# يا جارح إحساس المحبة #

ياجارح احسـاس المحبـه / سلامـات ؟
تجرح وتسرح.. والمحـبه كما هـي !

ذبحـتني بمحبتك عـشـر مـرات
على الرغم من ذبحتك ..هـذا انا حي !

من قـبل لا اقابـلك ..ماتعـشـق الذات
ومن يوم شفتك / صادروني هل الغـي

وقطعت مـن شانك ..جمـيع العلاقات
وطوتني الدنيا.. عـلى طاعـتك طـي

اعشـقك واحـبك.. واداريـك بـسـكات
كثر الجروح اللي تجـي مـن يـدك فـيّ

ومن كثر حبك.. لا لفت مـنك كـيّات
اقـول لك:- مسموح واقبل الكـي

بخـيّرك.. ولـك الأمـر بالخـيارات
امـا تجيني لـي.. ولا تجـي لي !

لاتحـسـب اللي بـينـا بالمـسـافـات
وانت اقرب لثوبـي ..من مسكـة ايـدي

بسهـر مـعك ..والليل قـلّه سـهـالات
ماني بخـايـف عتمته.. دامـك الضـي

سبحـان مـن بيـديـه سـبع السـماوات
خلا../ عيونك شمـس.. ورموشـك الفـي

كتـبت فـيـك ابيـات وابيـات وابـيات
وإليـا لقيتك قلـت لاوالله / شــوي !

ميّـت.. ولـكن مـاني ضـمن الأمـوات
مـيّت بحـبك ..وانـته تشـوفني حــي

وإن كـان حـبـي مـات.. لـيه المعانات؟
انا بروح امـوت / تامـر علـى شـئ ؟!