ديوان الشاعرة/الحوراءبنت نجد

قصيدة لاسلهمت عينك

لاسلهمت عينك ترى جانـي المـوت
أ موت في سـود العيـون وهدبهـا

كم مرة لاشفتهـا برفـع ا لصـوت
أجـاوب الورقـى واغنـي طربـهـا

أكتب من ا شعارك على صفحة ا لنوت
شعر الغـرام اللـي بحبـك سببهـا

ياللي غلاك بداخـل الـروح مكبـوت
حبك سلـب عقلـي وحالـي سلبهـا

سحرك سرى فيني مثل سحر هـاروت
وغرا مك ا شقاني وروحـي نهبهـا

مغير أفكـر فيـك وا لبـال مشتـوت
ونفس ا لعنا طاريك يبعـد غضبهـا

يا منوة ا لمشتاق يـا منـوة القـوت
ترى هوا ك ا ليـوم روحـي جذبهـا

يامذهب ا حزا ني وا نا فيك مبخـوت
نفسـي سعادتهـا معـك تقتربـهـا

لمفارقك ماطعـت عـاذل وشافـوت
وحبك جبر نفسـي عليـك وغصبهـا

لاجابـوا ا لطـاري لفرقـاك بمـوت
وا لبعد وا لحرمـان حالـي عطبهـا

ياللي خيالك بيـن الأضـلاع مثبـوت
يطفي وهـج نـار بصـدري لهبهـا