ديوان الشاعرة ( عابرة سبيل ) _ رحمها الله

يا نايفه

ياخبلي يانايفه ويامكثر خبالي
أنا احسب ان الموادع عادي هين

من شدة الغيض أنا ودعت لي غالي
أقول اليوم عسير ويتبعه لين

يرحمني الغيض وطبع العند يبرالي
والعاذل اللي حكاه يزيد ويشين

وجنبت عنه ورحت اسير بلحالي
كما يجنب عن الخفرات متدين

وعودت ابي شوفته لما هدا بالي
أثاري جرحي لخلي ما طلع هين

وا..وجد نفسي عليه وياضنا حالي
وا..همي اللي أدسه عنه و يبين