أجنبيات في المجتمع ، للكاتبة / ديما القطبي ، مكتملة

جــابــر وهــوا مـــاسك يـــدها..: منتــي فــرحــانه؟؟

ولاء تبتســم:ألا فــرحــانه يــا عمـ_ سكـتت كــانت بتقــول يـاعمري لكنها مسكـت

لســانها..اتعمــدت تقــولها_ أقصـــد يــا جــابــر

جــابــر :لا يـا ولاء قــوليها وإذا تبي شئ لا تستحــي ولا تخجلي اوكـي...تــرا

الدكتــورة نبهـتني انه جسمــك ضعيــف مـــره ولازم تــاكلي عـــدل لان

عنــدك فقــر الدم

ولاء وهيــا تمثــل انها تعبــانه :طيب راح أهتــم في نفسـي... اآآآااا

جــابــر ظهــري يعــورني

جــابــر بخــــوف:ســلامــات يــا عمــري..انســدحي على ســرير..ولاتجـلسي ترا

يتعبــك مـره وخصــوصـا وانتـي حــامل

ولاء وهيــا مــاده بــوزها:جــابــر ..امـي لازم تعـــرف..

اني حــامل مـايصيـر مـاتعرف

جــابــر :طيب يـا ولاء أشــرايك ابشــرها واقــول لها تجــي بعــد

ولاء بفـــرح:عنـ جــد راح تســويها

جــابــر :أكيـــد اهــم شئ انـك تكـوني مــرتاحه ومبسوطــه

ولاء تمســك بطـنها بـدلع:اهاااا حــاسه بــدواخ مـــره .. وارهــاق

جــابــر يغطيــها بالبطــانيـــه: ارتــاحي الحيــن ونـــامي

ولاء:وراح تتــركني هنــا؟؟

جــابــر :لا مستحيـــل أتــركك..راح اظــل معـــاكي..بـس الله يخليكي نـــامي ورتــاحي

ولاء وهيــا حـــاسه انـها طـــايرة منــ الفــــرح...تمثيــلها ميــه من ميــه وقــدرت

تخــلي جــابــر يــدلعها ..:امـــانه لاتــروح بعيــد ابغــاج تكــون معــاي

جــابــر يمســـك يــدها ويبــوسها:أوعـــــدك






: حبيبتــــي يمـــــــــه..كـوثـر

كـوثـر لفـــ ولقـــت امـــــها وأخـــوها أســــامـــه جــاين عنـــدهم ..

كـوثـر وهيــا رايحــه عنــــدهم ..:امـــــــــي

حضنتــــ امــــها وجـــالســـه تصيــــــح..

كـوثـر :ابــوي راح يبعـــد عننــا..راح يمـــوت...

لازم تكلمـــي لازم تــدخلي وتشــوفـيه

فـريـده وهيــا تفتكـــر لمنــ طــلقها زوجهـــا ..:يصيـــــر خيـــــــر

أســـامــه:بشــري كـوثـر أيــش قــال الدكتــور

كـوثـر وهيــا تمســـح دمـــوعها..:لســه مــاطــلع من العمليــات

أســامــه مستغـرب من الحــرمــه إلي واقفــه عنــد باب العمليـــات ..:

منـ هــذي إلي معــاكي

كـوثـر :ســـوزان مــرت أبـــوي

حقــد أســـامــه مــره..وصـــرخ:هــذي من جــدها جـــايه..إيـ شبي بعـــد..مـو كفــايه

الــذله إلي ذلنا أبــويا بسببـــها ..

ســـوزان كــانت ســـامعه صـــراخ أســـامــه..لكنـ عضــت شفـــايفها قهـــر..

كـوثـر تهــدي:لا يــا أســـامه انتــ فــاهم غلــط..لاتــرفع صــوتك في المستشفــى

نــزل النظـــارة من عيـــونه بعصبيــــه: حتــى انتــي بعـــد غسلــت مخــك مثــل

مــا عمــلت لي ابــوكي..هــذي أيــش نـــاويه بعـــد ..

كـوثـر تتــرجـاه:الله يخليــك اهــدئ يـا أســـامه..مــامـا خليــه يهجـد

فــريـــد تجـــلس في الكـــرسي ومــا تتكــلم معـــاهم..

هيـــا عـــارفة انــ ســـوزان بــريئــه..لانــها دقــت عليـــها وخبـــرتها عنــ كــل

شئ..ومــالها صـــلاح في المـــوضــوع

هيـــا مـــا خــذه خـــاطره من سلمــــان...يعنـــي لــو قــلها انه يبي يتـــزوج..

بنفســـــها راح تـخطبــ له عـــروســــه

بســ انه يتــزوج مــن وراها ..ويحطــها قـــدام أمـــر الـــواقع

هــذا الشئ لايـــرضـــ لا الـــدين ولا الشــــرع


طـــلع الدكتـــور من العمليـــات والكـــل راح عنـــده

ســـوزان مــاقــدرت تــسـأل الدكتـــور..لان مــالها وجـه بعــد صــراخ أســامه

وفـريـده مــاتبغا تحـــسسهم انهـا قلقــانه عليــه مـــره...

وكـوثـر طبعا مــراح تفتــح فمــها مــدام انه أخــوها مــوجـود

أســـامــه بجفـــاء:كيــف صحـه الـوالـد

الدكتـــور:معليـــش سلمـــان عنـــده جلطـــه في دمـــاغ والقـــلب

فـريـده انهـــارت وطــاحت في الارض:لا حـــــــول ولاقـــوة الا بالله العليــ

العظيــم.. لاحـــول ولاقــــوة إلا بالله العــلي العظيــــم

لاحـــول ولاقــــوة إلا بالله العــلي العظيــــم


ســـوزان حســـت بــــدواخ...جلطـــــــه في دمــــــــاغ؟؟؟

قـــلبـــ؟؟؟

يـــاربي أرحمــني..يــا أرحــم الــرحيـــم

كلمتيــن..قـــدرت تقـــولها ..بعـــد الصــدمــه



تبكــــــــــي

تنصــــــــــدم

تنهــــــــــــــــــــــــــــار


مـــــــــــــراح تســـوي ولا شئ...لان الشـــئ إلي سمعــته

يخليـــــــــها تسكـــــــــت ومــــا تقــــــــول شئ




طـــلعت كـوثـر منـ عنـــدهم وهيــا منهــــارة بعــد الخبــر إلي سمعتــه

أنصـــدمـــت بشخــــص وطـــاحت في الأرض...

وسمعــت شئ طــــــــاح منــه

طـــاحت الطــرحــه من وجها المحمــر من كثــر البكــاء

..ونــاظرت في الدبــدوب الطــايح جنبـــها

رشــا مستغـربه:كـوثـر ؟؟

كـوثـر رفعــت وجهــا :رشــا انتي هنــا

رشــا بخـــوف راحتــ عنــدها:ليـــه انتـي في المستشفــى ..صـــار شئ لي أهـلك

كـوثـر مـاقــدرت تتكــلم ورتمتـ في حضــن رشــا تبكــي

رشــا تهــديها:بسـم لله عليـكي ..قبل ســاعه كنـا مع بعـــض ومبسـوطيـن

معـاكي..أعــوذ بالله أيـش صـــار الحيــن

كـوثـر :ابــوي..يـا رشــا..أبـــوي عنــده جلطــه في دمـــاغ والقــلب

رشــا شهقــت:أعــوذ بالله مــرة وحـــده ..كــل شئ عنـده

كـوثـر :والله البـــلاوي تطيـــح في راسنـــا

رشــا بحــزن:اتعــوذي بالله لاتقـولي كــدا..هـذ كــل شئ مكتــوب من الله ..

