خاطري مكسور من قسوة زماني كاملة

و نزلو بهدوء وقالو لسواق يوديهم
شذى طول الطريق و هي تصيح وتدعي له وشهد تحاول تهديها
وصلو المستشفى وشذى دخلت الغرفه الي فيها ياسر وكانت نفس حالته جثه هامده ومافيه صوت مسموع غير صوت الاجهزه
شذى قربت عنده ومسكت يده بكل حنان وقربت عند اذنه وتقوله بهمس وبحب و شوق :ياسر قلبي والله اشتقت لك حبي انا محتاجه لك ماعاد بقى لي بهالدنيا الا انت ابوي مات وخلاني تكفى لاتخليني ارجوك لاتخليني ياسر حبيبي اصحى شكلك كذا يتعبني انت تبي تعب حبيبتك يله اصحى مابي اعيش بدونك ياسر حبيبي يله قوم ياسر تذكر يوم كنت تطاقني يوم انا صغيره تذكر شقاوتنا اصحى الله يخليك ورجع هالايام الحلوه
ياسر حبيبي ومسكت يده بقوه وتمت تصيح بعد دقايق تحركت يد ياسر
شذى مب مصدقه مسكت يده وظغطت عليها و هو ظغط ع يدها وفتح عيونه و ناظرها بكل حب وشوق
شذى تصيح من الفرحه وتقول بفرح:الحمدالله ع سلامتك ياعمري الحمد الله يارب تتمم عليه صحته يارب
ياسر بتعب ابتسم لها واشر لها بيده انها تقرب عنده اكثر

شذى قربت له اكثر و هو فك يده وسحب الغطوه ومسح دموعها
شذى انحرجت من حركته ومعد عرفت تسوي شي
ياسر مسك يدها و ظغط عليه و ابتسم ورجع نام من التعب
شذى:يابعد عمري الله يخليك و يشفيك و يعافيك ياحياتي الله يقومك بالسلامه يادنياي وعدلت غطوتها وطلعت وهي فرحانه وقالت لأختها
شهد بفرح:جد هو صحى الحمدالله الحمد الله
شذى ماودها تتحرك وقالت:ماودي اتحرك من عنده
شهد:امشي قبل ماتقوم امي والله نروح فيها
شذى:طيب ثواني بروح اودعه وبجي
دخلت عنده و جلست تناظر فيه وقربت عنده وقالت:مع السلامه ياقلبي وان شاء الله برجع ومابخليك اهم شي انت ماتخليني ياروحي وطلعت و هي تصيح وقلبها يتقطع ماودها تفارقه
شهد:يله امشي خلاص شفتيه وتطمنتي عليه
شذى تصيح:ماودي اتحرك من عنده ماابي
شهد سحبتها وقالت: امشي بس
><
ابو نايف:ملف لاتحلم فيه
ابو سلطان:عطني الملف واقصر الشر
ابو نايف :واذا ماعطيتك
ابوسلطان:اذا ماعطيتني بنظطر ننشر صوت داليا بنتك وصورتها
ابو نايف برود:سوو الي تبون
ابوسلطان:واضح انك مو مصدق
ابو نايف:طبعا
ابوسلطان:اوك سلطان طلع الجوال وخله يسمع و يناظر
سلطان فتح الجوال وقربه لابو نايف:اسمع مو هذا صوت بنتك
ابوسلطان:وازيدك من الشعر بيت ولدي سلطان هو الي لعب بمخها ههههه<احس انه بزر
ابونايف عصب بشكل جنوني ويصارخ:برا برا
ابوسلطان:بنطلع بس راجعين ثاني
ابو نايف ع حالته:برا برا
سلطان يضحك ويقول:باقي صورها ماتبي تشوفها
ابو نايف:برا ياحقير برا
طلعو وعلطول ابو نايف راح لبيته و هو معصب شاب نار
نايف توه بيدخل لمكتب ابوه قاله السكرتير:ابوك طلع معصب قبل دقايق
نايف:وين راح وليه
السكرتير:يقول بيروح البيت وليه اكيد علشان ابوسلطان لان من بعد مادخلو عليه حالته انقلبت
نايف:اوك اوك انا رايح له وطلع
><
شذى براحه:اشوى مابعد قامت امي
شهد:قولي الحمدالله
شذى:الحمد الله يارب
شهد:سهرتيني انت وجهك يله تصبحين ع خير
شذى مبتسمه:وانت من اهل الخير
شذى خذت جوالها ودقت ع يسرى
يسرى:هلا شذى
شذى:اهلين وش اخبارك؟
يسرى:الحمدالله انت كيفك؟
شذى:الحمد الله باأحسن حال
يسرى: زرتي ياسر
شذى بفرح:ايه وابشرك صحى ياسر بخير الحين وصاحت
