كبرتي وَصرتي بـ آلعشرين , طويله وَفآتنه وَتغرينْ ( كآمله )

نادتهاا امها من عند البـاب:اروى!!
اروى التفت لـ أمهاا وهي مبتسمه من الفررحه:عيـون اروى وقلبهاا وروحهاا وكلـهاا..آمريني
ام اروى وهي عارفه الجواب:على ويـن؟؟
اروى تنهد وهي مبتسمه:لـ حبيب قلبي يايمـه..ابي اشووفه
ام اروى:اروى حبيبتي!!..هو طلقك خلاااص ومايصلح تكشفين له!!
اروى مازالت فرحتهاا على وجهها:ادري!!...بس انا معتبرته زوجي..واهم شي انا وش اعتبر
ام اروى:اروى يمـه!!..تعوذي من ابليـس وتعاالي..وش تبين يقولون عننا عمك ومرة عمك ان شافوك
اروى:ماراح يقولون شي..اصلا وش بيقولون ان شاافوا ست الحسـن جاايه عنده ..اوكي مامذر..بدك شي؟؟
ام اروى:لاتروحيـن..
اروى:يمـه..."تبتسم بـ عذوبه"...بــآي!
ورآحــت لـ زيااد
\
/
\
/
كـان زياد جالس بـ الغرفه لـ حاله بعد ماتوسط له الدكتور ان محد يجلس عنده لان ماله خلق لـ أي احد ابداا...حتى مشــاعل
الغرفه خاليه الحين الا من النرس اللي تو جت تحط الاكـل والحين طلعت

وخر اللحـاف عنـه وجا بينزل بس يحـس بثقـل في جسمه..ومن تحت اكثر شي..
رص زيااد على اسنـانه..لازم يقوم لازم..بيثبت ان هـ الدكتور غلطـان وانه يقدر يمشي..
وبـ صعووبه قدر ينزل رجوله الثنتين تحت يعني صار جالس ع السرير..يحس بـ ألم في مجرد انه جالـس..بس ماأهتم..وكمل اللي هو نااوي عليه..وتوه بينزل..

- أيـه يازيــاد!!...عاوز تعمل ايه؟؟

التفت زياد لـ الدكتور..:أمشـي!!..ماراح اجلس كذا طول عمري
الدكتور بـ نظراات هاديه:زياد ماتعملش بـ نفسك كداا..دنت لسااتك صاحي من يوم واحد بس
زياد:مالك دخل..ابقوم يعني بقوم
سند الدكتور كتـفه ع الباب يبي زياد يثبت لـ نفسه انه ماراح يقوم..
قـام زياد واول مالامست رجوله الارض..طــآآآح!!

على طوول جااه الدكتور اما زيـاد كان على وضعيته..ماتحرك..كان جالس على ركبه وحده وثانيه كانت ممتده وموازن نفسه ع الارض بـ يدينه..

الدكتور:انا قلت لك..ماينفعش تمشي دي الـوقتي
زياد:.......................
الدكتور يسااعده يقوم:حتحتـاق علاج طبيعي وكل حااجه حتبقى تمام

واخير استقر جسم زيـاد ع السرير..طلـع الدكتـور..وزياد يحس بـ الشفقه على نفسه..

- الســلآم عليكم!!
ناظر زياد من عند..أبتسم بـ سخريه ونزل رااسه..تقدمت منه وقالت بـ غنج:السـلام سنه ورده واجب..ياولد العـم
زياد:وش جابـك؟؟
اروى تأشر على نفسهاا:أنـا؟؟..انا وش جابني؟؟..الظااهر نسيت الخبز والملح اللي كان بينا!!
زياد:.....................
اروى تنااظره..وضـلوا وقت وهم على هـ الحـال

اروى:زيـاد!!
زياد:وش تبين؟
اروى:انت...تـ..تحبهاا؟
زياد ماتغيرت ملامحه..:ليش هـ السؤال؟؟
اروى تجمعت دموعها:جاوبني
زياد:أيــه...من كل قلبي
اروى:وانـا..وين؟؟
زياد:اروى لو سمحتي ترا مالي خلقك ابد..انا بروحي تعبـان ونفسيتي عدم..لاتزودين علي الله يخليك
اروى صااحت:زيـاد انت مو زيـاد اللي انا اعرف
زياد:لا هذا زياد اللي تعرفينه..ماتغير
اروى:لأ..زياد اللي اعرفه كان حنـون..وكـان طيب..ولايفكر يجرحني..زياد اللي اعرفـ..
قاطعه بـ صوت عالي:ارررررروى!!!...لو سمحتي!..ابغاا اجلس لحـالي
اروى:بس انـا.........
زياد بـ هدوء:لو سمحتي