قــومي نجــلس في الحــديقــه

جــلســوا في الحــديقــه.. ورشــا أعطـت لي كـوثـر مــويه

علشــان تشــربها وتهـدي بالها

رشــا: اليــوم النتــايج..منتي خــايفه؟؟

كـوثـر : بصــراحـه مني مهتمـه بشئ ..بعـد خبـر ابـوي

رشــا:الله يــقومـه بســـلامــه يـارب..وخليكي دائمـا جنبــه ..لاتبعـديه عنه

كـوثـر :انشـــالله..وانتـي ليــه في المستشفـى

رشــا:ولاء تعبـت علينــا في صبــاح..ودينها المستشفـى وطـلعت حـامل

كـوثـر تبتســم بحــزن:عن جد مبروك مقدما..عساه ولد صالح

رشــا:اميــن يـارب..يالله حبيبتي انا لازم اروح اشـوفها قبل لا ارجع البيت

كـوثـر تقوم وتسلم عليها..:يالله انتبهي على نفســك ..وعلى ولاء تـراها

الحيـن حـامل وتعبانه لازم تخـدميها

رشــا وهيـا تضـحك:ابشــري..واعطيني الاخبـــــار عنـ ابـوكي

كـوثـر :ابشـري يالله مـع ســلامـه

رشــا:مــع ســلامــه






((( منـــــــــزل الكــــاسر الجــــارح)))


فــتح درج الكمـــودينـــه..وطـــلع بــوك الصــور..

جــلس في حـــافه الســـريـــر..وهـــوا يفتـــح البــوك وينــاظر في صـــور

زواجـــه منــ مــريـــم وجنبـهـم نجــوى

وعمـــرها 3 سنـــوات بفستــانها الفــوشي

وكـــم كــذا صـــورة..وهــوا يفتكـــر الايـــام إلي عـاشــوها مــع بعــض

طــلع منــ غــرفه وهــوا نـــازل منـ الــدرج..


سمـــــــــــــــــــــــع


نجــوى..:انتــي عـــارفه كيـف غــلاوتـك أنتـي و مــرت ابـــوي..

بســـ مــا قـــدر أجـــلس بعيـــده عنــ ابـــوي..وهـوا مــوجـود..

امكــن هــوا راح يحتــاجني ومـا يـلاقيني

.. اسفــ يــا دانيــه والله بســـ لاتــزعلي منــي

دانيــه بكـبريـاء..:لا عـــادي أصــلا مني زعــلانه والله.. حتـى

لـو رحـتي عنــي راح تضليــن أختـي يـا نجــوى..

نـــزل أبــو نجــوى وقـــال ..: نجــوى راح تقعـــد عنــدكم..

نجــوى :يبـــه

أبــو نجــوى..: هــذولا أهلك ولازم تقـعدين عنـــدهم...انا مــراح أخـليكي

تجــلسي في البيـــت وحــدك بعــد المــرحـــومـــه.

نجــوى:وانتــ؟؟

أبــو نجــوى:انا راح أرجـــع لي شغــلي للتجــــارة مــرة ثـــاني..

نجــوى:لا تقــول أنــ..

أبــو نجــوى يهــز راســـه..:أيـــوة راح أســـافر للتجــــارة وانشــالله

قــريب راح ارجــع

نجــوى بيـن دمــوعها..:حــرام إلي تعمــله..

انتــ دوبـــك طــلعت من السجــن..

أبــو نجــوى..:انا طــلعتـ من سجــن مــو لازم أظـــل جـــالس في البيـــت..

البيـت راح ابيعــــه..وابيـع كــل شئ فيـــه..لان المــاضي راح

ومستحيــل نجــلس نـدور على المــاضي واحـــزانه

راحـ عنـــدها ومســـح دمــوعها..:مهمــا تكــوني ميــن ..انتـي راح تضلي بنتـي

إلي ربيتـك على يـــدي..يـانجــوى لاتخـــافي منـ المستقبـــل..

ولاتبكــي إلي فــات ابغــاكي تكــوني نجــوى القــويه..

إلي أعــرفها قبـــل..نجــوى إلي مـا تنــزل ولا دمعـه من عيــونها

..نجــوى إلي شخصيتها قــويه وكلمـتها واحـده على الكـــل

نجــوى هــزت راســها..أبشــر يــايبــه..دمــوعي مــراح تشــوفها ..

ونشـالله تــروح وتــرجع بســلامــه

الـتفت لي دانيــه إلي كــانت طــول وقتــها ســـاكتـــه..:هــذي أختـــك

وخليكي معــاها..لاتخــلي أي شخـــص يــدخل

بينـكم ويفــرقـكم

دانيــه :أوعــدك يـا عمــي انه مــافي أحــد راح يفـرقنا

وقفــــين حـــولين الســــريـــــر

فـريـده على يمينــــه...وجنبــها كـوثـر ..وقبــاله أســـامــه..

وعلى يســـارة ســـوزان

سلمـــــــــان وهــوا منـــزل راســـه ودمـــوعه تنـــــزل ..بسبــ مــرضــه اللعيــن

إلي أصـــــــابه في دمـــــــــاغ والقـــلب

والاثنيـــن منــــاطق حسآآآآآســــه


نــــــــــــــدم على كــــل شئ عمـــله في حيــــاته.... كـــــــان لاهــي في حيـــاته


يــــــدخــن..يــأخـــر في صــــلاته...ظــــالم مـــع أهـــله..


جــــــــاه المـــرض...كـــانه صحــــــــاه من غفــــلاته..


ينبــــه انه المــــــــــوت في الطــــريق....



ســـوزان ..:ســلامتـــك يـا سلمـــان مــا تشــوف شــر

سلمـــان:الله يسلمـــك..ويــن أويــس و تــولان خليـــهم يجـــوا هنـــا..لازم أشــوفهم

كـوثـر :الحيــن ادقـ على ســايق يــرسلــهم الحيــن

سلمــــان رفـــع وجــه ونــاظر في بنتــ..:كـوثـر ..حبيبتي..انتي زعلانه منــي

كـوثـر بســـرعة:لا بـابا لاتقــول كــدا..مــافي بنتــ تــزعل من أبــوها

..وصــدقني أنا منـي زعــلانه منــك ولا شئ..انا مبسـوطـه مــره

اني جـلست عنــدكم لي أسبـوعيـن

سلمــان:الحمدالله انــك مــو زعــلانه منــي ..وانتــي يــاســـوزان

لا تـزعلي منـي اني أخــذتك غصــب عنــ أهلك..

ســـوزان :لا تقــول هــذا الكــلام..انتـه ابـو عيـالي..ولي صـــار صــار لا نفتـح

المـاضي..كــل إلي أباه انــك تقــوم وتــرجـع بســلامــه

سلمـــــان: الحمــدالله...وانت يــا أســـامه انــا عــارف انـك شــايل

في قلبــك الحقــد علي...وانا عــاذرك وســامحك... انتـــ ولــدي البكـــر

والكبيــــر... وكنتـ اتمنـــاك انـك تكــون اليــد الـيمنى للشـــركـــه

بسـ الظـــروف جـــات عكــس..وانا المـــلام في كــل شئ... أخــــاف

إذا مت أو صـــار ليـــا شئ..مـــدري ميــن إلي راح يصـــرف

على أخــوانك الصغـــار وعلى أهـــلك..وانتــ مشـــالله كبيـــر وعمـــرك21

..ومنت جـــاهل .._ أتنهد_ عشـــان كـــدا أنا راح

أخليـــك تمســـك الشــركــه

أســـامـــه كـــان ســـاكتــ طــــوال الــوقــت..حــس نفســ بــذنب لمنــ ظــلم أبـــوه

ومــرت أبـــوة..هـز راســه وقــال:انشــالله راح امســك الشركة وأكـون

عنــد حسـن ظنــك

نـــاظر في طــليقـته فـريـده إلي عــــاشتـ معـــاه في الحــلو والمــــر..ولي صبـــرت

عليـــه..وانصـــدمـــت لمـن تـــزوج عليـــها...