يسرى صاحت:الحمدالله يارب الحمد الله الله يبشرك بالخير و يسعدك يله اخليك ببشر الوالده
شذى:اوك بحفظ الرحمن
يسرى قفلت ودقت ع امها
يسرى:يمه ابشرك ياسر صحى الحمدالله
ام ياسر:صدق متأكده
يسرى:ايه يمه ايه الحمدالله الحمدالله
ام ياسر تصيح وبفرح:اللهم لك الحمد ولك الشكر الحمدالله الحمدالله
يسرى:يمه الحين بروح له امرك
امها:اكيد يله احتريس
يسرى:زين وقفلت السماعه وراحت تلبس عبايتها وخذت تاكسي وراحت بيت امها وخذتها وراحو المستشفى
><
ابو نايف داخل البيت بعصبيه وصراخ وينادي:داليا داليا
ام نايف:عسى ماشر وش صاير وش فيه
ابونايف:وين داليا وين الي ماتستحي ع وجها و ينها
ام نايف:ليه وش سوت تكلم وش صاير
ابونايف بعصبيه :اووووه وطلع لها فوق بغرفتها وام نايف وراه
داليا شافت ابوها وخافت
ابو نايف مسكها ويطقها طق وام نايف تحاول تفكه وماقدرت ابو نايف:ياالي ماتستحين ع وجهك ياقليلة الحياء انا كذا ربيتك ياخسارة تربيتي فيك كذا تخو نين ثقتنا فيك وتكلمين من ورانا
دالياتصيح ومن الخوف ماتدري وش تقول وقالت تصرف:انا ماسويت شي ماسويت شي
ابو نايف يصارخ:وصوتك وش وصله لسلطان وصورك
داليا تناظر ابوها بصدمه وصارت ترتجف من الخوف
ابو نايف:انطقي وش وصلها له
داليا تصيح بخوف:مدري مدري
ابو نايف:ماتدرين وزاد بطقها
ام نايف:بس ذبحت البنت خلاص
ابو نايف يناظر بنته وشرار الشر يطلع من عيونه
داليا حظنت امها من الخوف وتصيح وتشاهق
ابو نايف طلع من غرفتها ونزل تحت
ام نايف:تستاهلين ولا فيه بنت عاقله تسوي سواتك
داليا تصيح: هو قالي انه يحبني وقريب بيتزوجني ليه يقول لابوي ليه

ام نايف:كم لك وانتي تعرفينه
داليا:تقريبا شهر
ام نايف بصدمه:بس وصدقتيه انت صاحيه بعقلك
داليا صارت تصيح اكثر من اول
ام نايف خلت بنتها وراحت لأبو نايف علشان تفهم السالفه ومالقته
><
داليا دقت ع شذى
شذى بدون نفس:هلا
داليا تصيح:شذى لاتخليني الله يخليك الله يخليك انا محتاجتك تكفين لاتخليني
شذى بخوف:وش فيك وش صاير
داليا تصيح اكثر:سلطان سلطان الحقير
شذى:اهدي انتي انا الحين جايتك يله سلام
شذى قفلت وخذت عبايتها وراحت بيت خالتها
ام نايف:هلا شذى
شذى:هلا خالتي و ين داليا
ام نايف:فوق
شذى:اوك رايحه لها وراحت
داليا اول ماشافتها حظنتها وتصيح صياح يقطع القلب
شذى:بس قطعتي قلبي قولي وش صاير
داليا:تخيلي سلطان الحقير بعد مامثل علي انه يحبني وبيتزوجني راح لابوي وسمعه صوتي وعطاه صورتي
شذى شهقت وقالت:انتي وش صاير لك عساك صاحيه صوتك بيسجله وانت ماتدرين لكن صورتك ترسلينها له انت بعقلك
داليا:والله لو كنتي تسمعينه كان تصدقين انه كان يحبني مايلعب علي الحقير السافل
شذى بقهر:حسبي الله عليه وش بتسوين الحين
داليا تصيح وبخوف:قولي اخواني وش بيسوون اذا درو انا خايفه اكيد بيذبحوني وصارت تصيح اكثر
شذى:لاحول ولاقوة الا بالله انا حذرتك ونصحتك بس ماسمعتيني يارب رحمتك يارب
داليا تصيح بقهر:ياليتني سمعت كلامك ياليت
شذى:اهدي الحين وخلينا نفكر يمكن نقدر نلقى حل
داليا تصيح:اكيد مافيه حل اكيد بينشر صوري وصوتي حسبي الله عليه
شذى:اهدي لقيت الحل مالنا الا اخوي راشد
داليا بفرحة كانها ام لقت ولدها وقالت:ايه اخوك راشد اكيد بيقدر يسوي شي بحكمته وعقله دقي عليه دقي عليه
شذى:طيب وش اقوله
داليا:قولي له كل كل شي
شذى:اوك اوك ودقت ع اخوها
