رواية سعوديات بعروق أيطاليه

( 17)
( في جناح بندر و زينة ) .....
كانت زينة جالسة تناظر فيلم (The Notebook), وكانت خاشه جو مع الفيلم لانه يبكي ويحكي عن العذاب في الحب ... بندر جلس بجنب زينه اللي متأثرة مره من الفيلم....
بندر : ههههه وش فيه القمر متكدر ؟؟
زينة بدلع فطري للغاية : حبيبي طالع طالع الفيلم شووف كيف والله يقهر ؟
بندر ألتفت وناظر التلفزيون ....بعد ربع ساعة قرب لزينة وفتح شعرها وصار كل شوي يلعب في شعرها ويجي قدام عيونها و ساعه يطفي التلفزيون آخر شيء جلس عندها ومسك يدها << -- مزعج +_+
زينة و هي تشاهد الفيلم : يؤ منك حبي ابي اكمل الفيلم اركد ..
بندر يتمعن فيها : مااقدر حبي خلاص انت ناظري الفيلم وانا بناظرك طول الوقت .....
( وعلى هالحال بندر يبحلق عيونه فيها واهي تناظر الفيلم يا عيني على الحب حشى موب سعودي بندر خخخخ )
زينة ناظرت فيه وابتسمت : لك ساعة تناظرني مامليت ههههه ...
بندر مسك يدينها : لو اناظرك العمر كله ماراح امل افا بس قلبي ...
زينة قربت لبندر وسندت راسها على كتفه : الله لا يحرمني منك حبيبي ..( دمعت عينها)
بندر يلعب في شعرها: ولا منك قلبي هاه بدينا بحركات االافلام دموع وحزن هههههههه ........
واستمروا على ذالحال اهي تناظر الفيلم واهي مستنده على بندر واهو يناظر معها ويلعب بشعرها البني الطويل اللي يعني لبندر شيء كثير..يشم ريحته و ويلفه على يدينه و احيانا يناظرها طول الوقت^_^
زينة ناظرت فيه : حبي وش رأيك بعزمك نتعشى برى ؟
بندر بخباثه : مش راح اوافق إلا اذا عطيتني بوسه و ....
زينة : يؤ ههههههه براحتك انت الخسران ..
ناظرت فيه وقربت له وشدت اذنه : وإلا قول ان ودك تطلع تتعشى في الإستراحه عادي ترى عادي ؟
بندر مسوي انه خايف : افاااااااا بس حبيبي انت دايم ظالمتني ماادري ليش ..؟ احد يرفض يتعشى مع ملاك عمره وقلبه وحياته ....و يروح للدشير بالاستراحة
. زينة : يؤ يؤ يؤ ارفق فيني روف بحالتي ترى اصدق عمري جد وآخذ مقلب ههههههههه
بندر : يالدوووبه وليش مو مصدقة أني احبك ؟
زينة تناظر فيه بغنج : إلا بس احب اعرف وش كثر غلاتي وش كثر تحبني ؟؟؟
بندر : حبك حياتي اللي انا عايشهاااااا... نبضك اهو اللي اتنفسه كل يوم واعيشه .....عيونك بحر غرقت فيه من اول ماشفتك
زينة غارقة في اجواء الحب : اله. لا يحرمني منك ..... يالله وش قلت نطلع نتعشى برى ؟
بندر : نطلع نتعشى برى وانا كم زينة عندي بس ؟؟؟
زينة : وحده وبس .....
بندر : آخ عليها بس ويازين كلمة زينة منها
في السيارة و هم في الطريق بندر يسوق بروية و طبعا طول الطريق كانت يده على القير و زينها تحرص تحط يدها على يده اثناء مايسوق و لابد يتبادلون الإبتسامة ونظرات العيون ^_^ -
رجعوا من العشاء اللي كان في قمة الرومانسية ومعاني الحب الصافي اللي انقرض في هالوقت بندر خلجات مشاعر زينة و زينة همسات ضلوع بندر مااجمل الحب إذا امتزج بالصدق والوفاء على مر السنين ....