قـــال لها وهــوا نـــادم على فعلتـه..: لـو أقـــول لك مليـــون مـــرة أســـف واني

دمـــان على كــل إلي عمـلته معـــاكي...مــراح تســـامحيني

فـريـده بهـــدوء: انــا فـريـده ومــا اتغيــرت..ومهمــا يكــون هــذا منـ حقك

تتـــزوج..انا كبــرت في سنــ و وصـــلت لي ســن اليـــأس


سلمـــان نـــزل راســـه بنــــدم...

فـريـده تـــذكـــره نفـــس الكـــلام إلي قـــاله


سلمــــــــان..بحــــزن..: ســـامحيني يــا فـريـده ســامحيني انا عمـــري نقصـــ

ومــادري متــى راح أمــــوت ..بســ أطـــلب انــك تـــرجعي البيـــت انتــي و

ولـــدك.. وامـــك بعــــد..

حــط يـــده في قلبـــه بالقـــوة

أســــــامــــه:ابــــــوي؟؟

كـوثـر وهيــا طــالعه:انا رايحــه انــادي الدكتـــور

ســـوزان تمسكــه: اتــمــاسك يــا سلمــان لاتضعــف للمــرض لا تستســلم

سلمـــان وهــوا حـــاس بألم في قلبــه..:ســـ..محينـي..يـا ف..ـريـ..ـده

فـريـده وهيــا حـــاســه بخـــوف:لا..انــا مســـامحتــك يــا سلمـــان

مســامحتـك دنيــا واخـــره

دخـــل الدكتـــور ومعـــاه الممــــرضــــات وقـــال..:ممكــن تتطــلعـــوا؟؟











أمــريكــا... قـــلعــه يـــزيـــــد



وقفــــه أمــــام المـــرايـــه..تتـــأمـــل الكـــدمـــات والضــربــات إلي غطـت و جهـا

حســت بالالــم لمــن مسكت مكــان الالــم..:الله يلعنــك حتى وجهي شـوهته


هـالمــــره دمــوعها مــانــزلت ...ولا صــاحت مثـل أول

لان دمـــوعها جفتـــ من كثـــر مــا تبكـــي ..كـــل يــوم...


طفشـــــ من كثـــر مــاتنــــزل..


صـــــــــار الــدمـــوع عنــدها ..روتيــــن مستمــــــر


ضــــــــرب..وكـــل يــــوم


أهــــانه و مـــذلـه...شئ لابــــد منـــه في حيـــاتها


نــاظرت في شعــــرها ..البـــاهت..المتقصـف من الاطـــراف...

حــتى شعــرها لازم يجـــرب العــذاب معـــاها...

مــافي عضـــوا من جسمـــها مــاجرب الضـــرب منــ يـــد يــزيـــــد


كثــــر مـــا حبتـــه..كثــــــر مـــاكـرهته


مــا تــــدري ويـــن كـــان عقــلها لمنــ عشقتــــ


يـــزيـــد يبـــاله ...جــــائزة أوسكـــــار للأفضــــل ممثـــل كــذاب



انفتـــــــــــح البـــــــــاب بالقــــــوة ..وصـــــرخ..:دنــيـــــــــــاااااااا

طـــلعتــ دنيــا من الحمــــام ..ومــاسكــه يـــدها لانـها تعـــورها

يـزيـــد بعصبيــــه..:وينــــــك؟؟؟

دنيــا ببــرود: وينـ يعـني بكــون في الغـــرفة إلي حــابسني فيــها

يــزيـــد راح عنــــدها ..وشـــد شعـــرها بالقـــــــوة.:أنا لمنـــ أقـــــــول لسانك

يبــــاله قصــــ...يعنــي قصـــري حســـك وجــاوبي عـــلى قـــد ســؤالي

مــو لازم تتفلسفين

دنيــا بـألـم:انــا طــــــوال عمــري ولســاني طـــويل..حـتى مــع امــي مـا

احتــرمها..تجــي انتــ أقصــر لســـاني

عصـــب يـــزيـــد مــــره ورامـــها بالارض بالقــــوة..الحــركــة هــذي خلتــــها

تطيـــح على حـــافة الســـرير ..وينجـــرح جبينــها وينــزل الـــدم

راح يــزيـــد عنـــده ..ومســـك يــدها ولافــه على ظهـــرها...هنـــا دنيــا حســت

بالالــم مـــره..لانــه نــاويه بالحــركــه هــذي انه يكســر يـــدها

: تـــدري يــا وسخـــه انه المسجــونين طــلعو من سجــن بسببــك

دنيــا مــع الالـــم..مـــافهمتـــ أيــــش قصـــــده...:أآآآآآآآآي مــافهمــت

أيـش تقــول

يـــزيــد شـــد يـــدها وقـــال..:مــو لازم تفهمــي ..انتـي حمــارة وهبله إلي مــا

خلاكي تفهمي اني جـــالس العـــب عليـــكي ..تبي تفهمـــي الكـــلام إلي قلـته

ورامـــها على الارضـــ بالقـــوة...:انــا الحيــن تعبـــان وابغا انـــــام بعـــد المصيبـــه

إلي سمعتها ..ويــاليــت تقلبي وجهــك علشـــان اقــدر انــام

دنيــا ودها تنـــزل دمــوعها لكـن مسكتـها ..تبقي شئ منـ كــرامتها المجــرحــوة :

ويعــــني ويـــن أروح...انتــ حـــارمني اني أطـــلع منــ الغـرفـه

يــزيـــد يجــلس في الســـريــــر..:الحمـــام عنــــدك

دنيــا بجنــون:لا حـــرام عليـــك أيــش ادخـــل الحمـــــام

يــزيـــد يطـــلع المســدس من المخـــــده حقتــــ ويطخــــها..وتجي الــرصـــاصــه

جنبــها وتختـــرق في جـــــدار


أتصــــلبتـــ دنيــا في مكــــانها....كــــانت راح تمـــوت الحيـــن

مــا اتـــوقعتـــ انه يعمــلها..وهــذا عمــلها قــــدامها

وصـــل الامـــــر انه يطخـــها ...


بلعــت ريقهــا ودخـــلت الحمــــام...وضحكــــات يــزيــــد تملي الغـــرفة

جـــلستــ في ركـــن..ولمتـــ رجـــــولها منــ الخـــــوف إلي هيـــا فيـــه

يجلسنــي في الحمـــــــــام ... والـــوقــــت ليـــل الحيــــن..

والشيطــــــــاين...مليــــانه في الحمـــــام

تخــــــــاف جني يطـــلع لها من البـــلاعــــه..

جســـــــــــدها ارتعـــش منــ كثـــر الخـــوف..:يــارب احمــيني..يــارب

راحتـــ وفتحتـ اللبــــه..

