روايه ..سعوديات في بريطانيا..لاتفوتكم..كامله

تابع الفصل السادس عشر
نواره: يعني نص ونص ... ( تغير الموضوع لان نظراته صارت تخوفها ) متى طيارتك...؟؟
طلال: الساعه وحده وانتي ..؟
نواره: بكره الساعه 8 الصباح
طلال: لا مو معنا
نواره: اريح منك
طلال كل ماتشجع يقولها عن اللي بنفسه اسلوبها الدفش يبعده عنها : ومنك انت وجهك
نواره وهي تناظر بعيد : هذا ذوق مع ابوها وانا ادور عليها
************
جلست ذوق عند ابوها من غير ولا كلمه
بوذوق: الحلو وين سرحان
ذوق واثار البكي على وجهها : ها ... بابا انت تحبني
بوذوق: وهذي يبغالها سوال ..اكيد
ذوق: وانا بعد احبك
بوذوق استغرب من حال بنته المفهي ... مر من قدامهم فيصل يبغى يتطمن على ذوق يكلمها بس مو عارف ناظرته ذوق جاءت عينه بعينها بسرعه نزلت راسها بقهر وذل وعتاب ... فيصل عوره قلبه عليها
حاول بوذوق يتذكره ماقدر ... الظالم ينسى اللي ظلمه بس المظلوم عمره ماينسى شكل اللي ظالمه
بوذوق: هذا الولد وجهه مو غريب علي
ذوق بحقد : هذا فيصل التركي
طاحت الشهاده من ايد بوذوق: التركي
ذوق استغربت ردت فعل ابوها: ايوه
بوذوق: فيصل محمد التركي
ذوق: ايوه
بوذوق عصب : وانتي من وين تعرفينه
ذوق ارتبكت: ماعرفه هو مع واحد معنا بالمجموعه
بوذوق ارتاح : فكرتس تعرفينه
ذوق: ليه واذا اعررفه
بوذوق زادت عصبيته: هذا ولد واحد نصاب وحرامي وملعون
ذوق عصبت ليه ابوها يحكي عن ابو حبيبها كذا : نصاب.... لاتظلمه ابوه ميت
بوذوق : ابوه مات بالسجن الله لايردهم الحراميه
ذوق انصدمت كيف بالسجن وهو يقول انه كان يتعالج بالهند : السجن
بوذوق: ايوه هذولا سمعتهم شينه مالتس دخل فيهن
ذوق مسكينه تاكد لها ظنها ان فيصل حقير ونذل وانه يلعب فيها انزلت دموعها حاره ومن قلب
بو ذوق: ذوق حبيبتي وراتس تبكين
ذوق ماقدرت تتكلم حضنت ابوها وبكت فيها
قالت علشان تسكته : بشتاق لصحباتي