بندر كان عنده قضية دسمة وحب يفتح الملف يوم رجعوا البيت ، يبي يسهر عليه، زينة كان عندها دوام وحلف عليها بندر تنام وترتاح مع انها رفضت الشيء وزعلت بس بندر روضها ووضح لها انه خايف عليها وعلى مستواهاااااااا
بندر كان خاش جو مع القضية وملفات التحقيق واقوال الشهود و تقرير النيابه اللي بيصدر عنه بكره ..... القضية تتكلم عن مريض نفسي اللهم صلي على محمد قام بقتل سبعة من أفراد عائلته زوجته وا اولاده وأمه
بندر متعجب من حال الدنيا ... ياربي تلطف فينا وترحمنا برحمتك ياارحم الراحمين .. حب يريح شوي .. طفى النور .. وشغل الاباجورة .... وش صــــــــــار؟
كانت زينة كاتبه في بطاقة " I love you so much... you are my happiness" ( أحبك ) حبيبتك : زينة
ودخلتها في الاباجورة جوا لكذا اول ماشغلها بندر عكست الضوء على الجدار اللي قدام بندر
بندر تفاجأ بهالحركة الحلوووه واشتاق مره لزينة ابتسم وحمد الله على نعمة زينة ( الله يخليها لي يارب ولا يحرمني منها , ذبحتني هالبنت بغلاها )
دخل على زينة واهي نايمه وعطاها بوسه مع جبينهااا وغطاها زين
زينة صحت وكانت بقمة النعومه : هاه حبيبي خلصت ؟
بندر بإحساس عاشق مغرم يناظرها : عيون حبيبك أنت ايه يابعدي نجزت شغلي كله ( مسك اصابعها وبوسها اصبع اصبع ) اموووت انا على الحركات الرومانسية هههههه لا والله الأفلام جابت معك نتيجة
زينة ابتسمت : حبيبي منك انت انااا افكر في كل شيء انت نبضي وحياتي ودنيتي كلها
بندر قرب لزينة ناظر عيونها : حبيبتي ترى كذى بتهور ههههههههههه وانت عندك دوام بكرة ماابي اخليك تغيبين بعد ؟ اخاف خالتي مضاوي تصفقني تقول انك دمرت مستقبل بنتي
زينة : هههههه طيب يالله قلبي Good night
بندر عطاها بوسه : Good night
(18)
(في بيت ابو محمد )
كانت ود جالسة شوووي تفكر وشووووي تدعي و شووووي تبكي على اللي ظلمها : حسبي الله ونعم الوكيل الله لا يوفق ان شالله كل من افترى على احد وظلمه )
ورده : وش السالفه ود اعرفك انا اذا صار عندك شيء يبين عليك ؟؟؟
ود طبعا ماتخبي شيء على اختها ورده .. قربت لها ودمعت عيونها
ود : تخيلي يا وردة الدناءة وصلت بااختك صوفيا انها تفتري علي وتشتمني لا وبكل ثقة ياويلها من حسيبها
ورده : فهميني وش صار بالضبط ؟ لا تصدعين براسي بكلمات متقاطعة
ود : انا كنت عندها في غرفتهاا وتخيلي دق جوالها والمصيبه انها ردت على ولد تعرفه تقول أنها تحبه وانه يحبها لا والمصيبه تقول أنها بتشوفه ذا اذا ما كانت شافته ....
وردة عيونها طلعت من راسها من هول الصدمه: وشو وجع والله لو يدرون اخواني غير يذبحونها ذبح....
ود: يوم قلت لها ذالحكي ونصحتها تدرين وش قالت لي المريضة ؟ قالت عادي انت كذا بس مستحيه تقولين لي اكيد انت لك صاحب بس مااحد يعرف وقعدت تسب فينا و السعوديات فيهن وفيهن الوحده تحب لها واحد وتنافق قدامك او تسوي نفسها داعية واهي من جوى الله يعلم فيها... تخيلي حتى اشرف الحريم الداعيات ماسلمن منها...بس عاد الشر شر اللي عائشة أم المؤمنين افتروا عليهاا حادثة الأفك وش نرجي بس بعد كذى
وردة : وجع يوجعها هالبنت بتفضحنا حسبي الله عليها لا حشى مو متربية إيه قولي لها السعوديات افلحن بتربية عيالهن مو مثل غيرهن
ود : يا وردة افهمي صوفيا تقول ان صاحباتها يقولون لها اني احب واحد واعرفه واكلمه متهماتني الحيوانات شوفي القذف الله لا يوفقهن يارب تقول انك انت يا ود وش كنت بس تبت ، بنات اللذين مسويات لها غسيل مخ عشان تجاريهن بأفعالهن الدنيئة ولا تخاف من احد كل ماقلت لها شيء ووضحت لها هالشيء صدت وقعدت تضحك وتتريق وتقول اهتمي بنفسك اول
وردة : لا ياهمك وانا اختك دعوة المظلوم مستجابه الله الله بقيام الليل الله قريب يجيب دعوة الداع اذا داعاه ، ودعوة المظلوم مستجابه وانا اختك ...