يــزيـــــد بصــــراخ:الله يكســــر يــــدك..قفــلي اللبــه ابغا انـــــام

قفـــلت اللبـــه بســــرعة..تخـــاف يستخــــدم معـــاها المســـدس

أخـــذت الفـــواحــه المعلقـــه في الـــرف وشغلتــها وجــلست مــرة ثـــاني

ولمــت رجــولها لي صــدرها ..وحضنتــ نفســــها..تحتــــاج للأمــــان في هــذا

المكـــان المـــرعـــب

تحــــــــتاج الامــــــــان منـــ يــزيـــد..ومنــ الغـــربــه

التـــاريخ 6-8 ....والشهــــر الجـــــــــاي .. بيــدخــل رمضــــــان

أبتسمتــــ ..مــع انه الـمفـــروض..انه الابتســـامه مــاتجي على شفــايفها

المــزرقــه والمخثـــره...


تفتكـــــــــــــر حــــارتها لمنـــ يدخــــل رمضــــــــــــــان

العيـــــــــــــــال معـــاهم الفـــوانيســـ

البسطــــات إلي يبعـــوا بطــــاطـــس..وبليـــله...

تفتكـــــــــر طعـــم الشــــربـــــه والفــــــول..والسمبســـوســه

والســـويبـــا...المكـــــاويه ...المعـــروفه لاهـــل الحجــــاز

وصــــــــــوت المــــــدفع إلي عنـــد الحـــرم ...

ينسمـــع صـــوته على أذن المغــرب

رمضــــــــــــان كــــــــــان له لـــــــــون ثــــاني..


أنطـــفت الشمعــــه بعـــد مــا خــلص فتيــلها...

بحـــزن وأســــى...:مــو وقتـــك تنطــفي..مــو وقتــك

فتحتــ البـــاب بهـــدوء ..ولقـــت يـــزيـــد نـــايم في ســـابع نـــوم..

يـــزيــــد له طبــــع يشبـــــها..إذا نــــــــــام ..نـــام نـــومتــ الميتــ

لــو قنبـــله تنفجــــر قـــدامـــه...والله مــايقــــوم

منــ كثـــر مـــو نـــومــه ثقيــــــــــــــل مـــــرررره



طــلعتـ من الحمـــام بهــدوء وهيــا مــا شيــه على اطــراف رجـــولها..

وصــلت عنــد الســرير ونــزلتــ تحتــ..أخــذت شنطتـــها إلي جهـــزت انها

راح تهـــرب منـــه...

جــــــــــــــواله دق

أرتجــفت دنيــا منــ الخـــوف..ومـــا اتحــركتــ من مكــــانها..

سكـــــــت الجــوال..

سحبتـــ نفســـها بهــدوء وطـــلعتــ من غــرفة نـــوم

أتنفســـت بهـــدووء...أخيــــر أتحـــررت منـــ حبــس يــزيــد

طـــلعتــ من القصــــر وهـــيا تـــدعي ربــها انه مــافي أحـــد يشـــوفها

راحــت على الحـــديقـــه

شكـــلها وهـــوا مظــــلم...يــرعب ويخــــوف

الحمــــــــام أهــــون من المكـــان هــــذا....

نـــاظرت في البــوابه الخـــلفيــــه للقــلعـــــه..لمـــده دقيقـــه..غمضــت

عيـــونها..وجـــريت للمكـــان إلي حفضتـــه

لمنـــ وصــــلت عنــد البـــاب..اتنفســت بصعــــوبه ..شـــافت الحـــارس

سكـــران ويهــذي

وهـــذا انــت حــــارس وسكـــــران

راحتـــ عنـــده لانهـا عـــارفتــه..انه عقلــه طـــــاير ..:ســلام..ممكــن تعطيني

مفتــاح السيـــارة عنــدي كــم مشـــوار أســوي قبــل الصبــاح

الحـــارس يعطيها المفتــــاح:أيــوة خـــذيـــه بس لا تتــاخري

مـــاردت عليــه ..ركبتـــ السيـــارة وشغلتـــها..بســ مــاعرفت كيـــف تســــوقه

فتحتــ طــاقه وقـــالت:يـاطيب ويــن مدينه نيــويــوك

أشــر لها الحـــارس على اليمين وقــال لها راح تـــوصـليه بعـــد 20 كيلــوا

دنيــا مــاردت عليـــه..كـــانت تفكــــر كيـــف تســوق السيـــارة

قــالت له:عنــدك شئ

الحـــارس وهــوا يشــرب ويهــز لها بالنفــي

دنيــا بخبث:إذا وصلتني على نيــويــورك..راح اعطيك جنـه من الخمــر تخيــل انه في

فـــاكهه على طعــم الخمـــر

الحـــارس بفــرح:عنـ جد

دنيــا تجــلس في المقعـــد المجـــاور:أيــوة يالله تعـــال

راح الحــــارس وشغـــل السيــــارة

دانيــه تــركــب السيـــارة..:أهليــن شـــانــدو

شــاندوا يبتســم:هــلا مــدام دانيــه

دانيــه :مــدام في عينــك..ليــه مخلفــه عيـــال وراي..حتـى تقـول مـدام

شــاندوا وهــوا يشغــل السيـــارة:تيــب أيــس في قــول

دانيــه تفكـــر:اممممم قـــول أنســه لالا أيــش انــســه

نجــوى:دانيــه اهجــدي خلي شـــاندوا يســـوق عــدل

دانيــه :اسكـتي انتــي ..ايــــوووو شـاندوا قـــول دانيــنو

شــاندوا كــاتم ضحكــه:دانييــوا؟؟؟مــو هــزا عصيـــر

دانيــه : لا هـــذا دلعـــي

شـــاندوا:تيــب دانيــنو..انتــي مــره كـويس..أحــسن منـ أختــ انتــ

دانيــه مستغـربه:أختـــي

نجــوى تسحــب دانيــه عنـــدها..لانـــها راح تنكــشف..:شـــاندو كــل تبــن

وســوق..وانتـي ابغا اتكـلم معــاكي في مــوضــوع

دانيــه ببــرود مصطنــع :أيــش الي بينـي وبينـــك حتـى يكــون في مــوضــوع


دانيــه ضحكــت لمنــ شــافت نجــوى تنـــاظرها بعصبيــــه...

نظـــراتها مثــــل دنيــا بضبــــط...

لمنـــ تعصــب أو تنقهــــر..بســ تنــــاظر بنظــــره غـــريبـــه وتسكــت


نجــوى :دانيــه المــوضــوع إلي صـــار لا يـــوصـــل لي أمــي رحمـــه

دانيــه ببـــلاهـــه:أيـت مــوضـــوع؟؟

نجــوى بقهــر: بعض أحيــان أشــك انـك دلخــه

دانيــه تضحك وتحضنـها :أحبــك وانتـــي تنقهـــري منــي

نجــوى كــانتـ بتـــرد..لــكن جـــوالــه دقــ..طــلعتــ جــواله من شنطــه ..وشهقـــت

دانيــه مستغـربه:أشفيكي؟؟ميــن إلي دقــ

نجــوى ويـــدها تــرتجــف ...:هـ..ذي..دنــ..يــا

ردتــ بســـرعه ..وخـــافت لا يقطــع الخـط..:الــووو حبيتي ..دنيــا..وينــك

دانيــه فـــرحت واستغـــربت في نفــس الــوقــت

أختـــها نجــوى..إيـــش عـــرفها بـي دنيــا

منــ ويــن لها تعـــرفها..ولا أخـــذت الــرقــم من وراي

نجــوى بين دمــوعها:الــوووو..دنيــا..ردي

دنيــا:نجــ...وى..الشبكــ..ضعيــ...فــه...مــااقـ ـ...در ..أسمــ..عـــك

نجــوى مــو ســـامعتها مــــره..:دنيــا ارجعي على السعــوديه بســـرعة ابعـــدي

عنــ يــزيــد..دنيــا انا طــلعتـ....