دخلت مشـاعل..وتفـاجأت بـ اروى اللي كانتواقفه تحاكي زيـاد
مشاعل:السـلآم عليكم
محد رد لان الجوو كان مكهرب..خي اصلا ماأنتظرت رد..راحت لـ زيااد بعد مافصخت طرحتهاا
مشاعل تكلمه وكأن اروى موموجوده:شلوونك الحين؟؟
زياد من غير لايناظرها:الحمدالله...عآيش
مشاعل تبتسم له:دووم ان شالله..موب يوم
زياد ماعلـق..ولا بان شي على وجهها..
اروى:زيـاد .."تناظر مشاعل اللي التفت لها"..انا رايحه تبي شي؟
زياد:سلامتك..وسلمي على عمي
اروى:يوصل ان شالله
وطلـعت

جلست مشاعل على سرير زيااد..انتهبت لـ الاكل اللي شكله ماتحرك من مكـانه
مشاعل تناظر الاكل:ماأكلت شي؟؟.."ناظرته وابتسمت"..ليش؟
زي التفت لـ الشبـاك:ماأشتهي

سمع صوتهاا التفت لقاهاا تجر الطاوله لـ عنده
وقفت قدامه وفصخت عبايتهاا..كانت لابسه برمودا جينز وتيشيرت احمر عاادي
طالعهاا ماكانت متكلفه بـ لبسهاا بس كاان حلوو لان جسمها هو محلي اللبس..

مـر في مخـه يوم تقوله..مايتذكر بس سمعهاا تتأسف له..يعني تدري انهاا هي السبب في صدمتـته
وأكيــد الحين هي تحس بـ تأنيب الضمير أتجااهي..عشاان كذا صاير تهتم فيني..يعني دافعهاا مو حب..
أبتسـم بـ خبث!!..
اوكي مادام الدعوه تأنيب ضمير يامشــاعل!!..ومو حب..بـ خليك تحسيـن بـ تأنيب ضمير ماعمرك شفتي او حسيتي مثله..والله لـ وريك

أبتسم لهاا..وقالت هي:لازم تــاكل!!
زياد بـ نظره..لان في شي بـ مخه:مابي
مشاعل:زيـاد الله يخليك!!..بس شووي
زياد يبتسم لهاا اكثر:عشـان خاطرك بس
انصدمت مشاعل...لين الحين يحبني؟؟..مستحيــل..ماأظن هو عارف اني السبب
زياد:بس تاكلين معي
مشاعل ابتسمت له:اوكي..باكل معك

جلسـوا ياكلون..وقفت مشاعل وجلست تناظره واضح عليه ماله نفس ابد
مشاعل:زيـاد!!
ناظرهاا وكانت تلعب بـ الملعقه وماتقدر تحط عينها بـ عينه مما خلاه يبتسم و"يفرح"
مشاعل:اممممم..كيف نفسيتك
زياد:الحمدالله...."وتذكر"..آآسف ياقلبي لاني طردتك قبل..بس تدرين كنت توني دااري
ناظرته ابتسمت له:لاعاادي..انا مقدره شعورك..بس....."ترددت"
زياد:وش فيك؟؟..
مشاعل:انت ط..طلقتني وانا..........."سكتت"
نزل الملعقه وناظرها بـ نظره جامده:مشـاعل..الحين اعتقتد لازم نناقش الموضوع..ماأظن بنت توهاا شباب مثلك بتوافق تعيش مع واحد مثلي
مشاعل:مثــلك؟؟...ليش انت وش فيك
زياد:لاتنسين اني اعتبر مشلـول
مشاعل:مايهمني...انت ماتبيني؟؟
زياد:هـ الشي راجع لك..قراري ماله معنى
مشاعل قامت:اذا انت ماتبيني........انا ابيك!!
ابتسم زيااد..لالاتأنيب الضمير يلعب دور حلوو في قلبهاا..ولـ صالحي:يعني ترجعين لي؟؟
مشاعل:أكيــد..اصلا انا ماعلمت احد عن طلاقناا..ولاراح اعلم لاني مافكرت ابعد عنك..
زياد:بس انتي طلبتيني الطلقتين؟؟
مشاعل:مابيهم..."تجمعت دموعها وقالت بـ خجل".....ابيك انت!!
زياد ابتسم ومد يده لهاا ومسك يدهاا..سحبهاا له..وخلاها تجلس جنبهاا:مــتأكده؟؟
مشاعل تهز راسهاا:ايه..متأكده ولاراح اترااجع...انا قررت بكرس حيااتي لك انت..انت ومي وبسسس
زياد أخذ يدهاا وبأسهم..:الله يخليك لي ياميشوو..ولايحرمني منك
مشاعل ابتسم بس من جوااهاا جالسه تموت..تموت بـ بطئ..لانهاا تحس نفسهاا مع كل ابتسامه من زيااد..او كلمه حلووه..تتعذب..لانهاا ماتستـالهاا..تحس مجرد تشوفه..لو تشوف السعااده او الحزن عليه..ودها تذبح نفسها..تبي تعطيه روحها وكلها وتموت هي وتخلص