ود بحسرة : ادعي على اختي حرام والله اللي فيها مكفيها شبعانه من الصياعة والقرف تبين زود ادعي فضيحتها من فضيحتنا ياوردة
وردة : الله كريم ان شالله يلطف فينا ويهديها لحالهاااااا مع اني مااظن ان هالاشكال تهتدي اللي صارت اعراض الناس عندهم كرتون علك .... حسبي الله ونعم الوكيل
ود تبكي : لا والمشكلة اللي مدخل برأسها هالافكار مين ؟؟؟ وحده ماتتوقعينهااا تضحك معنا وتسولف الله لا يوفقها ان شالله الظالمه .....
وردة : الغيرة ياود عمت قلوب العالم خصوصا القرايب .. دايم ناظري اللي يقربن لك هن اللي يحسدنك ويغارن منك ويطلعون عليك اشاعات بس ربك كريم الله يمهل ولا يهمل
ود : يارب انك تنقذني وتنصرني على كل من ظلمني يارب انك ماترضى بالظلم يارب اظهر الحق ،
وردة : يا ود انت واثقه بنفسك و واثق الخطوة يمشي ملكا عادي شيء طبيعي راح تتعرضين لحسد اختك والخمة الفاسده اللي اهي طايحه لي فيهم .. اهم يحسدونك ولا يرمى بالحجر غير الشجرة المثمرة.....
ود : الشكوى لله لا صارت اختك تسوي فيك كذى وش تنتظرين بس من الناس ؟ حسبي الله ونعم الوكيل
وردة : ياود انت كبيرة وفاهمه مثقفه متعلمه تدرين ان هالبنات بما انهم فسدوا خلاص يحقدون على أي بنت يحاولون يطيحونها معهم واذا عجزوا آخر شيء يشوهون سمعتها بحجة انها ما تصير احسن منهم بس ياود الناس مخابر والعالم ترى تشوف وتفرق بن الصالح والطالح.
ود : انا املي في الله كبير انه ينصرني على هالحثالة ويكفيني شرهم .. بس يعني شوفي حتى اختك اللي تحبينها مع انها عازلة نفسها عنااا بس شوفي وش تقول عنا ؟
وردة : يااختي مسويين لها غسيل مخ مسكينة مصيرها بتصحى بيوم إذا اخذت علقة من الأيام وتعرف صدق ذيك الساعة مين الصادق ومين الطالح وراح تتذكر ان كلام صديقاتها كلام كذب بس يبونها تجاريهم لكذا اقنعوها ان كل البنات كذا بما فيهم انت اختها بس ادعي ربك والله كريم.