قطـــــــع الخــــــط

نجــوى رمتــ الجـــوال بقهــــر:وصلتــ لها ومــا أخــذت ولا كلمــه منـــها

دانيــه كـــانت ســـاكتــه وتنـــاظرها بحقــــــد



دنيــا إلي تشتغــــل لي حســــــاب نجــوى

ولي أرسلتـــــها لي يـــزيـــــد

تتطـــــــــلع أختــــــي


بكــــــل حقــــد واستحقــــار..:ولكي وجــه تخـــافي على دنيــا

نجــوى سكـتت...دانيــه عـــرفت كـــل شئ...كــانت مــاتبي تقــول لهـم ..

دانيــه :انتـــي إلي ضيعتـــي دنيــا..

نجــوى:دانيــه لاتقـــولي كــدا..انا مــا كنتــ اعـــرف انــها أختـــي..

والله مــااعــرف

دانيــه تصــرخ:اسكتـــــــــى ألا تعـــرفي وتعـــرفي..انتـــ مـــا عمــلتي كـــدا إلا لي

انـــك حـــاقده عليــنا وحســـوده... علشــــان نحنــا عنـــدنا أهــل

وانتــي مــا عنــدك

نجــوى انصــدمــت من كـــلامــها مــرة وقــالت:لا تقـــولي الكــلام هــذا يـا

دانيــه ..انــا مــا كنتــ ادري عنــ شئ..بســ لحضـــه غضــب والله..انتــ مــا تعــرفي

من يــزيــد هـــذا إلي تكــلمت عنــه

دانيــه :إلا أعـــرفه مــو هـــوا خــالك المحتــرم إلي أغتصبـــك و حمــلتي

منـــه ..وبــانه بنتـــه...

نجــوى سكـتت ومــا اتكـلمتـــ..نــزلت راســها بــأسى..

دانيــه :مثــــل مــاضيعتي دنيــا..راح تجيبيــها..وإلا راح أفضــحك

نجــوى بجنـــون:نعــــــــــم؟؟انتــي مجنــونه كيــف تفضحيني

دانيــه :ليــه تخــافي منـ الفضيحــه.. أصــلا انتــي مفضــوحه من زمــان

نجــوى تبكــي...:لا دانيــه حــرام عليكي...مــا اتــوقعتك كــدا

دانيــه : لا اتــوقعي...انا مالي صـــلاح لكي اليــوم تســافري على امـريكا وتجبيـــها

نجــوى:ويــزيـــد إذا شـــافني

دانيــه بــلا مبـــــاله..:مشـــالله انتــي من يـــومــك ذكيــه..إلي خــلاكــي تخططـي

الخطــه الملعــونه لي اربعــه سنـــوات..الحيـن راح تخططي لي ســاعتين..علشــان

تجيبي دنيــا اليـــوم

نجــوى تبكـــى:يعني انتــي إلي قلبـــك محـــروق على أختـــك..حتــى انا والله قلبي

محــروق وبلـــوم حـــالي الي عمــلته

دانيــه حســـت بـــدواخ...وطــــاحتــ في سيـــارة

نجــوى بخــوف تهــزها :دانيــه دانيــه قــومي

صــرخــت نجــوى ..:شـــاندو..بســـــرعة على المستشفــى





أمــريكــا....نيويورك


رمتــ الجـــوال في شنطتــها وهيــا مقهــورة منــ الشبكــــه الضعيفــه

نفســها تعـــرف إيــش كــانتــ بتقـــول نجــوى....؟؟؟؟

بســ اللعنـــه على شبكـتهم

وصـــلت للمطــــــــــــار.. ونــزلتــ من سيـــارة بســـرعة تخـــــاف انه

يــزيـــد عــرف بهـــروبـــها...مسكــها الحـــارس وقــال:ويــن

رايحــه؟؟نسيتي الــوعـد إلي بيننـا مــو انتــي اتفقتــي انك راح تعطيني جنــه

منــ الخمــــر؟؟؟

دنيــا وهيــا متــأففــه::يـــاغبي انتــ مــا تفهـــم؟؟؟ مــاتشـــوف الجنـــه

خــلف المطــــار....أصــلا مــراح تبــان لان الــوقــت ليــل..عشــان كــدا روح

بســـرعة عنــدها قبــل لاتختــفي

تــركها...وســــــاق السيـــارة وهــوا مصـــدق انه راح يـــلاقي

الجنــه الخضــراء....

جــريتــ دنيــا على المطــــــــار ...تخـــــــــــــــاف انه يــــزيــد يعــــــرف

انها هـــــــربت....وراح يــلحقــها للمطــــــــــار...


يـــــــــــارب أحمــيني منــه ومنــ أعـــدائه


يـــــــــــارب أحمــيني منــه ومنــ أعـــدائه


يـــــــــــارب أحمــيني منــه ومنــ أعـــدائه



راحــت عنــد المــوظـــف وأعطتـــه جــــواز سفـــرها بســـرعة...وكـــل

دقيقـــه تنــــاظر في خـــــــلف....وتشـــــــــوف إذا كــــــانو فيـــه

أعـــوانــه ولا لاء

أعطـــــــاه المـــوظـــف التــذكـــره...وطــلبــ انها تجـــلس لانـ مــوعـــد

طــائرة المتجـــهه للسعودية بعـــد دقيقتيـــــــن

جــــــلستــ في كــرسي الانتظــــــــار وحـــــــاسه الدقيقتيــن

ســــاعتين...حطــت أصبـــاعها في فمـــها وهيـــا متـــوترة

مـــررره...الســـــاعه 3 ليــــــــل...وقلبــــــها يـــــــدق طبــــــول


إذا عـــــــــــرف يــــــزيـــد انها هــــربتـــ!!!

ومسكــــــــــــــــها

أيــــــش راح يعمــــــــل فيـــها



مسكــت أطــراف شعـــرها البـــاهتــــ...وتحـــاول انها تقطعــه

منــ كثـــر الخــــــوف..


تخـــــــاف انه راح يقتــلها أو يــذبحها أو يــرجعها للقــلعـــه


وتتعـــذب طــول العمـــــر....


وراح يقطـــــــع جميـــع الاتصـــالات مع أهــلها


وتعيــــــــش طــــــــــول عمــــــــرها وحيــــــده في القــلعــه


وتمــــــــــــوت وحيـــــــده...ولا أحـــــــد يســأل عنـــها


شفــــــــايفــها مـــنفخــه ومــزرقــه ..منــ كثــر مــا تعضـــها

وعيـــونها الفيــروزيــه ذبـــلانه مــــــاذاقتــ طعــم النــــــــوم...

وهــلالاتــ ســوداء تحتـــ عيــونها بشكـــــــــــل واضـــح

جبينـــها مشقـــوق ومتخثــر والــدم مجتمــع عليـــه..

ونــاشف مــاينزل دم

شعـــــــرها البنـــي الفـــاتح إلي يغطـــي ظهــرها كــله...

صـــــــار بـــاهتــ وضعيـــف...ومتقصــف...ومهمـــل مـــره


مـــــــــلابســـها الله يعــلم بحـــالها.....


