــــفو وانا ادرابه