ود : اللهم اني أسالك الهدى والتقى والعفاف والغنى .... اللهم اني اسألك حسن الخلق
وردة : احمد ي ربك انك مظلومه ولا ظالمة ولا تخافين اختك مصيرها بتطيح عاجلا ام آجلا.. وراح تشوف مين يوقف معها ويساعدها؟
ود : طيب أخواني تتوقعين يدرون عنها ؟؟؟
ورده : بقولك شيء بس لا تقولين لأخد امانه ترى سلمان محذرني ...... سلمان يقول انه راح شقه عازمه واحد من اصحابه واستحى يرده وشاف بنات منتهيات صايعات وكانوا يقولون ان وحده من صاحبتهم بتجي وانها تجنن وروعه وبنت ناس هاي كلاس وان امها مغربية سلمان شك بالموضوع وجاء البيت ولقى صوفيا متكشخه عندها مشوار مااحب يظلمها وقال انه بيـأكد وتبعها وشافها راحت على ليموزين ووقفت عند نفس الشقه طبعا اخوك ماقصر سحبها ولعن شيطانهااا يوم تغيب عن الجامعه اسبوع تذكرين )
ود: اهااااااااا عشان كذى اهي حاقده علي تقول ليش اخوانك ما يناظرونك انت بس الدنيا حظوظ
ورده : آآآخ بس و عـــــــــــــزااااااااا اااااااااااه لسلمان اللي انقهر ومات قهر تخيلي راح المستشفى واخذ مغذي ضغطه هبط ......ومتوعد اذا لقاها مره ثانيه بيذبحها ذبح
ود : تحمد ربها اللي ما طاحت بيد ابوي وإإلا اخوي محمد او هشاااااااااااام
وردة : وإلا حجرف وربي غير ينحرها نحر ..... الله يهديها بس ويستر على ابوي و اخواني لا يجيهم شيء بسببهاا......
ود : الله يهديها والله اني ادعي عليها واذا ذكرت انها مسكينه وان أمها مقصرة معها رحمتهااا
وردة : اللي مايرحمك لا ترحمينه شوفي هاللي تقولين مسكينة وش تقول عنك ؟
ود : الله ينتقم من كل ظالم مو منها من هالساقطات اللي مسويات لها غسيل مخ.
ورده: إلا ما قلت لي بتوافقين على سعود ؟
ود حمرت خدودها : يااختي ماادري خايفه ومتردده؟
وردة : يؤ وش فيه سعود سيد الرجال وكفووو لا وشكله يجوز لك من طقة هاليومين ؟
ود : تعرفين اني موافقة حتى هشام سألني وقلت له عشان يعطيهم خبر...
وردة : يعني مابقى إلا تحديد الشبكة ؟
ود: بخجل : مدري
ورده : الله أكبر وين راح لسانك اللي طوله شبرين ههههههه
ود: عاد كل شيء وهالطاري اكيد بستحي هههه
(19)
مر على زواج بندر و زينة سنه و3 شهور ......عاشت فيها زينة اروع سنين عمرها واسعد ذكريات ستجسد بتاريخ الحياة أجمع ..... كيف لا وهي بقرب الحبيب الذي طالما حلمت به يجتاح عالمها ويعطر واقعها الذي تكلل بالالتحام النفسي و العاطفي والجسدي مع الحبيب....
كل ساعه وكل دقيقة وكل ثانيه عاشتها زينة خلال هالفترة السابقة كانت مثل الحلم اللي في غمضة عين ( طبعا أذكر جدتي الله يرحمها و يغفر لها و يسكنها فسيح جناته كانت تقولي الأيام الحلوة تعدي بسرعه )
خلصت الامتحانات النهائية .....
واحتفل بندر بنجاح زينة احتفال خاص رائع على كثر ماتسوي حفلات إلا ان هالحفلة غــير لأان بندر اللي اعدها مفاجأه واشرف عليها بنفسه طبعا الاحتفال كان وين في تركيا على نفس ذاك الشاطئ اللي مرت فيه اعذب ايام واطهر ذكريات في الحب
زينة اسعدها كثيررر هالشيء وحبت بندر اكثر وغرفت في بحر حبه اكثر واكثر...
-
-
-
في الرياض ....
ومن بيت ( ابو تركي تحديدا) .. نسرين جالسة في الصالة وعندها أمهااا وأميرة
نسرين : إلا يمـــه بسألك كل يوم وانسى تتوقعين ليش زينة مابعد حملت للحين ؟
أم تركي : علمي علمك هذا مقسوم ومن الله
نسرين : تتوقعين ماتأخذ موانع ...........
أميرة : مااعتقد واذا كانت تأخذ فيحقلها لانها كانت تدرس بس الحين تخرجت يمكن ظروفها تغيرت
نسرين : اميررروه بليز لا تحشرين عمرك بسوالف مالك فيها .. يمه جد لازم تسألين بندر او لمحي له اذا كنت مستحيه... مهما كان يمه ما ودك تشوفين ظنى بندر ترى الحرمة اذا ماحملت من رد سنة خلاص ماتحمل بعدين
اميرة ودها تقول بينها وبين نفسها تشطري يانسرين وهاتي اخووو لااولادك المساكين بس خافت على عمرها...