وجسمـــها مجـــرح..وفيــــــه خطـــوط حمــرا وخــدوش وضــربات


هــــــــذا كــــــــله منــ الــوحـــش يـــزيــــد


أو منــــها..بسبب الحـــــــاله النفسيـــه إلي مـــرت فيــــها


مــــــره تشــــــد شعــــــرها.... ومـــره تضــرب نفســـها


وتــلوم حـــالها كـــل مــره..


لانه هيـــــــــا إلي جــابته لي نفســـــها


حضنتـــ شنطتــــها وهيـــــا تنـــــاظر النــاس منــ تحتــــ وشعـــرها مغطــي

وجــها..والكـــــــل يطـــــالع فيــــها مستغـربيـن ...

يعتقـــدوها مجنـــونه أو فيــها شئ

سمعتـــــ صــــــــــوت النــــــداء..حقــه طيـــــارتها


جـــريتــ على طـــــــول على طيـــــــــارة ومــا أهتمتــ بنظـــاراتــ الفضــــــول

إلي تحيطــها ..أهــم شئ انها تتطـــلع من امريكــا

جـــلســت في مقعــد فـــاضي ..بجــــوار النــافذه ..ولبســت حــزم الامـــان

وغمضــت عيــونها وتــدعي الله انه يــزيــد مــا يقــوم منــ نــومـــه

أشتغــلتــ الطـــــــائرة....وتحـــركتــ المـضيفه تـــاخذ التــذكــرة منــ

الركـــــاب...وصــلتــ عنــد دنيــا ..وبعـــدت عنــها..خـــافت من شكلها

نــاظرتها دنيــا بحقــــد ورمتــ لها التــذكـــره

المضيفــه خــافتــ من نظـــارتها وأخـــذت التــذكــره وبعــدت عنـــها

الكـــل في طــائرة يلتفتـــ وينـــاظرها

مــا أهتمتــ فيـــهم ...كــــــل همــها انها راح تنـــــــــــام وتــرتــــاح


غمضـــت عيــــــونها ونــــــــــامتـــ....بســـرعة


ومـــــع أخـر جفــن غطـــا عيــونها..نــزلتــــ دمعــــه على خـــدها



شخصيــــه جــديده في دنيــا:عــدوانيــــه... ومـــرض نفسي

هــزتـــ راســـــها...للمـــرضــــه..وأشـــرت لها انـ راح تبــدأ العمليـــه

مشتـــ الممــــرضـــه الفلبينيــــه على غـــرفــه العمليـــــات

عـــدلت القفـــازات إلي لابســـتها ..وقفـــلت البــالطــوا الاخضـــر حقــه العمليـــات

رحمـــه بخـــوف: تتـــوقعي انه الــورم كبــر في راســها

د/ خـــديجـه..:نحنــا أخــر مــره عملنــا لها الكــشف كــان قبــل

أسبــوعيــن..وأحتمــــال راح يكبــــر

حطتـــ يــــدها على كتــف رحمــــه..:لا تخـــافي عليــــها إلي عنـــدها حميـــد ..

نجــوى:وكــم مــده العمــليــه

: 5ســـاعــات ..بســ لاتحطـــوا الخـــوف في قلــوبــكم

الدكتـــور السعــودي : مــرحبــا..انا الدكتـــور طــــارق..وانــا راح أكــون معـ بنـتك..

ولاتشلي هــم مــــررره

رحمــــه: انــا متــوكــله على الله في كـــل شئ

الدكتـــور طـــارق:ونعــم بالله..يالله عنــ إذنـــك

دخـــل الدكتــــور طــارق ومعـــاه الدكتــورة خــديجــه..

جـــلستــ رحمـــه في غـــرفة الانتظـــار..وهيــا تقــرا قـــران..تخــفف من التــوتر

إلي عنـــدها...جـــلستــ نجــوى جنبــها وحطـــت راســها في كــتف رحمــه

وغمــضـت عيــونها

بـــانه:أيــث فيـــها حــاله دانيــه ؟؟

((أيــش فيـــها خــاله دانيــه ))

نجــوى تفتــح عيـــونها وتفتــح يـــدها وتشيـــل بـــانه وتحطــها في حضنـــها..: لا

تعبــانه شــوي..إدعـي انه ربي يقــومـها بســـلامــه

بـــانه:يـــالب تقوم حاله دانيــه علثان تثتليلي حلويات كتتتيل

((يـــارب تقــوم خاله دانيــه علشان تشتريلي حلويات كثير)

أبتسمـــت رحمــه على كـــلامـــها

بــانه تحــرك رجــولها..:مــامــا متى نلوح ملاهي

نجــوى:لمنــ ربي يستجــب دعــوتك ..نــروح المـلاهي

رفعــت يـــدها وقــالت..:يــالب يـالب اثــمع كــلامي حلي دانيــه تقوم

علثان نلوح الملاهي وا البحر ..ونثري اثــكــريم منـ باثكـن لــوبنز

((يـــارب يــارب أسمــع كــلامي ..خــلي دانيــه تقـــوم علشــان نــروح المــلاهي

والبحـــر ..ونشتــري أسكــريــم منـ بــاسكــن روبنــز))

ضحكــت نجــوى ورحمـــه على كــلامها..وبــاستها نجــوى وحضنتـــها

أفنــــان:ســلام عليـــكم ..دانيــه في العمليــه

رحمــه:أيــوة دوبها دخـلتـ

دخــلتــ أفنــان ومعــاها رشــا وتغـريـد .. وسلمتــ عليــهم :مــرحبــا.. انا أفنـــان

صحـبت دانيــه معــاها في المـــدرســه..وهــذي رشــا وتغـريـد ..كـلنا صحبــاتها

رحمــه:أهــلا فيــكم..أجــلسـوا ارتـــاحــو

رشــا: معليشـ خــالتي..مــاقــال لـكم الدكتـــور متـى راح تتطــلع منــ العمليــه؟؟

رحمــــه:بعــد 5 ســاعــات

رشــا سكـتت..وهمســت لي أفنـــان وتغـريـد ..:متــى هــوا عنــدها الــورم

أفنــان:قبــل أسبـــوعيــن

تغـريـد بهمــس:وليــه مـاعملتـ العمليــه

أفنــان:تقـــول مــاتبي في وقتــ الاختبــارات

سكـتت تغـريـد ونــاظرت في نجــوى وهيــا تـلعب بشعــر بــانه

همـــست:هــذي أخت دانيـه؟؟

رشــا:أيــوة..بســ مــاتشبــها مـرررره..دانيــه مــلامحــها بـرازليــه ونجــوى

مــلامحـها سعـــوديــه..حتــى دنيــا فــاكرتها انــها .. تــاخذ منــ اختـــها شــوي

أفنــان:بســ إذا قلنــا الحــق...تــراهــم حــلويـن مشـــالله

تغـريـد :إلا صـــح..ويــن كـوثـر ؟؟

رشــا:كـوثـر أبـــوها مــريــض..مــا تقــدر تجــي أصــلا

أفنـــان:ســلامــات..وايــش عنـــده ابـوها

رشــا:جلطــه في دمــاغ والقــلب

أفنــان:أوووف مره وحـــده جلطـه والقــلب

تغـريـد :ومتـى صــار الكـــلام هــذا؟؟

رشــا:اليــــوم في صبــــاح

تغـريـد :اليـــوم النتـــايج والله مـره خــايفـه

رشــا:في صبــاح دخـلتـ النتـــ ..والصفحــه منــها راضيــه تنفتــــح..