راشد خاف لانهم داقين عليه بهالوقت ورد بخوف:هلا شذى فيكم شي
شذى:لا تطمن بس ابيك بموضوع مهم جدا
راشد:عسى خير وش فيه
شذى:تعال بيت عمي وبقولك
راشد بخوف:اوك جاي مسافة الطريق
شذى:اوك وقفلت
داليا:بيجي
شذى:ايه يقول مسافة الطريق
><
نايف دخل البيت وبقلق
امه:وين ابوك
نايف:هو ماجاكم
امه:الا بس رجع يطلع
نايف:كان معصب
امه:ايه
نايف:ولا قال وش فيه
امه خافت تقول و يروح يذبح اخته وصرفت وقالت:لا ماقال
نايف:اوك برجع لشركه يمكن رجع لها
امه:زين
><
ابو نايف راح لأبو سلطان
ابو سلطان بفرح لانه ذله وقال:هلا باابو نايف
ابو نايف حاس بالذل والظعف عطاه الملف الي كان ماسكه عليه و الي كان بيدمره وبيخسره تجارته كلها
ابو سلطان:قلنا لك لاتلعب مع الي اكبر منك بس ماسمعتنا
ابو نايف:سلطان لو سمحت عطني الجوال الي فيه صوت وصور بنتي
سلطان:من عيوني بس لحظه اطلع شريحتي وخذ الجهاز حلال عليك
ابوسلطان:مب خساره فيك هههه
ابو نايف معصب بس يحاول يتماسك قدامه وقال:وش يضمن لي ان مافيه غيرهم
ابوسلطان:انا اظمن لك ولاتخاف الي قدامك رجال قد كلمته
ابو نايف خذا الجهاز وطلع
><
راشد:قولي خوفتيني
شذى قالت له السالفه من الاول الى الاخير
راشد منصدم ومو مصدق وقال:معقول داليا تسوي كذا هذي كانت المثال للبنات بعقلها وثقلها وش غيرها
شذى:طيش ومراهقة بنات والي يعافيك و يخليك ياخوي حاول تهدي ابوها واخوانها
راشد:هذا الشي صعب بس بحاول والله يقدرني
شذى:اوك انا بروح لها فوق وأحاول اطمنها
راشد:اوك وانا بنتظر اخوانها وابوها
شذى:اوك وراحت
><
ابو نايف راح لارض صحراء وكسر الجهاز كسر صغيره وحرقه ورجع لبيته
راشد:هلا عمي
ابو نايف مستغرب وجوده وبااستغراب:هلا
راشد:واضح انك مستغرب تعال ندخل المجلس وبقولك وش جايبني بس ياليت تدق ع نايف وتركي
ابو نايف:زين ودق ع عياله وقالو بيجون
راشد:دريت بلي صار مع داليا
ابو نايف حس بنغزه بصدره و نزل راسه من الفشله
راشد:والله مب عارف وش اقول ادري صعب تسامحها والبنت غلطها كبير و
ابونايف قاطعه:خلاص ياوليدي انتهت السالفه هذا سلطان ولد ابو سلطان ال...... عرفته
راشد:اكيد عرفته
ابو نايف:انا كنت ماخذ له ملف بيدمره تماما ودور طريقه علشان ارجع له ملفه ومالقى طريقه يذلني و يصغرني فيها الا هذي الطريقه
راشد بعصبيه:الحقير النذل
ابو نايف:حسبي الله عليه هو وولده طلبتك ياراشد لاتقول لعيالي عن ذا السالفتين
راشد:وعد رجال ياعمي ماتطلع لأحد بس وش بتقولهم اذا جو الحين
ابو نايف:لين جو بلقى جواب
ان شاء الله بس ياليت تروح الحين قبل مايجون و يشوفونك و يشكون
راشد:على امرك وطلع
راشد تذكر اخته ودق عليها
شذى:هاه وش سويت
راشد:طمنيها ابوها لااان شوي واخوانها مب عارفين عن السالفه شي ابدا
شذى:صدق
راشد:ايه يله عاد ارجعي البيت علشان مايشكون اخوانها بشي
شذى:اوك
راشد:اوك وقفل
شذى:الحمدالله اخوانك مابيعرفون عن السالفه ابدا
داليا:صدق وطيب ابوي وش بيسوي معي انا خايفه
شذى:لاتخافين دام راشد كلمه ان شاء الله خير يله انا برجع للبيت قبل محد يشك بشي
داليا:اوك بالسلامه
شذى:انتبهي لنفسك هالمره ان شاء الله بتعدي ع خير مو تعيدينها
داليا:وانا مجنونه
شذى:اوك يله سلام
داليا:سلام
شذى راحت بيتهم والحمدالله ماصادفت احد من اهلها وعلطول طلعت فوق ومحد درى عنها
><