نسرين : يمه انا احاكيك ذا مو حالة تفشلت عمتي كل ماشافتني تسألني وانا ااقول ماادري ؟
أم تركي : الشكوى لله والامر له وش اسوي مابيدي حيلة ... بس هم احرار يمكن مأجلين الموضوع لين يفضون
نسرين : ايه الاخت مشغلته حسبي الله عليها كل يوم طاير فيها ديرة خصوصا ايطاليا صايرة الدمام عندهااا
اميره بتضجر : ابوهااا هناك حرام عليك وبعدين مارااحت إلا في العيد
نسرين : لا والله الدنيا حظوظ سبحان الله بتصير زي امهااا لها حظ كبيرر على كثر مااهي مغروره ومتغطرسة ونافخة عمرها عمي يموت فيها
اميرة : وش دراك عنهم البيوت اسرار ... والله يديم عليهم نس نس الحسد مو زين
نسرين : الله يرحم الحال بس ناس ينرمون في بيوت اهلهم وناس يتمشون
ام تركي عصبت : نسرين خير ان شالله وشذالخرط انت اللي جايه وتاركة رجلك مو اهو الللي رماك واتركي عنك الحسد واياني واياك تفتحين هالموضوع مره ثانية
نسرين تضايقت : عادي اذا متضايقين مني عادي اروح اطلع من بيتكم من زينكم عاد الله وهالعيشة كلها كتمة
ام تركي زعلت وطلعت فوق ..... أميرة تضايقت مره إلا ويدق جوالها
اميرة : هلا بندر وحشتوني مووووت كيكفكم خلاص عاد طينتوها تعالوا ؟
بندر : احنا في المطار يالبطه هههه بلغي امي اني واصلين ان شالله ..
اميرة : ان شالله
وصلواا البيت في السلامة وسوت لهم ام تركي حفلة بمناسبة رجوعهم عزمت فيها العائلة كلها وعلى رأسهم الدكتورة مضاوي ...
أثناء الحفلة لاحظت الدكتورة أن هناك حركات عنصرية ضد زينة من قبل نسرين.. فقررت انها توصي زينة الوصية اللي كانت ناوية تقولها سواء شافت شيء او لا..... عاد كيف واهي شايفة نسرين تناظر بنتها من فوق لتحت وتتكلم فيها من القهر والغيرة
استأذنت الدكتورة مضاوي وراحت مع زينة الجناح....
مضاوي بفوقية : يؤ زينة بيتك نفسه لسى ماغيرتِ فيه شيء كيف بس ماهقيتها منك؟
زينة : هههههه يؤ يمه تعرفين مافضيت دراسه وقرف وبعدين سفريات والاكثر من ذا وذاك بندوري حبيبي يحب هالاثاث لاانا احم احم مختارينه بنفسنا
مضاوي ( تتذكرها كل ما تشوف زينة سعيدة ومبسوطة بحياتها) : لا يازينة خليك اكثر وعي وفكري في المظهر العام ... صاحباتك كلهم عايشات في قصور مو في سويت مثلك ومع ذا يغيروون بشكل دائم ... زينة لا يكون نسيت انت من بنته
زينة ترز عمرها : احم احم بنت الشيخ الدكتور سعود والدكتورة مضاوي
مضاوي تبتسم : ايوه ماما عفيه عليك خليك بالصورة دايم.... وبعدين اسمعيني
زينة : كلي آذان صاغيه
طلعت مضاوي كرتون وعطته زينة ..
زينة تنحت : وش ذا يمه ؟؟
ام بدر : افتحيه وتقرين
فتحت زينة الكرتون ومن شكلهم انهم حبوب .
