ديوان أحمد المعمري قصائد/كتابية ,صوتية

فمان البعد
للتحميل
أضغط كليك يمين(حفظ أسم الهدف)

ي غايب والقصيد اسمى من انه يندفن فقبور
تعال وعــلم صنوف الاوادم فلسفة ساسه

تقل جيب الشعر واقول مابه باسمات شعور
تقل كيف الشعور اقول حزنه يحكي احساسه

تقل كيف القصايد في غيابك؟ حالها ميسور
على حطت يدك أقلام تملي شوق كراسه

رحلت وقد رميت الياس فيني من ثلاث شهور
وانا من قبلها طالبك جفني كثر نعاسه

اذا ماهو على شاني عشان وصالنا المبتور
لجل فصل الربيع اللي فغيابك عاش فيباسه

انا في داخلي بستان يذبل لو جفاه النور
وجيت انته وقطعت النور عنه والجدب حاسه

يشابه هالحزن فيني طفل عايش بلا اي شور
بدا يكبر مع غيابك وشب الشيب في راسه

تشوف الياس في عيني واغطي شوكتك بزهور
لان اللي خلق فيني الوفى ما قد خلق ياسه

امر بحسرتي يم المكان اللي غدى مهجور
م غير الصمت جاوبني حسافه هاجروا ناسه

اجي كلي طموح بكبرياء الشاعر المغمور
اجي حلمي القلم ومحبتك وسطور قرطاسة

كتبت الشعر من نزف الضلوع وكم بكتني سطور
لجل لو مات صاحبها فدى لعيون مياسه

عرفتك يوم كنت اسأل جنابك للفراق حضور؟
جهلتك يوم قلت ان خنصرك ما يشبه اجناسه

وبعد ما صنت في عينك بضيم التضحيات بحور
ضمى جفني من اسبابك وصاح الدمع ب افلاسه

فمان العفو يا غالي مع انك ما قلت مشكور
م عاد السهم له قيمه مدامك شلت اقواسه

فمان البعد يا اقسى حكايه عاشها عصفور
بنى عشه من اوهامك وطاح الفاس في راسه