خاطري مكسور من قسوة زماني كاملة

ام ياسر:هلا وين كنتو
اثير:ولدك فكر فيني اخيرا وطلعني اتمشى
ام ياسر:الحمدالله جعله دوم
ياسر:ليه مانمتي يمه ولا توك جايه
ام ياسر:خفت عليكم وبدق عليكم ماحفظت ارقامكم
ياسر:وش اخبار جيرانكم
امه:الحمدالله تدري من شفت
ياسر:من
امه:ام راشد جارتنا اول
ياسر بدون شعور:شذى
امه عصبت: ام راشد مو شذى
آثير تناظر في ياسر ومنصدمه
ياسر باأهتمام:وماشفتي بناتها
امه:لا وش عندك تسأل عنهم
ياسر يصرف:هاه لا ولاشي

آثير انسحبت بهدوء وراحت غرفتها
امه:انت وش فيك نسيت ان اثير موجوده
ياسر بقهر وألم:غصب عني يمه قلبي مب قادر يحب غيرها يمه انا ظلمت اثير معي ياليتني ماتزوجتها وعذبتها ياليت
اثير كانت تسمع كلامهم و عيونها شلالات
امه:طيب رح لزوجتك تلقاها مستغربه من نطقك لاسم شذى
ياسر :طيب
وراح لها وشاف دموعها وقرب عندها وقال بكل حنان:وش فيك ياقلبي
اثير تناظره وتصيح
ياسر:وش فيك وش صاير
آثير:انت تحبها من زمان
ياسر مسوي مايدري وش السالفه:من؟
اثير:ياسر سمعت كل شي
ياسر:شذى احبها من يوم اول شفتها فيه{يصرف} بس لاتشيلين هم هي مخطوبه الحين وانا الي باعني برخيص ابيعه بتراب
اثير ضحكت بسخريه:انت تحبها ياياسر وعمرك مابتكرها
ياسر:الا انا احب اثير الحين وشذى ماتعنيني
اثير:ليه تزوجت وبقلبك حبيبه
ياسر:بس انا مافيه بقلبي احد يوم تزوجتك والحين الي ملك قلبي انت ياحبي
اثير :والكلام الي قلته لخالتي
ياسر سكت ولف وجه
اثير:ياسر ارجوك طلقني
ياسر منصدم وبتطلع عيونه من مكانها الا شوي :اطلقك لا مستحيل وش تقولين انتي
آثير:اذا انت تحبني صدق طلقني
ياسر:انا ماتزوجتك عشان اطلقك طلاق لاتحلمين فيه انا شاريك
اثير نزلت دموعها وقالت:الله يخليك طلقني بقولهم انا غلطانه والولد مافيه عيب انا كل العيوب فيني بس ارجوك طلقني
ياسر عصب وبصراخ:انتي ماتفهمين طلاق مب مطلق وطلع من الغرفه ومن البيت كله
اثير صارت تصيح اكثر من اول وجهزت شنطتها ودقت على اخوها زيد
زيد:تستهبلين انتي ولا كيف
اثير:تعال خذني يازيد ولا والله لأجي بتاكسي في هالليل
زيد عصب:اوك خلاص جاي
><
شهد تناديها بحماس:شذى شذى
شذى:وش فيك

تم الجزء السابع