ذهـــــــــــــــــــــو ووووووول على وجه زينة
زينة تروعت : حبوب منع حمل ليه يمه ليه ؟؟؟ انا لي سنه و زياده ولا بعد حملت وجايبة لي حبوب منع حمل بدل ما تأخذيني على اقرب دكتور نحلل ونتطمن
ام بدر ببرود اعصاب : يازينة لا تصيرين هبله اصبري بعدك صغيرة وبعدين حتى تتأكدين من رجلك اخاف اذاجبت له كذى طفل راح وشاف غيرك
زينة تبتسم لانها تذكرت بندر : لااااااااا مستحيل بندر يسويها بالعكس انا ابي اسعده تخيلي يمه حياتي معاه سعيده بس اللي منقصها ودي اسعده بضنى يشوفه ويملاء حياته كل مااناظره اتذكر ابوه بندر يالله ..متى متى يصير لي ولد او بنت كل ما اناظرهم احس اني اناظر بندر ابوهم متى ؟
( ام بدر انحشرت في الموضوع ) : لا يازينة كلامي نفذيه بالحرف الواحد وإلا بيفترسونك احنا مسافرين وانت هنا يعني احمي حالك ياشاطرة
زينة بكت لانها تذكرت ان امها مسافره بكرة عند ابوهااا
ام بدر : خلاص زينة خليك قوية عيب وابيك تحضرين الماجستر ان شالله وبعده الدكتوارة عشان تصيرين مثل امك ....
زينة : ماابي شيء لا دكتوراه ولا ماجستير ولا شيء ابيك انت وابوي بس قريبين مني..... واستمرت تبكي
ام بدر : حبيبتي احنا معاك بقلوبنا ومشاعرنا لاتخلين اليأس يهدم عمرك ....
زينة واضح انها متضايقة من حركات نسرين وتصريحاتهااا لها انها مابعد حملت
زينة : يمه تعبانه تعبانه تكفين خليك جنبي ابيك بروح معاك
امها : لا يمه عيب عشان تخلينهم يفرحون عليك مايصير تتركين بندر رجلك وتجيبن عيب يمه
( ام بدر كانت آخذه فكرة انهم يكرهون زينة لانها بنتها اهي متأكده انهم مايحبونها لكذا قررت تحمي زينة وتبعدها عنهم او بالاحرى تعلمها اسلوب الشراسه عشان يحترمونها لان فيه مبدأ يقول اللي يصير قوي وعنيف يركضون تحت رجوله الناس اما المسالم الطيب يتفلون بوجهه)
زينة تبكي وامها ماسكة يدها : زينة قلبي اهتمي برجلك وبس وياليت لو تطلعين بيت بلحالك عشان تأخذين راحنك اكثر........
زينة : أي يمه بس خبرك بندر يستلم واخاف اجلس بروحي
امها : بيأكلك الذيب ذا انت متعودة قبل الزواج تجلسين في البيت لوحدك يعني فرقت الحين
زينة : بس اخاف يزعلون مني ناظري نسرين طلبت كذا وشوفي تقريبا بيجي لها سنه وست شهور واهي هنااا
ام بدر : نسرين استغفر الله ذي مريضه نفسيا يمه لا تشغلين بالك فيهااا ظروف رجلها تختلف عن ظروف رجلك رجلها اهو ولي امر البيت والمرحوم موصيه بس انت رجلك غير
زينة : مدري بس خايفه اقوله .......
. مضاوي : اقوله انا خلاص
زينة بخوف : لااااااااااااااااااااااا اااااااا ( لانها تعرف اسلوب امها) انا بحاول اقوله
مضاوي : مابي ازورك المرة الجاية وانت بذا القرف مفهوم .... واياني واياك تترززين لي في كل مناسبة لهم او تختلطين في اللي يسوى واللي مايسوى انت غير فاهمه
((زينة جرحتها هالكلمة بنات عماني احبهم وبندر اغلى من كل الدنيا عندي بس اخاف اجرحه اذا لاحظ تغير فيني))
0000
بندر دخل الجناح شاف زينة لسى مابعد بدلت لبس الحفلة فستان فوشي قصير، وكانت تناظر التلفزيون ....
