ديوان الشاعر / محمد ابن الذيب "المقروءهـ" المكتوبه

المارد الشعري

المارد الشعري ليا غاب iiوالاحضر
حضروها على يديه ويزتها

الله يقطع هل الدمام ياهل الخبر
وعدت ابو ريوف بزياره ولا iiزرتها

ياريوف ليل المواجه قدر iiوالاسهر
لو انها بختياري iiماتخيرتها

وانا فراسي قصيده تدهر من ظهر
واخاف عيني تغمض مابعد iiقلتها

مادري من العيد والبرقع وسوق الجبر
والا من الجادل اللي يوم iiعينتها

رموشها تدهر جديلها iiيدهر
وثيابها كل ماهب الهواء iiبختها

ماهيب شي من الفتنه ولاهي iiبكر
لكنها من غلاها لي iiتباكرتها

وردوفها رفرف الجمس الجديد iiالحمر
مستعمله بس لي ذلحين iiماسقتها

لي احزنش عيني اللي دمعها iiمنهمر
اناعيوني على الهجران iiعودتها

والليله اللي تمر ومايجي لش iiذكر
تمر وتمر لكن مابعد iiنلتها

حتى لو اغمض عيوني غرور iiوكبر
العين ماهي تمثلني iiلاغمضتها

قالو لي اخذ اختها قلت المرابع iiدهر
ماهي ببلغا ولكني iiتبالغتها

امحق سنه عاد قلبي فيش وامحق شهر
مافيه مره بعد فرقاش iiماذقتها

وانا على شانش ازعل حكومة قطر
عجمي وقلبي خبل لابعتها iiبعتها

ان سولفت سولفت لكن iiبالمختصر
كنها تضامن مع البكمان في صمتها

اليااضحكت قلت ياربي عليك iiالصبر
واليا بكت قلت ياربي iiماصبرتها

حورية (ن)من هل الجنه وفيها iiحور
طاحت من الجنه iiالخضراءوعينتها

ياقلها يوم الد العين يم iiالخصر
وليا تعديت قلتها iiتكاثرتها

الخيل والليل والبيدا ووجه iiالفقر
تطيح من عيني اليسرى لاناظرتها

الله خلقها بشر لكن غير iiالبشر
الناس من تحتها والارض من iiتحتها

حتى هل الطائف اللي كل ليله مطر
كني مصيف بجوه iiلاتحضنتها

اليا اقبلت كنها الارهاق بعد iiالسفر
متثيقله من سحاء ولي iiتثيقلتها

يدفها الشوق دف العاصفه iiلشجر
تميل وتميل لكن تستحسن لاعدلتها

ساعة ماتزعل كنه زعلان منك بشر
ياجعلك تموت يامحمد iiمازعلتها

قالت انا الحمدلله والثناء iiوالشكر
قلت انتي اللقمه الي مابعد iiكلتها

قالت انا الموت قلت انتي عذاب iiالقبر
قالت لابالله يابن الذيب مصختها

الله عطاها شرف مريم وتقوى iiعمر
وانا ليا ذعذع الغربي iiتوسدتها

بس اعذروني لي غنيت ياهل iiقطر
الله يغفر ذنوبي يوم iiحللتها

ماهوب جنون الغنم ولا جنون البقر
شاعر وعندي قصيده زينه iiوقلتها

قولو لها لاترويني نجوم iiالظهر
اما ترد الخبر والا عشقت iiاختها





الصدر ضايق


الصدر ضايق وصبري يا حسن iiطوّل
ودي أغادر ولو في وسط غواصه

انا اشهدني مااحب العالم iiالأّول
ماغير كاسِ يابو ماجد iiورقاصه

حضاره زايفه واعلام iiمهوّل
حتى البزر يرضع الوسكي iiبمصاصه

صحيح فيها الجمال وجوها iiيهوّل
وقفِ لاهلها وحنا بس بصاصه

شفي مع لابتي شيبان iiومعوّل
ربع نهار الوغى للروس iiقناصه

نصبر على الحرب ونصاليه iiلاطوّل
وقت مضى محتمين هجر iiوخلاصه

حنا هل الطايله ذلحين iiومنوّل
من طاح في نحورنا يا صعب مخلاصه

صغيرنا يحتمي الميقاف iiلاحوّل
لو الفخر وسط جوف البحر iiلاغاصه

للكايده نتعب الرجلين iiونهرول
يوم ان ولد الردي رجليه iiلواصه

نتعب على الطيب لجل المركز iiالاول
ندعس طريق الخطر ماقيل حواصه

عن لابتي نايب للشعر ومخوّل
قصيدي الجزل جلسني على ماصه