ديوان الشاعره... ثريا قابل

الشاعرة مخلصة وصادقة، لاتتلاعب بمن تهواه أو تبادره بالهجر والنسيان، بل تخاطبه بأرق العبارات وتحلف له ب"رب البيت والكعبة" بأن بعادها عنه أمر خارج عن إرادتها:

ورب البيت والكعبة ظروفي ياحبيب صعبة
إذا أوعدت وماجيتك أو تشوقت ومالقيتك
لاتحسب أنا نسيتك وآخذ حبنا لعبة
يعز علي أشكي لك بكل همومي واحكي لك
واخلي فرحتي... تذوب في عيونها الرغبة
أنا ماكره أكون جنبك ولاأتمشى بغير دربك
واجيب ألف عمر واحبك وأكسر حاجز الرهبة
حبيبي والذي سواك مامل النظر رؤياك
ولو يقدر سبقني وجاك وبين رموشك تخبا

والحب الذي تعبر عنه الشاعرة حب كبير وعميق ودائم، ليس عابر ولاسطحيا ولالعبة للتسلية..بل هو حب اغلى من الحياة..حب تضيق العبارة عن أدائه..حب ينمو ويكبر ولايقف عند حد معين..حب يملأ النفس بالسعادة ولايقوى عليه الهجر والغياب مهما طال:

ياحبيبي وياحياتي وياعيوني
آه لوأقدر أوصف لك شعوري
واللي عماله يدور
جوا قلبي وفي ظنوني
شي كثير
وانت حاسس به ضروري
يكفي إني فيك بافكر
كل ماله حبي يكبر
إيش فيه اكثر من دا كله
ياحبيبي إيش فية أكثر
مافي أكثر
مو ضروري اني اقول لك
قد ايه انت واحشني
والغياب مهما يطول بك
عمره مايبعدك عني
انت في قلبي شعور
طيف محبة مايسيبني
ملى أيامي سرور
فرحة تحلى بالتمني
والكلام كل الكلام مايعبر
مايكفيني في هواك
شي غريب هذا الغرام
اللي عايش به معاك
شي بيحلى شي بيغلى في كل شي
شي يصحي الشوق يخلي النار ضي