بندر : غريبة وش عنده القمر مسرح لا إستقبال و لابوسات خخخخخ
زينة ناظرت فيه : ولا شيء حبيبي سلامتك ههههه
بندر قرب لها وذب الشماغ والعقال وراه حط يدينها ورا ظهرها : افا يعني ماتبين تقولين لبندوري ( قرب عيونه لعيونها) جد حبيبي وش فيك عاد ؟
زينة تناظره : متضايقة لان امي بكرة مسافره
بندر : ههههههههههه بعدك بزر تبين انادي خالتي مضاوي ترضعك
زينة غرست اصابعها في شعره الاسود الطويل وشدته بشويش : دوري اركد
بندر دايخ خخخ : طااااايب بس تكفين شعري خلاص نقطة ضعفي بذوووب بروح فيها ههههههه
زينة طلعت اصابعهاا ومسكهن بندر وغني : وش فيك ضايق خاطرك اشوف في عيونك كلام ..
زينة بينها وبين نفسها ( لا يمه سامحيني بندر اموت فيه مستحيل اجرحه بشيء احبه واموت عليه تكفين يمه لاتخربين حياتي ولا تتحكمين فيني انا الحين متزوجة وعلى ذمة حبيب يشتري الالم ويشربه لاجلي .. ياليتك يمه تفهميني كثير تحكمت فيني ومشيت قراراتك على حسابي بس اللي يخص بندر لاا ) ويوم تذكرت بندر غمضت عيونها
بندر كان يراقبها حط يدينه على قلبها : بسم الله عليك قلبووووو ..؟ وش فيك وش اللي يتكلم بين ضلوعك شكلي بدخل والعن جده؟
زينة عيونها تدمع : لا حبيبي ولا شيء هههه ....
قرب بندر وجهه لزينة ومسح الدمعه : اموت انا على الناس اللي مسويين مافيهم شيء قلبي انا حبيبك وغطاك
(( بوس خدودها حتى انه ذاق طعم دموعهاا ))
بندر : انا لعيون زينة اجمع الدموع كلها واشربهاااا بس ارفقي علي وقولي وش فيك ياعمري روفي بحالي فديتك
زينة صدت عن بندر : ولا شيء قلبي بس صدقني سالفة ان ماما مسافرة مكدرتني
بندر بخباثة : بنسيك الكدر واعيشك اسعد ليله حتى امك بنسيك اياها الليله ههههه
"
"
"
صحت زينة الساعة عشر الصبح و حبت تنزل تسلم على خالتها وتسوي الفطور لااغلى زوج بالعالم عشان يفطرون سوا مع ام تركي
... واهي طالعه من الجناح سمعت نسرين تقول لاامها : يمه مو حاله والله اللي تزوجوا بعدهم جابوا عيال كلمي ولدك المحترم يشوف زوجته وش فيهاااا ؟
ام تركي : ماابي اتدخل في حياتهم وبعدين قصري حسك بلاش فضايح
نسرين : ياسلاااااااام يمه خير ان شاءالله ليش وش حضرتها عشان ماتفكر تجيب اولاد انا حملت بعد زواجنا بسنة كاملة ليش اهي احسن مني بأيش ؟
(زينة قلبها يضرب بقوووووه عرفت انها هي المقصوودة بس حبت تتأكد عشان ماتحب الظلم )
نسرين : يمه ذي بنت مضاوووويوه نافخة عمرها على الناس لان امها دكتورة واللي نافخها اكثر انها مااخذه زوج ولا في الدنيا مدلعها آخر دلع
زينة تبكي من داخل بقوة ودها تذرف دموع بس عجزت تبكي مشاعرها واحساسها وكل شيء في جواتها يرثي اللي سمعت.....
راحت رجعت جناحها واهي ماعندها استعداد تسمع اكثر ...؟
زينة : آآآه يمه صدقت بكل كلمة قلتيها سامحيني يايمه لاني شكيت في مصداقية نصائحك فعلا مهما جاملوني إلا انهم لابد بيوم بيجرحوني ي شوفي ذالخبله وش تقول لامهاا مع اني اطيب وحده معهاااااا والعب اطفالهااااكل يوم كل ذا بسبب الغيرة
زينة انفجرت دموعهااااا بقوة بس ماتبي تضايق بندر اللي مايتساهل كل ذاللي قاعد يصير لزينة
سمعت صوت بندر صحى راحت للحمام وحطت ماسك بالخيار على وجهها عشان مايلاحظ اثار الدموع............