ودخــلت على روايــات جــالســه أقــرى

تغـريـد : قــريتي روايـــه بنــات الــريـاض

رشــا:قريتــها ومــا فهمتــ منــها ولا شئ...انتــي قــريتي روايـة مـربع بــرمـودا

تغـريـد :أيــوة وجـــالســه انتظــر متــى ينــزلــوا

مـربع بـرمـودا 2

رشــا:والله حتــى انا محتمســه مــره..نفسي أعـــرف هــو ريــان

يحب داليــا ولا نسيــها

تغـريـد :انــا حـــاسه انه راح يحبــها بسـ انتظــري الجــزء ثــاني..

كـله شئ راح يظهــر

أفــنـــان:من جد مـــا تستحـــوا

تغـريـد ورشــا:ليــــه

أفنـــان:بــدال مــا تـدعو لي دانيــه انها تقــوم بســـلامـــه..جــالسين تتــونسـوا

تغـريـد :إلا صــح والله ..من جد مــا نستحتــى

رشــا بهمــس:الا عنــك راحــوا

تغـريـد مستغـربه:منـ همــا؟؟

رشــا:يـاهبله مــو انتــي ملمــوســه؟؟

تغـريـد :أيـــوة راحــوا..رحتــ عنــد شيــــخ وطــلعهـم منـي

رشــا:اها الحمــدالله..إلا أفنـــان زواجـك الاسبــوع الجــاي صــح

أفنــان:أيــوة

رشــا: ومتــى راح تـــروحي؟؟

أفنـــان: انشــالله بعــد بكــره راح اروح على الحجـــاز






مـــد لها طــبق الفــاكـهه وقـــال:يالله هـــذي أخـــر وحــده

ولاء:والله يـا جــابــر شبعتـــ..انتـ من اول جــالس تــأكـلني

جــابــر ينــاظرها :انتــي مــا تفهمــي..الدكتــورة تقــول جسمــك

مــره ضعيــف وعنــدك فقــر الــدم...لازم تــاكلي..مـو لكي..

إلي في بطـني

ولاء فـــرحتــ: إذا جبنــا ولــد شنـــو راح نسميـــه؟؟

جــابــر :ولـــوش انتــي في شهــر الاول.. لا تستعجــلي

على تسميــه الـولد

ولاء مــدت بــوزها: يعنــي مــاعنــدج أســم تحبــه ولا ودج

تسميــه لي ولــدنا



ولاء رجعتـــ لي دلعها وحبـــــها لي

وانــــا بـــديت اميــــل لها.... بعــدت عنــ نجــوى..وصـــرت لا

اســـأل عنـــها ولا أروح عنــــدها ....قـــدرت انســى

جــزئيــا نجــوى...



انــا ظلمتـــ ولاء في البـــدايــــه....امكـــن كنتــ متــعلق بنجــوى

بســ نجــوى مــا تنفعنــــي....ولا انــا انفعهــا

أنا خـــدمتـــها..وانتهتــ مهمتـــي...وهيـــا راح تبــدأ حيـــاتها



أبتســـم لمنـــ ولاء كـــانتــ تـــدلعه وتحبـــه مـــــره...

مســـك يـــد ولاء وبـــاسها ..

الحـــركــه هــذي خــلت ولاء تـــرتبـــك مـــره

لانــ عـــلاقتـــهم مــع بعــض بحـــدود شــوي..ويحتــرمـــها


قـــال لها:انـــا عــــارف انــي إذتيتـــك قبـــــل وجــرحتــك

كثيـــر...و منعتـــك منـــ زواج والفســـتان وكـــل شئ تتمنــى..

ســـامحيني..ســـامحيني يــا ولاء..لانــي غلطــت عليكي..

وانتــي اتـعلقتي فيـــا...

بـــاس راســـها وقــال:إذا مـــا تبي تســـامحني ...ســامحيني

علشــان إلي في بطــنك



ولاء دمـــوعها تنـــزل....الميــــــــــاة رجعــت لي

مجــــاريها...وجــابــر رجـــــع مثـــل مــا هــوا

هيــا أتمسكتـــ فيــــه...وصـــبرت....وهــذا النتيجـــه


مسحتــ دمــوعها وقــالت:أحبـــج وأحبــج والله أحبـــج

حضنــها جــابــر وقـــال:وانا بعـــــــد امــوت فيكي


ثمــــرة صبـــرها وحبــــها ...روح جــديده تتحـــرك في بطــنها






أنســـــدح سلمـــــــــان في الســـرير ..ونــــام

صحتــه رجعتـــ شــــوي....وطـــلب انه مــا يجــــلس في

المستشفــى...يبغــى يــرجــع البيـــت مــع أهــله..

يحتــــــــــاج يجــــلس معـــــاهم ...بـــدل مـــايمــــوت وهــوا

مــا كــان قــريب بيــنهم...


طـــلب من فـريـده انــها تـــرجع له ...


ووفقـــت على طـــلبه.....مـــو على شـــانه!!!


علشــــان مــــرضــــه....


قفـــــلت ســـوزان البـــاب وجـــلست في صــــاله:خـــلاص نـــام

فـريـده :الحمــدالله ان نـــام

الجـــده:من إلي مـــات..يـا فـريـده

فـريـده :فــال الله ولا فــالك..ميــن جــاب الحيــن سيــرة

المــوت..أقــــول نــــــــــــــــــام

الجـــده:اها نــــام...ولــدي اســـامــه نـام

أســـامــه:انــا جنبـك ومــا نمتـــ

فـريـده : لــو رحتــي عــند دانيــه يـا كـوثـر ... أبــوكي طيبـ

ومــافيه إلا العــافيــه

أســـامــه قلبــه دق لمنــ سمــع أســم دانيــه

كـوثـر : حتــى انتــي لازم تــروحيــن..المفــروض تــوقفيــن

جـنب خـــالتي رحمــه

ســـوزان :ليـــه أيــش فيــها دانيــه

فـريـده :مسكينــه البنتـــ والله

كـوثـر تقــاطعها:أيـــش مسكينـــــه يــا مــامــا..

هــذا قضــاء وقـــدر

أســــامــه قلبـــه أنشـــد..حــس انه دانيــه فيـــها شئ

ســـوزان :أيــوة كمــلي؟؟

فـريـده : طـــلع عنـــدها ورم في دمـــاغها

أســــامــه لا شعـــوريــــا:وررررم؟؟

الكـــــــل طـــالعوا فيـــه مستغـربيــن

الجـــده:أشفيــك تصــرخ ولا كــانك تحــب

الكـــل سكــت.. و الابتســـامه مليـــانه فمــهم

أســـــــامه ارتبـــك: تعجبنــي جــدتي لمنــ تخـــرف

الجــده:اخـــرط شنـــو تخـــريط دا

أســـامه يضحكــ بتــوتر: يــا حليــلها والله جــدتي هههههه

الكـــــــــل ينـــاظره

أســـامه وقفـــ:يالله انــا عنــدي شغــله مع شبـــاب

حــط رجـــوله وطـــلع على غـــرفة بســـرعة..

