ديوان صاحب السمو الملكي الامير خالد الفيصل حفظه الله

(هـــون على الـــقلب)






هوّن على القلب المعنّـى خفوقـه
لا تتعب الخفّاق و النـاس ساليـن
ما أحدٍ درى بك يا مفجّر عروقـه
إنت و خلِيّ الهم حيـل متساويـن
يا صاحبي دنياك ماهـي صدوقـه
كذبة عبث بالحس و السمع و العين
أكذب من الأحلام لمعـة بروقـه
سحابها يرعد و لا للمطـر عيـن
ما صادق إلا من طوتني حروقـه
ياليتها تكـذب جـروح المحبيـن
ليت الهوى ما صادفتنـي طروقـه
و لا عرفت الوصل أو لوعة البين
لا واهني مـن لا يميّـز فروقـه
ما يفرق الجمعه على صبح الأثنين
يدلَـه و الأيـام الهنيّـه تسـوقـه
نوم الهنا يغشـاه بيـن العشاويـن
ما ذاق تسهيـد العيـون الشفوقـه
تسهر إلين الصبح يبـدي بخطيـن
على الـذي وسّـع بقلبـي فتوقـه
خلاني آهوبـي سـواة المجانيـن