بندر يتسحب بخمول متأخر على الدوام خخخ : ياصبــــــــــاح الورد والياسمين والكادي ؟
زينة : هلااااااااااااااااا حبي صباحك سكر بدري لو نمت شوي بعد ههههههه
بندر : ههههههه بسم الله خوفتيني وشذاللي انت حاطه؟
زينة : ماسك حبيبي بشرتي تعبانه من بعد السفر وبهتم فيهااا
بندر: افااااا يعني مااقدر ابوسك بوسة الصبح ....
زينة : nowhere
بندر : إلا بآخذهاااا مآخذها مآخذها لو ارابط اليوم كله هنا لو افصل من الشغل وش زين وجهي عاد سبب فصلي زوجتي رفضت تعطيني بوسة الصبح ههههههه
زينة : ههههههه عادي تصير بارقى العائلات حياتي
بندر وراها يبوس كتوفها : شوفي طلعة مانيب طالع هههه إلا بعد بوسة الصبح
زينة : لا والله عشان تفضحني نسرين الحين جلستك العادية تقول انهاااامني عاد كيف اذا رابطت كل وقتك هنا
( اول مره زينة تحس انها قالت كلام يضايق بندر ويجرحه )
بندر حس انه في شيء غلط قال بنفسه كل شيء وارد ....قرب لها ومسكها بقوه واهي ماتدري وناظر في وجهها اللي صار قريب لوجهه
بندر يناظر عيونها : كنت حاسس انك متضايقه وش فيك قولي بسرعه ؟؟؟
زينة مرتبكة من قربة و نباضتها اسرعت : ولا شيء بس عيوني كذا من تأثير الماسك حار مره وعيوني دمعت و من تأثير عيونك الحلوة هههه
بندر قرب عيونه اكثر : احلفي............... زينة فكت نفسها من بين يدينه و مشت
زينة بعصبية نوعاً ما : من متى وانا اكذب وبعدين خلاص قلت لك مافي شيء مافي شيء غصب يعني
( فقدت أعصابها زينة ولاول مره رفعت صوتها)
بندر شافها جديه شوي وتركهااا //
بندر : وش فيك متضايقه .. ماتبين تقولين انت حره بس اذا حبيت تقولين اناااا موجود دقي على جوالي أي وقت خدمة 24 ساعه ترا و فيه توصيل طلبات هههه
زينة اكتفت بإبتسامة فقط
راح الغرفة يبدل هدومه وجت زينة لانها نست تطلع لها ملابس..
بندر يبتسم : مشكورة ترى لي يدين وش قالوا لك ههههههه
زينة منحشرة مره لانها زعلت بندر ولانهااا متضايقه من كل شيء كلام امها يدق بقوة وكلام نسرين يطعن فيها طعن .... زينة ناظرت بندر وراحت ارتمت في حضنه وقعدت تبكي
بندر : كنت حاس ياقلبي بس ماابي اضايقك وتزيد ضيقتك ؟؟ فديتك ياروح بندر خلاص ياامي انت واهلي وناسي وربعي وجماعتي كلهم خلاص ترى دموعك غاليه يا عمري طلبتك لا من جد شكلك تبيني انفصل اليوم
زينة واهي تبكي وتبوس يدينه : سامحني
بندر : هههههههه وجع وش مسويه انت لا يكون بتروحين وتتركيني ( مسك يدها وباسها)
زينة تضحك : انا ماراح اخليك إلا اذا فارقت روحي الدنيا ...
قبل تكمل كلامها إلا وبندر حط يدينه على فمهاا ....
بندر بعيون عاشق محب : فال الله ولا فالك ... الله يخليك لي ولايحرمني منك ويعطيك طولة العمر بالعمل الصالح وياجعل يومي قبل يومك
زينة بكت بقووة : الله يحفظك يالغالي ويخليك لي يابعد عمري انت...
بندر بخباثة : نوني قولي اذا ذا خطه منك عشان اكنسل الشغل ههههه
زينة تضحك بس الكلام المتناقض يدق في شراراينها دق ...
وما زال بندر يخفف عنها باروع سموفينات الحنان والإحساس