قفـــل البـــاب ..وقلبــه يــدق بســـرعة..:الله يلعنــك..يعنــي

مــاحركتي الا قلــبي

دق بـــاب غـــرفته.. ودخــلتـ كـوثـر :سـلام ممكنـ اكلمـك؟؟

أســـامه بتـــوتر ..يخـــاف انـها تســاله عنــ دانيــه :قـــولي

أيــش عنــدك بســرعة؟؟

كـوثـر ببــرود:أيــش بينــك وبيــن دانيــه

أســامه يقلـــدها:أيش بينــك وبينـ دانيــه ..وانا على بــالي

شئ..جـــايه تقــولي لي ســالفه زي هبــاله وجهــك

كـوثـر تجــلس في ســـرير:المشكــله انه وجهــك فــاضحك

أســـامــه بتــريقـــه:امــــــــــــــانه

كـوثـر تقلـــده:والله

أســـامــه:أقـــــــــول أقلبي وجهك واطـلعي بـرا..ماعنــدك

ولا شئ وجــالسه تغثيني

كـوثـر قلبــت جــدي..:لا عنــ جــد بتكـــلم..إذا بتحبـها قــولي

علشــان أضبــط الــوضــع

أســـامه بستغــراب:ايت وضــع

كـوثـر :أخطبـــها لك

أســـــامه انفجـــر ضحكـــــ مــــررره

كـوثـر : لا عنــ جد بتكـــلم ..لانـ في قــانون طــلع قــريب..إذا

الرجـــال سعـــودي..والحـــرمــه اجنبيــه يتــزوجها

وتصيــر سعــوديــه

أســامه:ومنــ قال الكـــلام هـــذا؟؟

كـوثـر :في الاخبــــــــــار والجـــرايـــد والله منـ جــد

أســـامه:وانتــي فكــرتي في صحبتــك

كـوثـر :أيــوة علشـــان تصيـــر سعــوديه وتــدخل الجــامعه

أســـــــامه صـــــــــرخ:أقلببببببببي وجهـــــــــك..وطــلعي منــ

الغــــرفة..حتــــــــى البــــــــلاهه مــاخذته منــها

كـوثـر :واذا قلــت أبغا اروح عنــــدها..راح تــوديني

أســـامه:اقـــلك الســـواق عنــــدك

كـوثـر تتطـــلع منــ الغـرفـه:أوف منــــــك

أســــــامه انســـدخ في ســـــــرير..:أتـــزوجها علشــان تــدخل

الجـــامعه..هههههاااااااي والله مخـ البنـــات مخفـــه....خلينــي

أشــــــوف منتصـــر راعي البنــــات كيــف أخبــــاره


فتحتــــ عيـــــونها لي أخـــــــــر شئ....تصـــــلب جســــــدها...مـــا تقـــدر

تتكـــلم...كــــانه فمــــها أتخيـــط بخيـــط متيــــن


عيـــــونـــها مثتبـــــه لي شخــــص


الشخـــــــــــص إلي كـــــانتـــ تخـــــــــاف منـــه...

وسبـــب لها رعبـــ في حيــــاتها...


بكـــــــل حقــــد ...مســـك رقبتـــها وقــــــال:ليـــه هــربتــي منــي ليـــه؟؟؟

كنتــي راح تهــربي ومعـــاكي ولـــدي...لا مستحيــــل راح أخليــكي تعيشي

انتــي ولي في بطنــــك...

مسكتـــ بطنــــها الكبيــــره بخـــــــــوف...وهيـــا تهـــز راســـها انه لايعمـــل
لها شئ...ولا إلي في بطنــــــها


فتـــــــــــــح القــــارورة الــزجـــاجــيه....إلي كــــانتــ راح تقضـــي عليـــه...

مســـك فمـــها وقــــال:انــا راح أقتلك..راح أخليــكي تشــــربي الســـم


ضغـــط على فكـــها بالقـــــوة ...ودنيــا تحــــــــاول تبعـــــد عنـــه...لكـــن

شـــربها الســم كـــله وهـــوا يضحكــــ بخبثـــ


حطتـــ يــــدها في رقبتــــها...تحــــاول تتطـــلعـــه...

تحـــــــاول أنــها تستفــــرغ...

حســـــــــــــت بحــــــــرقــــان في حلقـــها..وتقطــــع في أمـــعـــائها ...

طـــــلع السكيـــن من جيبـــه وقـــربــ منـــــها...:لازم تــــــــموتي...عشــــان

تكـــوني عبــــره للأخـــريــن...

دنيــا تحـــــــــــاول تبعـــــده عنــــه....ودمـــوعها تنــــزل....دخـــل السكيــــن
في بطنـــــــها ..وضغــط عليــــــــه

شهقتــــ شهقــــــــــــه...حســت انه روحــــها تتطــــــــلع

ضغـــــــــط أقـــوى ...والــــدم ملــطخ في أيــــده و وجــه ..وهــوا يقـــول..:مــــوتي


مــــــــــــــــــــــوتي

مـــــــــــــوتي




فتحتـــــ عيـــونها وهيـــا تتنفــــس بســــرعـــه...نــاظـــرت في نفســــها انـــها في
طيــــارة والكــــــــل نـــايم...حمـــــــــدت ربـــها انه كـــــان كـــابوس...

ولا يكـــون حقيقـــــــــــه

رمتـــ نفســــها على الكـــرسي ولفــــت وجهــا لي جهـه النـــافـــذه..تنـــــاظر

الامطـــــــار إلي تنـــزل منــ الغيـــــوم...نـــاظـــرتــ في الغيـــوم القــريبـــه منــــها


حتـــــــــى وهـــــــوا في أحـــــــلامـــها مــــلاحقـــها...

في كـــــــــــل مكــــــــــــــان

مثـــــــــــــل

مــــــاحبتـــه.....كــــــرهتـــه


مــــــــا تــــــدري ويــن كـــــــان عقلـــها لمنــ حبتــه وطــلبــت الـــزواج منــــه

نـــاظـــرت في دبلــه الــزواج..الالمـــاسيـــه وعلى الأطـــراف فصـــوصـ منــ ذهـــب

صمــمــه واحــــد منـــ انكتـــرا.... وأخــــذ مليـــــون دولار...عشــــان لايــاخــذ

التصميــــم إي شخـــــص

دبــلتها ...ودبــلته....متشــــابهيــــن

منــ الالمـــــــــــــاس..ومطــــــــرزة منــ الاطـــراف منـ الــذهبــ إلي يبـــرق..

وفي الــوســـط..حـــرفـــها وحـــرفه بالانجــليـزي..وتـــاريــخ زواجــهم

رمتـــ دبــلتها في شنطتـــها ... تبغـــــــا تنـــسى شئ أسمـــه يـــزيـــــد...

مـــا تبغـــى شئ يـــربطـــها في القـــــذر...

حتـــى أذا نـــزلـــت على مكـــه راح تعمـــــــل فحـــوصــــات حقـــه الحمــــل...


عشـــــــــــــــان تتــأكــــد انه مــــافي حمــــــل....

وراح تبــــــــــــــلع حبــــــــــــوب منــــع الحمــــــــــــــــــــل

وتعمـــــــــــــــــــل المستحيــــــــــــــــل علشــــان لاتحمــــــــــل

حتـــى لــو أضطـــــــرت انــها تستــأصــــل رحمــــها


مـــــــــرتـ خمســـــــــه ســـــاعـــات وهيـــا في طـــــــائـــرة ..نـــايمــــه

فتحتـــ شنطتــــها وطـــلعتـــ جــــوالها وشغـــلتــ على القــــرانــ وحطــت السمـــاعة

في إذنــــها ...ذكـــــــــرت ربــــها ..إليــن مــا حستــ بنعـــــاس ونـــامتــ



(($~ أجنبيـات في المجـتمع ~$))